Morgunblaðið - 17.06.2001, Page 29

MORGUNBLAÐIÐ SUNNUDAGUR 17. JÚNÍ 2001 29
Hulda Hallgrímsdóttir,
Menntaskólinn að
Laugarvatni
Stefndi að
þessu
HULDA Hallgrímsdóttir, dúx
Menntaskólans að Laugarvatni,
var stödd á Costa del Sol þegar
Morgunblaðið sló á þráðinn til
hennar fyrir helgina.
„Ég er í sundlaugargarðinum
við hótelið í um 30 stiga hita en við
erum búin að vera hérna í viku og
komum heim á fimmtudaginn. Það
útskrifaðist 31 nemandi en það var
35 manna hópur sem fór út þar
sem einhverjar kærustur og kær-
astar fengu að fljóta með. Við er-
um eini skólinn hérna en það er
búið að vera alveg svaka stuð. Við
fórum til Afríku í gær og var það
um 10 klukkustunda ferð og fórum
við meðal annars til Marokkó. Þá
erum við búin að fara til Malaga í
verslunarferð og bara verið í af-
slöppun og er það kærkomið eftir
prófin.“
Góður andi í ML
Hulda, sem er frá Húsavík, út-
skrifaðist af náttúrufræðibraut
skólans og líkaði henni mjög vel
við bekkjarkerfið. „Þarna var sam-
an kominn lítill hópur og urðu allir
mjög góðir vinir. Það ríkti mjög
góður andi í skólanum og við för-
um örugglega að gráta þegar við
kveðjum hvort annað eftir ferð-
ina,“ segir hún.
Aðspurð segir Hulda að hún hafi
stefnt að svo góðum árangri eins
og raun bar vitni enda hafi hún
verið með góðar einkunnir allan
námstímann. „Árangurinn var því í
samræmi við þann árangur sem ég
hafði verið með.“ Hún segir að til
að ná svona námsárangri þurfi
metnaður að vera til staðar. „Þetta
er mikil vinna og það þarf gott
skipulag. En til hvers að vera að
þessu ef maður getur ekki gert
þetta vel.“
Hulda segir að félagslífið í skól-
anum hafi verið mjög gott en hún
var í félagsstjórn skólans. „Þá hafa
bestu vinir mínir verið að stjórna
félagslífi skólans síðustu árin og
tíminn hefur verið hreint frábær.
Það gera allir allt saman og maður
týnist ekkert í fjöldanum.“
Til Spánar í haust
Þegar Hulda kemur heim frá
Spáni fer hún að vinna á veit-
ingastaðnum Sölku á Húsavík. „Ég
hef verið að vinna á veitingastöð-
um og í kringum ferðamenn síð-
ustu þrjú árin. Það er mjög gaman
enda er maður að vinna með
skemmtilegu fólki.“
Í haust ætlar Hulda aftur til
Spánar þar sem hún fer í mála-
skóla. „Þetta er einkaskóli á veg-
um Samvinnuferða-Landsýnar og
verð ég að minnsta kosti fram að
jólum þar að læra spænsku. Svo
ætla ég að reyna að útvega mér
vinnu hérna á Spáni eftir áramótin
og slaka aðeins á eftir menntaskól-
ann. Þar næsta haust ætla ég svo í
Háskóla Íslands og stefni á verk-
fræði, þá í tölvunarfræði en hún
heillar mig ágætlega. Ég er þó
ekki alveg viss og ætla að melta
það aðeins betur,“ sagði Hulda og
hélt áfram að njóta sólarinnar.
félagsskap í skólanum. Það verður
að vera gaman og skólinn verður
að vera skemmtilegur. Í Kvennó
er þokkalegt félagslíf, stór böll og
slíkt, en ekki mikið um klúbba-
starfsemi og þess háttar en von-
andi verður meira um slíkt í fram-
tíðinni.“
Er talið berst að því hvað mætti
bæta í kennslu í framhaldsskólum
segir Sigríður: „Það þarf að hætta
að mata og kenna í staðinn sjálf-
stæð vinnubrögð. Í grunnskóla var
okkur sagt að það yrði stórt stökk
að fara í framhaldsskóla, en mér
fannst það alls ekki, þar sem um
sömu mötunina er að ræða á báð-
um stöðum. Þess vegna reynist
það ef til vill sumum erfitt að tak-
ast á við nám á háskólastigi þar
sem kröfurnar eru oft aðrar. Það
bitnar auðvitað líka á nemendum,
hversu illa gengur að fá fólk í
raungreinakennslu. Ég vil samt
ekki hljóma of neikvæð, því ég sé
síður en svo eftir því að hafa valið
Kvennaskólann, Kvennó er frábær
skóli.“
Ætlar í læknisfræði
Sigríður segir að það sé enn
óráðið hvað hún muni gera í sumar
en í haust ætli hún í Háskóla Ís-
lands. „Ég er búin að innrita mig í
læknisfræði og hafði hugsað um
það lengi, þó svo að ákvörðunin
hafi ekki verið tekin endanlega
fyrr en við innritunarborðið. Það
er margt sem stendur til boða
hvað nám varðar, en ég held að
læknisfræðin eigi ágætlega vel við
mig og bíð ég spennt eftir því að
takast á við hana.“
Morgunblaðið/Arnaldur
Ásthildur Erlingsdóttir,
Menntaskólinn við
Hamrahlíð
Fjölga
þarf
leiðum
ÁSTHILDUR Erlingsdóttir út-
skrifaðist af náttúrufræðibraut
Menntaskólans við Hamrahlíð og
segir hún að það sé mjög skemmti-
legt að vera dúx en það hafi komið
svolítið á óvart.
Ásthildur vann mikið með nám-
inu og þar að auki var hún fjörug í
félagslífinu eins og hún orðar það.
„Ég var í leikfélaginu og hef tvisv-
ar sinnum tekið þátt í uppfærslum
á vegum félagsins. Í fyrra var ég
meðal annars í stjórn leikfélagsins
og í ár var ég framkvæmdastjóri
nemendastjórnarinnar. Þetta tók
auðvitað talsverðan tíma en ég var
búin að taka frekar mikið á fyrstu
önnunum og vegna þess átti ég lít-
ið eftir síðasta árið. Af þeim sökum
var álagið ekki rosalega mikið und-
ir lokin. Þetta er nefnilega kost-
urinn við áfangakerfi. Annars hef-
ur mér ávallt fundist auðvelt að
skipuleggja námið og þetta er mér
bara frekar einfalt eins og sumir
kunna að spila á píanó. Maður
verður jafnframt að vinna jafnt og
þétt yfir önnina, skila öllum verk-
efnum og standa sig vel á prófum á
önninni. Auðvitað þarf maður svo
að lesa vel fyrir lokaprófin.“
Próf of mikils metin
Ásthildur segir að ýmislegt megi
bæta er við kemur menntun hér á
landi. „Það er fáránlegt hversu
námsleiðirnar eru fáar þó svo að í
MH sé hvað mesta valfrelsið. Í
raun og veru finnst mér allt of
mikið af fólki í menntaskóla sem
ætti að vera að gera eitthvað ann-
að þar sem það er betra í ein-
hverju öðru. Þegar fólk kemur úr
grunnskóla eru leiðirnar of fáar að
mínu mati. Í dag er litið á stúd-
entsprófið eins og litið var á gamla
landsprófið. Þegar maður kemur
upp úr grunnskóla hefur maður í
raun og veru enga menntun og
mér finnst það ekkert endilega
þurfa að vera þannig að allir þurfi
að vera að læra á bókina þó svo að
menntun sé að sjálfsögðu af hinu
góða og menntun veiti fólki ým-
islegt. Samt sem áður finnst mér
þetta of einhæft núna þar sem
þetta hentar of fáum, þ.e. þær
námsleiðir sem í boði eru og krafa
um stúdentspróf í svo rosalega
mörgu, sbr. fyrir fóstrunám, leik-
listarnám og listanám. Það þurfa
allir að vera með stúdentspróf og
með háskólagráðu og það er of
mikils metið að mínu mati. Það er
auðvitað mikilvægt í sumum grein-
um og menntun nauðsynleg í
ákveðnum greinum en það er of
mikið gert úr þessari einu leið.
Hvað mig varðar þá er ég mjög
heppin þar sem ég passaði vel inn í
þetta kerfi en það á ekkert við um
alla og ég held að það væri hægt
að nýta krafta margra mun betur
heldur en láta þá væflast í mennta-
skóla sem þeir hafa jafnvel engan
áhuga á og það er jafnvel óljóst
hvað þeir vilji gera nema það að
komast eitthvað áfram í lífinu.“
Merkilega lítil
áhrif verkfalls
Er talið berst að verkfalli kenn-
ara segir Ásthildur að það hafi haft
merkilega lítil áhrif. „Það var
merkilegt hversu kennarar gátu
verið lengi í verkfalli en samt gat
skólastarfið haldið áfram og prófin
verið jafnskyld miðað við hve litlu
var bætt við. Auðvitað dró verk-
fallið kjarkinn úr sumum og enn
fremur hafði það hrikaleg áhrif á
þá sem ætluðu að útskrifast um
jólin og stefndu á að fara út eftir
áramótin.“
Í sumar mun Ásthildur starfa í
Vesturhlíð á leikjanámskeiði fyrir
fatlaða og þá ætlar hún á Hróars-
keldu. En hvað á að gera í haust?
„Ég ætla í læknisfræði í Háskóla
Íslands. Ég hef stefnt að því frek-
ar lengi en tók endanlega ákvörð-
un um það fyrir um ári síðan.“
DAVÍÐ Hilmarsson útskrifaðist af
félagsfræðibraut sálfræðilínu Fjöl-
brautaskólans í Garðabæ.
„Ég er ekki þessi týpíski lær-
dómshestur og ekki þessi „proffi“
eins og menn segja. Það búast ef-
laust ekki margir við þegar þeir
sjá mig að ég sé góður náms-
maður. Ég hef alltaf verið þessi
íþróttatýpa og spilaði meðal ann-
ars fótbolta með Stjörnunni í mörg
ár en hætti fyrir ári síðan.“
Mæta vel og
taka eftir í tímum
Davíð segir það vera svolítið
skrýtið að vera dúx. „Ég vissi að
ég ætti möguleika á því en vissi að
það voru margir aðrir góðir nem-
endur í hópnum. Ég opnaði varla
bók fyrr en fyrir lokaprófin og því
er ég mjög stoltur af þessum ár-
angri. Ég er ekki þessi lærdóms-
hestur þó svo að ég hafi ávallt ver-
ið duglegur að læra. Það skiptir
meginmáli að mæta vel í tíma og
taka vel eftir og þá veit maður að-
alatriðin. Þá þarf maður jafnframt
ekkert að sökkva sér í nokkurra
klukkustunda heimanám eftir
skóla.“
Aðspurður segir Davíð félagslíf-
ið í FG vera gott og hann hafi tek-
ið virkan þátt í því. „Vegna verk-
fallsins riðlaðist félagslífið aðeins á
síðustu önninni en annars er alltaf
nóg um að vera og má nefna ýmsa
þemadaga og Þórsmerkurferð í því
sambandi.“ Hann segir jafnframt
að verkfall kennara hafi ekki haft
mikil áhrif á hann en það hafi ver-
ið mjög erfitt fyrir marga. „Ég var
að vinna stanslaust í verkfallinu og
kíkti ekki í bók og þar af leiðandi
voru viss viðbrigði að byrja aftur í
skólanum. Verkfallið var erfitt fyr-
ir suma þar sem mikið var að gera,
meira að læra heima og einnig var
kennt stífar og farið hraðar yfir.
Allir skiluðu sér náttúrulega ekki
aftur í skólann en þó held ég að
þetta hafi bjargast ágætlega og
allir hafi bara staðið sig nokkuð
vel miðað við allt.“
Áfangakerfi skynsamlegra
Hvað má bæta í framhaldsskól-
um almennt að þínu mati? „Ég hef
nú ekki pælt mikið í því en tel þó
að áfangakerfi sé mun skynsam-
legra heldur en bekkjarkerfi eins
og MR er með. Í áfangakerfinu
hefur maður fleiri valkosti en mað-
ur hefur enga valkosti í MR. Mað-
ur er bara settur í ákveðna bekki
með ákveðin fög og getur ekkert
valið. Þeir sem eru í áfangakerfi
geta hins vegar valið eftir sínu eig-
in höfði. Svo þurfa MR-ingarnir að
læra allt námsefnið frá því í 1.
bekk fyrir stúdentspróf og ég sé
ekki alveg tilganginn með því, því
miður.“
Í sumar verður Davíð að vinna
hjá byggingarverktökum í múr-
verki og er þetta fjórða sumarið
hans. Hann segir að það sé hins
vegar óráðið hvað hann geri í
haust.
Hvíla heilasellurnar
„Ég er ekki alveg búinn að
ákveða hvað ég ætla að læra í
framtíðinni en er með ýmsar hug-
myndir í kollinum. Ég fer þó ekki í
nám í haust þar sem ég ætla að
taka ársfrí til að hvíla heilasell-
urnar. Ég ætla að nota tímann og
melta það hvort ég fari í háskóla
hérna heima eða erlendis. Ég vill
ekki vera að fara að læra eitthvað
með hálfum huga og hætta svo
jafnvel ef mér líkar ekki námið.
Það er mun betra að vera ákveð-
inn í hvað maður vill læra og fara í
það af heilum hug.“
Morgunblaðið/Jim Smart
Davíð Hilmarsson,
Fjölbrautaskólinn í
Garðabæ
Ekki þessi
„proffi“
Mörkinni 3, sími 588 0640
G
læ
si
le
g
hú
sg
ög
n
Sérpantanir
Opið mán.-fös. frá kl. 12-18.
Lau. frá kl. 11-14.
Skeifunni 17 sími 550-4100
Furuvöllum 5 sími 461-5000
Góður heimilisprentari.
4 lita sprautukerfi.
2880 dpi upplausn.
A-4 prentstærð.
Tengist við PC & Mac.
EPSON SC 680
Hraðvirkur prentari með 6 lita
sprautukerfi.
1440x720dpi prentupplausn.
A-4 prentstærð.
Tengist við PC & Mac.
EPSON SC 870 SE
Hágæða ljósmyndaprentari með
6 lita sprautukerfi.
1440x720dpi prentupplausn.
PCMCIA kortalesari.
A-4 prentstærð
Tengist við PC & Mac.
EPSON SC 875 DC
Öflugur ljósmyndaprentari með 6
lita sprautukerfi.
1440x720dpi prentupplausn.
A-3+ prentstærð.
10 ára litfesta á ljósmydapappír
frá EPSON.
Tengist við PC & Mac.
EPSON SC 1270 A-3
Sumartilboð
Sumartilboð
Office1 02/06-2001
34.900.-
19.900.-
16.900.-
10.900.-