Morgunblaðið - 07.06.2001, Blaðsíða 20

Skuldir bæjarsjóðs
aukast vegna fram-
kvæmda í skólamálum
MINNIHLUTI bæjarstjórnar
Reykjanesbæjar gagnrýnir meiri-
hlutann fyrir að auka skuldir bæj-
arsjóðs. Meirihlutinn segir að nið-
urstaða ársreiknings vegna síðasta
árs sé í samræmi við áætlanir en
fram kemur að verulegu fé var varið
til uppbyggingar grunnskóla á
árinu.
Bæjarstjórn Reykjanesbæjar
samþykkti reikninga bæjarsjóðs fyr-
ir síðasta ár eftir síðari umræðu sem
fram fór í fyrrakvöld. Minnihlutinn
gerði þó fyrirvara um skýringar á
verðmæti Reykjaneshallarinnar.
Í samræmi við áætlun
Í bókun meirihlutans, sem skip-
aður er bæjarfulltrúum Sjálfstæðis-
flokks og Framsóknarflokks, kemur
fram að niðurstaða ársreikningsins
sé í samræmi við áætlanir. Tekjur
vaxi um 85 milljónir og rekstur
málaflokka um 87 milljónir, þar af 70
milljónir vegna fræðslu- og félags-
mála. Mest muni um launahækkanir
og aukna þjónustu í grunnskólum.
Hins vegar hafi gjald- og eignfærð
fjárfesting reynst rúmum 30 millj-
ónum lægri en áætlað var.
Samtals var 863 milljónum varið
til framkvæmda á árinu. Mest fór til
skólamála, 526 milljónir kr., til leik-
skóla fóru 137 milljónir og 100 millj-
ónir í götur og holræsi. Fram kemur
að fræðslumálin voru fjárfrekasti
málaflokkurinn þegar lögð eru sam-
an útgjöld vegna rekstrar og gjald-
færðrar og eignfærðrar fjárfesting-
ar, en þau tóku til sín 1.327 milljónir
kr. Félagsmálin fengu 615 milljónir,
æskulýðs- og íþróttamálin 264 millj-
ónir og til gatna- og holræsamála
var varið 262 milljónum kr.
Skuldamet slegið
Við afgreiðslu reikninganna í
fyrrakvöld létu fulltrúar Samfylk-
ingarinnr bóka að í reikningunum
komi í ljós að enn hafi hið vafasama
skuldamet meirihlutans verið slegið.
Skuldir bæjarsjóðs í lok síðasta árs,
án lífeyrisskuldbindinga og án
skulda húsnæðisnefndar, samsvari
367 þúsund kr. á hvern íbúa. Sam-
svarandi tala hafi verið 270 þúsund í
lok árs 1999 og 172 þúsund í árslok
1997. Skuldir bæjarsjóðs voru í árs-
lok tæpir 4 milljarðar kr. og þeim til
viðbótar koma skuldir húsnæðis-
nefndar, 1,1 milljarður, og voru
heildarskuldir bæjarsjóðs því rúmir
5 milljarðar kr., að því er fram kem-
ur hjá minnhlutanum.
Bæjarfulltrúar Samfylkingarinn-
ar vekja einnig athygli á því að
Reykjanesbær standi nú frammi
fyrir því að þurfa að greiða niður
sinn hluta af skuldum Hafnasamlags
Suðurnesja en hlutur bæjarins í
1.025 milljóna skuldum hafnarinnar
sé nálægt 850 milljónum kr. Með því
að taka tillit til þessa nálgist skuldir
bæjarins 6 milljarða sem svarar til
hátt í 550 þúsund kr. á íbúa.
Fulltrúar meirihlutans sögðu að
skuldir bæjarins hefðu aukist á
árinu, eins og gert hafi verið ráð fyr-
ir í fjárhagsáætlun. Hins vegar muni
skuldirnar lækka á þessu ári og
þeim næstu, samkvæmt fjárhags-
áætlun og þriggja ára áætlun 2002
til 2004. „Markmiði meirihluta Sjálf-
stæðisflokks og Framsóknarflokks
um einsetningu grunnskóla er náð,
leikskólum og leikskólarýmum hefur
fjölgað og íþróttaaðstaða verið bætt.
Eins og áður geta bæjarbúar fylli-
lega treyst því að vel hefur verið far-
ið með skattfé þeirra og engu eytt í
óráðsíu,“ segir í bókun þeirra.
Reikningar Reyjanesbæjar vegna síðasta árs samþykktir
Reykjanesbær
SUÐURNES
20 FIMMTUDAGUR 7. JÚNÍ 2001 MORGUNBLAÐIÐ
Mótmæla fullyrð-
ingu um verðmæti
íþróttahúss
VIÐ afgreiðslu reikninga bæjar-
sjóðs Reykjanesbæjar fyrir síðasta
ár mótmæltu bæjarfulltrúar Sam-
fylkingarinnar fullyrðingu um
verðmæti Reykjaneshallarinnar
sem fram kemur í skýringum með
ársreikningunum og gerðu fyrir-
vara um það atriði við samþykkt
reikninganna af sinni hálfu.
Í bókun minnihlutans er sett
fram gagnrýni á meirihlutann fyrir
að svara illa spurningum um
reikninga bæjarins. Nefnt er sem
dæmi að í ársreikningnum sé full-
yrt í annað sinn að núvirði leigu-
greiðslna Reykjaneshallarinnar sé
undir raunvirði hússins. Ljóst sé
að sú fullyrðing standist ekki en
ekki hafi fengist upplýsingar um
útreikningana þótt um það hafi
verið spurt við afgreiðslu reikning-
anna fyrir ári.
Fram kemur að bæjarstjóri hafi
fullyrt í svari til skoðunarmanns
við gerð reikninganna nú, að nú-
virði leigugreiðslna sé 439 millj-
ónir kr. en raunvirði hússins áætl-
að eigi lægra en 500 milljónir.
Þessar tölur segjast fulltrúar
meirihlutans draga mjög í efa.
Vísa þeir til þess að miðað við
mat hússins þegar það var tekið á
leigu ætti verðgildi þess að vera
um 413 milljónir kr. Í fasteigna-
skrá sé mannvirkið metið á 125,5
milljónir og álagningarstofn þess
202 milljónir kr.
„Hvernig bæjarstjóri getur
áætlað raunvirðið 500 milljónir er
engan veginn útskýranlegt nema
að vísvitandi sé farið með rangt
mál til að réttlæta þá fullyrðingu
sem við höfum bent á að stæðist
ekki. Um leið skýrist tregðan til að
svara,“ segir minnihlutinn í bókun
sinni.
OPIN umræða um vandamál barna
og unglinga á grunnskólaaldri kem-
ur öllum til góða, foreldrum og nem-
endum, og getur aukið áhuga nem-
endanna á framhaldsnámi. Kom
þetta meðal annars fram á fundi for-
eldra þriggja efstu bekkja grunn-
skólanna í Reykjanesbæ.
Foreldrar nemenda í 8., 9. og 10.
bekkjum grunnskólanna í Reykja-
nesbæ hittust síðastliðið þriðjudags-
kvöld í Heiðarskóla til að ræða líðan
barna sinna og hvernig foreldrarnir
geti stutt börnin sín. Á fundinn
mætti 21 foreldri, þar af fimm feður,
en frá því í febrúar hafa foreldrarnir
hist á fundum til að ræða niðurstöðu
skýrslu er ber heitið Hagir og líðan
ungs fólks á Suðurnesjum og var
unnin fyrir Samband sveitarfélaga á
Suðurnesjum.
Í Reykjanesbæ eru fjórir grunn-
skólar og voru myndaðir 12 umræðu-
hópar og var 25% þátttaka foreldra.
Ólafur Grétar Gunnarsson, stjórn-
endaþjálfari, segist vera mjög
ánægður með þátttökuna þar sem
erfiðara sé að fá foreldra til að mæta
eftir því sem börnin eldast enda hafi
það sýnt sig að þátttakan var mest á
meðal foreldra nemenda í 8. bekk.
Opin umræða
um börnin
Á fundinum skiptust foreldrarnir
á skoðunum og voru á einu máli um
að opin umræða hefði hjálpað mjög
mikið. „Það er mikið lag að vera for-
eldri og við erum að hittast til að tala
saman og þannig hjálpa okkur sjálf-
um og börnunum til að meðhöndla
álagið,“ segir Ólafur.
Hann segir enn fremur að þetta sé
mjög góð leið til að auka áhuga
barnanna á framhaldsnámi. „Það
skiptir máli að fylgjast með því hvað
börnin eru að gera. Námið er þeirra
starf og þegar við, foreldrarnir, töl-
um um námið við þau og förum í
skólann þá eykst áhugi þeirra að
sama skapi og við náum að fjölga
samverustundum með börnunum.“
Fram kom í máli foreldra er fund-
inn sóttu að opin umræða um vanda-
mál barnanna væri mjög til hins
góða. Jafnframt gætu foreldrarnir
stutt betur hver aðra og fylgst nánar
með börnunum sínum.
Morgunblaðið/Golli
Á fundinum voru börnin og foreldrarnir til umræðu og litu ýmis sjónarmið dagsins ljós.
Skiptir máli að fylgjast
með börnum sínum
Foreldrar grunnskólabarna gera upp vetrarstarfið
Reykjanesbær
UNGLINGAR í Vinnuskóla
Reykjanesbæjar taka að sér að
slá garða hjá ellilífeyrisþegum og
öryrkjum. Fólkið á kost á því að
fá slegið hjá sér þrisvar á sumri
Duglegir sláttumenn
Morgunblaðið/Helgi Bjarnason
og er þjónustan endurgjaldslaus.
Þrír duglegir starfsmenn vinnu-
skólans fór um bæinn í gær og
slógu garða af miklum ákafa,
meðal annars einn við Háteig.
Sjálfkjörið í embætti
SKÚLI Þ. Skúlason (B) var endur-
kjörinn forseti bæjarstjórnar
Reykjanesbæjar til eins árs á fundi í
fyrrakvöld.
Á fundinum var kosið í embætti á
vegum bæjarstjórnar til eins árs sem
er síðasta starfsár yfirstandandi
kjörtímabils. Sjálfkjörið var í öll
embættin.
Kjartan Már Kjartansson (B) var
kosinn varaforseti bæjarstjórnar og
Jónína A. Sanders (D) 2. varaforseti.
Þorsteinn Erlingsson (D) og Krist-
ján Gunnarsson (J) voru kosnir
skrifarar.
Bæjarráðsmenn voru einnig end-
urkjörnir en þeir eru Jónína A.
Sanders (D), sem verið hefur for-
maður ráðsins, Kjartan Már Kjart-
ansson (B), Björk Guðjónsdóttir (D),
Jóhann Geirdal (J) og Kristmundur
Ásmundsson (J).
Reykjanesbær