Morgunblaðið - 08.07.2001, Qupperneq 17

LISTIR
MORGUNBLAÐIÐ SUNNUDAGUR 8. JÚLÍ 2001 17
SÝNING Victors Cilia er önnur í
röðinni á örskömmum tíma. Fyrir
fáeinum mánuðum sýndi hann á
Gallerí Gangi málverk sem óneitan-
lega hljóta að skoðast sem for-
smekkur að myndunum hjá Sævari
Karli.
Ef það var sterk tilvísun í manér-
íska list á Gallerí Gangi þá er and-
rúmsloftið hjá Sævari Karli í hæsta
máta rómverskt.
Hvort sem það er vegna þess að
salurinn er ofan í kjallara og and-
rúmsloftið þar af leiðandi baðhúsa-
kennt eða hellislegt – grotteskt –
ellegar vegna þess að mótíf sumra
verkanna líkjast gosbrunnum eða
handlaugum, þá tekst Victori að
skapa heildstæðan svip, einkum í
dýpri enda salarins.
Þar er hægt að tala um sam-
ræmda skipan sem minnir að sumu
leyti á hinar þekktu myndskreyting-
ar hellensk-rómversku innanhúss-
málara.
Það má raunar velta því fyrir sér
hvort Victor ætti ekki að stíga
skrefið til fulls og kynna sér mósaík-
tækni Rómverja og veggmálverka-
gerð því hjarta hans virðist slá í takt
við fornklassísk gildi. Þar með er
ekki sagt að hann þurfi að gefa
strigann og blindrammann upp á
bátinn. Hann mætti að ósekju prófa
samþættingu málverka sinna við lit-
aða veggi líkt og tíðkaðist í öðrum
og þriðja stíl hins pompeiska mál-
verks.
Þessar spekúlasjónir eru til
marks um möguleikana sem blasa
við listamanninum.
Svo merkilega vill til að ólífugænt
yfirbragð verka hans getur varla
verið annars staðar fengið en úr
klassískum undirlit, dæmigerðum
fyrir tækni sem bauð listmálurum
að byggja myndir sínar á einum
ákveðnum grunntón.
Með sérkennilegri nálgun sinni
við málaralist og mótíf fyrri alda
markar Victor Cilia sér afar sér-
stæðan og athyglisverðan bás meðal
íslenskra myndlistarmanna.
Allt fram streymir...
MYNDLIST
G a l l e r í
S æ v a r s K a r l s
Til 12. júlí.
Opið á verslunartíma.
MÁLVERK
VICTOR CILIA
Morgunblaðið/Halldór B. Runólfsson
Eitt af málverkum Victors Cilia í Galleríi Sævars Karls.
Halldór Björn Runólfsson
OPNUÐ verður sýning í GUK á
verkum eftir listakonuna Hildi
Jónsdóttur í dag, sunnudag, – kl.
14 á Íslandi í garðinum við Ártún
3 á Selfossi og kl. 16 í Danmörku
og Þýskalandi.
Hildur lauk námi frá MHÍ árið
1994 og hefur síðan verið búsett í
Hamborg í Þýskalandi þar sem
hún hefur stundað framhaldsnám
og unnið að myndlist sinni og sýn-
ingarhaldi, mest í Þýskalandi og
hér heima.
„Í verkum sínum skapar Hild-
ur samhengi með málverkum,
teikningum, myndböndum og
gjörningum. Aðdáun á kynlegu
útliti plantna eða steina verður
kveikja að vitnisburði, stuttri frá-
sögn eða ofurnákvæmri nátt-
úrustúdíu,“ segir í fréttatilkynn-
ingu.
Sýningarnar í GUK standa í
þrjá mánuði og hefur skapast
hefð fyrir því að þær eru opnar
fyrsta sunnudag hvers mánaðar
og á lokadaginn. Einnig er hægt
að sjá sýningarnar á öðrum tím-
um og á slóðinni http://www.sim-
net.is/guk.
Í Danmörku hefur GUK aðset-
ur í útihúsi við Kirkebakken 1 í
Lejre og í Þýskalandi í í eldhúsi í
Callinstrasse 8 í Hannover.
Hildur Jónsdóttir
sýnir í GUK
Á TÓNLEIKUM
í Listasafni Sig-
urjóns Ólafsson-
ar á þriðjudags-
kvöld kl. 20.30
eru flytjendur
þau Ingibjörg
Guðlaugsdóttir
básúnuleikari og
Þorsteinn Gauti
Sigurðsson pí-
anóleikari. Á efn-
isskrá eru Sónata
í c-moll fyrir altbásúnu og píanó
eftir G. Ph. Telemann, Fantaisie
fyrir básúnu og píanó eftir Zyg-
ismond Stojowski, Morceau sym-
phonique fyrir básúnu og píanó eft-
ir Philippe
Gaubert og Són-
ata fyrir básúnu
og píanó eftir
Paul Hindemith.
Ingibjörg hef-
ur komið fram
sem einleikari
við ýmis tæki-
færi, meðal ann-
ars með Sinfón-
íuhljómsveit
Tónlistarháskól-
ans í Gautaborg.
Þorsteinn Gauti Sigurðsson hef-
ur hlotið starfslaun listamanna frá
íslenska ríkinu og frá Reykjavík-
urborg.
Ingibjörg
Guðlaugsdóttir
Þorsteinn Gauti
Sigurðsson
Verk fyrir básúnu og
píanó í Sigurjónssafni