Morgunblaðið - 16.05.2001, Blaðsíða 23

ERLENT
MORGUNBLAÐIÐ MIÐVIKUDAGUR 16. MAÍ 2001 23
Fyrstadagsumslög fást stimpluð
á pósthúsum um land allt.
Einnig er hægt að panta þau hjá
Frímerkjasölunni.
Sími: 580 1050 Fax: 580 1059
Netfang: postphil@postur.is
Heimasíða:
www.postur.is/postphil
Ný
frímerki
Y
D
D
A
/
S
ÍA
Á morgun 17. maí gefur Íslandspóstur út tvö ný Evrópu-
frímerki með myndefninu „Vatn - náttúruleg auðlind“
sem er sameiginlegt þema Evrópufrímerkjanna í ár.
Íslandspóstur gefur einnig út á morgun fimm ný frímerki
sem eru tileinkuð íslenska hestinum.
Frímerkin sýna fimm
mismunandi
gangtegundir og liti
íslenska hestsins.
AUÐKÝFINGURINN Silvio Berl-
usconi, verðandi forsætisráðherra
Ítalíu, hefur boðað „byltingu“ í landi
sínu; lofað að draga úr atvinnuleysi,
hækka ellilífeyri, stórauka opinberar
framkvæmdir, lækka um leið skatta
og draga úr skriffinnsku.
Berlusconi hefur undirritað
„samning við Ítalíu“ um að sækjast
ekki eftir embætti forsætisráðherra í
næstu kosningum standi hann ekki
við a.m.k. fjögur af þessum fimm
kosningaloforðum.
Auðkýfingurinn lofaði einnig eftir
kosningasigurinn á sunnudag að
stjórna Ítalíu eins og fyrirtæki og
mynda sterka stjórn sem gæti verið
við völd út kjörtímabilið. 58 ríkis-
stjórnir hafa verið myndaðar á Ítalíu
frá 1945 og engin þeirra hefur verið
við völd heilt kjörtímabil, það er án
þess að skipt hafi verið um forsætis-
ráðherra eða samstarfsflokka.
Bossi varð honum að falli
Berlusconi var forsætisráðherra í
sjö stormasama mánuði þar til sam-
steypustjórn hans féll árið 1994.
Norðurbandalagið, flokkur Umbert-
os Bossis á Norður-Ítalíu, hætti þá
stuðningi við stjórnina. Áður höfðu
ítölsk verkalýðssamtök efnt til alls-
herjarverkfalls til að mótmæla
áformum stjórnarinnar um að skerða
lífeyrisgreiðslur og um þrjár millj-
ónir manna tóku þátt í mótmæla-
göngum í 90 borgum og bæjum í
verkfallinu. Nokkru síðar gekk hálf
önnur milljón verkamanna um götur
Rómar til að krefjast þess að hætt
yrði við áformin og var það fjölmenn-
asta kröfuganga á Ítalíu eftir síðari
heimsstyrjöldina.
Berlusconi átti einnig undir högg
að sækja á þessum tíma vegna rann-
sóknar á ásökunum um að hann hefði
greitt mútur, brotið lög um fjár-
mögnun stjórnmálaflokka og sam-
keppnislög. Hann kvaðst saklaus af
þessum ásökunum og sagði þær
runnar undan rifjum pólitískra and-
stæðinga sinna.
Líkti sér við Napóleón
Berlusconi líkti sér við Napóleon í
viðtali við þýska dagblaðið Die Welt
sem birt var á laugardag. „Ég vil
byltingu. Ég ætla að endurskoða öll
lögin. Ég er staðráðinn í því að af-
nema 100.000 mótsagnakennd lög
sem bæla niður alla framtakssemi.“
Stefnu Berlusconis hefur verið
lýst sem blöndu af íhaldssömum gild-
um í anda Margaret Thatcher, fyrr-
verandi forsætisráðherra Bretlands,
og lýðskrumi.
Hann hefur sagt að á fyrstu
hundrað dögunum eftir myndun
stjórnarinnar hyggist hann hefjast
handa við að lækka skatta, koma á
umbótum í menntamálum, afnema
reglugerðir sem standi smáfyrir-
tækjum fyrir þrifum, smíða brýr,
leggja nýja vegi og auka „sveigjan-
leika og hreyfanleika“ vinnuaflsins á
Ítalíu. Líklegt er að síðastnefnda
breytingin verði mjög umdeild því
hún grefur undan strangri vinnu-
málalöggjöf sem öflug verkalýðs-
samtök hafa verndað.
Varað við miklum fjárlagahalla
Í kosningabaráttunni lagði Berl-
usconi áherslu á að hann hygðist
lækka tekjuskatta, minnka atvinnu-
leysið um helming, stemma stigu við
glæpum og stórauka opinberar fram-
kvæmdir á kjörtímabilinu. Þeir sem
hafa gagnrýnt stefnu hans segja að
loforð hans um að skattalækkanir og
stórauknar framkvæmdir verði til
þess að fjárlagahallinn aukist meira
en reglur Evrópusambandsins heim-
ili og evran veikist.
Berlusconi hefur gefið ýmis önnur
fyrirheit sem eru ekki jafnstórbrotin
en hafa mælst vel fyrir meðal margra
Ítala. Hann vill til að mynda afnema
alla erfðaskatta, gera fólki kleift að
gera upp hús sín án sérstakrar heim-
ildar yfirvalda, leyfa lífeyrisþegum
að hafa launaða atvinnu og skipu-
leggja nýjan háskóla sem helgi sig
„ensku, Netinu og einkaframtaki“.
Leitað í smiðju repúblikana
Margir stjórnmálaskýrendur á
Ítalíu telja að Berlusconi hafi leitað í
smiðju bandarískra repúblíkana í
kosningabaráttunni. „Öll meginat-
riðin í herferð Berlusconis, „Húsi
frelsisins“, eru gamlar brellur úr
handbók Richards Nixons, sem Ron-
ald Reagan notaði í breyttri mynd og
síðan George W. Bush í kosningun-
um í fyrra,“ sagði Victorio Zucconi,
fréttaritari ítalska dagblaðsins La
Repubblica í Washington.
Zucconi skírskotaði einkum til
andúðar Nixons á kommúnisma (en í
kosningabaráttunni minnti Berlusc-
oni oft vinstrisinnaða andstæðinga
sína á kommúníska fortíð þeirra),
notkunar Reagans á orðinu „bylting“
þegar hann lýsti stefnu sinni í efna-
hagsmálum og „samningsins við
Bandaríkin“ sem Newt Gingrich
hampaði árið 1994.
Auk efnahagslegra vandamála
Ítalíu þarf Berlusconi að takast á við
ásakanir um að hann sé vanhæfur til
að stjórna landinu vegna mikilla
viðskiptahagsmuna sinna. Berl-
usconi er þriðji auðugasti maður
Evrópu og auður hans er metinn á
andvirði rúmlega 1.000 milljarða
króna. Hann er ríkasti maður Ítalíu
og á meðal eigna hans þar eru þrjár
stórar sjónvarpsstöðvar, stærsta
auglýsingafyrirtæki landsins, stórt
útgáfufyrirtæki og eitt af þekktustu
knattspyrnufélögum Ítalíu, AC Mil-
an, auk þess sem hann hefur verið
mjög umsvifamikill í fasteignavið-
skiptum.
Berlusconi boðar
„byltingu“ á Ítalíu
AP
Silvio Berlusconi á kosningafundi í Mílanó.
Róm. AP, Reuters, The Daily Telegraph, Washington Post.
WOJCIECH Jaruzelski, fyrrver-
andi hershöfðingi og síðasti leiðtogi
kommúnistastjórnarinnar í Póllandi,
kom í gær fyrir rétt í höfuðborginni
Varsjá en honum er gefið að sök að
bera ábyrgð á morðum fjölda verk-
fallsmanna árið 1970.
Jaruzelski er ákærður fyrir að
hafa gefið fyrirskipun um að skotið
yrði á skipasmiði í verkfalli í borg-
unum Gdansk, Gdynia, Szczecin og
Elblag 17. desember árið 1970 en
hann var þá varnarmálaráðherra. 44
menn biðu bana og yfir eitt þúsund
særðust. Jaruzelski hefur lýst yfir
sakleysi sínu en verði hann fundinn
sekur á hann yfir höfði sér allt að 25
ára fangelsisdóm. Margir Pólverjar
líta þó fremur á réttarhöldin sem
uppgjör gegn kommúnismanum en
persónulegan dóm yfir hershöfðingj-
anum fyrrverandi.
Jaruzelski, sem er 77 ára, hætti af-
skiptum af stjórnmálum árið 1990.
Hann hefur sjaldan komið fram op-
inberlega síðan og hefur ekki tjáð sig
um réttarhöldin við fjölmiðla. Hann
hefur átt við ýmsa sjúkdóma að
stríða á undanförnum árum og rétt-
arhaldið var fært frá Gdansk til Var-
sjár vegna vanheilsu hans.
Jaruzelski
fyrir rétt
Reuters
Wojciech Jaruzelski kemur til
réttarhaldsins í Varsjá í gær.
Varsjá. AFP.
ÍÞRÓTTIR