Morgunblaðið - 16.05.2001, Blaðsíða 2

FRÉTTIR
2 MIÐVIKUDAGUR 16. MAÍ 2001 MORGUNBLAÐIÐ
8 SÍÐUR
Sérblöð í dag www.mb l . i s
Steingrímur skoraði fyrsta
markið og braut blað / C1
Fyrsti sigur Fylkismanna
á KR frá 1993 / C3
4 SÍÐUR
 Í VERINU í dag er greint frá aflabrögðum á Reykja-
neshrygg, rætt við stúlkur í Vélskóla Íslands og Stýri-
mannaskólanum í Reykjavík, fjallað um nafngjöf
skipa og hagstæðar aðstæður fyrir þorskeldi.
Fylgstu
með
nýjustu
fréttum
www.mbl.is
ENGIN kennsla verður í grunnskól-
um Hafnarfjarðar í dag vegna verk-
falls 400 starfsmanna Hlífar og sitja
því 3.350 nemendur heima. Fundað
verður í deilunni í dag hjá ríkissátta-
semjara en að sögn Sigurðar T. Sig-
urðssonar, formanns Verkalýðs-
félagins Hlífar, er lítil ástæða til
bjartsýni fyrir fundinn. Allir leikskól-
ar og gæsluvellir hafa verið lokaðir
síðan á mánudag og hafa því ríflega
1.100 börn verið án leikskólapláss í
þessari viku. Alls þurfa því tæplega
4.500 börn að sitja heima í Hafnar-
firði í dag og næstu daga náist ekki
samningar.
Samningar hafa tekist hjá launa-
nefnd sveitarfélaga við 27 stéttar-
félög víðs vegar um allt landið og
hafa þeir samningar yfirleitt verið
samþykktir með miklum meirihluta.
Hins vegar hafa samningar Hlífar nú
þegar verið felldir tvívegis og dökkt
útlit framundan í samningaviðræð-
um. Aðspurður um ástæður þess að
samningar hafi verið felldir tvívegis í
Hafnarfirði segir Sigurður að samn-
ingar við mörg hinna sveitarfélag-
anna hafi verið þeir fyrstu sem
starfsmenn þeirra gera en hins vegar
hafi fyrri samningur, sem í gildi var í
Hafnarfirði, verið gamalgróinn og
betri á mörgum sviðum.
Samningar stranda á kröfu
um meiri launahækkun
„Þannig að við náum ekki í þessum
samningum eins miklu og væntingar
stóðu til miðað við það sem við höfð-
um. Þetta er nú hluti af ástæðunni.
Þá er hluti af ástæðunni ekki síst
þessi mikla umræða í þjóðfélaginu og
upplýsingar um aukinn kostnað
heimilanna. Það hefur áhrif að bens-
ínverðshækkanir eru auglýstar með
tveggja daga fresti. Það eru líka upp-
lýsingar um verulegar verðlags-
hækkanir sem hafa komið núna und-
anfarnar tvær til þrjár vikur vegna
þessa óstöðugleika í krónunni og
vegna aukinnar verðbólgu er innflutt
nauðþurftavara heimilanna að stór-
hækka.“
Sigurður segir að samningar
strandi á kröfu um meiri launahækk-
un en sú krafa geti ekki talist óeðlileg
miðað við ástandið í þjóðfélaginu.
Hann segist ekki geta upplýst hver
krafan sé en ljóst sé að starfsfólk í
Hlíf hafi ekki sætt sig við fyrri samn-
ingagerðir og skilaboðin því skýr um
að það vanti meira til viðbótar.
Árangurslaus fundur var haldinn í
deilunni á mánudag og hefur næsti
fundur verið boðaður í dag hjá ríkis-
sáttasemjara. Að sögn Sigurðar er
ekki margt í spilunum sem gefur til-
efni til bjartsýni. „En ég vil taka al-
veg sérstaklega fram að við erum til-
búnir hvenær sem er og róum að því
öllum árum að þessu linni sem fyrst.“
Gunnar Rafn Sigurbjörnsson, for-
stöðumaður starfsmannahalds hjá
Hafnarfjarðarbæ og formaður samn-
inganefndar, segist ekki geta svarað
því af hverju illa gangi að semja í
Hafnarfirði. „Í rauninni er það ekki
mitt að svara því. Málið er á mjög
viðkvæmu stigi og verkstjórnin er í
mjög ákveðnum höndum ríkissátta-
semjara sem hefur tekið málin mjög
föstum tökum núna seinustu daga.
Þannig að mér er mjög óhægt um vik
að tjá mig mikið um málið.“
Magnús Baldursson, skólafulltrúi
Hafnarfjarðarbæjar, segir grunn-
skólana stöðvast í dag og því komist
3.350 nemendur ekki í skólann.
Starfsfólk skólanna mun hins vegar
mæta til vinnu í dag en hins vegar er
spurning hversu lengi það heldur
áfram að mæta. Að sögn Magnúsar
hefur þetta veruleg áhrif á allt skóla-
starf enda vorpróf að hefjast. Hins
vegar geti menn nú lítið gert nema
bíða eftir að samningar takist.
Lítil bjartsýni ríkjandi varðandi lausn deilunnar í Hafnarfirði
Tæplega 4.500 börn eru
heima hjá sér í dag
NEMENDUR í Austurbæjarskóla
settu niður vorlauka á skólalóðinni
hjá sér í gær, en laukarnir eru gjöf
frá Vinnuskóla Reykjavíkur í tilefni
af 50 ára afmæli Vinnuskólans. Öll-
um grunnskólum Reykjavíkur
stendur til boða að fá fimm vor-
lauka handa hverjum nemanda í 1.
og 5. bekk til að setja niður síðustu
dagana fyrir sumarleyfi. Blómin,
sem nefnast anímónur eða Maríu-
sóleyjar, koma síðan upp í ágúst,
rétt áður en skólastarf hefst, og
ættu nemendur þá að geta séð
árangur af starfi sínu frá því um
vorið.
Morgunblaðið/Sigurður Jökull
Settu niður vorlauka
við Austurbæjarskóla
ÞINGFLOKKUR Framsóknar-
flokksins leggst gegn því að kvóta-
setning á smábáta taki gildi hinn 1.
september nk. eins og gerist að
óbreyttu. Málið er viðkvæmt innan
þingflokks Sjálfstæðisflokksins,
enda togast á miklir hagsmunir smá-
bátaeigenda annars vegar og útgerð-
armanna hins vegar.
Samkvæmt lögum frá árinu 1999,
sem hafa þó ekki enn tekið gildi, var
ætlað að meginþorra krókabáta yrði
úthlutað aflahlutdeild og að árlegu
aflamarki yrði úthlutað í ýsu, ufsa og
steinbít til viðbótar þeirri fram-
kvæmd sem verið hefur um þorsk-
aflahámark krókaveiðibáta, en veið-
ar á öðrum tegundum yrðu frjálsar.
Núverandi skipan er frá árinu 1990
og vilja framsóknarmenn að hún
verði framlengd um eitt ár. Raunar
er til meðferðar í sjávarútvegsnefnd
frumvarp Vestfirðinganna Guðjóns
Arnars Kristjánssonar og Karls V.
Matthíassonar sama efnis.
Innan Sjálfstæðisflokksins er ekki
einhugur um málið; margir vilja að
eitt gangi yfir alla í kvótasetningu en
aðrir benda á miklar afleiðingar sem
hún myndi hafa, t.d. á Vestfjörðum.
Kristinn H. Gunnarsson, formað-
ur þingflokks Framsóknarflokksins,
sagði við Morgunblaðið að algjör ein-
hugur væri um málið innan þing-
flokksins. Mikill vilji væri til að bíða
eftir niðurstöðum kvótanefndarinn-
ar sk. sem ætlað er að endurskoða
lög um stjórn fiskveiða og meta mál-
in þá heildstætt.
Gildistöku laga um kvótasetningu
smábáta var raunar frestað um eitt
ár í fyrra af þeirri ástæðu. Þótti
óheppilegt að taka upp nýja skipan
við stjórn veiða smábáta meðan þessi
endurskoðun stæði yfir.
Fyrirhuguð kvótasetning á smábáta
Framsókn vill
fresta lögunum
♦ ♦ ♦
AÐALTRÚNAÐARMENN sjúkra-
liða á Landspítala – háskólasjúkra-
húsi hafa boðað til vinnustaðafundar
til að ræða stöðuna í kjaramálum
sjúkraliða. Fundurinn hefst klukkan
átta fyrir hádegi og er óvíst hvenær
honum lýkur, að því er fram kemur í
frétt frá aðaltrúnaðarmönnunum.
Fram kemur að samningar sjúkra-
liða hafi verið lausir frá 1. nóvember
síðastliðnum og þrátt fyrir ítrekaðar
óskir hafi aðeins verið boðað til sjö
funda og þar af hafi þrír verið afboð-
aðir með skömmum fyrirvara. Þá
kemur fram að engin hreyfing hafi
komist á samningaviðræðurnar fyrr
en Sjúkraliðafélagið hafi fyrst félaga
opinberra starfsmanna ákveðið að
vísa deilunni til ríkissáttasemjara.
Vinnustaða-
fundur
sjúkraliða
40 FETA gámur fauk á hlið-
ina í veðurofsa á Seyðisfirði í
gær og lagðist utan í krana
og olli nokkrum skemmdum.
Vindurinn, sem fór yfir 20
metra á sekúndu um miðjan
dag í gær, hreyfði einnig við
öðrum minni gámi, sem fauk
um 100 metra uns hann rakst
á bifreið og skemmdi hana.
Þungfært var um Fjarðar-
heiði í gær og fór flutninga-
bifreið út af veginum og tafði
umferð um tíma. Þar lentu
margir ökumenn í vandræð-
um enda ekki búnir til vetr-
araksturs.
Víða slæmt veður
á Austfjörðum
Að sögn lögreglu var veður
með ólíkindum slæmt á Seyð-
isfirði og einnig slæmt annars
staðar á Austfjörðum. Hálka
og skafrenningur voru á
Fagradal og Oddsskarði.
Vatnsskarð, milli héraðs og
Borgarfjarðar, var þá lokað.
40 feta
gámur
fauk á
hliðina
ALMENNAR stjórnmálaumræður
fara fram á Alþingi í kvöld á sk. eld-
húsdegi í þinginu. Hefst umræðan
kl. 20 og verður útvarpað og sjón-
varpað.
Þingfundur hefst raunar kl. 10 ár-
degis með 3. umræðu og atkvæða-
greiðslu um ýmis mál, m.a. frumvarp
um verkfall sjómanna.
Eldhúsdagur
á Alþingi