Morgunblaðið - 22.09.2001, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 22. SEPTEMBER 2001 VERÐ Í LAUSASÖLU 190 KR. MEÐ VSK.
STJÓRNENDUR Flugleiða hafa óskað eftir því að
íslensk stjórnvöld ábyrgist tryggingar gegn tjóni
sem flugvélar félagsins verða fyrir vegna stríðs eða
hryðjuverka. Tryggingafélög hafa sagt upp þessum
tryggingum gagnvart þriðja aðila og renna ábyrgð-
irnar út á mánudagskvöld. Takist flugfélögum ekki
að leysa málið fyrir þann tíma stöðvast allt flug.
Hryðjuverkin í Bandaríkjunum hafa mikil áhrif á
tryggingaskilmála og verð trygginga í flugrekstri.
Þegar er ljóst að iðgjöld flugfélaga koma til með að
hækka. Sigurður Helgason, forstjóri Flugleiða,
sagði að iðgjöld vegna stríðsáhættutryggingar
væru að hækka verulega. Á síðasta ári hefðu Flug-
leiðir greitt um 50–70 milljónir í iðgjöld vegna þess-
ara trygginga en fyrirtækið stæði núna frammi fyr-
ir 250–300 milljóna króna hækkun.
Tryggingafélög flugfélaganna hafa ekki sagt upp
hefðbundnum tryggingum sem tryggja farþega og
flugvélar. Þau sögðu hins vegar upp svokölluðum
ábyrgðartryggingum sem eru vegna stríðs og
hryðjuverka. Ástæðan er sú að í ljós hefur komið að
tryggingar flugfélanna sem flugu á turna World
Trade Center duga ekki til að bæta það tjón sem
varð á byggingunum og fólki sem lést í árásunum.
„Tryggjendur flugfélaganna hafa brugðist þann-
ig við að segja upp tryggingum hjá öllum flugfélög-
um í heiminum. Uppsögnin tekur gildi á mánudags-
kvöld. Þeir bjóða aðeins upp á tryggingar að
verðmæti 50 milljónir dollara fyrir hvert slys. Flug-
leiðir og flest önnur félög eru með lánasamninga og
leigusamninga þar sem er að finna ákvæði sem
skylda félögin að tryggja fyrir mun hærri upphæð-
ir. Oftast er það í kringum 500 milljónir dollara.“
Sigurður sagði þetta þýða að ef félögin fengju
ekki þessar tryggingar, yrði að stöða flugvélarnar á
mánudagskvöld. Hann sagði að menn hefðu vonast
eftir að tryggingafélögin fyndu leiðir út úr þessum
vanda en nú væri ljóst að þau myndu ekki veita
hærri tryggingar. Flugfélög um allan heim hefðu í
framhaldi af þessu leitað eftir því við stjórnvöld í
sínu heimalandi að þau veittu ábyrgð á þeirri upp-
hæð sem á vantaði. Ríkisstjórnir Bretlands og
Bandaríkjanna væru þegar búnar að ganga frá
samningum um slíkar ábyrgðir.
Sigurður sagði að Flugleiðir hefðu gert Sturlu
Böðvarssyni samgönguráðherra grein fyrir málinu
síðdegis í gær og óskað jafnframt eftir að stjórnvöld
veittu tryggingaábyrgð.
Samgönguráðherra sagði í gærkvöldi að ríkis-
stjórnin myndi fjalla um málið á aukafundi í dag.
Tryggingafélög segja upp ábyrgðartryggingu vegna stríðs og hryðjuverka
Óskað eftir að ríkið veiti
ábyrgð fyrir tryggingum
Ríkisstjórnin fjallar um
málið á aukafundi í dag

Félagið í/10
STURLA Böðvarsson samgöngu-
ráðherra segir Búnaðarbankann
ekki hafa ráðið við útboð Landssíma
Íslands. Fyrsta áfanga í einkavæð-
ingu Símans lauk í gær og var þátt-
taka í útboðinu fremur dræm. Ekki
náðist að selja 15% hlut í félaginu á
almennum markaði og fær það því
ekki skráningu á Verðbréfaþingi Ís-
lands.
Alls skráðu sig um 2.600 manns
fyrir hlut í fyrirtækinu, fyrir um
1.200 milljónir króna, í útboði til
starfsmanna Landssímans og al-
mennings. Alls bárust 19 kauptilboð
frá fagfjárfestum, fyrir um 879 millj-
ónir króna. Samtals seldist því
hlutafé fyrir rúma 2 milljarða króna
af þeim tæpu 10 milljörðum að kaup-
verði sem í boði voru eða samtals um
5% af heildarhlutafé Símans og er
það ekki nóg til að hægt sé að skrá
fyrirtækið á Verðbréfaþingi Íslands.
Samkvæmt heimildum Morgun-
blaðsins verður líklega ekki gengið á
eftir skráningum almennings í út-
boðinu og fólki væntanlega gefinn
kostur á að draga skráningu sína til
baka.
Þegar tilboð fagfjárfesta í 8% hlut
Landssímans voru opnuð í gær vakti
athygli hversu dræm þátttaka lífeyr-
issjóða var í útboðinu. Eftir því sem
næst verður komist þótti stjórnend-
um sjóðanna verðlagning hlutabréf-
anna í hærra lagi, auk þess sem ekki
liggur fyrir hvaða kjölfestufjárfestir
muni taka að sér stjórn og stefnu-
mörkun félagsins.
Öflugir aðilar töluðu
stíft gegn sölunni
Sturla Böðvarsson samgönguráð-
herra sagðist í gær vera mjög
ánægður með hvað þátttaka starfs-
manna í útboðinu hefði verið góð.
„Þátttaka starfsmanna er heilmikil
mæling á hvernig þeir meta þetta
fyrirtæki og felur í raun í sér mikla
stuðningsyfirlýsingu gagnvart söl-
unni og stöðu fyrirtækisins al-
mennt.“
Sturla sagði ljóst að fólk héldi að
sér höndum á þessum markaði. Að-
stæðurnar nú væru um margt sér-
stakar og vörðuðu veröldina alla.
Þetta hefði truflandi áhrif á viðskipti
á hlutabréfamarkaði. „Því er ekki að
leyna að það voru mjög öflugir aðilar
sem töluðu mjög stíft gegn sölunni.
Það hlýtur einnig að vekja mikla at-
hygli að allt bendir til þess að stóru
lífeyrissjóðirnir hafi haft samráð um
að sniðganga þetta útboð.
Þar fyrir utan sýnist mér að Bún-
aðarbankanum hafi mistekist að
nokkru leyti að fást við verkefnið og
ekki ráðið við þennan sterka kór sem
reyndi að tala verðið niður og tala
gegn sölunni. Við gerðum okkur al-
veg grein fyrir því að það gæti tekið
einhvern tíma að selja. Þetta er bara
fyrsta skrefið sem við stígum hér.
Næsta skrefið er að ganga til þess að
selja kjölfestufjárfesti.“
Sturla Böðvarsson samgönguráðherra um útboð Landssíma Íslands
Búnaðarbankanum mistókst

Fær ekki skráningu/19
RANNSÓKNARDEILD lög-
reglunnar í Kópavogi er með til
rannsóknar lát níu mánaða
gamals barns sem lést í maí síð-
astliðnum. Eftir að barnið lést
vöknuðu grunsemdir um að lát
þess hefði ekki borið að með
eðlilegum hætti. Krufningar-
skýrsla lækna þykir styðja
þessar grunsemdir. Barnið var
ekki í umsjón foreldra sinna
þegar það lést. Rannsókn lög-
reglu á málinu er ekki að fullu
lokið.
Lát barns
til rann-
sóknar
HAUSTIÐ er komið og laufin tekin
að falla af trjánum. Þetta er skýrt
merki um að sumarið er að kveðja.
Sumir kveðja það sjálfsagt með
söknuði. Margir telja hins vegar að
fegurð náttúrunnar sé aldrei meiri
en einmitt á haustin þegar nýir litir
birtast í gróðrinum.
Þessar tvær ungu skólastúlkur
kunna vel að meta haustið og feg-
urð þess en þær áttu leið um Mikla-
tún í Reykjavík þegar þær mættu
ljósmyndara Morgunblaðsins sem
þar var einnig á ferð.
Morgunblaðið/RAX
Laufin
falla
ÞRENNT slasaðist er jeppabifreið
í framúrakstri fór út af veginum og
valt við Brennistaði, skammt ofan
við Borgarnes, í gærkvöldi. Að sögn
lögreglunnar í Borgarnesi voru hin
slösuðu flutt með sjúkrabifreið til
Reykjavíkur.
Læknir á vakt á slysadeild Land-
spítala – háskólasjúkrahúss sagði
að ekki væri um alvarlega áverka
að ræða.
Valt margar veltur
Að sögn sjónarvotts að slysinu
var jeppabifreiðin á leið norður og
var að fara fram úr flutningabíl er
óhappið varð. Jeppabifreiðin rétt
náði að komast fram fyrir flutn-
ingabílinn er bíll kom á móti. Öku-
maður jeppans virtist þá missa
stjórn á bifreiðinni sem fór út af
veginum vinstra megin og valt
margar veltur þar til hún loks hafn-
aði á hliðinni ofan í skurði um 30
metra frá veginum.
Jeppabif-
reið valt við
Borgarnes