Morgunblaðið - 19.04.2001, Side 14

HÖFUÐBORGARSVÆÐIÐ
14 FIMMTUDAGUR 19. APRÍL 2001 MORGUNBLAÐIÐ
MIKILL haugur moldar og
uppfyllingarefnis við suður-
enda flugbrautar í Nauthóls-
vík hefur vakið athygli manna
og hefur mörgum þótt sjón-
mengun af. Haugurinn teng-
ist jarðvegsskiptum í flug-
braut og akbraut samhliða og
sagði Auður Eyvinds, verk-
efnisstjóri verksins fyrir
Flugmálastjórn, að þegar liði
á sumarið gætu menn vænst
þess að haugurinn hyrfi.
Auður sagði að búið væri að
„taka allt upp úr brautinni,“
og haugurinn myndi ekki
stækka meira úr því sem kom-
ið er. „Þetta er ekki fagurt
ásýndar en nú er í gangi verk-
efni samkvæmt deiliskipulagi
sem miðar meðal annars að
því að auka öryggi. Svæðið við
flugbrautina er breikkað og
göngustígur færður. Verkinu
miðar vel en þetta mun þó að
öllum líkindum standa yfir
eitthvað fram eftir sumri. Á
endanum mun þessu efni vera
mokað aftur í brautina og/eða
notað í landmótun,“ bætti
Auður við.
Morgunblaðið/Árni Sæberg
Moldarfjall við suðurbraut Reykjavíkurflugvallar.
Haugurinn hverfur í sumar
Nauthólsvík
FÉLAGSHEIMILIÐ Hlé-
garður í Mosfellsbæ er 50 ára í
ár og verður haldið upp á þessi
tímamót í dag með viðhöfn í og
við bygginguna. Formaður
menningarmálanefndar bæj-
arins segir húsið hafa verið
kjölfestuna í félagslífi sveitar-
félagsins síðustu hálfa öld.
Húsið var vígt 17. mars árið
1951 en arkitekt þess var Gísli
Halldórsson. Auk sveitar-
félagsins áttu Ungmenna-
félagið Afturelding og Kven-
félag Lágafellssóknar ríkan
hlut að máli þegar húsið var
byggt því þessi félög lögðu
fram bæði fjármagn og sjálf-
boðavinnu. Enda segir Bjarki
Bjarnason, formaður menn-
ingarmálanefndar Mosfells-
bæjar, húsið hafa verið óska-
barn sveitarinnar.
„Þetta er félagsheimili sem
þótti gríðarlega stórt á sínum
tíma og var talað um það sem
glæsilegasta félagsheimili á
landinu í sveit,“ segir hann.
„Og þetta er félagsheimili sem
hefur risið undir nafni alla tíð
því þarna hafa verið alls kyns
mannamót, allt frá bíósýning-
um til erfidrykkja og allt þar á
milli.“
Hlégarður hefur einnig
gegnt mikilvægu hlutverki
fyrir leiklistarlíf í bænum að
sögn Bjarka því lengi vel var
þetta eini staðurinn þar sem
leiksýningar voru settar upp.
„Þá má ekki gleyma Hlé-
garðsböllunum sem voru fræg
á sínum tíma auk afmælishófa
og alls kyns skemmtana.
Meira að segja var einu sinni
leikfimikennsla þarna í
tengslum við skólann og var
kennt þarna inni á dansgólfi.
Svo voru skrifstofur bæjarins
þarna á tímabili.“
Þá var þröngt í Hlégarði
Jón M. Guðmundsson á
Reykjum, fyrrverandi oddviti
í Mosfellsbæ, hefur haft mikið
af Hlégarði að segja í gegnum
tíðina. Hann var í Ungmenna-
félaginu Aftureldingu þegar
bygging hússins stóð yfir og
var formaður nefndar sem
hreppsnefndin skipaði til að
sjá um vígslu hússins fyrir
fimmtíu árum en það var
löngu áður en hann var farinn
að hafa afskipti af sveitar-
stjórnarmálum.
Aðalvandamálið við vígslu-
athöfnina segir Jón hafa verið
hvernig koma mætti öllum
rólfærum Mosfellingum fyrir í
húsinu til að taka þátt í hátíð-
arhöldunum en gefnir voru út
600 aðgöngumiðar.
Jón segir Hlégarð hafa ver-
ið með fyrstu félagsheimilum
sem naut framlags úr félags-
heimilasjóði en það var sjóður
sem stofnaður var til að
byggja upp félagsheimili í
sveitum landsins. Hann segir
að nokkuð erfitt hafi verið að
reka húsið með hagnaði því
ýmsar skorður voru settar
fyrir skemmtanahöld.
„Það var takmarkað hversu
margir máttu vera í húsinu á
skemmtunum eða 250 manns.
Sýslumaður gekk fram í því að
þessu yrði framfylgt og gaf út
sérstök skemmtanaleyfi með
þessari tölu. Okkur fannst
þetta dálítið óréttlæti því
austur í Árnessýslu voru eng-
ar slíkar reglur. Eins var
bannað að hafa áfengi um
hönd í félagsheimilum sem
höfðu notið framlaga úr
félagsheimilasjóði en það
gekk nú á ýmsu með það.“
Þrátt fyrir þetta segir hann
stemmninguna hafa verið
ákaflega fjölbreytta sem helg-
aðist af margvíslegri starf-
semi hússins.
Afmælisdagskráin í Hlé-
garði hefst klukkan 14 í dag og
verður opið hús fram til klukk-
an 17.
Félagsheimili með
fimmtíu ára sögu
Mosfellsbær
Hlégarður hefur verið kjölfestan í félagslífi Mosfellssveitar í 50 ár. Myndin var tekin árið 1957.
SKIPULAGSSTOFNUN
hefur fallist á framkvæmdir
við fyrirhuguð mislæg
slaufugatnamót Vestur-
landsvegar og Víkurvegar
og Reynisvatnsvegar að
Reynisvatni. Lagður verður
nýr Víkurvegur á tveimur
samhliða brúm yfir Vestur-
landsveg ásamt tilheyrandi
vegrömpum og tengingum
og er fyrirhugað að byggja
gatnamótin í þremur áföng-
um eftir því sem umferðin
vex.
Stefnt er að framkvæmd-
um við 1. áfanga á þessu ári,
2. áfanga árið 2008 og að
gatnamótin verði fullbyggð
með 3. áfanga árið 2015.
Niðurstaða Skipulagsstofn-
unar byggist á því að fram-
fylgt verði þeirri fram-
kvæmdatilhögun og mót-
vægisaðgerðum sem fram-
kvæmdaaðilar hafa lagt til
ásamt áformum um vöktun
sem miða að því að draga úr
óæskilegum áhrifum fram-
kvæmdarinnar á byggð í
Grafarvogi og lífríki Úlfars-
ár.
Mótmæli íbúa
Athugasemdir bárust
Skipulagsstofnun frá Íbúa-
samtökum Grafarvogs,
Fuglaverndarafélagi Íslands
og Landssamtökum hjól-
reiðamanna og Íslenska
fjallahjólaklúbbnum. Í úr-
skurði Skipulagsstofnunar
segir að Íbúasamtökin hafi
mótmælt þeirri ætlun að
færa umferð Grafarholts inn
á Víkurveg og blanda henni
saman við umferð til og frá
Grafarvogi. Samtökin mót-
mæltu einnig fyrirhuguðum
flutningi gatnamótanna og
þeirri hugmynd að byggja
tvö hringtorg sem hugsan-
lega eru óþörf og þess
valdandi að tefja umferðina.
Samkvæmt svörum sem
Skipulagsstofnun bárust frá
framkvæmdaaðilum hefur
verið ákveðið að ráðast
strax í fyrirhugaðan 4.
áfanga, við slaufu og ramp
6, til hægri af Víkurvegi inn
á Vesturlandsveg til suð-
vesturs, samhliða 1. áfanga
til að koma til móts við sjón-
armið íbúasamtakanna.
Svörunum fylgdi bókun
hverfisnefndar Grafarvogs
frá 27. febrúar 2001 þar sem
lýst er yfir ánægju með þær
breytingar sem gerðar hafa
verið á fyrirhuguðum fram-
kvæmdum sem munu greiða
mjög fyrir samgöngum
Grafarvogsbúa, að því er
fram kemur í úrskurði
Skipulagsstofnunar.
Hjólreiðamenn óskuðu
m.a. eftir því að samræmi
yrði í framkvæmdatíma við
gerð hjólreiðastíga og ak-
brauta. Í úrskurði Skipu-
lagsstofnunar kemur fram
að framkvæmdaaðilar hafi
m.a. svarað því til að árið
2008 muni göngu- og hjól-
reiðastígur meðfram Vest-
urlandsvegi ekki liggja yfir
akbrautir og í niðurstöðu
Skipulagsstofnunar segir að
stofnunin telji að áform og
tilhögun framkvæmda við
lagningu göngu- og hjól-
reiðastíga sé ásættanleg og
mikilvægt sé að tryggja ör-
yggi gangandi vegfarenda
og hjólreiðafólks á fram-
kvæmdatíma.
Áhyggjur af fuglalífi
Fuglaverndarafélagið
lýsti yfir áhyggjum af áhrif-
um framkvæmda á fuglalíf
við Úlfarsá og benti á að
fuglalíf við ána sé afar fjöl-
breytt. Þar séu meðal ann-
ars vetrarstöðvar gulandar
sem er á válista sem fugl í
útrýmingarhættu vegna
stofnsmæðar. Í svörum
framkvæmdaaðila kemur
fram að í skýrslu Náttúru-
fræðistofnunar sem unnin
var vegna framkvæmdanna
sé fyrst og fremst lögð
áhersla á lífríkið í víðara
samhengi en ekki tiltekið að
sérstök hætta stafi af þeim
fyrir gulandarstofninn og
vart sé ástæða til að hafa
áhyggjur af gulönd umfram
annað dýralíf við Úlfarsá.
Gatnamót Vesturlandsbrautar og Víkurvegar
Hverfisnefnd
lýsir ánægju
með breytingar
 


















Grafarvogur
FÓLK er byrjað að kvarta
undan staraflónni þótt enn sé
fuglinn ekki orpinn að því er
menn best vita. Þó er ljóst að
hann er farinn að viða að sér
efni til hreiðurgerðar. Star-
inn er tiltölulega nýr land-
nemi á Íslandi. Fyrsta
hreiðrið vilja sumir meina að
hafi uppgötvast á Mýrum ár-
ið 1912 en það mun ekki vera
óyggjandi.
Í Reykjavík fannst hreiður
árið 1935 en ekki komu egg í
það. Upp úr 1960 fór starinn
að verpa í Reykjavík í kjölfar
mikillar göngu flækings-
fugla haustið 1959 og hefur
verpt árlega í borginni síðan.
Íslenski starinn er eindreg-
inn staðfugl. Varptíminn er í
seinni hluta apríl eða fyrri
hluta maí. Útungun tekur
11–15 daga og eru ungarnir
svo í hreiðrinu í 21 dag eða
svo.
Þegar starinn verpir á
húsum, t.d. í opnum loftræs-
irásum, gerist það stundum
að fló sem á honum lifir berst
inn í híbýli manna og veldur
þar ama og hefur komið
rammasta óórði á fuglinn.
Þetta er dálítið óréttlátt því
ýmis skordýr, og þ.á m. flær,
eru á allflestum fuglateg-
undum. Þær sjúga blóð úr
fuglunum, verpa svo eggjum
í hreiðrin og þar dveljast lirf-
urnar vetrarlangt og þrosk-
ast með hækkandi sól. Að
vori, þegar fuglarnir koma
aftur, hafa þær myndbreyst í
fullorðin dýr sem taka að
sjúga og verpa. Komi engir
fuglar í hreiðrið leggjast
kvikindin stundum í flakk
sökum hungurs. Akkiles-
arhæll starans er að hann er
mannelskari, eða kannski
fremur húselskari, en aðrir
fuglar, að gráspör og mar-
íuerlu e.t.v. undanskildum,
og því á flóin greiðari að-
gang inn í ylinn sem frá íbúð-
unum eða húsunum stafar.
Leggst hún þá á fólk en get-
ur ekki þrifist á mannablóði
til lengdar. Umrædd fló lifir
á mörgum tegundum dúfna
og einnig á hænsnum.
Margir hissa á að starinn
skuli vera alfriðaður
Morgunblaðið hafði sam-
band við Meindýravarnir
Reykjavíkurborgar í gær til
að kanna hvort fólk væri far-
ið að leita þangað um aðstoð
og fengust þau svör að fyrsta
upphringingin hefði þá ein-
mitt verið að berast.
„Við aðstoðuðum fólk
vegna slíks hérna áður fyrr
en það var eingöngu vegna
þess að það voru engir aðrir
til þess, en núna er orðið
töluvert um sjálfstætt starf-
andi meindýraeyða svo að
við komum eiginlega ekki
nálægt þessum hlutum leng-
ur, nema þegar um borg-
arstofnanir er að ræða,“
sagði Guðmundur Björnsson,
aðspurður um málið. „Þegar
fólk hringir í okkur bendum
við á meindýraeyðana úti í
bæ eða aðra sem fást við
þetta. En í raun og veru get-
ur hver sem er bjargað sér
og við gefum þess vegna ráð,
ef eftir þeim er leitað.“
Ráðin sem Meindýravarnir
Reykjavíkurborgir gefa eru
á þann veg að sé fuglinn ekki
orpinn, heldur einungis far-
inn að bera inn, skuli fólk
loka gatinu þar sem hreiðrið
er. Séu egg hins vegar komin
má ekkert gera við þau eða
hreiðrið, því starinn er al-
friðaður. „Margir verða
hissa á þessum upplýsingum
og að ekkert megi því gera
við hann sjálfan eða egg
hans,“ sagði Guðmundur.
Byrjað að leita til
meindýraeyða vegna
ágangs staraflóar
Reykjavík