Morgunblaðið - 07.06.2001, Page 10

FRÉTTIR
10 FIMMTUDAGUR 7. JÚNÍ 2001 MORGUNBLAÐIÐ
ALLS verður 14 starfsmönnum
sagt upp er slátrun á vegum Goða
hf. verður hætt í Búðardal eftir
haustið. Þar að auki hafa um 50
manns frá Búðardal og í sveitinni
komið að slátrun sem stendur frá
byrjun september og út október-
mánuð en það hefur reynst mikið
uppgrip fyrir bændur.
Einar Mathiesen, sveitarstjóri
Dalabyggðar, segir að ef þetta
gangi eftir verði það reiðarslag fyr-
ir byggðarlagið. „Þetta eru í raun-
inni mjög kaldar kveðjur sem Goði
hf. sendir til byggðarlagsins og
starfsmanna fyrirtækisins með
þessum hætti. Við heyrum fyrst af
þessu í fjölmiðlum og við höfum
reynt að ná í framkvæmdastjóra og
stjórnarformann fyrirtækisins en
þeir fóru víst af landi brott um síð-
ustu helgi. Ég var í sambandi við
stjórnarformann Goða hf. á mið-
vikudaginn í síðustu viku og þá lét
hann ekkert í veðri vaka um að
eitthvað væri í gangi. Hins vegar
hefur verið talað um á undanförn-
um mánuðum að ef eitthvað yrði
gert þá yrði reksturinn styrktur
heldur en hitt. Ég hélt að í nútíma-
rekstri fyrirtækja heyrðu svona
vinnubrögð gagnvart starfsfólki
sögunni til en þetta eru forkast-
anleg vinnubrögð að mínu mati.“
Einar segir að næstu daga muni
sveitarstjórnin kanna þau mál er
tengjast sameiningum Afurðar-
stöðvarinnar og Norðvesturbanda-
lagsins og sameiningu þess síðar-
nefnda inn í Goða hf. „Við ætlum
að athuga nánar hvernig að þeirri
sameiningu var staðið. Það lítur
þannig út að niðurstaða þessarar
sameiningar sé sú að hér eigi að
hirða af okkur markaðinn og störf-
in og setja hengilás á sláturhúsin,“
segir Einar.
Í fréttatilkynningu sem Goði hf.
sendi fjölmiðlum segir að tap hafi
verið á rekstri fyrirtækisins. Óhag-
kvæmt sé að reka sláturhús víða
um landið þar sem sláturvertíðin
standi í skamman tíma ár hvert og
fjárfestingar nýtist illa en auk
Búðardals verður slátrun lögð nið-
ur í Hólmavík, Þykkvabæ og Breið-
dalsvík.
Þorsteinn Benónýsson, forstöðu-
maður afurðasviðs Goða hf., segir
að engar uppsagnir hafi enn tekið
gildi á Búðardal og ekki sé búið að
tímasetja þær. „Það er búið að ák-
veða að láta af starfseminni þar og
þá breytist mannskapsþörf en við
höfum gefið út að það verður slátr-
að í haust og þá verður til hráefni
út næsta ár.“
Þorsteinn sagði jafnframt að
ekki væri búið að útiloka að starf-
semin yrði áfram að hluta til í Búð-
ardal þar sem Goði hf. ætti frysti-
geymslu í bænum. „Hagræðingin
snýr að slátrun en það hefur lengi
þurfti að hagræða þar vegna erfiðs
reksturs.“
Goði áformar að leggja af starfsemi í Búðardal
Sveitarstjórinn segir
þetta kaldar kveðjur
DEILUR hafa spunnist í borg-
arstjórn Reykjavíkur um kaup
Orkuveitunnar á auknu hlutafé í
Línu.Neti hf. Á fundi stjórnar
veitustofnana Reykjavíkur nú í
vikunni lögðu borgarfulltrúar
Sjálfstæðisflokks fram bókun þar
sem algjörri andstöðu er líst við
því að Orkuveitan leggi meira
hlutafé í fyrirtækið. Enn fremur
var lögð fram fyrirspurn þar sem
spurt er hvort til standi að fresta
hlutafjárútboði Línu.Nets sem
fyrirhuguð hafi verið á almennum
markaði og til hefði staðið að færi
fram í maí.
Borgarfulltrúar R-listans lögðu
fram bókun þar sem fram kemur
að með sókn inn á fjarskipta-
markaðinn sé Orkuveitan ásamt
Línu.Neti að fylgja eftir þróun
sem orðið hefði í nágrannalönd-
unum. Þar hefðu orkuveitur
sveitarfélaga eða bæjarfélög
stofnað dótturfyrirtæki, lagt ljós-
leiðara og boðið upp á víðtæka
fjarskiptaþjónustu.
220 milljónir til viðbótar
„Enn er verið að taka peninga
úr sjóðum Orkuveitunnar til að
setja í rekstur Línu.Nets og við
gagnrýnum þetta mjög harð-
lega,“ segir Vilhjálmur Þ. Vil-
hjálmsson, borgarfulltrúi Sjálf-
stæðisflokks og stjórnarmaður í
stjórn veitustofnana. Hann segist
telja gagnrýnivert að sveitarfélög
taki þátt í „samkeppnis og
áhætturekstri með þessum hætti.
Verið að nýta fjármagn Orkuveit-
unnar, sem viðskiptavinir hennar
leggja til með greiðslu á hitaveitu
og rafmagni, í áhætturekstur.
Hún hefur þegar lagt fram
hlutafé að upphæð tæplega 300
milljónir að kaupvirði og á þess-
um fundi var samþykkt að leggja
rúmlega 220 milljónir til viðbót-
ar,“ segir Vilhjálmur.
Eðlilegt meðan verið er að
ljúka uppbyggingu
ljósleiðarakerfisins
„Meirihluti stjórnar Orkuveit-
unnar telur mjög eðlilegt að
leggja nýtt fé inn í Línu.Net á
meðan verið er að klára uppbygg-
ingu ljósleiðarakerfisins hér á
höfuðborgarsvæðinu,“ segir Al-
freð Þorsteinsson borgarfulltrúi
R-listans og formaður stjórnar
veitustofnana. Hann bætir því við
að þegar umræddri uppbyggingu
verði lokið hyggist Orkuveitan
minnka hlut sinn í fyrirtækinu
þannig að hún verði ekki meiri-
hlutaeigandi. „Tilkoma Línu.Nets
hefur gert það að verkum að það
hefur orðið allt að helmings lækk-
un á gjöldum vegna gagnaflutn-
inga á höfuðborgarsvæðinu sem
hefur komið sér mjög vel fyrir
fyrirtæki og einstaklinga sem
hafa notið góðs af því,“ segir Al-
freð.
Reykjavíkurborg
eykur hlutafé
sitt í Línu.Neti
Ágreiningur í stjórn
Orkuveitunnar um Línu.Net
FRAMKVÆMDIR við veginn í
Bröttubrekku standa nú sem
hæst, en þær hófust fyrir nokkr-
um vikum.
Samkvæmt upplýsingum frá
Vegagerðinni í Borgarnesi miðar
þeim vel og er fyrirhugað að
ljúka við fyrsta áfanga verksins
innan mánaðar, það er að segja
fyllingar á sigsvæði á háheiðinni.
Þá er gert ráð fyrir að annar
áfangi verði unninn í vetur, þar
sem gerðar verða endurbætur á
veginum um Miðdalsgil í sunn-
anverðri Bröttubrekku, en reikn-
að er með að framkvæmdum verði
lokið að fullu við nýja veginn árið
2003.
Fram-
kvæmdir
í Bröttu-
brekku
Morgunblaðið/Svenni Kr.



        


   

 
     
 



 


  





  Á HNAPPAVÖLLUM í
Öræfum er eitt helsta
klettaklifursvæði landsins.
Þangað sækja klifrarar,
reyndir sem óreyndir, og
takast á við miserfiðar klif-
urleiðirnar. Stundum reyn-
ir á sambúð manns og fýls
þegar báðir gera tilkall til
sama klettanefsins.
Hvort klifrarinn á mynd-
inni fékk lýsisspýju í augun
þegar brúninni var loks
náð skal ósagt látið, en
fuglinn virðist til alls lík-
legur þar sem hann bíður
ábúðarfullur komu klifr-
arans.
Sam-
keppni
við fýlinn
Morgunblaðið/Vilhelm Gunnarsson
STJÓRN veitustofnana Reykjavík-
ur hefur falið forstjóra Orkuveit-
unnar að hefja undirbúning að 120
MW gufuaflsvirkjun á Hellisheiði.
Í þeim undirbúningi felst að láta
fara fram mat á umhverfisáhrifum
og flýta þeim rannsóknum og
hönnun sem til þarf.
„Ýmiskonar forrannsóknir vegna
virkjunarinnar hafa þegar farið
fram og nú standa þarna yfir til-
raunaboranir,“ segir Alfreð Þor-
steinsson, formaður stjórnar veitu-
stofnana. Alfreð segir að
undirbúningur að byggingu virkj-
unarinnar sé settur af stað vegna
frumvarps um samkeppni á raf-
orkumarkaði sem liggur fyrir Al-
þingi. Þar er gert er ráð fyrir því
að smásölumarkaður raforku verði
opnaður fyrir samkeppni í tveimur
áföngum og að hún verði komin á
að fullu í árslok 2003.
Landsvirkjun gæti
undirboðið Orkuveituna
Alfreð segir að þar sem Orku-
veitan sé með tiltölulega litla raf-
orkuframleiðslu sjálf, sé nauðsyn-
legt fyrir hana að auka við
framleiðslu sína verði frumvarpið
að lögum. Nú sé Orkuveitan með
60 MW virkjun á Nesjavöllum, sem
verði stækkuð upp í 90 MW um
næstu mánaðamót, en nokkuð stór
hluti þeirrar framleiðslu sé samn-
ingsbundinn vegna stóriðju.
„Raforkunotkun á hinum al-
menna markaði á höfuðborgar-
svæðinu er hins vegar 155 MW og
megnið af því kaupum við af
Landsvirkjun í heildsölu.
Það sem gerist með þessu frum-
varpi er að Landsvirkun fær jafn-
framt leyfi til að selja í smásölu og
þá getur hún komið óheft inn á
markaðinn á höfuðborgarsvæðinu.
Orkuveitan getur ekki svarað
þeirri samkeppni því hún er bundin
af kaupum af Landsvirkjun og hún
getur þess vegna undirboðið Orku-
veituna á þessum markaði sem við
höfum séð um hingað til. Eina svar
okkar við því er að byggja nýja
virkjun á Hellisheiði og þannig
mæta kröfum viðskiptavina okkar
um raforku á hagstæðu verði,“ seg-
ir Alfreð.
Alfreð segir áætlaðan kostnað
við virkjun á Hellisheiði vera um
12 milljarða króna, en að sér þyki
það ekki há fjárhæð miðað við ár-
leg viðskipti Orkuveitunnar og
Landsvirkjunar.
„Við kaupum af Landsvirkjun
árlega fyrir um fjóra milljarða og
eru það um 147 MW af raforku,“
segir Alfreð.
Misskilningur, segir
forstjóri Landsvirkjunar
Friðrik Sophusson, forstjóri
Landsvirkjunar, segir að Lands-
virkjun geri út af fyrir sig engar
athugasemdir við að Orkuveita
Reykjavíkur kanni og undirbúi
möguleika þess að framleiða orku á
þeim svæðum sem hún hafi yfir að
ráða. Hann bendir þó á að ekki
skorti orku inn á almenna mark-
aðinn, en margt bendi til þess að
stóriðjur hér á landi þurfi í fram-
tíðinni á auknu rafmagni að halda.
Friðrik telur að orð Alfreðs Þor-
steinssonar um að áformin séu við-
brögð Orkuveitunnar við væntan-
legri samkeppni, hljóti að vera á
misskilningi byggð.
„Hann hefur líklega ekki kynnt
sér nægilega það lagafrumvarp
sem um ræðir, því þar er skýrt að
flutningur og dreifing á raforku
verði að vera í sér fyrirtækjum og
þau starfi samkvæmt opinberri
gjaldskrá og hleypi allri þeirri
orku sem kaupendur og seljendur
vilja í gegnum kerfi sín. Þetta þýð-
ir að Landsvirkjun mun stofna sér-
stakt fyrirtæki um flutningsnet
Landsvirkjunar og Orkuveita
Reykjavíkur, eins og önnur fyrir-
tæki sem búa yfir dreifikerfi, verð-
ur að skilja þann rekstur frá sölu-
starfseminni.“
Á von á því að mörg sölu-
fyrirtæki muni spretta upp
Friðrik bendir á að Landsvirkj-
un hafi hingað til verið heildsölu-
fyrirtæki, en orka frá fyrirtækinu
hafi verið nýtt um land allt, þar á
meðal að stórum hluta í Reykjavík.
„Við verðum að tryggja að ein-
hverjir selji þá orku fyrir okkur í
breyttu umhverfi. Við höfum enga
ákvörðun tekið í þeim efnum; hvort
við gerum það í eigin fyrirtæki eða
í gegnum önnur fyrirtæki, t.d. í
eigu Orkuveitu Reykjavíkur. Ég á
hins vegar von á því að upp spretti
mörg sölufyrirtæki, enda er meg-
inbreytingin í væntanlegum lögum
sú að kaupendur fái val um hvaðan
þeir kaupa orkuna,“ sagði Friðrik
Sophusson.
Svar við samkeppni
á raforkumarkaði
Undirbúningur hafinn að gufuaflsvirkjun á Hellisheiði