Morgunblaðið - 17.06.2001, Blaðsíða 30
30 SUNNUDAGUR 17. JÚNÍ 2001 MORGUNBLAÐIÐ
Morgunblaðið/Sverrir
Berglind Bára Sig-
urjónsdóttir, Mennta-
skólinn við Sund
Persónu-
legur
metnaður
BERGLIND Bára Sigurjónsdóttir
útskrifaðist af félagsfræðibraut
Menntaskólans við Sund. Hlaut hún
einkunnina 9,7 og er það jöfnun á
hæstu fullnaðareinkunn sem gefin
hefur verið við skólann frá upphafi
en árið 1996 fékk Katrín Jakobs-
dóttir, stúdent úr latínudeild, sömu
einkunn.
„Síðustu tvö árin vissi ég að ég
hefði góða möguleika á að verða dúx
en þetta var mjög tvísýnt alveg fram
í lokin,“ svarar Berglind þegar hún
er spurð að því hvort hún hefði búist
við að verða dúx skólans.
Að vera bestur
Berglind segir að henni hafi ávallt
gengið vel í námi en hvað skóp þenn-
an árangur? „Minn eigin metnaður
og enn fremur hefur fjölskyldan allt-
af stutt vel við bakið á mér. Þetta
snýst einfaldlega um persónulegan
metnað og að vera bestur. Auðvitað
skiptir áhugi miklu máli en ég hef
ávallt haft mjög gaman af því að
læra og þegar ég var barn las ég
mjög mikið og var afskaplega for-
vitin.“ Aðspurð segir Berglind að
hún hafi ekki þurft að taka minni
þátt í félagslífi skólans heldur en
hún hafi kosið til að ná þessum ár-
angri í náminu. „Það er virkilega öfl-
ugt félagslíf í MS og það býður upp
á mjög margt enda er það í raun og
veru öllum opið. Þeir sem vilja taka
þátt í miklu félagslífi geta til að
mynda blómstrað í MS en þó er allt-
af ákveðinn hópur sem er allt í öllu
hvað það varðar. Ég skar mig ekki
úr þegar kom að ásókn í félagslífið
heldur var ég bara eins og flestir
aðrir, fór á böllin og þess háttar.“
Vantar oft hæfa kennara
Í vetur starfaði Berglind í mat-
vöruverslun um helgar og jafnfamt
vann hún í kennaraverkfallinu. „Ég
lærði þó eitthvað og jafnvel meira
heldur en margir aðrir. Verkfallið
kom annars ekkert illa við mig en
auðvitað setti það skólastarfið í upp-
nám og það kom frekar illa við suma
sem stóðu kannski verr að vígi og
þurfa meira aðhald. Ef verkfallið
hefði ekki komið til hefði verið hægt
að fara betur í námsefnið en stúd-
entsprófin sem við tókum voru alveg
sambærileg við þau sem áður hafa
verið tekin við skólann.“
Þegar talið berst að því sem
mætti bæta í MS og í framhalds-
skólum almennt segir Berglind;
„Það þarf að bæta aðstöðu nemenda
í skólanum þar sem hún er mjög lé-
leg. Þá vantar oft á tíðum hæfa
kennara. Hvað mig varðar var ég
mjög heppin með kennara en oft
urðu ansi skrautlegar persónur á
vegi manns þó svo þeir hafi ekki
endilega verið að kenna mér. Þó get-
ur að sjálfsögðu verið erfitt að fá
hæfa kennara til starfa þegar þeim
bjóðast betur launuð störf annars
staðar.“
Í sumar starfar Berglind við af-
leysingar á skrifstofu Morgunblaðs-
ins og líkar henni það vel. Í haust
ætlar hún hins vegar í lögfræði í Há-
skóla Íslands og segir hún að það sé
tiltölulega ný ákvörðun. „Það hefur
aldrei verið eitthvað eitt sem mig
hefur langað til að gera en ég held
að lögfræðin henti mér að mörgu
leyti. Þetta er góð menntun hvort
sem maður fer að vinna við lögfræði-
störf eða ekki og ég hlakka bara til
að byrja.“
SIGURÐUR Bjarni Sigurðsson, dúx
Verkmenntaskólans á Akureyri, út-
skrifaðist af hagfræðibraut, en hann
er fyrsti stúdentinn sem brautskráð-
ur er frá skólanum, sem einungis
hefur hlotið fjarkennslu.
„Ég var 21 árs þegar ég hóf námið
og því var liðinn dálítill tími frá því
maður hafði verið í skóla og meðal
annars vegna þess vildi ég ekki fara í
dagskóla. Jafnframt ætlaði ég að
vinna með þessu og var í fullri vinnu
fyrsta veturinn, en síðustu þrjú árin
var það of mikið,“ segir Sigurður.
Gríðarleg vinna
Sigurður segir að það hafi verið
mjög fínt að taka námið í gegnum
fjarkennslu, en það hafi þó verið
virkilega erfitt. „Það á sérstaklega
við um ákveðnar greinar og má nefna
stærðfræði sem dæmi. Þar þarf mað-
ur oft meiri hjálp heldur en í öðrum
greinum og það getur verið erfitt
þegar maður þarf að leita mikið til
kennarans. Þessi samskipti eru það
hæg og því leitaði ég einna mest til
systkina minna og foreldra, þar sem
þau eru búin að ganga í gegnum
framhaldsnám. Í rauninni fannst
mér það betra heldur en að leita til
kennarans, þar sem það er fljótlegra.
Þau hjálpuðu mér talsvert í ákveðn-
um greinum, það er ekki spurning.“
Sigurður segir jafnframt að fjar-
kennsla sé gríðarleg vinna. „Að
miklu leyti er þetta tvöföld vinna.
Þegar búið er að vinna verkefnin þá
þarf að vélrita þau inn og senda þau
með pósti. Fyrstu árin var ég ekki
búinn að læra vélritun og var bara að
pikka með einum eða tveimur putt-
um og það gekk oft ansi hægt.
Það var ekki boðið upp á kennslu í
vélritun fyrr en á síðasta árinu og þá
tók ég þá tvo áfanga í vélritun, sem
ég þurfti að taka. Það var ekki boðið
upp á hana í fjarnáminu fyrr en það.
Það er ekki auðvelt að kenna vélritun
í gegnum fjarnám og það var ekki
búið að búa til kennsluefni fyrr en
fyrir síðasta árið.“
Ætlar í eitthvað
tæknilegs eðlis
Aðspurður segir Sigurður að það
hafi ekki komið neitt sérstaklega við
hann að verða dúx eins og hann orðar
það. „Það var ekkert eitthvað húllum
hæ. Ég vissi ekkert hvað krakkarnir
í dagskólanum voru að skora í ein-
kunnum, en ég vissi nokkurn veginn
hvað ég myndi fá í lokaeinkunn.“
Í sumar starfar Sigurður í al-
mennri smíðavinnu hjá bygginga-
verktaka á Akureyri.
En hvað á að gera í haust? „Ég er
búinn að sækja um í nokkrum skól-
um, en er ekki búinn að fá neitt út úr
því ennþá og vil ekki gefa neitt út á
hvað verður. Mig langar til að læra
eitthvað tæknilegs eðlis og reikna
með að fara í tæknifræði eða verk-
fræði. Ég hef starfað í byggingariðn-
aði síðan ég var gutti og hef gaman af
því.“
Sigurður Bjarni Sigurðs-
son, Verkmenntaskól-
inn á Akureyri
Tók námið í
gegnum
fjarkennslu
ÁTAKIÐ gengur undir nafninu
„þjóðarátak í þágu Háskóla Íslands“
og hefur forseti Íslands, Ólafur
Ragnar Grímsson, fallist á að vera
sérstakur verndari átaksins. „Okkur
er mikill heiður og sómi sýndur af
forsetanum og ekki vafi á því að þátt-
taka hans eykur þunga og slagkraft
okkar sem að átakinu standa og auka
trúverðugleika þess,“ segir Þorvarð-
ur Tjörvi.
Hvers vegna átak?
Þorvarður Tjörvi segir: „Háskóli
Íslands á 90 ára afmæli á þessu ári og
það eru merk tímamót í sögu skólans
og þjóðarinnar. Okkur þykir við hæfi
á svona tímamótum að stúdentar sýni
frumkvæði í því að efla skólann, m.a.
með því að vekja þjóðina til vitundar
um skólann sem allir landsmenn hafa
aðgang að og tryggir jafnrétti til
náms í þjóðfélaginu. Þá er einnig afar
brýnt, í ljósi þess að Háskóli Íslands
er nú að verða fullburða rannsókn-
arháskóli, að eitthvað sé gert til að
afla háskólastúdentum aðstöðu og
fjármagns til rannsóknarstarfa vítt
og breitt um landið. Þannig nýtist
mannauðurinn sveitarfélögunum og
þar með þjóðinni allri. Alls eru um
500 stúdentar í framhaldsnámi nú um
stundir, albúnir til rannsóknarstarfa.
Innan tíðar verður sú tala komin upp
í 1000 og því ljóst hversu brýnt er að
efnt verði til víðtæks stamstarfs sem
er öllum til góða.
Þjóðarátak í þágu Háskóla Íslands
er samsett úr mörgum þáttum, m.a. í
kynningu á Háskólanum, gerð starfs-
samninga við sveitarfélög og fleiri að-
ila um eflingu rannsókna á lands-
byggðinni, gagnvirku samstarfi við
fyrirtæki, áskorun almennings á
stjórnvöld að gera vel við skólann á
afmælisárinu og þannig mætti áfram
telja. Átakinu verður ýtt úr vör þann
17. júní en þá eru níutíu ár liðin frá
stofnun skólans.
Efling rannsókna um allt land?
Þorvarður Tjörvi segir að flokka
megi framkvæmdina í þrjá megin-
flokka. Þann fyrsta megi kalla eflingu
rannsókna á landsbyggðinni, annan
aukið samstarf Háskóla Íslands og
atvinnulífsins og þriðji flokkurinn
lýtur að viðhorfum stjórnvalda og al-
mennings til Háskólans.
„Stúdentar vilja að þekking há-
skólasamfélagsins skili sér til allrar
þjóðarinnar. Háskóli Íslands er sann-
kallaður þjóðskóli og á að standa und-
ir því. Efling hans verður að felast í
gagnsókn menntunar á landinu öllu.
Byggðastefna sem byggist á miðlun
þekkingar út til hinna breiðu byggða
landsins er besta von okkar allra um
blómlega byggð um allt land. Sam-
starf Háskólans og einstakra sveit-
arfélaga hefur verið af skornum
skammti ef Reykjavíkurborg er und-
anskilin. Hins vegar eru möguleik-
arnir á slíku samstarfi gífurlegir og í
sameiningu getum við skapað grund-
völl til eflingar vísindastarfa um allt
land. Þetta er því eitt af aðalmark-
miðum þjóðarátaksins. Þjóðskóli þarf
að vera í nánu samstarfi við sveitar-
félög á landsbyggðinni. Tryggja þarf
stúdentum aðkomu að fræðasetrum
og auka möguleika þeirra á að fá
styrki til að vinna verkefni vítt og
breitt um landið. Því verður leitað
samstarfs við sveitarfélög á lands-
byggðinni um eflingu rannsókna.
Gerðir verða samningar við sveitar-
félög og stofnanir um uppbyggingu
og aukna kynningu á fræðasetrum og
stuðning við stúdenta sem vilja vinna
verkefni er tengjast viðkomandi
byggðarlögum. Forystumenn Stúd-
entaráðs munu ræða við sveitarfélög
í sumar og leitast við að gera við þau
samninga þessa efnis.“
Hvernig hefur þessu verið tekið?
„Þessu hefur alls staðar verið
geysilega vel tekið en þó er mesta
vinnan eftir. Sumarið og haustið hjá
okkur fer í að landa þessum mark-
miðum. Ég er hins vegar mjög bjart-
sýnn, því það eru augljóslega gífur-
legir möguleikar um land allt.“
En er þetta raunhæft, kostar þetta
ekki of mikla peninga?
„Það er satt að sveitarfélögin hafa
mörg hver haft minna fé milli hand-
anna en þau hefðu viljað og þurft, en
það má kannski segja að þeirra
hlutverk er fyrst og fremst hugsað
þannig að þau leggi til aðbúnað og að-
stöðu. Hugmyndin er einnig að öflug
fyrirtæki og stofnanir komi að hinum
ýmsu verkefnum og með því að
margir leggi hönd á plóginn er raun-
hæft að reikna með því að árangur
náist. Það sem meira er, ég tel að
hlutaðeigandi aðilar muni búa að
þessu átaki um ókomin ár. Þetta eru
einungis fyrstu skrefin. Það liggur
fyrir að efla þarf margs konar rann-
sóknir og þetta er í fyrsta skipti sem
stúdentar beina kröftum sínum með
jafnáberandi hætti út á lands-
byggðina. Þetta er lykillinn að
fjölbreyttu atvinnulífi á landsbyggð-
inni. Við sjáum allt landið sem há-
skólaumhverfi. Markmiðin eru sem
sagt orðin háleit, en það er full þörf á
því.“
Þorvarður Tjörvi heldur áfram:
„Annað meginmarkmið átaksins er
að efla samstarf Háskólans og at-
vinnulífsins. Stúdentar vilja nýta það
tækifæri sem afmælið gefur til að
efna til samstarfsverkefna sem koma
bæði atvinnulífinu og skólanum til
góða. Við viljum fá atvinnulífið í
auknum mæli inn í starf Háskólans
en þó þannig að akademískt frelsi og
sjálfstæði skólans sé tryggt. Við vilj-
um meta hvernig skólinn er að standa
sig í að skila vel menntuðu fólki út til
atvinnulífsins og ræða hvað megi bet-
ur fara í þeim efnum. Við viljum líka
auka samstarf fyrirtækja, fagfélaga
og einstakra deilda með því að koma
á fót samstarfsvettvangi þessara að-
ila með aðstoð hollvinafélaga í við-
komandi deildum. Á sama tíma leit-
um við til fyrirtækja um stuðning við
Háskólann enda er mjög brýnt að fá
aukið fé frá atvinnulífinu til skólans.
Því verði leitað eftir afmælisgjöfum
til skólans frá fyrirtækjum.“
Stjórnvöld og almenningur
Þorvarður Tjörvi heldur enn áfram
og segir Stúdentaráð muni standa
fyrir öflugri kynningu á starfsemi
Háskólans og mikilvægi hans fyrir
þjóðina. „Við viljum að ungt fólk um
land allt sjái þá möguleika sem felast
í að sækja sér menntun við Háskóla
Íslands. Þetta verður meðal annars
gert í samstarfi við nemendafélög á
landsbyggðinni, háskólayfirvöld og
Rannsóknarþjónustu Háskólans. Í
bæklingi þjóðarátaksins, sem kemur
út í haust, verður einnig kynning á
skólanum og mikilvægi hans fyrir
þjóðina. Við viljum líka fá þjóðina í lið
með okkur. Við viljum að almenning-
ur taki höndum saman og riti undir
yfirlýsingu um mikilvægi þess að
þjóðin eigi kraftmikinn háskóla og
hvetji stjórnvöld til að gera vel við
Háskóla Íslands á afmælisárinu.“
Sýnileiki og kraftur
Þorvarður segir að átakið verði
„mjög sýnilegt“, póstkort verði send
út, bæklingur gefinn út í haust og
honum dreift, fundir verði um land
allt, samningar gerðir við sveitar-
félög og fyrirtæki og greinarskrif
verði tíð í dagblöðum. „Stúdentar
munu starfa í góðu samstarfi við há-
skólayfirvöld og Hollvinasamtök Há-
skólans við framkvæmdina. Það er
trú okkar að átak af þessari stærð-
argráðu geti bætt ímynd Háskólans,
aukið veg rannsókna vítt og breitt um
landið, aukið stuðning almennings við
Háskólann og eflt samstarf skólans
við atvinnulífið. Þetta er ekki söfn-
unarátak, öllu heldur spennandi og
metnaðarfullt samstarfsverkefni og
þar sem stúdentar eru vanir að ná
þeim markmiðum sem þeir setja sér
ríkir bjartsýni um árangurinn.“
Morgunblaðið/Árni Sæberg
Þorvarður Tjörvi Ólafsson, formaður Stúdentaráðs.
Stúdentaráð er nú að
hleypa af stokkunum þjóð-
arátaki til eflingar Háskóla
Íslands á níutíu ára afmæli
skólans. Að sögn Þorvarðar
Tjörva Ólafssonar, for-
manns Stúdentaráðs, er um
að ræða „víðtækt og sýni-
legt verkefni sem hæfir Há-
skóla Íslands, æðstu
menntastofnun þjóðarinnar
og skóla allra landsmanna“.
Þjóðarátak til eflingar
Háskóla Íslands