Morgunblaðið - 05.10.2001, Blaðsíða 55
BRÉF
MORGUNBLAÐIÐ FÖSTUDAGUR 5. OKTÓBER 2001 55
DUKA
opnar í dag í Kringlunni
Fallegar og vandaðar
heimilis- og gjafavörur
Mörg góð tilboð DUKA - Kringlunni 4-12Sími 533 1322
ÉG les í fréttum að rjúpan sé víðast í
lágmarki, og fram hefur komið til-
laga frá hugsandi mönnum, að stytta
veiðitímann í einn mánuð í stað
tveggja á þessu ári.
Nú les ég fréttir um það, að fugla-
fræðingur telur þess ekki þörf að
bremsa á rjúpnadrápið, það sé rétt
að drepa hana betur niður núna, og
sjá hvað eftir verður næsta sumar.
Formaður Skotveiðifélags Íslands
var þessu líka sammála og var ég
ekkert undrandi á hans stefnu
þarna. Ég hafði reyndar heyrt frá
honum mannlegar athugasemdir á
móti villimennsku í slátrun rjúpunn-
ar – en svo frétti ég að hann hefði
verið skipaður formaður í nefnd, sem
á að athuga og gera tillögu til ráð-
herra til verndunar rjúpnastofnsins
– og þá fór ég að skilja betur þessar
yfirlýsingar hans um mannlegri að-
ferðir við að veiða hana en nú eru við
hafðar, með nútímaslátrun á vélsleð-
um og margskotabyssum. Hann var
að láta heyra frá sér sem formaður
þessarar nefndar. En hvað um eft-
irlit og framkvæmdir?
Aftur á móti hefi ég aldrei heyrt
frá náttúrufræðingi neitt í þá átt, að
þörf sé á eftirgjöf með rjúpnadrápið
og því síður að frá þeim komi nokkur
ánægjutilfinning yfir því að vita af
lifandi rjúpu í návist sinni, heldur að-
eins umhugsun um tilvonandi kjöt í
pottinn.
Ég er vantrúaður á það, að nefnd,
með formann skotveiðifélagsins sem
nefnarformann, verði til alvarlegra
átaka til verndar rjúpunni. Og núna
hefur þessi formaður sérstakt leyfi
landbúnaðarráðherra til að drepa
rjúpur á þessu ári á ríkisjörðunum.
Þessir þrír áhrifamenn: fuglafræð-
ingurinn, formaður nefndarinnar og
ráðherra gefa út yfirlýsingar um, að
ekkert skuli verða gefið eftir með
rjúpnadrápið á þessu árinu.
Jafnframt þessu skrifi mínu vil ég
lýsa sérstakri ánægju minni yfir
þeim aðgerðum, sem a.m.k. tvö sveit-
arfélög eru byrjuð að framkvæma til
að vernda hreiðursvæði fugla yfir
varptímann, og þá sérstaklega vegna
kríunnar. Það hefur verið landsvenja
að ræna kríuna eggjum sínum, þótt
þau séu aðeins lítill munnbiti. Þessi
verndarhreyfing fyrir fuglana er
lofsverð og ég vona að hún eigi eftir
að breiðast út til fleiri sveitarfélaga
og félagasamtaka, að vernda varp-
löndin.
Félagasamtök og sveitarfélög
þyrftu líka að sameinast um að
bjarga rjúpunni. Vinnum að því að
stór svæði á landinu verði friðuð fyr-
ir rjúpnadrápi svo að við getum feng-
ið að sjá lifandi rjúpur víðar en í
Hrísey og njóta þess að vita af þeim
lifandi í vernduðu umhverfi.
HANS JÖRGENSSON,
Aflagranda 40, Reykjavík.
Fréttir um
rjúpuna
Frá Hans Jörgenssyni:
Dúkar og teppi
Ármúla 23, sími 533 5060