Morgunblaðið - 27.01.2001, Page 8

FRÉTTIR
8 LAUGARDAGUR 27. JANÚAR 2001 MORGUNBLAÐIÐ
Ráðstefna í Ráðhúsinu
Eiga konur
áhyggjulaust
ævikvöld?
RÁÐSTEFNA á veg-um Kvenréttinda-félags Íslands
verður haldin í dag í Ráð-
húsi Reykjavíkur og hefst
klukkan 13. Þar verður
fjallað um málefni eldri
kvenna undir yfirskrift-
inni: Eiga konur áhyggju-
laust ævikvöld? „Það vill
svo til að þessa ráðstefnu
ber upp á 94 ára afmælis-
dag Kvenréttindafélags Ís-
lands,“ sagði Hólmfríður
Sveinsdóttir sem er vara-
formaður félagsins og nú
starfandi formaður.
„Á þes2sari ráðstefnu
verða flutt fjögur erindi.
Sigríður Jónsdóttir félags-
fræðingur mun fjalla um
norræna rannsókn sem
hún tók þátt í um konur á
efri árum. Sigurbjörg Björgvins-
dóttir, forstöðukona félagsstarfs
aldraðra í Kópavogi, fjallar um
„Kópavogsmótelið“ og eldri kon-
ur. Bjarnfríður Leósdóttir, fyrr-
verandi kennari og verkalýðsfor-
kólfur á Akranesi, flytur erindi
sem hún nefnir: Hvar eru konurn-
ar í verkalýðshreyfingunni? Loks
flytur Gunnar Páll Pálsson, hag-
fræðingur hjá Verslunarmanna-
félagi Reykjavíkur, erindi um
starfslok og atvinnuöryggi
kvenna. Síðast en ekki síst mun
Valgerður Sverrisdóttir, iðnaðar-
og viðskiptaráðherra, flytja ávarp.
Ráðstefnustjóri okkar er enginn
annar en Flosi Ólafsson, leikari og
„stórbóndi“.“
– Verða skemmtiatriði á dag-
skrá ráðstefnunnar?
„Eftir framsöguerindin ætlar
hið síunga Söngfélag Félags eldri
borgara í Reykjavík að syngja
nokkur lög. Að loknu kaffihléi eftir
sönginn verður ráðstefnugestum
gefinn kostur á að taka þátt í starfi
þriggja vinnuhópa. Að lokinni
þeirra vinnu munu hópstjórar
kynna niðurstöður hópanna og
ályktanir ef um þær verður að
ræða. Meðan á því stendur verður
boðið upp á léttar veitingar.“
– Eru efri ár kvenna mjög brýnt
umfjöllunarefni?
„Já, það myndi ég segja og sjálf-
sagt hefur of lítið verið fjallað um
þau. Þetta er ekki einkamál þeirra
sem nú þegar eru að komast eða
eru komnar á eftirlaunaaldur, það
á vonandi fyrir okkur flestum að
liggja að komast á þennan aldur.“
– Eiga konur áhyggjulaust ævi-
kvöld?
„Það er allur gangur á því en ég
held að því sé ekki svo farið með
þær allar og raunar ekki alla karl-
menn heldur.“
– Hvað er það sem helst veldur
konum erfiðleikum á elliárum?
„Heilsubrestur er kannski það
sem erfiðast er að ráða við. Fjár-
hagserfiðleikar og slæm félagsleg
staða er hlutskipti of margra. Í því
er sitthvað hægt að gera og það
má ráða að hluta til við
heilsuvandann. Konur
nota meira heilbrigðis-
þjónustu en karlar og
kannski má með fyrir-
byggjandi aðgerðum
draga úr þörf þeirra
fyrir læknisþjónustu á
efri árum. Á þessari ráðstefnu
munum við fjalla einmitt um þess-
ar spurningar í vinnuhópunum út
frá mismunandi sjónarhornum.“
– Er áhugi á málefnum eldri
kvenna í samfélaginu?
„Ég held að hann sé of lítill.
Þegar við vorum að undirbúa
þessa ráðstefnu kom í ljós að yngri
konur töldu sig ekki eiga erindi á
ráðstefnuna, sem er mikill mis-
skilningur. Æskudýrkunin er mik-
il hjá okkur hér á landi eins og
annars staðar í hinum vestræna
heimi, þú sérð ekki mikið af eldri
konum í fjölmiðlum en marga eldri
karla. Sú mynd er dregin upp í
fjölmiðlum að karlar verði virðu-
legir með aldrinum en konur fá
hreint ekki sömu stöðu þegar ald-
urinn færist yfir.“
– Hefur Kvenréttindafélagið í
hyggju að skera upp herör gegn
svona viðhorfum?
„Við viljum gera okkar til að
breyta þessu en það verða fleiri að
leggjast á árarnar með okkur.“
– Er ímynd hinna eldri of nei-
kvæð að þínu mati?
„Það hugsa margir í dag, eink-
um konur, með kvíða til þess að
verða fullorðnir. Það er slæmt þar
sem við eigum að geta átt
áhyggjulaust ævikvöld.“
– Hvað getum við gert til að
sem flestir eigi áhyggjulaust ævi-
kvöld?
„Ég held að samfélagið geti bú-
ið betur að hinum öldruðu á ýmsan
hátt og verði að gera það. Nú eru
of langir biðlistar eftir plássum á
heimilum fyrir eldra fólk sem ekki
getur lengur verið á heimili sínu.
Einnig þyrfti að endurskoða líf-
eyriskerfið. Svo getur hver og
einn skoðað sinn eigin huga –
hvort hann sinni nægilega vel
þeim sem honum standa næst og
eru orðnir aldraðir.
Þetta er mikilvægt.“
– Er starfsemi hins
94 ára Kvenréttinda-
félags blómleg um
þessar mundir?
„Já. Fyrir utan svona
ráðstefnur og fundi
stöndum við vörð um jafnréttismál
á öllum sviðum og látum okkur
ekkert óviðkomandi hvað það
varðar. Kvenréttindafélagið er
ekki eingöngu fyrir konur, þetta
er jafnréttisfélag og í því eru
nokkrir karlar. Þessi ráðstefna í
dag er öllum opin, konum og körl-
um, ungum sem öldnum.
Hólmfríður Sveinsdóttir
 Hólmfríður Sveinsdóttir fædd-
ist á Akranesi 18. júní 1967. Hún
lauk stúdentsprófi frá Fjöl-
brautaskóla Vesturlands og lauk
BA-prófi frá Háskóla Íslands í
stjórnmálafræði með fjölmiðla-
fræði sem aukagrein. Hún starf-
aði á Vinnumálastofnun frá út-
skrift þar til í maí sl. en starfar
nú á Iðntæknistofnun sem verk-
efnisstjóri á fræðslu- og ráðgjaf-
ardeild. Hún er um þessar mund-
ir starfandi formaður Kven-
réttindafélags Íslands.
Samfélagið
getur búið
betur að hin-
um öldruðu á
ýmsan hátt
FÉLAG sérleyfishafa hefur komið
að þeirri endurskipulagningu á fyr-
irkomulagi sérleyfa til fólksflutn-
inga sem samgönguráðuneytið hef-
ur verið að vinna að og greint var
frá í Morgunblaðinu í vikunni.
Oddur Einarsson, framkvæmda-
stjóri BSÍ, hefur komið að málinu
fyrir hönd félagsins og í samtali við
Morgunblaðið sagði hann það óhjá-
kvæmilegt að samþjöppun ætti sér
stað í greininni til að ná fram hag-
kvæmni í rekstrinum og sérleyfum
yrði því fækkað í framtíðinni. Færa
þyrfti reksturinn til nútímalegra
horfs.
Oddur benti á að hin síðari ár
hefðu nokkrir smærri sérleyfishaf-
ar hætt starfsemi og stærri fyr-
irtæki tekið við þeirra sérleyfum.
Einnig hefðu fyrirtæki sameinast í
ákveðnum landshlutum og benti
Oddur þar á Austurleið og SBS
sem sinntu áætlunarferðum um
Suðurland og austur á firði. Í raun
eru sérleyfishafar færri en fram
hefur komið í blaðinu, eða 21 en
ekki 24, en þær upplýsingar voru
frá Vegagerðinni sem sér um út-
gáfu sérleyfa.
Sérleyfishafar í viðræðum um
samstarf eða samruna
Oddur sagði að eins og sam-
gönguráðherra hefði bent á í
Morgunblaðinu væri ákveðið óhag-
ræði í rekstri sérleyfishafa á áætl-
unarleiðum. Fullur skilningur væri
á því innan félagsins að stokka
kerfið upp þannig að stuðningur
ríkisins yrði réttlætanlegur. Marg-
ir sérleyfishafar væru óhressir
með þá slæmu afkomu sem áætl-
unarferðirnar skiluðu.
Samgönguráðuneytið hefur ekki
lokið endurskipulagningu á veit-
ingu sérleyfa en að sögn Odds
mætti helst vænta breytinga á sér-
leyfum vegna leiða frá Reykjavík
og til Vesturlands, Vestfjarða og
Norðurlands. Á þessum svæðum
væru fleiri en einn sérleyfishafi að
störfum á svipuðum leiðum. Í því
sambandi upplýsti Oddur að sér-
leyfishafarnir væru í viðræðum um
hugsanlega samvinnu eða sam-
runa.
Samþjöppun er
óhjákvæmileg
Talsmaður Félags sérleyfishafa um fækkun sérleyfa
GAGNGERAR endurbætur standa
nú yfir á fyrstu hæð Radisson SAS
Hótel Sögu. Verið er að endurnýja
gestamóttöku hótelsins, veit-
ingasalurinn Skrúður stækkaður
og Mímisbar breytt úr dansstað í
píanóbar og koníaksstofu. Hrönn
Greipsdóttir, hótelstjóri á Sögu,
segir að lítið hafi verið hreyft við
innréttingum á fyrstu hæð hótels-
ins frá því það var opnað í júlí
1962 og því hafi verið tímabært að
færa húsnæðið í nútímalegra horf
þar sem nýjum tíðaranda og al-
þjóðastraumum væri fylgt.
Christian Lundvall innanhúss-
arkitekt hannaði breytingarnar en
hann hefur unnið mikið við Radis-
son SAS-hótelkeðjuna. Spurð
hvort einhverjar skipulagsbreyt-
ingar hefði þurft að gera á rekstr-
inum meðan á framkvæmdum
stæði sagði Hrönn að gestamót-
takan væri til bráðabirgða í norð-
urenda jarðhæðar hússins en allar
breytingar hefðu verið skipulagð-
ar með það að leiðarljósi að gestir
hótelsins fyndu sem minnst fyrir
þeim.
Stefnt er á að opna fyrstu hæð-
ina að nýju eftir breytingarnar í
mars.
Hótel
Saga færð
í nýjan
búning
Morgunblaðið/Árni Sæberg
Þegar neyðin er stærst er hjálpin næst.