Morgunblaðið - 05.10.2001, Blaðsíða 6
FRÉTTIR
6 FÖSTUDAGUR 5. OKTÓBER 2001 MORGUNBLAÐIÐ
FORSETI Íslands, Ólafur Ragnar
Grímsson, heimsótti í gær Klúbb-
inn Geysi í húsnæði samtakanna á
Ægisgötu 7 og ræddi þar við
klúbbfélaga og kynnti sér starf-
semina sem þar fer fram. Klúbb-
urinn Geysir er vettvangur ein-
staklinga sem eiga við geðræn
veikindi að stríða og var stofnaður
hér á landi árið 1997 en starfsemin
hófst af alvöru tveimur árum
seinna. Frá þeim tíma hafa sam-
tökin stækkað hratt og eru nú um
80 virkir félagar í klúbbnum, sem
er hluti alþjóðahreyfingarinnar
Fountain House. Hugmyndafræði
Fountain House gengur út á að líta
ekki á félaga sem sjúklinga heldur
einstaklinga sem taka ábyrgð á
eigin lífi og reka þeir klúbbana á
eigin forsendum þar sem allar
ákvarðanir eru teknar af fé-
lagsmönnum sjálfum.
Þessa dagana stendur yfir lands-
söfnun Kiwanishreyfingarinnar
þar sem ætlunin er að stærsti hluti
söfnunarinnar renni til Geysis og
vonast menn til að hægt verði að
tryggja samtökunum varanlegt
húsnæði, en klúbburinn missir
húsnæðið við Ægisgötu í mars á
næsta ári. Forseti Íslands er
verndari söfnunarinnar og ákvað
að þiggja boð starfsmanna og fé-
laga í Geysi um heimsókn í klúbb-
inn í tilefni af söfnuninni.
Anna Valdemarsdóttir, fram-
kvæmdastjóri Geysis, tók á móti
Ólafi Ragnari og kynnti honum
fyrst vinnuaðstöðu klúbbfélaga
þar sem góður tölvukostur var
áberandi. Ólafur Ragnar sagði
klúbbinn greinilega vel tækjum
búinn og Anna sagði það nauðsyn-
legt til að auðvelda félögum að
komast út í samfélagið og almenn-
an vinnumarkað. Klúbburinn
Geysir hefur náð mjög góðum ár-
angri við að koma félögum á nýjan
leik út í atvinnulífið, miðað við ár-
angur erlendra klúbba, og hefur
reynsla þeirra 12 einstaklinga sem
komist hafa á almennan vinnu-
markað fyrir tilstuðlan Geysis,
verið afar góð.
Í viðræðum Ólafs Ragnars við
klúbbfélaga kom fram að vinnan
er þessum einstaklingum afar mik-
ilvæg, bæði atvinnu- og félagslega
séð, og því hafa þeir jafnan reynst
vinnuveitendum sínum góðir
starfskraftar og sagði Ólafur
Ragnar mikilvægt að koma þeim
skilaboðum á framfæri til for-
svarsmanna fyrirtækja.
Þá var forsetanum afhent nýj-
asta tölublað af málgagni klúbbs-
ins en blaðið er alfarið unnið af fé-
lagsmönnum. Ólafur Ragnar sagði
mikilvægt að efla fræðslu um geð-
sjúkdóma og ráðast að fordómum
gagnvart þeim sem þjást af and-
legum kvillum og sagði söfnunina
ekki síður mikilvæga sem vitund-
arvakningu.
Þegar forsetinn hafði gengið um
húsakynni klúbbsins og rætt við
félagsmenn var honum boðið til
hádegisverðar. Þar var borin fram
rjómalöguð sveppasúpa að hætti
hússins með heimabökuðu brauði,
sem Anna kallaði forsetabolllur og
sagði félagsmenn hafa bakað fyrr
um morguninn, „með ást og hlýju“.
Morgunblaðið/Ásdís
Forseti Íslands tekur við nýjasta tölublaði af málgagni Klúbbsins Geysis
úr hendi Önnu Valdemarsdóttur og Ólínu Huldu Guðmundsdóttur.
Forseti Íslands heim-
sækir Klúbbinn Geysi
HALLDÓR Ásgrímsson utanríkis-
ráðherra segist gera ráð fyrir að á
fundi í ráðherraráði EES-landanna í
næstu viku muni EFTA-löndin þrjú,
Noregur, Ísland og Liechtenstein,
óska eftir formlegum viðræðum við
Evrópusambandið um breytingar á
samningnum um Evrópskt efnahags-
svæði. Hann segir óhjákvæmilegt að
aðlaga samninginn breyttum aðstæð-
um og segist ekki eiga von á öðru en
full samstaða verði meðal landanna
þriggja um að fara í þessa vinnu.
Síðastliðið vor hittust Halldór og
Thorbjörn Jakland, utanríkisráð-
herra Noregs, á fundi hér á landi og
urðu sammála um að hefja undirbún-
ing að því að aðlaga EES-samninginn
breyttum aðstæðum. Vinnunefnd var
sett af stað sem Halldór segir að hafi
skilað ágætri skýrslu um málið.
„Í þessari skýrslu eru rakin þau
vandamál sem við stöndum frammi
fyrir og sú staðreynd að það þurfa að
eiga sér stað samtöl milli EFTA-
landanna og Evrópusambandsins um
þær aðstæður sem skapast vegna
stækkunar Evrópusambandsins. Það
er líka ljóst að stækkunin sem slík
þarf að fást samþykkt í þjóðþingum
allra ESB-landanna. Við þurfum
jafnframt að samþykkja hjá okkur
stækkun á Evrópska efnahagssvæð-
inu og þjóðþing ESB-landanna þurfa
um að leið að taka það til meðferðar
og samþykkja það mál.
Ég hef litið svo á að það væri nauð-
synlegt að undirbúa okkur vel undir
þessi samtöl og því sé rétt að nota
tækifærið til að fá fram breytingar á
nokkrum sviðum vegna þeirrar þró-
unar sem hefur orðið innan ESB.“
Fríverslun með fisk í Mið-
og Austur-Evrópu fellur
niður við stækkun ESB
Halldór sagði að embættismönn-
um í EFTA-löndunum hefði verið fal-
ið að ganga frá með hvaða hætti þessi
tilteknu atriði yrðu tekin upp við
ESB.
„Ég ræddi það við formann ráð-
herraráðsins, Louis Michel, þegar
hann kom hingað til lands og hann
tók þessu afskaplega vel. Síðan hafa
menn verið að velta þessu fyrir sér og
mörg samtöl hafa átt sér stað út af
málinu, en það liggur núna fyrir að
við komum til með að taka málið upp
á fundi EES-ráðsins í Lúxemborg
eftir helgina. Það er ekkert sem
bendir til annars en að það verði full
samstaða um það meðal EFTA-land-
anna þriggja.“
Halldór sagði að það væri ekki
hægt að komast hjá því að ræða ýmis
mál við ESB í ljósi breyttra að-
stæðna. „Það er t.d. ekki hægt að
komast hjá því að ræða þá staðreynd
að fríverslun með fisk fellur niður við
Mið- og Austur-Evrópu þegar
stækkun bandalagsins á sér stað. Það
er afskaplega slæmt mál fyrir okkur
Íslendinga. Síðan hafa orðið breyt-
ingar hjá Evrópusambandinu vegna
ákvarðana sem teknar voru í
Maastricht, Amsterdam og Nice án
þess að nokkrar tilsvarandi breyting-
ar hafi orðið á EES-samningnum.“
Ekkert liggur fyrir um hvort Evr-
ópusambandið er tilbúið að taka upp
viðræður um umfangsmiklar breyt-
ingar á EES-samningnum eða hvort
sambandið vill einskorða sig við
minniháttar lagfæringar. Halldór
sagði ekki hægt að ákveða slíkt fyr-
irfram. „Það sem við þurfum að gera
er að ræða þau vandamál sem eru
uppi við Evrópusambandið. Síðan
verður það að koma í ljós hvað við-
mælendur okkar eru tilbúnir til að
gera og með hvaða hætti þeir eru til-
búnir til að ganga til móts við okkar
aðstæður.“
Breytt viðhorf í Noregi?
Fyrr í haust var haft eftir Espen
Barth Eide, ráðuneytisstjóra í
norska utanríkisráðuneytinu, í Aft-
enposten að Norðmenn tapi frekar
en græði á endurskoðun EES-samn-
ingsins og því vilji Norðmenn ekki
hætta á slíka endurskoðun.
Haft er eftir Eide að Norðmenn
vilji vissulega fá betri samning en
telji sig ekki fá hann heldur geti end-
urskoðun þýtt flóðbylgju nýrra
krafna frá suður-evrópskum þjóðum
Evrópusambandsins, sem hafi lengi
verið á móti ákveðnum atriðum
samningsins.
Eide dregur heldur í land í viðtali
við Aftenposten í vikunni og talar þar
um nauðsyn þess að fara í „tæknilega
uppfærslu“ á EES-samningnum.
Í blaðinu er jafnframt gefið í skyn
að viðhorfsbreyting kunni að verða til
málsins í Noregi þegar ný ríkisstjórn
tekur við völdum. Flest bendir til að á
næstu dögum taki við stjórnartaum-
um í Noregi ríkisstjórn mið- og
hægriflokka sem hafi aðrar áherslur í
Evrópumálum en ríkisstjórn Verka-
mannaflokksins sem er að fara frá
völdum. Bæði Kristilegi miðflokkur-
inn og Venstre eru andsnúnir inn-
göngu í Evrópusambandinu og hafa
lýst áhuga á að styrkja EES-samn-
inginn. Jens Stoltenberg, fráfarandi
forsætisráðherra, lýsti því hins vegar
yfir fyrr á þessu ári að EES-samn-
ingurinn dygði ekki framtíðarhags-
munum Noregs og taldi líklegt að
Noregur myndi sækja um aðild að
ESB.
Ráðherraráð EES-landanna kemur saman til fundar í Lúxemborg eftir helgina
Óska eftir viðræðum
um breytingar á
EES-samningnum
MEÐAL slagorða í aug-
lýsingaherferð Flugleiða á
Englandi á stuttum vetr-
arferðum til Íslands má
finna setningar á borð við:
Kiss me Quick og Fancy a
Dirty Weekend?. Þykir
sumum sem slagorðin hafi
kynferðislegan undirtón
og gefi til kynna að á Ís-
landi sé ærlega hægt að
sletta úr klaufunum.
Guðjón Arngrímsson,
upplýsingafulltrúi Flug-
leiða, neitar því ekki en tel-
ur að um saklausa gaman-
semi sé að ræða. Hann
segir að bresk auglýsinga-
stofa hafi séð um auglýs-
ingaherferðina og að með
setningunum sé verið að
vísa til bresks húmors.
Setningarnar geti þó
vissulega valdið misskiln-
ingi utan Englands. Flug-
leiðum hafi hins vegar
ekki borist neinar athuga-
semdir vegna þeirra.
Umræddar auglýsingar
má m.a. finna á enskri
heimasíðu Flugleiða en
með fyrirsögninni Kiss me
Quick fylgir mynd af
stúlku með klút á höfðinu
þar sem á stendur Kiss me
Quick. Þá fylgir fyrirsögn-
inni Fancy a Dirty Week-
end? mynd af ungu pari í Bláa lón-
inu þar sem búið er að smyrja þau í
framan með hvítri leðju. Fyrir neð-
an fyrirsagnirnar eru pakkaferðirn-
ar til Íslands kynntar nánar, þ.e.
greint er frá því að um sé að ræða
tveggja nátta ferðir til Reykjavíkur
og gefnar eru lýsingar á hugsanleg-
um hótelum o.s.frv.
Þegar Morgunblaðið hafði sam-
band við Guðjón upplýsingafulltrúa
Flugleiða vegna þessara auglýsinga
sagði hann: „Um er að ræða auglýs-
ingaherferð í Englandi fyrir stuttar
vetrarferðir til Íslands, einkum
með plakötum í neðanjarðarlestar-
stöðvum í London. Þar er stuðst við
afar enskt þema, sem eru strand-
ferðir enskra manna á sjötta og sjö-
unda áratugnum til staða eins og
Blackpool og Brighton. Þar ríkti
ákveðin stemmning sem sveipuð er
saknaðarljóma í huga margra
Breta,“ segir hann og heldur áfram:
„Heiti ferðapakkanna til Íslands
er upprifjun á auglýsingaslagorð-
um og hugtökum frá þessum tíma,
sem margir muna enn og hafa öðl-
ast ákveðinn sess í hugum margra
Englendinga, og tengjast oftast
húmor. Kiss Me Quick var t.d. einn
þekktasti frasinn. Hann var notað-
ur mikið á póstkortum þar sem t.d.
var mynd af glaðbeittum gömlum
karli, labbandi á ströndinni að
borða rjómaís, með stóran hatt á
höfði sem stóð á Kiss Me
Quick!. Eða þar sem stór
feit kona og lítill mjór karl
kysstust í gamaldags
sundfötum á ströndinni og
undir stóð Kiss Me
Quick!.“ Guðjón bætir því
reyndar við að erfitt sé að
útskýra nákvæmlega hvað
meint sé með þessum
gömlu auglýsingum nema
með því að vísa í breskan
húmor.
Um slagorðið Fancy a
Dirty Weekend? sagði
Guðjón: „Fancy a Dirty
Weekend? var þekkt slag-
orð á þessum tíma en með
því var verið að höfða til
hjóna eða para og þau
hvött til að taka sér frí frá
hversdagsamstrinu og
skella sér, án barna, í end-
urnærandi frí við sjávar-
ströndina. Hjá okkur er
með þessu slagorði mynd
af fólki í Bláa lóninu, með
hvítu leðjuna framan í sér,
sem er einskonar leikur að
orðinu dirty. Hér er einnig
verið að vísa til breskrar, í
þessu tilfelli léttrar eró-
tískrar, gamansemi,“ seg-
ir Guðjón. Hann bætir því
við að í umræddri auglýs-
ingaherferð séu hesta-
ferðir hér á landi auglýst-
ar undir heitinu: Donkey Ride eða
asnareiðtúr, vélsleðaferðir undir
heitinu Dodgems sem vísar til eins
konar klessubíla fyrir börn og sæl-
keraferðir undir heitinu Fish and
Chips. „Í öllum tilfellum er vísað til
minninga um áðurnefndar strand-
ferðir,“ segir hann.
„Þessi herferð hefur verið í gangi
í nokkra daga og hefur vakið tölu-
verða eftirtekt. Heitin á ferðunum
gætu hugsanlega valdið misskiln-
ingi utan Englands en að mati aug-
lýsingastofunnar sem útbjó her-
ferðina fer tengingin við hina gömlu
góðu tíma varla framhjá nokkrum
Englendingi,“ segir Guðjón að síð-
ustu.
Segja að vísað sé
til bresks húmors
Á enskri heimasíðu Flugleiða má sjá ferðatilboð
undir fyrirsögnunum: Fancy a Dirty Weekend? og
Kiss me Quick.
Ein auglýsing Flugleiða á Englandi ber yfirskrift-
ina: Fancy a Dirty Weekend?
Flugleiðir auglýsa Íslandsferðir í Englandi
með orðunum: „Fancy a Dirty Weekend?“