Morgunblaðið - 24.03.2001, Blaðsíða 24

LANDIÐ
24 LAUGARDAGUR 24. MARS 2001 MORGUNBLAÐIÐ
Egilsstöðum - Tónlistarskóli Aust-
ur-Héraðs er 30 ára um þessar
mundir. Af því tilefni stendur skól-
inn fyrir fjölbreyttum tónlistar-
viðburðum fram á vorið.
Morgunblaðið hitti þá Magnús
Magnússon skólastjóra og Jón Guð-
mundsson aðstoðarskólastjóra að
máli og innti þá fyrst eftir við-
burðum afmælisársins.
Sögðu þeir að þegar væru þrenn-
ir tónleikar afstaðnir, en næst væri
komið að flutningi á Karnivali dýr-
anna eftir Saint-Saëns í marslok. Þá
ætlar rafmagnsdeild skólans að
vera með tónleika kringum páska
og auk sérstaks kynningardags fyr-
ir almenning verður slegið upp
balli, en ekkert vildu þeir frekar
gefa upp um það og urðu heldur
leyndardómsfullir á svip báðir
tveir.
Skapandi og frjótt andrúmsloft
Tónlistarskólinn, sem upphaflega
var kenndur við Héraðið, var stofn-
aður árið 1971 að frumkvæði Tón-
listarfélags Fljótsdalshéraðs, sem
enn er vel við lýði. Skólinn hefur
farið í gegnum miklar breytingar
frá stofnun. Frá því að vera skóli
alls Héraðsins varð hann tónlist-
arskóli Egilsstaða og nú síðast
Austur-Héraðs eftir sameiningu
sveitarfélaga á Héraði á síðustu öld.
Tíu kennarar starfa nú við skól-
ann og nemendur eru rúmlega 160
talsins. Auk hljóðfærakennslu er
boðið upp á söngnám og kórstarf.
Kennaraflóran er fjölbreytt og má
til dæmis nefna bandaríska bari-
tónsöngvarann Keith Reed, sem
stjórnað hefur Óperustúdíói og
Kammerkór Austurlands, við góð-
an orðstír. Einnig Bretann Charles
Ross, sem nýverið flutti, ásamt
kammerhópnum Stelknum, frum-
samin tónverk sín á Myrkum mús-
íkdögum í Reykjavík. Auk þeirra
hafa margir kennarar skólans
skapað sér nafn á tónlistarsviðinu.
Magnús segir kennaralið skólans
vera einstakt í sinni röð, hjá því ríki
mikill metnaður og skapandi og
frjótt andrúmsloft einkenni allt
skólastarfið.
Magnús hefur verið skólastjóri
Tónlistarskólans frá stofnun. Hann
kemur úr mikilli tónlistar-
fjölskyldu, en báðir bræður hans,
þeir Sigursveinn og Örn, eru tón-
listarmenn. Sigursveinn D. Krist-
insson tónskáld, sem stofnaði Tón-
skóla Sigursveins D. Kristinssonar,
var móðurbróðir þeirra. „Það hafði
mikið að segja í okkar uppeldi að
alltaf var talað með virðingu um
listir og þá ekki síst um tónlistina,“
segir Magnús um tónlistarhneigð
þeirra bræðra.
Frá Leipzig til Egilsstaða,
með viðkomu á Ólafsfirði
Magnús var við nám í kórstjórn,
píanó- og básúnuleik við Tónlist-
arháskólann í Leipzig. Hann kom
heim árið 1965 og flutti þá til Ólafs-
fjarðar með konu sinni, Helgu Ruth
Alfreðsdóttur. Þar stofnaði hann
ásamt fleirum tónlistarskóla. Sex
árum síðar fluttust þau til Egils-
staða, þar sem Magnús tók við
skólastjórastöðu og Helga, sem er
íþróttafræðingur frá Íþróttaháskól-
anum í Leipzig, fór að kenna og
þjálfa frjálsar íþróttir hjá Ung-
menna- og íþróttasambandi Austur-
lands.
Þegar tónlistarkennarinn flutti
austur á Hérað átti auðvitað að
þjóðnýta hann á alla enda og kanta.
„Einn af skemmtilegri fundum sem
ég hef setið,“ segir Magnús, „var í
Tónlistarfélaginu nokkrum dögum
eftir að ég kom fyrst austur. Þar
vildu allir fá sitt. Karlakórinn og
kirkjukórinn, ég átti að stofna
lúðrasveit, vera organisti og stjórna
og kenna við tónlistarskólann. Ég
setti nú mörkin við að ég myndi að
svo stöddu ekki taka að mér karla-
kórinn né spila í kirkjunni. En ég
hef alla tíð kennt við skólann. Var
þrátt fyrir allt um tíma organisti
við Egilsstaðakirkju og stofnaði og
stjórnaði Tónkórnum þau tíu ár
sem hann starfaði.“
Jón Guðmundsson kom austur í
Hallormsstað fyrir 13 árum til að
kenna þar við barnaskólann. Hann
nam þverflautuleik við Tónlistar-
skólann í Reykjavík og er nú í fram-
haldsnámi á það hljóðfæri jafnhliða
tónlistarkennslu og aðstoð-
arskólastjórastarfinu. Jón hefur
einnig fengist við skáldskap og
myndlist og þykir efnilegur.
Alvörusamfélag
með alvöru listalífi
Hann segir þau stórvirki sem til
dæmis Keith Reed sé að vinna í
austfirsku tónlistarlífi eiga sér
grunn í Tónlistarskólanum. „Kenn-
arar og nemendur eru að taka þátt í
þessu og þeir sem hafa getu til fá að
vera með og hljóta þar af leiðandi
dýrmæta þjálfun. Svo ég tali bara
fyrir mig hef ég hér fengið tækifæri
til að spila í alls konar tónverkum
og hljómsveitum, við hlið úrvals-
hljóðfæraleikara sem sumir eru
nemendur en aðrir atvinnumenn í
sínu fagi. Þetta er ómetanlegt og
maður fengi aldrei svo fjölbreytta
reynslu sem nemandi eða kennari í
Reykjavík, svo dæmi sé tekið. Því
má svo alls ekki gleyma að Magnús
hefur á sínum 30 ára ferli hér staðið
fyrir mörgum glæsilegum upp-
færslum og tónlistarviðburðum,
sem einnig hafa orðið til vegna kjöl-
festu skólans.“
Magnús segir draumsýn sína
hvað skólann snertir þá, að það tak-
ist að gera hann að stofnun sem
horft er til og njóti virðingar. Skól-
inn dragi fólk að sveitarfélaginu.
„Þá vona ég að tónlistarskólanum
takist að mennta almenning í tón-
list. Það er ósköp gott að hafa sinn
Azhkenazy eða Kristján Jóhanns-
son og aðra sem skara fram úr, en
aðalmálið finnst mér þó vera að al-
menningur læri til tónlistar. Læri
að njóta hennar og taka þátt í
henni.“
„Ég held að Tónlistarskóli Aust-
ur-Héraðs hafi forystuhlutverki að
gegna í sambandi við menning-
arlega ásýnd sveitarfélagsins,“ seg-
ir Jón. „Í gamla daga þegar Ísa-
fjörður hafði Ragnar H. Ragnar
vissu allir að þar var stunduð menn-
ing og þannig er það enn þann dag í
dag. Ég myndi vilja sjá að þegar
fólk hugsar til Austurlands þá viti
það að þar er ástunduð metn-
aðarfull menning. Að mínu mati er
vandi landsbyggðarinnar að hluta
til sá, að það trúa því fæstir að hér
geti þrifist alvörusamfélag með
alvörulistalífi.“
Það er ekki bara góða veðrið
sem dregur menn austur
Jón heldur áfram: „Stundum held
ég að menn trúi bara ekki að utan
höfuðborgarsvæðisins geti verið
tónlistarskólar sem hafa burði til að
kenna nemendum þannig að sam-
bærilegt sé við góða skóla í Reykja-
vík. Það trúa því ekki allir að á
landsbyggðinni geti verið starfandi
listamenn, vísindamenn og yfir höf-
uð athafnafólk sem nýtur virðingar
í sínu fagi.
Við sem stöndum eitthvað í
menningarmálum þurfum að skapa
ákveðna ásýnd og gefa öðrum þá
trú að okkur sé alvara. Það sé ekki
bara góða veðrið sem dregur fólk
austur. Að hér sé mannlíf sem
spanni alla flóruna; hámenning og
það sem ef til vill mætti kalla al-
þýðumenningu.
Sjálf erum við ekki nógu dugleg
að taka þátt í og styðja við það sem
verið er að gera í menningunni
hérna. Fólk þorir stundum ekki að
fara af forvitni á tónleika eða leik-
sýningu. En okkur ber skylda til að
styðja við það sem hér er gert og
standa saman.“
Tónlistarskóli Austur-Héraðs fagnar þrjátíu ára afmæli
Sköpunargleðin
mallar og kraumar
Morgunblaðið/Steinunn Ásmundsdóttir
Magnús Magnússon skólastjóri og Jón Guðmundsson, aðstoðarskóla-
stjóri Tónlistarskóla Austur-Héraðs sem nú er á þrítugasta starfsári.
„Stundum held
ég að menn trúi
ekki að utan höf-
uðborgarsvæð-
isins geti verið
tónlistarskólar
sem hafa burði til
að kenna nem-
endum þannig að
sambærilegt sé
við góða skóla í
Reykjavík.“