Morgunblaðið - 07.06.2001, Page 9

FRÉTTIR
MORGUNBLAÐIÐ FIMMTUDAGUR 7. JÚNÍ 2001 9
Glæsilegu handunnu
leðurstólarnir frá
á horni Laugavegs og Klapparstígs,
sími 552 2515
Sígild verslu
n
Portúgal
fást hjá okkur
Ný sending af sumarkjólum
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Hörkjólar,
-jakkar, -buxur
og toppar

 



  
Kringlunni
sími 581 2300
NÝJAR
VÖRUR
IÐNSKÓLINN í Reykjavík hélt ný-
verið hátíðlegan Iðnskóladaginn
sem að þessu sinni var fluttur úr
húsnæði skólans og í Kringluna. Þar
var skólinn með viðamikla náms-
kynningu og lagði undir sig stóran
hluta neðri hæðar verslunarmið-
stöðvarinnar.
Vildu skrá sig strax
Að sögn Baldurs Gíslasonar,
skólameistara Iðnskólans, er náms-
kynning af þessu tagi árviss við-
burður í tengslum við Iðnskóladag-
inn en þetta væri í fyrsta sinn sem
kynningin er færð út úr húsi á þenn-
an hátt. Hann segir viðtökurnar
hafa verið vonum framar og allt útlit
fyrir að þessi háttur verði hafður á
áfram. Þetta staðfestu bæði nem-
endur og kennarar sem Morgun-
blaðið ræddi við á kynningunni. Þeir
voru á einu máli um að einstaklega
vel hafi tekist til við kynninguna að
þessu sinni og hafði einn kennara á
orði að sumir gestanna hafi kvartað
yfir því að geta ekki skráð sig í skól-
ann þá og þegar í Kringlunni. Ekki
var hægt að verða við því m.a. vegna
þess að umsókn þarf að fylgja skrif-
leg gögn um fyrri skólavist og fleira.
Skráning nemenda hófst í þessari
viku og segir Baldur að hún sé með
eðlilegu móti.
„Það er nýtt fyrirkomulag á inn-
ritun í framhaldsskólana að þessu
sinni þvi nú er ekki sameiginleg inn-
ritun fyrir skólana eins og verið hef-
ur heldur er hún í hverjum skóla
fyrir sig.
Baldur segir vaxtarbroddinn í
skólanum undanfarið hafa verið á
tölvubrauti og að hönnunarbrautin
sé einnig nokkuð vinsæl. „Skólinn
starfar í góðum tengslum við at-
vinnulífið og við leggjum okkur fram
um að tengja skólann raunveruleg-
um verkefnum. Til að mynda vinna
nemar í hönnunarfræði núna að
verkefnum fyrir fyrirtæki úti í bæ.
Skólinn reynir að bjóða þá menntun
sem atvinnulífið biður um og aðlagar
sig þannig að þörfum atvinnulífs-
ins,“ sagði skólameistari. Í bæklingi
sem útdeilt var á kynningunni kem-
ur fram að aðsókn í skólann sé mjög
mikil. Iðnskólinn telst vera stærsti
framhaldsskóli landsins, með 1.500
nemendur í dagskóla og 400 í kvöld-
skóla, en þarf samt að vísa fólki frá.
Sérnám fyrir nýbúa
Baldur talar þó um eina braut þar
sem laða þyrfti að fleiri nemendur,
en það er málmtæknibraut. „Á
þeirri braut eru allt of fáir nemend-
ur, en að námi loknu er næga vinnu
að fá og ágætis launamöguleikar,“
segir Baldur. Hann segist ekki hafa
neinar skýringar á þessu á reiðum
höndum. „Það gæti þó verið ein af
skýringunum að nemendur á þessu
skólastigi leggi það ekki á sig að
leita upp í Borgarholtsskóla en nám
af þessu tagi hefur alfarið verið flutt
þangað.“ Af öðru nýmæli innan skól-
ans segir Baldur það helst að starf-
rækt sé mjög stór nýbúabraut þar
sem boðið er sérstakt nám sniðið að
þörfum nýbúa. „Við erum lang-
stærstir í þessu með 40-45 nemend-
ur og stefnum að því að stækka
brautina upp í um 60 nemendur.
Námið í Iðnskólanum er að miklu
leyti sniðið að þörfum hvers og eins
og á það sérstaklega við um þessa
nemendur því bakgrunnur þeirra er
svo mismunandi.“
Iðnskólinn kynntur í Kringlunni