Morgunblaðið - 11.07.2001, Qupperneq 25
MENNTUN
MORGUNBLAÐIÐ MIÐVIKUDAGUR 11. JÚLÍ 2001 25
Nú býðst þér ótrúlegt tækifæri til þessarar heill-
andi borgar. Þú bókar tvö sæti til Mílanó þann 27.
júlí, en greiðir bara fyrir eitt, og kemst til einnar
mest spennandi borgar Evrópu á frábærum kjörum. Frá Mílanó liggja
þér allar leiðir opnar um Evrópu og hjá Heimsferðum getur þú valið um
gott úrval 3ja og 4ra stjörnu hótela.
Aðeins 28
sæti í boði
Tveir fyrir einn
til
Mílanó
27. júlí
frá 15.207 kr.
Verð kr. 15.207
Flugsæti á mann, m.v. 2 fyrir 1.
30.414.- / 2 = 15.207.-
Skattar kr. 2.495 ekki innifaldir.
Ferðir til og frá flugvelli kr. 1.800.-
Forfallagjald kr. 1.800.-
Skógarhlíð 18, sími 595 1000.
www.heimsferdir.is
Nemendur í 9. og 10.bekkjum Langholts-skóla stunduðu nám ífrönsku á framhalds-
skólastigi s.l. vetur. Þau fóru fljót-
lega að eiga bréfaskipti við franska
nemendur í N-Frakklandi og leiddi
það af sér að skólarnir höfðu nem-
endaskipti, frönsku börnin heim-
sóttu Ísland og íslenskir nemendur
fóru til Frakklands.
Frönsku nemendurnir sem hing-
að komu, dvöldu í 10 daga á Íslandi
og ferðuðust um. Þau skoðuðu m.a.
Gullfoss, Geysi, Þingvelli og fóru í
þriggja daga ferð um Suðurlands-
undirlendið að Jökulsárlóni. Þau
heimsóttu Reykjavík, þar sem
borgarstjórinn Ingibjörg Sólrún
Gísladóttir bauð þau velkomin og
franska sendiráðið var með mót-
tökuathöfn fyrir þau í Alliance
Francaise. Þau gistu öll hjá ís-
lensku nemendunum.
Það var svo í lok vetrar að
frönsku nemendurnir endurguldu
nemendum Langholtsskóla heim-
sóknina og þau héldu utan ásamt
kennurunum Petrínu Rós Karls-
dóttur og Sveini Karlssyni. Þau
dvöldu í Frakklandi í tvær vikur og
heimsóttu einnig Belgíu.
Ferðin var hugsuð sem menning-
arferð og fengu nemendurnir góða
innsýn inn í heim Frakka og skrif-
uðu þau verkefni í samfélagsfræði
um það sem þau höfðu séð og
kynnst í Frakklandi auk þess sem
þau héldu dagbækur.
Meðal þess sem þau gerðu var að
fara í Eiffelturninn og sigla á
Signu. Þau fóru í nútímavísinda-
safnið í La Vilette og skoðuðu elsta
hluta Parísarborgar Ile de la Cité
þar sem Notre Dame kirkjan er.
Pompidou safnið og Versalir voru
einnig skoðuð.
Svo var farið í Euro-Disney þar
sem krakkarnir skemmtu sér vel
og í Belgíu var hitinn svo mikill að
þau gátu farið niður að strönd og
legið í sólbaði.
Þau gistu öll hjá frönsku félögum
sínum og heimsóttu auðvitað skól-
ann þeirra. Það var svo tekið á móti
þeim með viðhöfn í bænum Hem en
bæjarstjórinn þar bauð þau vel-
komin og bauð þeim upp á veitingar
og gaf þeim öllum gjafir.
Petrína Rós Karlsdóttir, frönsku-
kennari, sá um undirbúning ferð-
arinnar en hún sagði hana hafa
gengið mjög vel. Hún sagði að í
mörg horn hefði þurft að líta við
undirbúninginn, og að stuðningsað-
ilar hefðu komið að verkefninu með
ýmsum hætti, s.s. Langholtsskóli,
utanríkisráðuneytið, La Baguette,
Rafborg, Beco sem gaf filmur, Mál
og menning og José Ortéga safn-
stjóri í París, auk þess sem ferðin
var styrkt af Sókrates-áætluninni.
Petrína segir börnin hafa verið
skólanum sínum, landi og þjóð til
sóma og að allt hafi gengið vand-
ræðalaust fyrir sig, utan þess að
einn nemandi hafi orðið fyrir
barðinu á vasaþjófum. Hún sagði að
í verkefnum og dagbókum íslensku
nemendanna komi fram viðhorf
þeirra til þeirrar ólíku menningar
sem þau skynjuðu í Frakklandi og
kannski sérstaklega undrun þeirra
á uppeldisaðferðum franskra for-
eldra en þeir eru mun strangari en
íslenskir foreldrar og eru ekki
endilega alltaf að taka tillit til
barna sinna, a.m.k. ekki í eins rík-
um mæli og börnunum finnst ís-
lenskir foreldrar gera.
„Í þessari ferð lærðu þau að
standa saman í hóp og að taka eftir
– gæta þess að láta ekki upplýs-
ingar fram hjá sér fara því það gat
dregið dilk á eftir sér og svo að
fara gætilega með peninga og verð-
mæti því vasaþjófar voru á hverju
strái.
Ferðin hefur án efa víkkað sjón-
deildarhringinn hjá krökkunum og
það var greinilegt að mörg þeirra
komust að því hvað þau hafa það
gott að búa á Íslandi,“ sagði Petr-
ína Rós Karlsdóttir, frönskukenn-
ari í Langholtsskóla.
París er eins
og glópagull …
Nemendaskipti/Í vor hélt hópur nemenda í 9. og 10. bekk Langholtsskóla til Frakklands til þess að kynna sér
siði lands og þjóðar, en síðastliðinn vetur komu hingað franskir jafnaldrar þeirra í sömu erindagjörðum.
Gunnar Hersveinn kynnti sér nemendaskiptin og fékk að heyra ferðasöguna.
Frakklandsfarar á götu í París.
Franskir foreldrar eru mun strang-
ari en íslenskir foreldrar
Mörg þeirra komust að því hvað
það er gott að búa á Íslandi
„Ég kynntist auðvitað öðrum sið-
um og annarri menningu og ekki
síst öðruvísi fjölskyldulífi því á
heimilinu þar sem við Una vor-
um var mamma með fimm börn
og hún var alltaf að öskra á þau
en því hef ég aldrei kynnst áður.
En núna veit ég líka að svona
strangt franskt uppeldi, þar sem
börnin eru ofvernduð, er alls
ekki betra en okkar frjálslega
uppeldi. Frönsku krakkarnir
voru svo ósjálfstæðir og barna-
legir að við höfðum aldrei
kynnst öðru eins ...“(María Guð-
mundsdóttir, 10-BG)
„París er eins og glópagull,
draumur á að líta en hér eru
þjófar, subbur og franskir karlar
sem má ekki horfa á.“
„Lög sem voru sett hér í
Frakklandi árið 1950 segja að
klósett megi ekki vera á sama
stað og bað og vaskur. Þetta
finnst mér mjög asnalegt …“
„Ég skil ekki af hverju Frakk-
ar læra ekki ensku, maður getur
ekki talað við neinn og síðan
halda þau að við tölum frönsku,
Frakkland er aðeins hluti af
Evrópu og flestir Evrópubúar
tala ensku, þetta finnst mér
sjálfselska ...“ (Hulda Björk 10-
BG).
Dagbókarbrot
Á HVERJU vori birtir Námsmats-
stofnun í skýrslu sinni um sam-
ræmd próf, normaldreifðar með-
aleinkunnir grunnskólanna í
landinu fyrir hvert ár annars veg-
ar og meðaltöl þriggja ára hins-
vegar. Sif Vígþórsdóttir, skóla-
stjóri á Hallormsstað, segir að í
kjölfar útgáfu skýrslunnar ár
hvert sé iðulega einblínt í fjöl-
miðlum á hvaða skólar komi vel út
á samræmdu prófunum og þá
gleymist að segja frá árangri
þeirra skóla sem ekki eru með í
heildarmyndinni sökum fámennis.
Í báðum samantektunum er miðað
við skóla sem hafa ellefu nem-
endur eða fleiri í árgangi.
„Fyrir árið 2001 voru 49 skólar
af 156 sem ekki fengu að birta sín-
ar einkunnir sökum fámennis í ár-
gangi. Þarna eru því ríflega 30%
skóla landsins ekki með. Ef menn
vilja vera með sem réttastar frétt-
ir og trúverðugsta umfjöllun gefur
það auga leið að það hlýtur að vera
eðlilegra að byggja á gögnum þar
sem hægt er að finna upplýsingar
um flesta sem málið varðar.
Ef skoðuð eru þriggja ára með-
altöl, þ.e. frá 1999 til 2001, eru 11
skólar af 156 ekki með eða ríflega
7%,“ segir Sif og bætir við að
þetta sé í þriðja sinn sem þriggja
ára meðaltöl eru tekin saman af
Námsmatsstofnun en það var fyrst
gert árið 1997.
„Þessir fámennu skólar eru ekki
með á blaði, það er ekki minnst á
þá. Það er aldrei talað um þessi
þriggja ára meðaltöl sem eru tölur
sem mér finnst mun betra að
skoða. Með því að einblína frekar
á þriggja ára meðaltöl þá eru í
fyrsta lagi fleiri skólar með í dæm-
inu og í öðru lagi er tekið fyrir
sveiflur sem kunna að koma upp á
ársmælikvarða.“
Mælikvarðarnir tveir
hafa sömu gallana
Þegar Sigurgrímur Skúlason,
sviðstjóri samræmdra prófa hjá
Námsmatsstofnun, er inntur eftir
því hvers vegna svo lítið hafi farið
fyrir umfjöllun þriggja ára með-
altala segir hann ástæðu þess fyrst
og fremst vera fjölmiðla þar sem
form þeirra sé svo knappt og að
þeir dragi það út sem þeim finnist
vera aðalatriðið. Aðspurður segir
hann Námsmatsstofnun reyna að
hampa þriggja ára meðaltölunum.
„Ég er alveg sammála Sif að
þriggja ára meðaltölin séu betri og
stöðugri mælikvarði en mælikvarði
fyrir hvert ár,“ segir Sigurgrímur
en bætir við að það eigi þó bara
við að vissu marki þar sem báðir
mælikvarðarnir hafa sömu gallana,
þ.e. að þeir ná ekki til víðtækari
þátta í skólastarfinu. Þriggja ára
mælikvarðinn sé þó stöðugri mæli-
kvarði á það sem þeir þó geta
mælt.
Sigurgrímur segist aldrei líta á
umræddar skýrslur frá því sjón-
arhorni hvaða skóli sé hæstur eða
lægstur þegar hann er spurður
hverjar meginniðurstöður þriggja
ára meðaltala séu í ár. Að hans
mati eru umræddar upplýsingar
trúlega besti mælikvarðinn á stöðu
einstakra nemenda en ekki á það
starf sem fram fer í skólunum
sjálfum.
Skýrsla Námsmatsstofnunar um samræmd próf
Þriggja ára meðaltöl
betri mælikvarði
Morgunblaðið/Ásdís Ásgeirsdóttir
Samræmd próf í Hagaskóla vorið 1999.