Morgunblaðið - 20.03.2001, Blaðsíða 39

vegar sé það greinilegt þar sem tvö
eða fleiri systkini eru í sama skóla að
minna sé um að þau kaupi máltíð í
skólanum. „Þótt það kosti líka að gefa
börnunum að borða heima, þá er þessi
kostnaður við mataráskrift að mörgu
leyti viðbót við matarkostnað heimil-
anna. Mánaðaráskrift kostar 4.000 kr.
fyrir hvert barn og það gefur augaleið
að þeir sem eru með mörg börn á
grunnskólaaldri þurfa að leggja út
töluverða peninga í þennan lið,“ segir
Lára.
Myllubakkaskóli
Vilhjálmur Ketilsson, skólastjóri
Myllubakkaskóla í Keflavík, segir það
mikla bót fyrir þau börn sem fá að
borða í skólanum að geta keypt sér
heita máltíð, en enga bót fyrir hina
sem ekkert fá. Vilhjálmur telur að Ís-
lendingar ættu að horfa til þess fyr-
irkomulags sem ríki á hinum Norð-
urlöndunum, þar sem allir nemendur
fái að borða í skólanum óháð fjárhag
eða stöðu foreldra þeirra í samfélag-
inu. Hann sagði það hafa marga kosti,
m.a. sé í fyrsta lagi hagkvæmara að
elda alltaf fyrir sama fjölda, greiðslu-
fyrirkomulagi sé þannig háttað að for-
eldrar grunnskólabarna greiði fyrir
þessa þjónustu í formi skatta og þá
þurfi nemendur ekki að vera með
áskriftarkort sem þau þurfi ávallt að
sýna þegar þau fá matinn sinn, og
kemur fyrir að þau gleymi heima.
Vilhjálmur sagði að eftir að hafa
heimsótt skóla í Svíþjóð og séð hvern-
ig þeir skipulögðu sín hádegishlé álíti
hann að það sé skynsamlegra. And-
rúmsloftið verði mun afslappaðra við
að raða bekkjardeildum niður á há-
degið, þannig að deildirnar komi hver
á fætur annarri í hádegismat, en ef
mörgum nemendum sé stefnt á sama
tíma niður í matsal til þess að standa í
biðröðum og við leit og götun á kortinu
sínu. „Það er greinilegur munur á milli
mánaða hvað nýtingu varðar,“ segir
Vilhjálmur. „Fyrstu fjóra mánuði
vetrarins var meðalnýting um 60% og
Morgunblaðið/ÞorkellÍ Reykjanesbæ er boðið upp á
heita máltíð í öllum skólum.
Í þessum skóla borða nemendur
saman í matsal í hádeginu.
fór allt upp í 75% þegar eitthvað vin-
sælt var í matinn. Í janúar og febrúar
datt nýtingin hins vegar niður í 50%
og allir vita hvað heimilin eru að tak-
ast á við eftir jólin. Ég vil sjá það ger-
ast að grunnskólar á Íslandi geti boðið
upp á mat fyrir alla nemendur í skól-
unum, en ekki þannig að einhverjir
nemendur hafi stundað sinn skóla í tíu
ár og aldrei fengið að borða þar heita
máltíð nema þegar skólinn bauð upp á
eitthvað við hátíðleg tækifæri,“ segir
Vilhjálmur Ketilsson, skólastjóri
Myllubakkaskóla.
Kópavogur
„Hjá okkur er það stefnan að koma
upp svokölluðum móttökueldhúsum í
öllum skólum í Kópavogi, þannig að
keyptur er matur af þriðja aðila,“ seg-
ir Kristinn Kristjánsson, fræðslu-
stjóri Kópavogs. Hann segir þá fram-
kvæmd ekki vera langt komna þar
sem ekki sé nein eldhúsaðstaða í eldri
skólunum en vel tækjum búin eldhús
eru og verða í öllum nýjum skóla-
byggingum. Fullbúið móttökueldhús
sé nú þegar komið í þrjá af átta skól-
um Kópavogs en alls staðar sé til sölu
bæði brauðmeti og mjólkurvörur og
hafi verið til langs tíma. Þar sem mót-
tökueldhúsin séu nýtilkomin sé ekki
komin mikil reynsla á matarfyrir-
komulag en það er í umsjá hvers skóla
fyrir sig hvernig því er háttað.
Í Lindaskóla er nýfarið að bjóða
nemendum 1.–4. bekkjar upp á heita
máltíð í hádeginu. Þeim gefst kostur á
að kaupa matinn í áskrift og geta valið
hvort þeir vilja heitan mat, brauð og
ávöxt eða jógúrt.
Foreldrar yngri barnanna velja
langflestir þann kostinn að kaupa mat
í skólanum þótt alltaf sé eitthvað um
að börn komi með smurt nesti að
heiman. Allir eldri nemendur geta
keypt sér brauð, ávaxtadrykk og
mjólkurvörur í skólanum.
Einnig er boðið upp á morgun-
hressingu sem er jógúrt, brauð,
ávöxtur eða drykkur. Eins og þessu
er nú háttað í Lindaskóla borða nem-
endur inni í skólastofunum og hafa til
þess um 20 mínútur. Þá hafa þeir fyrr
um morguninn verið í útivist í hálf-
tíma.
Guðrún Soffía Jónsdóttir, aðstoðar-
skólastjóri Lindaskóla, segir að þrátt
fyrir nýja mataraðstöðu í anddyri
skólans hafi kennarar kosið að nem-
endur snæði nestið sitt í skólastofun-
um. „Það myndast oft notalegur tími
þar sem hægt er að nýta til þess að
tala saman eða lesa í góðri bók,“ sagði
Guðrún.
’ Allir nemend-ur fái að borða í
skólunum óháð
fjárhag eða stöðu
foreldra þeirra í
samfélaginu ‘
MENNTUN
MORGUNBLAÐIÐ ÞRIÐJUDAGUR 20. MARS 2001 39
Rafræn skráning hlutabréfa
Þormóðs ramma - Sæbergs hf.
Þriðjudaginn 27. mars 2001 verða hlutabréf Þormóðs ramma - Sæbergs hf. tekin til rafrænnar skrán-
ingar hjá Verðbréfaskráningu Íslands hf. Frá þeim tíma ógildast öll hin áþreifanlegu hlutabréf í félag-
inu í samræmi við heimild í ákvæði II, í lögum nr. 131/1997, um rafræna eignaskráningu verðbréfa,
sbr. 6. gr. laga nr. 32/2000, um breytingar á ýmsum lögum vegna tilkomu rafrænnar skráningar á verð-
bréfum, og reglugerð nr. 397/2000, um rafræna eignaskráningu verðbréfa í verðbréfamiðstöð.
Hér með er skorað á alla eigendur ofangreindra hlutabréfa, sem telja nokkurn vafa leika á því að eign-
arhald þeirra sé réttilega fært í hlutaskrá Þormóðs ramma - Sæbergs hf. að staðreyna skráninguna með
fyrirspurn til skrifstofu Þormóðs ramma - Sæbergs hf. á Aðalgötu 10, Siglufirði, fyrir nefndan dag.
Ennfremur er skorað á alla þá, sem eiga takmörkuð réttindi til ofangreindra hlutabréfa, s.s veðréttindi,
að koma þeim á framfæri við fullgilda reikningsstofnun, sem gert hefur aðildarsamning við Verðbréfa-
skráningu Íslands hf., fyrir nefndan dag.
Að lokinni rafrænni skráningu geta hluthafar falið reikningsstofnun, sem gert hefur aðildarsamning við
Verðbréfaskráningu Íslands hf., umsjón með eignarhlut sínum í félaginu. Hluthöfum félagsins verður
nánar kynnt þetta bréfleiðis.
Stjórn Þormóðs ramma - Sæbergs hf.
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni