Morgunblaðið - 22.09.2001, Blaðsíða 27

LISTIR
MORGUNBLAÐIÐ LAUGARDAGUR 22. SEPTEMBER 2001 27
UM 50 kanadísk ungmenni hafa
tekið þátt í Snorraverkefninu á Ís-
landi síðan sumarið 1999 en í sumar
fóru tvær íslenskar stúlkur, Laufey
Lind Sigurðardóttir úr Hafnarfirði
og Ragnheiður Ásta Sigurðardóttir
í Reykjavík, til Manitoba-fylkis í
Kanada til að kynnast Kanada-
mönnum af íslenskum ættum, sögu
þeirra, menningu og umhverfi.
Margar hendur
Eric Stefanson segir að lengi hafi
verið talað um að koma Snorra-
verkefninu í Vesturheimi á lagg-
irnar. Það hafi fyrst verið kynnt á
fundi í Minneapolis 1998 og þegar
vakið áhuga og athygli Kanada-
manna og Íslendinga, sem láta sig
málið varða. Endanleg ákvörðun
um að framkvæma það sem rætt
hefði verið um hafi svo verið tekin í
mars sem leið, einkum vegna góðs
árangurs af Snorraverkefninu á Ís-
landi í tvö sumur. „Við gátum ekki
látið enn eitt sumarið líða án þess
að gera eitthvað í málinu vestra og
ákváðum að auglýsa eftir þátttak-
endum,“ segir Eric og bætir við að
fjáröflunarnefndin Sameinað ís-
lenskt átak, United Icelandic Ap-
peal, hafi stutt þá ákvörðun dyggi-
lega. Ýmsar stofnanir, fyrirtæki og
einstaklingar hafi líka gert þetta
mögulegt og nefnir hann m.a. Flug-
leiðir og Kanadísk-íslensku stofn-
unina (Canadian Icelandic Founda-
tion) í því sambandi.
Skipulagning var og er öll unnin í
sjálfboðnu starfi en í nefndinni eru
Eric Stefanson, Ernest Stefanson,
Irvin Olafson, Robert Arnason,
Barry Arnason, Harley Jonasson,
Susie Erickson-Jacobson og Kailee
Grimolfson en Wanda Anderson í
Riverton og Penny Sigmundson í
Gimli unnu með nefndinni í sumar.
Tengiliðir á Íslandi eru Ásta Sól
Kristjánsdóttir, sem heldur utan
um sambærilegt verkefni á Íslandi,
og Almar Grímsson hjá Þjóðrækn-
isfélagi Íslendinga á Íslandi.
Verkefnið felst í því að bjóða ís-
lenskum ungmennum að kynnast
menningu og sögu Kanadamanna
af íslenskum ættum með því að
heimsækja Manitoba og dvelja í
Nýja-Íslandi við leik og störf í sex
vikur á hverju sumri og er und-
irbúningur hafinn fyrir næsta sum-
ar. Miðað er við aldurinn 18 til 23
ára en hann er teygjanlegur upp á
við, að sögn Erics. Þátttakan kost-
ar 2.000 bandaríska dollara eða um
200.000 kr. en þar af eru 500 doll-
arar eða um 50 þúsund kr. hugsaðir
sem vasapeningar. Innifalið í verð-
inu eru ferðir til Winnipeg, trygg-
ingar, gisting og fæði í Nýja-Ís-
landi, kynning og fræðsla,
skoðunarferðir, þriggja vikna sjálf-
boðið starf, þátttaka í Íslendinga-
deginum í Gimli, aðstoð við að hafa
uppi á skyldfólki á svæðinu og
fleira.
Eitt mikilvægasta starfið
Eric segir að þar sem seint var
farið af stað vegna sumarsins í ár
hafi verið tekið við umsóknum til 1.
júní en í framtíðinni sé stefnt að því
að miða við 15. mars ár hvert. Í
sumar stóð dagskráin yfir frá 29.
júní til 10. ágúst og segir Eric að
hún hafi heppnast mjög vel. David
Arnason, David Gislason og Nelson
Gerrard hafi t.d. kynnt stúlkunum
sögu Nýja-Íslands á vettvangi og
þær hafi kynnst fjölskyldum með
því að búa hjá þeim auk þess sem
þær hafi fengið tækifæri til að
skoða sig um í Winnipeg. Laufey
hafi búið hjá Grétari og Tammy
Axelsson í Gimli fyrstu vikuna en
síðan hjá DJ og Penny Sigmundson
í Gimli. Ragnheiður hafi verið hjá
Ruth Ann og Wayne Furgala í Riv-
erton fyrstu 10 dagana og síðan hjá
Pat og Vic Eyolfson í Árborg.
„Fjölskyldurnar tóku stúlkunum
opnum örmum og þær voru sem
hluti af þeim,“ segir Eric og bætir
við að ekkert sé mikilvægara en
traustir vinir og félagar. „Þegar
allt kemur til alls eru það sam-
böndin sem skipta máli. Með þessu
stuðlum við að sambandi milli kan-
adískra og íslenskra ungmenna og
þau treysta síðan böndin. Þetta er
eitt af því mikilvægasta sem við
gerum í samskiptum þjóðanna, að
koma unga fólkinu saman, því að
þess er framtíðin. Við ákváðum að
byrja rólega og tókum því aðeins á
móti tveimur stúlkum í ár en við er-
um mjög ánægð með hvernig til
tókst og næsta ár stefnum við að
því að taka á móti sex til átta ung-
mennum frá Íslandi.“
Snorraverkefnið í Vesturheimi fór af stað í sumar og lofar góðu
Tækifæri fyrir ís-
lensk ungmenni
Undanfarin þrjú sumur hafa kanadísk ungmenni af íslenskum ætt-
um heimsótt Ísland í þeim tilgangi að kynnast upprunanum og
treysta samböndin í svonefndu Snorraverkefni. Í sumar var ís-
lenskum ungmennum í fyrsta sinn boðið upp á svipaða dagskrá í
Kanada. Steinþór Guðbjartsson ræddi við Eric Stefanson, for-
mann Snorraverkefnisins í Vesturheimi, um málið.
Stúlkurnar komu víða við í Vesturheimi og heimsóttu m.a. Einar Vigfusson, tréskurð-
armeistara, og Rosalyn, konu hans, í Ásgarði. Frá vinstri: Laufey Lind Sigurðardóttir,
Rosalyn og Einar Vigfusson, David og Gladys Gislason og Ragnheiður Ásta Sigurðardóttir.
Morgunblaðið/Jim Smart
Eric Stefansson hitti íslensku stúlkurnar við opnun málverkasýningar Louise Jonasson á
Kjarvalsstöðum. Frá vinstri: Laufey Lind Sigurðardóttir, Eric og Ragnheiður Ásta Sigurð-
ardóttir. Fyrir aftan til vinstri er Hjálmar Hannesson, sendiherra Íslands í Kanada.
steg@mbl.is
ÚTGEFENDUR og söfn í Manitoba í Kanada
gáfu söfnum og stofnunum í Reykjavík sam-
tals um 120 bækur auk upplýsingarita og
kynningarbæklinga í tilefni heimsóknar for-
sætisráðherra Manitoba og fjölmennrar
sendinefndar til Íslands fyrir skömmu en
listamaðurinn Louise Jonasson átti frum-
kvæðið og afhenti bækurnar á dögunum.
Gary Doer, forsætisráðherra Manitoba,
færði íslensku þjóðinni 20 málverk eftir lista-
konuna G. N. Louise Jonasson að gjöf í lok
ágúst. Davíð Oddsson forsætisráðherra tók
við gjöfinni við opnun sýningar á verkum
Louise Jonasson á Kjarvalsstöðum, Minn-
ingar um ey, en 25 verk eftir listakonuna
voru þar til sýnis.
Margir lögðu hönd á plóg
Louise, sem er af íslenskum ættum í föð-
urætt en úkraínskum í móðurætt, var í sendi-
nefndinni og segir að þetta sé í fyrsta sinn
sem Manitoba-stjórn hefur listamann í svona
viðskipta- og menningarnefnd. Hún segir að
ljóst hafi verið að áherslan yrði á myndlist-
arsýningu sína en menningin og listirnar í
Manitoba væru mun viðameiri en það sem
hún hefði upp á að bjóða. Því hefði hún viljað
leggja sitt af mörkum í menningarsam-
skiptum þjóðanna með því að vekja athygli á
útgefnu listaefni í Manitoba. Hún hefði borið
hugmyndina á borð hjá útgefendum í Mani-
toba, þeir hefðu tekið vel í erindið og hún
hefði tekið að sér að koma bókunum í réttar
hendur, en ráðuneyti menningar og ferða-
mála hefði líka lagt sitt af mörkum og gefið
24 bækur.
Önnur ástæða hugmyndarinnar hefði verið
sú að íslenskir listamenn hafa verið tíðir gest-
ir í Manitoba en minna hefur verið um heim-
sóknir listamanna frá Manitoba til Íslands og
líta mætti á þetta sem lið í að endurgjalda Ís-
lendingum framlag þeirra vestra. „Kanada er
margmenningarlegt samfélag en listasöfnin
og útgáfurnar í Manitoba gerðu þessa bóka-
gjöf mögulega og það var ánægjulegt verk-
efni að vera sendiboði þeirra,“ segir hún og
gerir lítið úr eigin hlut.
Bækurnar eru frá eftirfarandi útgáfufyr-
irtækjum: háskólaútgáfu Manitoba-háskóla í
Winnipeg (University of Manitoba Press),
Turnstone, Praire Fire og Border Crossing;
og listasöfnunum Listasafni Winnipeg
(Winnipeg Art Gallery), Listasafni Suðvestur-
Manitoba (Gallery of Southwestern Mani-
toba), Plug In, Ace Art, Floating Gallery,
Urban Shaman og Video Pool, lista- og menn-
ingarmiðstöð St. Norbert (St. Norbert Art
and Cultural Centre) og Mawa (Mentoring
Artists for Women’s Art).
Samtals voru þetta um 120 bækur auk ann-
ars efnis og ákvað Louise að gefa Listahá-
skóla Íslands, Landsbókasafninu, Kvenna-
sögusafni Íslands, Nýlistasafninu og
Kjarvalsstöðum bækurnar.
Louise hélt fyrirlestur um myndlistarmenn
frá Manitoba í Listaháskólanum og við það
tækifæri gaf hún bókasafni skólans fjölmarg-
ar bækur, sem eru einkum um myndlist og
hönnum í Manitoba. Kristján Steingrímur
Jónsson, deildarforseti myndlistardeildar,
segir að mikill akkur sé í þessum bókum.
Þrátt fyrir allt hafi Íslendingar ekki haft svo
mikil menningarleg sambönd við Kanada og
því sé þetta mjög mikill fengur, en bækurnar
auðveldi og ýti undir að tengjast meiri menn-
ingarböndum við Kanada.
Landsbókasafnið fékk einkum bækur sem
varða Ísland og hafa verið gefnar út í Mani-
toba. Þar á meðal eru til dæmis bækur eftir
Kristjönu Gunnars og 2. bindi af Grágás í
enskri þýðingu. Þorleifur Jónsson, for-
stöðumaður aðfangadeildar Landsbókasafns-
ins, segir gott að fá þessar bækur því þær
komi að miklum notum.
Nýlistasafnið fékk m.a. upplýsinga-
bæklinga um menningarstarfsemi í Mani-
toba, tímarit listasafna og menningar-
samtaka og bækur um einstakar sýningar.
Sonný Þorbjörnsdóttir, menningarfulltrúi
Nýlistasafnsins, segir að verið sé að reyna að
finna fleti til að víkka út starfsemi safnsins í
samvinnu við önnur söfn erlendis. Sendingin
kynni Kanada á vissan hátt og geri hugsan-
lega mögulegt að finna einhver tengsl milli
Nýlistasafnsins og svipaðra safna í Manitoba.
Myndarleg bókagjöf
frá Manitoba
Morgunblaðið/Ásdís
Louise Jonasson og Þorleifur Jónsson, for-
stöðumaður aðfangadeildar Landsbóka-
safnsins, með nokkrar af bókunum sem
Louise færði safninu að gjöf.