Morgunblaðið - 20.06.2001, Síða 15

AKUREYRI
MORGUNBLAÐIÐ MIÐVIKUDAGUR 20. JÚNÍ 2001 15
Heimsferðir bjóða nú nokkur viðbótar-
sæti til Barcelona þann 11. júlí og viðbót-
argistingu á okkar vinsælasta hóteli, Atlantis, sem er rétt við Ram-
blas, hina frægu göngugötu borgarinnar. Gott 3ja stjörnu hótel í
hjarta Barcelona. Öll herbergi
með baði, sjónvarpi, síma og
minibar. Frábær staðsetning fyrir
þá sem vilja góða gistingu í hjarta
Barcelona.
Verð kr. 49.930
M.v. 2 í herbergi með
morgunmat, flug, gisting, skattar.
Skógarhlíð 18, sími 595 1000. www.heimsferdir.is
18 viðbótarsæti
Vika í
Barcelona
11. júlí
frá kr. 49.930
SÝNING á ljósmyndum Gísla
Ólafsfonar hefur verið opnuð í
Minjasafninu á Akureyri og komu
um 250 manns að líta á mynd-
irnar fyrsta sýningardaginn sem
bar upp á þjóðhátíðardag Íslend-
inga.
Gísli starfaði um árabil sem yf-
irlögregluþjónn á Akureyri og
kynntist hann mannlífinu í bæn-
um vel. Hann lifði þær þjóð-
félagsbreytingar og uppbyggingu
sem varð á áratugnum eftir stríð
og vann íslensku samfélagi það
gagn að festa þá sögu á filmu og
eru ljósmyndirnar nú í vörslu
Minjasafnsins á Akureyri.
Hörður Geirsson á ljósmynda-
deild Minjasafnsins á Akureyri
sagði í ávarpi þegar sýningin var
opnuð að Gísli hefði náð góðu
valdi á tæknilegri hlið ljósmynd-
unarinnar, en það sem ekki væri
síður um vert væri góð tilfinning
hans fyrir myndbyggingu, að sjá
óvenjuleg sjónarhorn.
Á sýningunni eru 66 ljósmyndir
en aðeins er um að ræða lítið
brot af myndasafni Gísla. Þessar
myndir tengjast á einhvern hátt
bæjarlífinu á Akureyri fyrr á ár-
um og þar má sjá myndir af fólki
að störfum, börn í námi og leik,
sem og ýmis atvik úr þróun-
arsögu bæjarins, myndir frá
hversdagslegum atburðum og
tyllidögum.
Sýningin verður opin í allt
sumar en safnið er opið daglega
frá kl. 11 til 17.
Árni Magnússon lögregluþjónn á nýrri vespu lögreglunnar árið 1962.
Morgunblaðið/Skapti Hallgrímsson
Karl J. Kristjánsson lögreglumaður heilsar upp á Gísla Ólafsson, fyrr-
verandi yfirlögregluþjón, þegar ljósmyndasýning þess síðarnefnda var
opnuð. Á milli þeirra er Einar S. Bjarnason, tengdasonur Gísla.
Festi söguna
á filmu
Ljósmyndir/Gísli Ólafsson/Minjasafnið á AkureyriBörn að leik fyrir framan Holtagötu 7, en þau eru Guðmundur Reykja-
lín, Sigríður Gísladóttir og Bjarni Reykjalín. Myndin er tekin 1955.
Ljósmyndir Gísla Ólafssonar, fyrrverandi yfirlögregluþjóns, í Minjasafninu
BRYNDÍS Arnarsdóttir, hjúkrunar-
fræðingur, hefur verið ráðin forvarn-
arfulltrúi á Akureyri en að ráðning-
unni standa Akureyrarbær,
Akureyrarkirkja og KA. Bryndís hef-
ur starfað við áfengis- og vímuefna-
meðferð á áfengismeðferðarheimilinu
á Vífilsstöðum og síðar á Teigi og
vímuefnadeild Landspítalans.
Forvarnarfulltrúi hefur aðsetur á
Glerárgötu 26.
Þorgerður Þorgilsdóttir, formaður
áfengis- og vímuvarnarnefndar Akur-
eyrar, sagðist vonast til þess að for-
varnarfulltrúi yrði í starfi á Akureyri
meðan þörf væri á og eins og staðan
væri nú liti út fyrir að svo yrði um
ókomna tíð. „Ég held við þurfum ekki
að kvíða því að forvarnarfulltrúinn
hafi ekki í nógu að snúast, verkefnin
eru næg,“ sagði Þorgerður.
Helsta hlutverk nýráðins forvarn-
arfulltrúa verður að efla áfengis- og
vímuvarnir, sérstaklega meðal barna
og ungmenna og er þess vænst að
með því megi koma í veg fyrir alvar-
legar afleiðingar sem hljótast af
neyslu áfengis og sterkra vímugjafa.
Eins verður það hlutverk Bryndís-
ar að stuðla að samvinnu þeirra sem
vinna beint eða óbeint að forvörnum,
s.s. fyrirtækja, félaga og stofnana, og
hvetja til forvarna. Með því að efla
samstarfið eru líkur taldar aukast á
góðum árangri.
Markmiðið með ráðningu forvarn-
arfulltrúans er að vinna markvisst að
því að draga úr neyslu á ávanabind-
andi vímuefnum meðal ungmenna á
Akureyri. Meginstarfið verður, að
sögn Bryndísar, til að byrja með
fræðsla barna í grunnskólum, en al-
mennt sé álitið að mikill ávinningur sé
að því að seinka því að börn byrji að
neyta áfengis eða annarra vímuefna.
Slíkt er talið draga úr líkum á því að
þau lendi í vandræðum með neyslu
síðar.
Fulltrúar Kvenfélags Hörgdæla
hafa afhent forvarnarfulltrúanum
peningaupphæð að gjöf sem nýtt
verður í starfinu framundan
Bryndís Arnarsdóttir ráðin forvarnarfulltrúi á Akureyri
Áfengis- og vímu-
varnir verða efldar
FORSVARSMENN tölvufyr-
irtækisins Skríns ehf. á Ak-
ureyri og Byggðastofnunar á
Sauðárkróki hafa skrifað und-
ir samning um að samhliða
flutningi Byggðastofnunar til
Sauðárkróks flytjist öll tölvu-
þjónusta stofunarinnar til
Skríns. Byggðastofnun mun
þannig hætta rekstri sér-
stakrar tölvudeildar en njóta
þess í stað þjónustu frá Skríni
hvað varðar innra tölvukerfi,
Netþjónustu og víðnetsþjón-
ustu.
Miðlægum tölvubúnaði fyrir
Byggðastofnun hefur verið
komið fyrir í sérútbúnum
tölvusal Skríns við Glerárgötu
á Akureyri en við tölvuverið
tengjast síðan rösklega 20
vinnustöðvar starfsmanna
Byggðastofnunar á Sauðár-
króki. Starfsmenn hafa að-
gang að forritum og upplýs-
ingakerfum stofnunarinnar
um kerfisveitu.
Samningur Byggðastofnun-
ar er einn sá stærsti sem
Skrín hefur gert um þjónustu
af þessu tagi, en fyrirtækið er
eins árs um þessar mundir.
Það hefur sérhæft sig í
rekstri upplýsingaveitna og
hefur eftirspurn eftir þjónust-
unni sífellt verið að aukast.
Byggða-
stofnun
semur
við Skrín
Rekstur upplýs-
ingakerfa og
tölvuþjónusta
BÁTUR hefur bæst í annars vegleg-
an bátafota Ástirninga, en MT-bílar í
Ólafsfirði gáfu sumardvalarheim-
ilinu Ástjörn í Öxarfirði nýjan plast-
bát á dögunum. Sá fékk nafnið Bogi
eftir forstöðumanni Ástjarnar í yfir
50 ár, Boga Péturssyni, sem lét til
þess að gera nýlega af störfum. Bogi
var á leið til Ástjarnar í gær með
Þorsteini bróður sínum, Steina Pé
löggu, með bátinn. Áttu þeir bræður
von á að hann yrði settur á flot strax
og efuðust ekki um að börnin ættu
góðar stundir í bátnum í sumar.
Bogi til
Ástjarnar
Bogi Pétursson með nafna sinn,
bátinn Boga, sem MT-bílar á
Ólafsfirði gáfu Ástjörn.
Morgunblaðið/Margrét Þóra
NETVERSLUN Á mbl.is
Drykkjarbrúsi
aðeins kr. 400