Morgunblaðið - 20.03.2001, Page 1

66. TBL. 89. ÁRG. ÞRIÐJUDAGUR 20. MARS 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 20. MARS 2001
Utanríkisráðherra Makedóníu,
Srdjan Kerim, sagði í gær að stjórn
sín væri sátt við ráðstafanir NATO
og að hún færi ekki fram á að banda-
lagið hæfi aðgerðir í Makedóníu
gegn uppreisnarmönnum.
Forseti Rússlands, Vladímír Pút-
ín, segir að til greina komi að senda
alþjóðlegt herlið til Makedóníu til að-
stoðar stjórnvöldum í Skopje ef þörf
krefji. Á fundi utanríkisráðherra
Rússlands, Ígors Ívanovs, og Vojisl-
avs Kostunica, forseta Júgóslavíu, í
Belgrad sagði hinn síðarnefndi að
Kosovo væri orðið að „helstu upp-
sprettu hryðjuverka“ á Balkan-
skaga. Evrópusambandið fordæmdi
í gær árásir skæruliðanna og sagði
að ekki væri hægt að líða að þeim
væri veitt aðstoð af nokkru tagi,
Makedónía yrði áfram eitt ríki og
landamærunum yrði ekki breytt.
Virtist hafa dregið
úr átökum
Makedóníustjórn sendi í gær-
morgun skriðdreka og aukinn her-
afla til Tetovo í landamærahéruðun-
um en þar hefur verið barist
undanfarna daga. Svo virtist sem
dregið hefði úr átökunum í gær-
kvöldi. NATO hefur þegar fjölgað í
gæsluliðinu í Kosovo við makedón-
ísku landamærin en um 3.000 manna
lið bandalagsins í Makedóníu hefur
ekki umboð til beinna hernaðarað-
gerða þar. Stjórn George W. Bush
Bandaríkjaforseta lýsti í gær yfir
stuðningi við einingu Makedóníu en
sagðist ekki styðja þá hugmynd að
gæsluliðið í Kosovo léti til sín taka
handan landamæranna.
Einn af stjórnmálaflokkum Al-
bana í Makedóníu á aðild að ríkis-
stjórn og segir að flokksmenn reyni
eftir mætti að stuðla að friði á Tet-
ovo-svæðinu og lægja öldurnar.
„Við erum enn bjartsýn á að hægt
sé að leysa málið með samningum og
viðræðum,“ sagði talsmaður flokks-
ins, Zekir Bekteshi. Forsætisráð-
herra Makedóníu, Ljubco Georg-
ievski, var á sunnudag hvassyrtur í
garð Þjóðverja og Bandaríkjamanna
sem eru með friðargæsluliða við
landamæri Kosovo og Makedóníu.
„Þið sannfærið okkur ekki um að
stjórnir ykkar viti ekki hverjir
stjórna þessum glæpaflokkum og
getið heldur ekki sannfært okkur um
að útilokað sé að stöðva þá,“ sagði
ráðherrann.
Skæruliðarnir, sem nú berjast við
Tetovo og fleiri borgir í landamæra-
héruðunum, krefjast þess meðal
annars að Makedónía verði sam-
bandsríki þar sem kveðið verði á um
jafnan rétt þjóðarbrotanna.
Javier Solana, talsmaður ESB í
utanríkis- og varnarmálum, kom til
Skopje, höfuðborgar Makedóníu, í
gær til viðræðna við ráðamenn. „Of-
beldi er óverjandi,“ sagði Solana og
hét því að sambandið myndi veita
stjórn landsins aðstoð við að koma í
veg fyrir upplausn.
NATO og ESB fordæma árásir albanskra skæruliða í Makedóníu
Gæslulið í Kosovo herð-
ir eftirlit við landamæri
Reuters
Makedónískur lögreglumaður skýtur á andstæðinga úr röðum al-
banskra uppreisnarmanna í Tetovo í gær.
FRIÐARGÆSLULIÐ Atlantshafsbandalagsins (NATO) í Kosovo herðir nú
mjög aðgerðir sínar til að hindra aðdrætti albanskra skæruliða sem berjast
gegn lögreglu og stjórnarher í Makedóníu. Að sögn Robertsons lávarðar,
framkvæmdastjóra NATO, er bandalagið staðráðið í að „koma í veg fyrir að
þessi litli öfgahópur geti aflað sér búnaðar“ til að halda áfram að berjast. Hann
gaf í skyn í gær að samstarf yrði haft við her Makedóníu um aðgerðirnar.
Tetovo, Skopje, Brussel, Belgrad. AP, AFP, The Daily Telegraph, Reuters.

Makedóníumenn kalla/28
NICK Brown, landbúnaðarráðherra
Bretlands, gaf í gær starfssystkinum
sínum frá hinum Evrópusambands-
löndunum fjórtán skýrslu um ráð-
stafanir þær sem brezk stjórnvöld
hafa gripið til í því skyni að stemma
stigu við útbreiðslu gin- og klaufa-
veiki. Sumir ráðherranna vöktu máls
á þeim möguleika að teknar yrðu
upp bólusetningar klaufdýra gegn
þessum bráðsmitandi búfjársjúk-
dómi.
Engar ákvarðanir voru teknar um
gin- og klaufaveikimál á mánaðar-
legum fundi ESB-landbúnaðarráð-
herranna í gær, en þeir voru áfjáðir í
að heyra hvernig Bretar hygðust
stöðva útbreiðslu veikinnar með
fjöldaslátrun gripa, sýktra sem
ósýktra, á þeim svæðum þar sem
flest tilfelli veikinnar hafa greinzt.
Gin- og klaufaveiki hefur nú orðið
vart á alls 334 brezkum býlum. Tals-
menn brezkra bænda telja að komi
þessar boðuðu aðgerðir til fullra
framkvæmda muni það kosta allt að
milljón gripi lífið.
Embættismenn ESB staðfestu, að
nokkrir ráðherranna hefðu vakið
máls á möguleikanum á bólusetn-
ingu, en enginn þeirra var á því, að
það væri sú leið sem skynsamlegast
væri að fara eins og mál standa nú.
Einstaka fulltrúar lýstu sig almennt
fylgjandi því að snúið yrði aftur til
bólusetninga við gin- og klaufaveiki,
eftir að faraldurinn væri genginn yf-
ir. Ráðamenn ESB hafa fram að
þessu útilokað bólusetningu við gin-
og klaufaveiki þar sem hún væri of
dýr, það væri of mikil hætta á að hún
skilaði ekki árangri og myndi hafa
varanleg neikvæð áhrif á markaðs-
mál. Í flestum löndum er innflutn-
ingur á bólusettum dýrum og afurð-
um af þeim bannaður.
Gin- og klaufaveiki á dagskrá ráðherrafundar ESB
Hugmyndir um bólu-
setningu ræddar
Lundúnum, Brussel. Reuters.
ARIEL Sharon, forsætisráðherra
Ísraels, átti í gær fund með Colin
Powell, utanríkisráðherra Banda-
ríkjanna, en hann er nú í tveggja
daga opinberri heimsókn til Banda-
ríkjanna. Sharon mun í dag hitta
George W. Bush Bandaríkjaforseta
að máli í Washington.
Á alþjóðavettvangi hefur Sharon
gjarnan verið álitinn einn helsti
fulltrúi viðhorfa sem hindrað hafa
friðarsamninga við Palestínumenn,
en búist var við að forsætisráð-
herrann myndi freista þess að gefa
aðra mynd af sér í heimsókninni til
Bandaríkjanna.
Reuters
Sharon í Washington
Washington. AFP, AP.
TYRKNESKA stjórnin sam-
þykkti í gær umfangsmikla
áætlun er hljóðar upp á nýjar
umbætur í
stjórnmálalífi,
efnahagsmál-
um og réttar-
kerfinu. Miða
þessar um-
bætur að því
að Tyrkland
fái aðild að
Evrópusam-
bandinu er fram líða stundir.
Mikil efnahagskreppa er í
landinu, og heita ráðamenn því
að takast jafnframt á hendur
umbætur í stjórnmálum og
efnahagslífi. „Meginmarkmið
okkar er að hefja samningavið-
ræður [um aðild] sem fyrst,“
sagði Mesut Yilmaz, aðstoðar-
forsætisráðherra landsins.
„Ríkisstjórnin er staðráðin í að
gera allt sem þarf til að ná því
markmiði.“
Yilmaz mun leggja áætlunina
fyrir tyrkneska þingið í dag, og
utanríkisráðherrann, Ismail
Cem, mun kynna hana fyrir
leiðtogum ESB í Brussel nk.
mánudag. Þótt líklegt sé að
áætlunin fullnægi ekki öllum
kröfum sambandsins er hún
skref í átt að félagslegum um-
bótum og aðild að ESB.
Þá er í áætluninni heitið að-
gerðum gegn pyntingum, en
talið er að þær séu enn út-
breiddar í Tyrklandi. Einnig er
gefið í skyn að lögð verði drög
að því að tryggja réttindi
Kúrda í landinu, en það er
krafa sem ESB hefur lengi
gert.
Tyrkland
ESB-
áætlun
sam-
þykkt
Ankara. AP.
Mesut Yilmaz