Morgunblaðið - 22.09.2001, Side 14

HÖFUÐBORGARSVÆÐIÐ
14 LAUGARDAGUR 22. SEPTEMBER 2001 MORGUNBLAÐIÐ
ÁRMÚLA 21, 533 2020
HANDKLÆÐAOFNAR
Mikið úrval
handklæðaofna
á baðherbergið.
Stærðir frá 60-181 cm.
ÁFERÐ: HVÍT EÐA
KRÓMLITUÐ.
Fundarstaður:
Stjórnstöð Landsvirkjunar við Bústaðaveg
í dag laugardaginn 22. september kl. 13:00-17:00.
Stutt kynningarerindi flutt kl. 14:00 og 16:00.
Norðlingaölduveita: Kynning á matsáætlun
Landsvirkjun kynnir
tillögu að
matsáætlun
Norðlingaölduveitu
í opnu húsi
í Reykjavík
Á kynningarfundunum gefst tækifæri til að ræða við fulltrúa Landsvirkjunar og
ráðgjafa fyrirtækisins um umhverfismatið. Á heimasíðu verkefnisins,
www.nordlingaalda.is, er einnig hægt að kynna sér matsáætlunina og koma á
framfæri athugasemdum og fyrirspurnum.
w
w
w
.a
th
yg
li.
is
ÞAÐ var mikið um að vera í Hamraskóla í gær en
þá átti hann 10 ára afmæli. Nemendur og kenn-
arar fögnuðu þessum tímamótum með helj-
arinnar veislu sem var opin gestum og gangandi
milli kl. 10 og 16 þar sem meðal annars var boðið
upp á risastóra afmælistertu og leiktæki. Hátíð-
arhöldin stóðu þó yfir öllu lengur því alla vikuna
á undan var skólastarf með óhefðbundnum hætti
þar sem unnið var með kærleika og vináttu á
þemadögum.
Að sögn Auðar Hrólfsdóttur skólastjóra hefur
vikan verið ákaflega skemmtileg og gefandi.
„Við erum helst búin að sinna okkur sjálfum og
höfum skreytt skólann okkar. Eins höfum við
unnið dálítið varðandi skólareglurnar í sambandi
við viðhorf og samskipti okkar á milli og krakk-
arnir hafa líka aflað sér heimilda um skólann frá
því að hann byrjaði.“
Hún nefnir fjölda verkefna sem hafa verið
unnin í vikunni, meðal annars heimasíðu skólans
sem er búin að vera í smíðum í vikunni, stutt-
myndagerð, barmmerki, sérstakan stand um af-
mæli skólans og vinabönd sem börnin gáfu hvort
öðru svo eitthvað sé nefnt. „Við settum líka upp
svona kærleikstré hérna frammi á gangi þar sem
börnin settu lítil vinahót eða útklippt hjörtu og
hengdu á greinarnar,“ segir hún.
Lófakeðja um alla ganga
Það er greinilegt að vinátta og samvinna hefur
verið í hávegum höfð þessa daga því á göngum
skólans má sjá lófaför hlið við hlið í næstum
endalausri línu. Auður útskýrir þetta betur. „Við
byrjuðum vikuna á því að taka saman höndum og
létum alla nemendur og starfsfólk í skólanum
gera lófana sína og þeir liggja eins og keðja hér
út um alla ganga því margar hendur vinna létt
verk!“
Meðal þess sem ráðist var í vegna afmælisins
var slagorðasamkeppni fyrir skólann meðal nem-
enda og reyndist Rebekka Pétursdóttir í 9. AG
hlutskörpust. Slagorð hennar „Allir snjallir,
Hamraskóli“ var síðan prentað á stuttermaboli
sem krakkarnir skrýddust á afmælinu. Sömuleið-
is var hrint af stað samkeppni um merki skólans
meðal nemenda í myndmenntarvali og munu
nemendur í nemendaráði líklega sjá um að velja
úr tillögunum.
Auður er ekki í vafa um að vika sem þessi sé af-
skaplega lærdómsrík fyrir nemendur. „Fjöl-
breyttir kennsluhættir birtast í þessu. Þarna eru
börnin að vinna í hópum sem eru aldursblandaðir
og velja verkefni sín sjálfir. Þannig ganga
áhugaefni barnanna inn í kennsluna. Það er mjög
margt sem þarna kemur fram sem hefðbundið
skólastarf gefur okkur ekki kost á að gera svona
dagsdaglega því þá erum við námsefnisbundnari.
En markmiðin sem við einbeitum okkur að með
þessu eru að hlúa að okkur og vellíðan barnanna
í skólanum en ég tel það vera forsendu náms að
börnunum líði vel í skólaumhverfinu sínu.“
Leikrit um ævintýraheim
Þau Höskuldur Hrafn Guttormsson í 6. JH, Ed-
mund Oddur Hólm í 6. AI, Auður Ragnarsdóttir í
6. AI, Vigdís Tinna Sigríðardóttir í 9. SG og
Berglind Dögg Ómarsdóttir í 9. SG voru sam-
mála um afmælisundirbúningurinn væri búinn að
vera mjög skemmtilegur. „Þessi vika er
skemmtilegasta vikan síðan ég byrjaði í skól-
anum,“ sagði Edmund og upplýsti að hann væri
búinn að vinna bæði með pappa og spýtur og
meðal annars útbúið hjörtu fyrir kærleikstréð.
„Þar skrifaði ég um vini og kærleik og eitthvað
...“
Höskuldur sagðist vera búinn að smíða þrí-
hyrning undir afmælisstandinn og Auði féll ekki
heldur verk úr hendi. „Ég er búin að gera hönd-
ina á mér og svo er ég búin að gera nafnspjald og
ljóð. Það er um afmælið og skólann,“ sagði hún
og bætti því við að hún væri einnig með í leikriti
á lokahátíðinni sem væri um ævintýraheim.
Vinkonurnar Vigdís og Berglind höfðu hins
vegar eytt bróðurparti vikunnar í heimasíðugerð
fyrir skólann og sögðu það hafa gengið mjög vel.
„Það má segja að þetta sé búið að vera rosalega
mikil vinna en núna er byrjað að sýna síðurnar,“
sögðu þær.
Krakkarnir voru greinilega hæstánægðir með
afmælið og undangengna viku og eins og til stað-
festingar því skrýddust þeir nýju bolunum sínum
með slagorðinu sem skólasystir þeirra hafði sam-
ið. Og aðspurðir hvort allir krakkar í Hamra-
skóla væru snjallir játuðu þau því og skellihlógu.
Gestir á afmælishátíðinni gátu gætt sér á 700 manna afmælistertu sem var í boði foreldrafélagsins.
Þau voru sammála um að afmælisvikan hefði heppnast vel. F.v. Auður skólastjóri
og nemendurnir Auður, Höskuldur, Edmund, Vigdís og Berglind.
Fjöldi leiktækja var settur upp við skólann í tilefni af afmælis-
hátíðinni og kunnu yngri sem eldri nemendur vel að meta þau.
Allir snjallir í Hamraskóla
Grafarvogur
Morgunblaðið/Þorkell
Á FUNDI hreppsnefndar
Bessastaðahrepps í vikunni
lagði Jón G. Gunnlaugsson
fram tillögu fyrir hönd Sjálf-
stæðisfélagsins þess efnis að
kanna möguleika á byggingu
golfvallar í hreppnum innan
gildistíma núgildandi aðal-
skipulags (1993-2013).
Jón segir að hugmynd að
golfvelli í hreppnum sé ekki
ný af nálinni en að nú sé fyrst
tímabært að skoða hana af
fullri alvöru. „Íbúum hrepps-
ins er alltaf að fjölga og eru
nú orðnir yfir 1.500. Sveitar-
félagið er með talsvert öðru
yfirbragði en önnur hér í
grennd, það er strjálbýlla og
víða er að finna stór opin
svæði. Golfvöllur gæti hentað
mjög vel inn í þá ímynd sem
hreppurinn hefur skapað sér,
sem einkennist helst af útivist
og fjölbreyttu náttúrulífi.“
Jón segist gera ráð fyrir að
golfvöllur myndi styrkja
ímynd hreppsins enn frekar
út á við. „Við verðum vör við
töluverðan golfáhuga hjá íbú-
um hreppsins og margir sem
stunda golf. Þetta er vinsæl
og vaxandi íþrótt.“
Enn hefur ekki verið
ákveðið hvar golfvöllurinn
myndi verða en nokkur svæði
koma til greina. Eitt þeirra
er á Breiðabólstaðareyri, þar
sem gert er ráð fyrir hest-
húsabyggð og skútuhöfn á
gildandi aðalskipulagi.
Á fundi hreppsnefndar var
sveitarstjóra falið að beina
þeim tilmælum til samvinnu-
nefndar um svæðisskipulag
höfuðborgarsvæðisins að í
greinargerð með skipulaginu
verði möguleiki á golfvelli
nefndur.
„Það er líklegt að skipu-
lagsnefnd verði svo í kjölfarið
falið það verkefni að finna
golfvellinum hugsanlega stað-
setningu,“ segir Jón.
Hug-
myndir
um golf-
völl
skoðaðar
Bessastaðahreppur