Morgunblaðið - 29.03.2001, Síða 27

LISTIR
MORGUNBLAÐIÐ FIMMTUDAGUR 29. MARS 2001 27
K
O
R
T
E
R
Nýkomin sending af
í leðri og áklæði
Hjá okkur eru Visa- og
Euro-raðsamningar
ávísun á staðgreiðslu
Stór glæsilegum
sófasettum
Mikið úrval af sófasettum,
stökum, sófum og hornsófum frá
heimsþekktum framleiðendum
n.eilersen a/s
of Switzerland
Sófasett ,
hornsófar og
sófasett 3+2
Sími 581-2275 568-5375 Fax 568-5275
UNDANFARIÐ hefur börnum á
höfuðborgarsvæðinu, á aldrinum 9
og 10 ára, gefist kostur á að sjá
leikritið Heimsókn á geymsluloftið
í Borgarleikhúsinu. Leikritið er
eftir Vigdísi Gunnarsdóttur og er
sérstaklega samið fyrir börnin til
kynningar á leiklist en undanfarin
ár hefur Borgarleikhúsið kynnt
leiklist fyrir börnum á höfuðborg-
arsvæðinu í samstarfi við skóla-
málaráð Reykjavíkur og er þessi
kynning á starfsemi leikhússins
orðin fastur liður í starfi hússins.
Fröken Fýlu er illa við leikhús
Í leikritinu verður leikhúsið
sjálft vettvangur óvæntra atburða
sem bæði tengjast leikhúsinu og
áhorfendunum sjálfum. Leitast er
við að svara spurningunni um
hvernig leikrit verði til, m.a.
hverjir það séu sem vinni bak við
tjöldin, hvernig leikari undirbúi
sig og í hverju starf leikstjórans
er fólgið.
Til að fá svar við þessum spurn-
ingum hitta börnin leiklistargyðj-
una Thalíu sem hrífur börnin með
inn í leikhúsheiminn um leið og
þau stíga fæti inn fyrir dyr leik-
hússins. Á ferð sinni um Borgar-
leikhúsið hitta börnin fjölmarga
skrítna fulltrúa leikhússins, m.a.
fröken Fýlu en henni er meinilla
við leikhúsið og vill helst láta loka
því. Í lokasenu upphefst atburða-
rás, þar sem börnin taka virkan
þátt í átökum Thalíu og fröken
Fýlu, með óvæntum endalokum...
Leikarar í sýningunni eru Soffía
Jakobsdóttir, Katla Margrét Þor-
geirsdóttir og Halldór Gylfason en
leikstjóri er Gunnar Gunnsteins-
son.
Í heimsókn sinni í leikhúsið, og
á geymsluloftið, fá grunnskóla-
börn að fylgjast með á lifandi hátt
hvernig leiksýning verður til. Að-
aláhersla er lögð á leikinn í leik-
húsinu, töfra leikhússins og þá
upplifun sem leikhúsferð er. Í
leiknum er leikgleði frumskilyrði,
hvort heldur talað er um svið leik-
hússins eða svið lífsins, og er frök-
en Fýla sú eina sem á erfitt með að
finna leikgleðina.
Í lok heimsóknarinnar fá börnin
svo að leika sér, sminka og klæða
sig í búninga.
Síðasta sýning verður 6. apríl.
Kynning á leiklist
í Borgarleikhúsinu
Morgunblaðið/Ásdís
Thalía, Katla Margrét Þorgeirsdóttir, heldur börnunum hugföngnum.