Morgunblaðið - 16.05.2001, Blaðsíða 1
109. TBL. 89. ÁRG. MIÐVIKUDAGUR 16. MAÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 16. MAÍ 2001
TIL mikilla átaka kom í gær á Vest-
urbakkanum og Gaza er Palestínu-
menn minntust „útlegðarinnar“,
stofnunar Ísraels 1948, sem leiddi til
þess, að hundruð þúsunda manna
hröktust frá heimilum sínum. Skutu
ísraelskir hermenn fjóra Palestínu-
menn til bana og meira en 130 manns
slösuðust. Ísraelsk kona féll fyrir
byssukúlum Palestínumanna.
Tugir þúsunda manna komu saman
til að minnast „útlegðarinnar“, sem
Palestínumenn kalla svo, í Ramallah á
Vesturbakkanum. Í ræðu Yassers
Arafats, leiðtoga Palestínumanna,
sem þar var flutt og hafði verið tekin
upp áður þar sem hann er í Egypta-
landi, sagði hann, að leiðin til friðar
væri auðfarin. Ísraelar yrðu að kalla
burt herinn og það fólk, sem lagt hefði
undir sig palestínskt land, og hverfa
aftur til landamæranna eins og þau
voru 1967. Síðan yrði að semja um
stöðu flóttamannanna. Sagði hann, að
Palestínumenn myndu aldrei gefast
upp fyrir ísraelska herveldinu.
Lofað rannsókn á
framferði hersins
Mikil spenna er meðal Palestínu-
manna eftir átökin í fyrradag en þá
skutu Ísraelar sjö Palestínumenn til
bana, þar af fimm lögreglumenn.
Hafa ísraelskir fjölmiðlar gagnrýnt
herinn harðlega fyrir manndrápin og
segja, að ísraelsku hermennirnir hafi
ruðst inn á lögreglustöð og skotið
mennina, þar af fjóra, sem voru sof-
andi. Hefur yfirmaður hersins lofað
rannsókn á málinu. Uzi Landau, sem
fer með almannaöryggi í Ísraels-
stjórn, sagði í gær, að Ísraelsher hefði
beitt meiri hörku undanfarið „en þó
alls ekki jafnmikilli og þörf er á“.
Ísraelsk kona í einni af byggðum
gyðinga á Vesturbakkanum féll í gær
fyrir byssukúlum Palestínumanna og
faðir hennar særðist. Þá varð fransk-
ur fréttamaður fyrir byssukúlum
Ísraela en það varð honum til lífs, að
hann var í skotheldu vesti.
Ísraelar og Palestínumenn afhentu
í gær svör sín við Mitchell-skýrslunni
svokölluðu en Palestínumenn hafa
fagnað niðurstöðum hennar. Ísraelar
aftur á móti vísa því á bug, að þeir hafi
beitt of mikilli hörku, og segjast ekki
munu hætta uppbyggingu gyðinga-
byggða á palestínsku landi. Þar búa
nú um 200.000 Ísraelar.
Fjórir Palestínumenn og ísraelsk kona féllu á Vesturbakka og Gaza
Mikil átök er „útlegð-
arinnar“ var minnst
AP
Palestínumenn minntust „útlegðarinnar“, flóttans frá Ísrael við stofnun ríkisins 1948, með ýmsum hætti. Hér
horfir stúlka með fána á listamann á Gaza koma fyrir myndum, sem eiga að sýna hlutskipti Palestínumanna.
Ramallah. AP, AFP, Reuters.
EIGANDI kunnasta gyðinga-
veitingastaðarins í París var
dæmdur í gær í þriggja mán-
aða fangelsi skilorðsbundið
og til að greiða 1,9 milljónir
íslenskra króna í sekt fyrir
sóðaskap.
Rétturinn fann eigandann,
Jo Goldenberg, sekan um að
vera með úldinn mat,
grútskítugt eldhús og vöru,
sem löngu var útrunnin. Kom
þetta í ljós er starfsmenn
heilbrigðiseftirlitsins skoðuðu
veitingastaðinn, sem er í
Marais-hverfinu, í júní og
september 1999, en þeir lýstu
honum þá sem „viðbjóðslega
skítugum“. Lögðu þeir hald á
221 kíló af vatnakarfa, sem
geymdur var í ruslapokum, í
fyrri heimsókninni og á 105
kíló af úldnu kjöti og öðrum
matvælum í þeirri seinni.
Tóku þeir allt þetta góðgæti
frá músunum og flugnagerinu
á staðnum.
Engar
kvartanir
Goldenberg varði sig með
því, að aldrei hefði neinn við-
skiptavinur kvartað við sig,
og hann vakti sérstaka at-
hygli á því, að ekki hefðu ver-
ið gerðar neinar prófanir á
útrunnu matvælunum.
Veitingastaður Golden-
bergs komst í heimsfréttirnar
1982 er hryðjuverkamenn
gerðu árás á hann með þeim
afleiðingum, að sex menn létu
lífið og 22 særðust.
Í fangelsi
fyrir
sóðaskap
París. AFP.
UMBERTO Bossi, leiðtogi Norð-
urbandalagsins á Ítalíu, krafðist
þess í gær að flokkur sinn fengi
mikilvæg emb-
ætti í stjórn
sem búist er
við að auðkýf-
ingurinn Silvio
Berlusconi
myndi eftir
sigur banda-
lags mið- og
hægriflokk-
anna í þing-
kosningunum á sunnudag. Talið
er þó að Berlusconi þurfi ekki að
reiða sig á stuðning flokks Bossis
til að ná meirihluta í báðum deild-
um þingsins.
Bandalag Berlusconis, að flokki
Bossis meðtöldum, fékk 368 þing-
sæti af 630 í neðri deild þingsins
og þurfti að fá 316 til að ná meiri-
hluta. Flokkur Bossis fékk aðeins
31 sæti í deildinni, þannig að
bandalag Berlusconis er þar með
21 sætis meirihluta án Norður-
bandalagsins.
Staðan er hins vegar flóknari í
efri deildinni þar sem bandalag
mið- og hægriflokkanna fékk 177
þingsæti af 324. Meirihluti banda-
lagsins er þar 14 þingsæti að
flokki Bossis meðtöldum, en hann
fékk 17 sæti. Bandalag Berluscon-
is gæti því hugsanlega þurft að
tryggja sér stuðning þriggja af
níu ókjörnum lífstíðarþingmönn-
um í efri deildinni. Þrír þessara
þingmanna hafa reyndar ekki
greitt atkvæði í deildinni í mörg ár
og þrír hafa verið hallir undir
hægriflokkana.
Vill innanríkisráðuneytið
Þótt ekki sé útlit fyrir að Berl-
usconi þurfi að reiða sig á stuðn-
ing Norðurbandalagsins krafðist
Bossi þess í gær að flokkur sinn
fengi nokkur „valdamikil og mik-
ilvæg ráðuneyti“. Hann nefndi
m.a. innanríkisráðuneytið, sem
fer með lögreglumál, en flokkur-
inn hefur barist fyrir hertum að-
gerðum gegn innflytjendum sem
hann kennir um fjölgun glæpa.
Róm. AP, AFP.
Boðar „byltingu“/23
Umberto
Bossi
Bossi vill mikil
ítök í stjórn
FERÐAMÖNNUM, sem koma til
Noregs til að renna fyrir fisk við
strendur landsins, hefur fjölgað svo
mikið, að samtök sjómanna krefjast
þess, að hið opinbera grípi í taum-
ana. Segja þau, að ferðamannaafl-
inn hafi verið um 15.000 tonn á síð-
asta ári.
Veiðar á stöng eða á handfæri í
norsku fjörðunum hafa slegið í gegn
í ferðaþjónustunni. Erlendir ferða-
menn, sem greiddu fyrir veiðar af
þessu tagi, voru 35.000 1995 en
224.000 á síðasta ári. Samtök sjó-
manna krefjast þess nú, að veið-
arnar verði takmarkaðar og vísa í
nýja skýrslu frá háskólanum í
Tromsø en í henni er áætlað, að er-
lendir ferðamenn veiði um 15.000
tonn af þorski, ufsa og öðrum fiski
árlega.
Oddmund Bye, formaður sjó-
mannasamtakanna, segir, að verði
ekki gripið í taumana, geti það haft
alvarlegar afleiðingar fyrir stað-
bundna stofna og hann segir, að á
sama tíma og verið sé að binda báta
við bryggju vegna kvótaleysis, sé
útlendum ferðamönnum leyft að
veiða eins og þá lystir.
Með nýjustu
fiskleitartæki
Í skýrslu háskólans í Tromsø
kemur fram, að ferðamönnunum sé
aðeins leyft að veiða á stöng og
handfæri en hins vegar séu margir
bátanna búnir nýjustu fiskleitar-
tækjum. Þá sé hægt að kaupa í
Þýskalandi norsk kort sem bestu
miðin eru merkt inn á.
Talsmaður norska ferðamálaráðs-
ins segist skilja áhyggjur sjómanna
en telur, að ferðamannaaflinn sé
ekki jafnmikill og fram hefur komið.
Að hans sögn bjóða nú um 1.000
fyrirtæki í ferðaþjónustu upp á
þessar veiðar.
Norskir sjómenn vilja grípa til aðgerða
Ferðamenn
veiða um
15.000 tonn
Ósló. Morgunblaðið.
SKAKKI turninn í Pisa á Ítalíu
verður opnaður almenningi í haust
en í þrjú ár hefur verið unnið að því
að treysta undirstöður hans. Hér er
verið að fjarlægja mikla stálvíra,
sem notaðir voru til að styrkja hann
meðan á verkinu stóð.
AP
Turninn
treystur