Morgunblaðið - 19.04.2001, Side 86

FÓLK Í FRÉTTUM
86 FIMMTUDAGUR 19. APRÍL 2001 MORGUNBLAÐIÐ
RÓMANSKI rómantíkerinn Ricky Martin
hefur samþykkt að taka að sér hlutverk
Zorros í nýrri söngleikjaútgáfu af sögunni
um þessa grímuklæddu hetju mexíkóskrar
alþýðu sem stendur til að setja upp á West
End í Lundúnum. Þetta fullyrti gula press-
an breska í vikunni og segir samninga-
viðræður Martins og aðstandenda söng-
leiksins á lokastigi.
Martin hefur bæði getið sér orð sem
leikari og söngvari vestanhafs en áður en
hann sló í gegn á alheimsgrundvelli gerði
hann garðinn frægan í sápuóperum.
Framleiðendur söngleiksins um Zorro
hafa að sögn bresku pressunnar enn-
fremur beðið Robbie Williams um að
semja fyrir hann nokkur lög og kappinn
vinsæli tók alls ekki illa í þá hugmynd
enda hefur hann löngum verið unnandi
söngleikjatónlistar.
Setur Martin upp grímuna?
Ricky Martin