Morgunblaðið - 16.05.2001, Blaðsíða 26

LISTIR
26 MIÐVIKUDAGUR 16. MAÍ 2001 MORGUNBLAÐIÐ
Acidophilus
FRÁ
Apótekin
Fyrir meltinguna og maga
með GMP gæðastimpli
100% nýting/frásog
H
á
g
æ
ð
a
fra
m
le
ið
sla
VERZLUNARSKÓLI ÍSLANDS,
Ofanleiti 1, 103 Rvík,
sími 5900 600,
verslo@verslo.is
Kennarar
Verzlunarskóli Íslands óskar að ráða
kennara næsta haust í
dönsku
Aðstoðarskólastjóri og deildarstjóri viðkomandi deildar veita
nánari upplýsingar um starfið. Umsóknum skal skila á skrif-
stofu skólans í síðasta lagi 31. maí 2001.
Laun samkvæmt sérstökum samningi við skólanefnd VÍ.
FJÓRAR klassískar halda söng-
skemmtun í tónlistarhúsinu Ými í
Skógarhlíð á morgun, fimmtudag
og sunnudaginn 20. maí næstkom-
andi kl. 20.30. Fjórar klassískar eru
Aðalheiður Þorsteinsdóttir píanó-
leikari og söngkonurnar Björk
Jónsdóttir, Jóhanna V. Þórhalls-
dóttir og Signý Sæmundsdóttir.
Efnisskráin samanstendur af
dægurperlum og sígildum söng-
lögum úr þekktum óperettum,
söngleikjum og kvikmyndum.
Söngskemmtunin ber yfirskrift-
ina Vorfiðringur, sem á vel við
þennan indæla árstíma að sögn
Fjögurra klassískra, og af því til-
efni munu þær bæði sýna lipurð
sína í sönglistinni og danssporum
sem eru samansett af listakonunni
Ólöfu Ingólfsdóttur.
Aðalheiður Þorsteinsdóttir
píanóleikari segir efnisskrána vera
alþekkta standarda. „Þetta er
gleðiprógramm,“ segir hún; „í
fyrstu verða sungin vorljóð eftir
Mendelssohn, Schumann og
Brahms, en síðan tekur við gleði-
músík frá ýmsum heimshornum,
söngleikjamúsík eftir Andrew
Lloyd Webber, dönsk dægurlög,
tangóar, Can-can, bátssöngvar,
Viljuljóð og fleira slíkt. Á eftir
þýskri óperettutónlist færum við
okkur yfir í amerísk lög, setjum
okkur í spor Marilyn Monroe og
syngjum Diamonds are a Girl’s Best
Friend, og Bacharach standardinn
Say a little prayer. Jóhanna syngur
Siboney og þá taka við ítölsk og
spænsk lög, Non ti scorda og Gran-
ada þar á meðal.“ Að sögn Aðal-
heiðar syngja söngkonurnar um
það bil eitt sóló á mann og örfáa
dúetta, en flestar raddsetningar
eru fyrir tríó, og hefur Aðalheiður
sjálf útsett flest lögin.
Leggjum mikið upp úr gleðinni
Aðspurð um ástæður þess að
Fjórar klassískar skuli kalla dag-
skrána söngskemmtun, en ekki tón-
leika, segir Jóhanna Þórhallsdóttir
að þær stöllur leggi mikið upp úr
léttleikanum og skemmtanagildinu,
og því að fólk skemmti sér og njóti
þess að hlusta. „Við höfum verið að
fást við músík lengi, og oft verið
með erfið og þung prógrömm, og
nú er bara kominn tími til að leggja
áherslu á gleðina. Við Aðalheiður
höfum verið að stúdera suður-
ameríska tónlist og gleðina og létt-
leikann sem í henni býr og höfum
einnig unnið með Léttsveitinni, sem
hefur þennan gleðistimpil á sér.“
Jóhanna segir Fjórar klassískar
hafa haft talsvert að gera við að
skemmta með söng sínum, bæði á
ráðstefnum, árshátíðum, og hvers
konar veislum og viðhafn-
arsamkvæmum. „Það hefur verið
að aukast, að fólk vilji nota tónlist
til að krydda tilveruna þegar mikið
stendur til. Fyrir söngvara er þetta
oft spurning um hvort maður fari í
jarðarfarirnar eða skemmtibrans-
ann, og þetta er hreint ekki leið-
inlegt. Það er bara svo gaman að
geta sungið og geta um leið glatt
aðra.“
Vor-
fiðringur
kominn
í Fjórar
klassískar
Ljósmynd/Spessi
Fjórar klassískar; Signý Sæmundsdóttir, Aðalheiður Þorsteinsdóttir,
Jóhanna V. Þórhallsdóttir og Björk Jónsdóttir.
MYNDLISTARMENN fortíðar
voru margir hverjir uppteknir af
ljósinu í sjálfu sér, ennfremur beinu
samspili ljóss og skugga, og hefur sú
árátta gengið í endurnýjun lífdaga á
síðari árum. Meistarar ljósflæðisins
líkt og Caravaggio og Georges de la
Tour mjög verið í sviðsljósinu og
fengið aukna þýðingu fyrir núlistir.
Þessa sér víða stað bæði í hreinum
ómenguðum búningi svo og í formi
sjónblekkinga í bland líkt og hjá
Hreini Friðfinnssyni og Sigurði
Árna Sigurðssyni.
Vinnuferlið getur verið æði marg-
breytilegt, jafnt hreint hugmynda-
fræðilegt hvar eitt og annað er tekið
til handargagns, sem í jafn sígildum
miðli og olíulitum á tvívíðum grunni.
Áður en þessir núlistamenn komu til
sögunnar hafði Hringur Jóhannes-
son öðrum fremur pælt í þessu beina
samspili í málverkinu og með eftir-
minnilegum árangri.
Þetta er og vinnuferlið á fyrstu
einkasýningu hinnar ungu Önnu Þ.
Guðjónsdóttur í sýningarsalnum
Man, og fylgir hún málverkum sín-
um úr hlaði með eftirfarandi línum:
„Myndirnar eru allar nafnlausar en
fjalla um samspil ljóss og skugga.
Hvernig ljósglampi eða endurskin
fellur hvort sem það er í svartasta
skammdeginu eða þegar það er bjart
allan sólarhringinn. Sami staður á
ólíkum tíma dagsins breytist eftir
því hvernig birtan fellur og hvernig
maður man hana.“
Anna gengur hreint til verks með
einfaldleikann að leiðarljósi, jafn-
framt er hvítt, svart og millitónanir
ríkjandi, á stundum með eilitlu af
öðrum lit til áherslu líkt og í litlu
myndinni nr. 12 sem er eitt hrifrík-
asta verkið á sýningunni. Önnur sem
vöktu sérstaka athygli fyrir sam-
þjappaðan einfaldleika og áhrifamátt
ljósbrigða voru helst nr. 1, 4 og 5, en
annars gætir nokkurs óöryggis und-
ir niðri og fullmikið stirnir í litinn.
Hér eru mött tilbrigði oftar en ekki
árangursríkust líkt og hjá Ham-
mershöi, og Anna gæti sótt mikinn
lærdóm í smiðju hans.
Annars er þetta mjög þokkaleg
frumraun sem lofar góðu um fram-
haldið ef rétt er haldið á spöðunum
eins og stundum er sagt…
Ljós og skuggar
Morgunblaðið/Bragi Ásgeirsson
Eitt af málverkum Önnu Þ. Guðjónsdóttur í sýningarsalnum Man.
MYNDLIST
S ý n i n g a r s a l u r i n n
M a n , S k ó l a v ö r ð u -
s t í g 1 4
Opið virka daga kl. 10–18. Sunnu-
daga kl. 14–18.
Til 27. maí. Aðgangur ókeypis.
MÁLVERK
ANNA Þ. GUÐJÓNS-
DÓTTIR
Bragi Ásgeirsson
„VARNARSAMSTARF í 50 ár“ er
yfirskrift ljósmyndasýningar sem nú
stendur yfir í Landsbókasafni Ís-
lands – Háskólabókasafni (Þjóðar-
bókhlöðunni). Sýningin er haldin í
tilefni þess að 50 ár eru liðin frá gerð
varnarsamnings Íslands og Banda-
ríkjanna. M.a. er gerð grein fyrir
hlutverki varnarliðsins, sögulegu yf-
irliti yfir varnarsamstarfið, sam-
skiptum stjórnvalda, varnarsvæð-
um, varnaræfingum, björgunar-
störfum og samskiptum Íslendinga
og varnarliðsins.
Hluti ljósmyndasýningarinnar var
fyrst sýndur í Þjóðmenningarhúsinu
4. maí sl. Sýningin er bæði á íslensku
og ensku. Henni fylgir sýningarskrá,
sem má einnig skoða á vefsetri utan-
ríkisráðuneytisins, www.utanrikis-
raduneytid.is undir Nýtt.
Sýningin er samstarfsverkefni ut-
anríkisráðuneytisins og varnarliðs-
ins á Íslandi og veitir hún yfirlit yfir
þróun varnarmála undanfarin 50 ár.
Sýningin stendur til 6. júní. Til 20.
maí er opið mánudaga til föstudaga
kl. 8:15-22, föstudaga kl. 8:15-19,
laugardaga kl. 9-17 og sunnudaga kl.
11-17, en eftir það mánudaga til
föstudaga kl. 9-17 og laugardaga kl.
10-14.
Ljósmynda-
sýning frá
varnar-
samstarfi
HALLDÓR Gíslason,
arkitekt hefur verið
ráðinn deildarforseti
hönnunardeildar við
Listaháskóla Íslands.
Halldór lauk stúd-
entsprófi frá Mennta-
skólanum í Hamrahlíð
árið 1972, hóf nám í
arkitektúr við háskól-
ann í Portsmouth,
Englandi, árið 1973,
lauk þaðan B.A. prófi
1976 og M.A. prófi
1979. Eftir það lagði
hann stund á listasögu,
heimspeki og tákn-
fræði við háskólann í
Bologna á Ítalíu vetur-
inn 1979-80 og ennfremur nám í
heimspeki við Háskóla Íslands 1980-
82. Halldór starfaði hjá ýmsum arki-
tektum samhliða námi og árið 1980
stofnaði hann sína eigin arkitekta-
stofu sem hann rak fyrst einn til árs-
ins 1984 og síðan með öðrum. 1993
var Halldór ráðinn kennari við arki-
tektadeild háskólans í
Portsmouth þar sem
hann hefur starfað síð-
an, samhliða sjálfstæðri
starfsemi.
Snemma á ferli sín-
um vakti Halldór at-
hygli hér á landi sem
einn fyrsti boðberi
nýrra viðhorfa í arki-
tektúr sem oft eru
kennd við „póst-mód-
ernisma“. Í umsögn
dómnefndar um hæfni
umsækjenda segir um
Halldór: „Verk um-
sækjanda á sviði arki-
tektúrs og hönnunar
bera með sér að höf-
undurinn hefur alla tíð verið frjór í
vinnu sinni og fús til að taka listræna
áhættu fremur en að feta örugga
slóð fastmótaðra höfundarein-
kenna.“
Fimm umsækjendur voru um
starf deildarforseta hönnunardeild-
ar og voru þrír þeirra dæmdir hæfir.
Ráðinn deildarfor-
seti hönnunardeildar
Halldór
Gíslason
FREYJUKÓRINN úr Borgarfirði
heldur tónleika í Víðistaðakirkju í
Hafnarfirði í kvöld, miðvikudags-
kvöld, kl. 20.30. Með kórnum koma
fram Halldóra Björk Friðjónsdóttir
og Dagný Sigurðardóttir sópran-
söngkonur.
Undirleik annast Steinunn Árna-
dóttir píanóleikari og Haukur Gísla-
son kontrabassaleikari.
Stjórnandi kórsins er Zsuzsanna
Budai.
Freyjukórinn
syngur í
Hafnarfirði
♦ ♦ ♦