Morgunblaðið - 16.05.2001, Blaðsíða 55

Á TÓNLEIKUNUM í kvöld verða
leikin lög af þessari áðurnefndu skífu.
Kallast hún AlasNoAxis en það er
einnig nafnið á sveitinni sem á henni
leikur. Hún er skipuð, auk Black,
þeim Hilmari Jenssyni rafgítarleik-
ara, Skúla Sverrissyni rafbassaleik-
ara og Chris Speed saxófónleikara.
Black semur öll lögin á plötunni enda
er hann tónlistarmaður að mennt,
með gráðu frá Berklee-skólanum í
Boston hvar hann kenndi um stund á
níunda áratugnum.
Ferill Blacks er nokkuð tilkomu-
mikill og umsvifin í meira lagi. Hann
hefur verið virkur þátttakandi í því
sem mætti kalla framúrstefnudjass
eða avant-garde djass þó það nái eng-
an veginn að lýsa þeim fjölda áhrifa
og stefna sem hann hefur komið að.
Og þó að AlasNoAxis sé hans fyrsta
einleiksverk hefur hann komið að
fjölda platna og spilað með fjölda
hljómsveita, þar sem helstar fara
Pachora, Human Feel , Bloodcount
(leidd af Tim Berne), Tiny Bell Trio
(leitt af Dave Douglas), Tríó Ellery
Eskelin og Yeah No (leidd af Chris
Speed). Tónlist þessara sveita er allt
frá hefðbundnum djassi til kolbrjál-
aðs spuna og bræðslu austurevr-
ópskrar þjóðlagatónlistar við vest-
ræna strauma.
Tæki til að miðla
Jim var í miðjum upptökum í
Þýskalandi að taka upp aðra plötu
AlasNoAxis ásamt þeim Skúla, Hilm-
ari og Chris er ég heyrði í honum.
Hann heilsaði mér með virktum og
sagðist hlakka til komunnar hingað.
Spurði meira að segja um veðrið sem
var alveg ágætt að ég held, maður sér
nú samt ekkert inni á skrifstofunni
eðlilega. Það kemur svo fljótlega upp
krafsinu að hann hefur verið tíður
gestur hérlendis.
„Ég hljóðritaði með Hilmari og
Skúla fyrir ca. tíu árum. Ég varð heill-
aður af landi og þjóð en einnig af tón-
listinni sem við tókum upp daginn
þann. Ég er mjög ánægður að vera að
vinna með þeim aftur núna því að það
sem við tókum upp á sínum tíma kom
aldrei út, sem er synd og skömm. Við
Hilmar vorum herbergisfélagar í
New York á sínum tíma og ég saknaði
þess að vinna með honum. Þannig að
ég er mjög ánægður með að hafa þá
Skúla inn í þessa sveit.“
Black segir áhrifavalda sína í tón-
list ekki endilega einskorðast við þá
tegund listar. „Tónlist fyrir mér er
endurspeglun á hvernig lífið leikur
við mig hverju sinni. Áhrifin geta
komið frá myndlist, ljóðum og lögum
og hinu pólitíska ástandi hverju sinni.
Eyrun mín eru opin fyrir hverju sem
er – fegurðin felst í því að hafa opinn
huga fyrir öllu, leyfa því að leika þar
um og finna svo leið til að vinna úr því
og skila því svo aftur út í umhverfið.
AlasNoAxis er tæki til að miðla því
hvað „lagasmíðar“ og „áferðir“ eru
mér hverju sinni.“
Skipulag er málið
Aðspurður um hvort umburðar-
lyndi gagnvart ólíkum tónlistar-
stefnum ríki fyrst og fremst í neð-
anjarðartónlist segir hann það ekki
endilega vera málið.
„Þetta er meira tengt kynslóðabili.
Nútíminn er einfaldlega þannig að
það er ekki hægt að þykjast vera
blindur fyrir öllu því sem er að gerast.
Tónlist Bjarkar hefur t.d. breytt lífi
mínu. Fyrir 15 árum síðan hefði ég
ekki tekið eftir tónlist hennar vegna
þess að hún var ekki í þeim (með
sjálfshæðinni röddu) „stíl“ sem ég var
að hlusta á þá. Nú reyni ég að forðast
stíla og stefnur. Ég vil bara heyra
góða tónlist!“
Black hafnar því öllum skilgrein-
ingum, segist ekki vera djassleikari.
„Ég myndi segja að ég væri spuna-
tónlistarmaður fyrst og fremst. Hvað
stílinn varðar....ég veit það ekki. Þetta
er bara tónlist. Ég tel að fólk eigi að
hugsa út fyrir þessar endalausu skil-
greiningar; þannig koma Radiohead
t.d. að sinni tónlist. Og einnig Björk.“
Ég mátti til með að spyrja manninn
hvernig hann færi að því að vinna með
öllum þessum mörgu og mismunandi
sveitum. Hvar finnur hann tíma?
„Skipulag. Það er aðalmálið,“ svar-
ar hann. „Að plana árið vel og vand-
lega, sjá út hver er að fara hvert og
hvenær. Það er það eina. Tónlistin
sjálf er minnsta málið. Þar þarftu
bara að hlusta og bregðast við. Það er
nú það sem spunamenn gera.“ Hann
notar tækifærið og útskýrir af hverju
hann vinni með svona mörgum ólík-
um listamönnum. „Þetta er mjög hollt
fyrir mig. Þegar ég fer á túr með einu
bandinu, nýbúinn að ljúka spila-
mennsku með öðru, hefur sú reynsla
áhrif á það hvernig ég leik. Þetta
heldur manni við, sýnir manni eitt-
hvað nýtt. Þannig er maður alltaf að
læra – þetta opnar huga minn, heldur
mér ungum einhvern veginn.“
Aðspurður segir Black að sú staða
sem hann er í í dag sé það sem hann
hafi alltaf viljað. „Mig langaði bara til
að spila á trommur,“ segir hann. „Ég
er mjög lánsamur að eiga kost á því
og geta lifað af því um leið. Þegar það
er mögulegt að komast af fjárhags-
lega af jafnfallegum hlut og listinni er
það stórkostlegt. Það er eitthvað
mjög sérstakt við það. Og mjög dýr-
mætt.“
Yndisleg óhljóð
Platan sem verður kynnt í kvöld er
um margt nokkuð merkileg; ekkert
sérstaklega djössuð, þó nokkuð rokk-
uð, með heilmiklu af melódískum
óhljóðum og sveimkenndum áferðum.
Eitt lagið minnir t.a.m. glettilega
mikið á bandarísku jaðarrokksveitina
Sonic Youth. „Já, já, Sonic Youth,
Blonde Redhead sem ég held mikið
upp á; Unwound, My Bloody Valent-
ine, ég dýrka Radiohead. Þetta er allt
í hausnum á mér,“ svarar Black að
bragði. „Og óhljóðin...þú mátt kalla
það óhljóð, tónlist...þetta eru bara
hljóð. Fólk er svo vant því að taka
„óhljóðum“ eingöngu sem slíkum og
missir því af melódíum, áferð og litum
sem þau geta búið yfir. Því meira sem
ég vinn með raftónlist, tölvur og
trommusett – því æstari verða eyrun
á mér. Það er til svo mikið af alls kyns
frábærum hljóðum, alls staðar.
Óhljóð geta komið af stað alls kyns til-
finningum og skynbreytingum, þau
geta verið hávær og lágvær og mér
finnst mjög gaman að vinna með þess
öfga.“ Og þar með kvöddumst við,
með virktum sem fyrr, og Black sneri
sér að störfum aftur.
Tónleikar AlasNoAxis hefjast
stundvíslega kl. 21.00 í kvöld og eru í
Tjarnarbíói eins og áður hefur komið
fram. Forsala er í 12 tónum og er
miðaverð 1.500 kr.
Sveit Jims Black, AlasNoAxis, heldur tónleika í Tjarnarbíói í kvöld
Með eyrun opin
Bandaríski trommuleik-
arinn Jim Black gaf út
sinn fyrsta einherjadisk
á dögunum en samleik-
arar hans þar eru m.a.
þeir Hilmar Jensson
og Skúli Sverrisson.
Arnar Eggert
Thoroddsen ræddi við
Black um tónlist, tónlist
og meiri tónlist. Ljósmynd/Erna Björt ÁrnadóttirAlasNoAxis: Chris Speed, Jim Black, Skúli Sverrisson og Hilmar Jensson.
arnart@mbl.is
MORGUNBLAÐIÐ MIÐVIKUDAGUR 16. MAÍ 2001 55
Sími 461 4666 samfilm.is
FYRIR 990 PUNKTA
FERÐU Í BÍÓ
Sýnd kl. 8 og 10..
B.i.16. Vit nr. 223
Sýnd kl. 6
Vit nr. 231
Forsalan er hafin á Mummy Returns
Hún þurfti bara mánuð til að
breyta lífi hans að eilífu
Sýnd kl. 6, 8 og 10. Vit nr. 233
Keflavík - sími 421 1170 - samfilm.is
FYRIR 990 PUNKTA
FERÐU Í BÍÓ
Forsalan er hafin á Mummy Returns
Sýnd kl. 8 og 10.15. Sýnd kl. 8 og 10.15.
betra en nýtt
Nýr og glæsilegur salur
byggð á
sannsögulegum
heimildum
Sýnd kl. 8 og 10.20. Sýnd kl. 6.
JUDE LAW JOSEPH FIENNES



Hugleikur

KVIKMYNDIR.IS
Sýnd kl. 5.45.
Sýnd kl. 8 og 10.10.



1/2
Hausverk.is



Hugleikur.


Ó.T.H. Rás2.



ÓJ Bylgjan
MAGNAÐ
BÍÓ
Cherry Falls er sýnd í Regnboganum
HROLLUR
Frá Wes Craven, meistara
hrollvekjunnar kemur blóðug og
sexí spennumynd sem kemur
adrenalíninu af stað!
Eftir 100 ár er Dracula laus og
hann er hungraður.
Engin kona stenst hann og
enginn er óhultur!
Sýnd kl. 6, 8 og 10. B.i.16 ára
Morðin voru
ólýsanleg.
tilgangurin með þeim
var Hulin ráðgáta.
Frumsýning: Blóðrauðu fljótin
Ath. ekki fyrir viðkvæma gagnrýnendur

Kvikmyndir.com
Sýnd kl. 5.45, 8 og 10.10. B.i.16 ára Sýnd kl. 5.50, 8 og 10.15.
JUDE LAW JOSEPH FIENNES
RACKEL WEISZ BOB HOSKINS OG ED HARRIS
Sýnd kl. 5.30, 8 og 10.30.



Hugleikur

KVIKMYNDIR.IS
byggð á sannsögulegum heimildum
Hann var maðurinn sem hóf partýið.
En öll partý
taka enda.
Sýnd kl. 5.30, 8 og 10.30.
Forsalan er hafin á Mummy Returns