Morgunblaðið - 05.10.2001, Blaðsíða 29

ÁRÁSIN Á BANDARÍKIN
MORGUNBLAÐIÐ FÖSTUDAGUR 5. OKTÓBER 2001 29
ÞETTA er kuldaleg lesning og kemur svo
sem ekki á óvart, enda er ritið framleitt af
al-Qaeda-hryðjuverkasamtökunum, sem
hinn illræmdi Osama bin Laden fer fyrir.
En þessi skelfilega ritsmíð þykir gefa ein-
staka sýn inn í hugarheim mannanna, sem
frömdu fjöldamorðin í Bandaríkjunum 11.
fyrra mánaðar; nú liggja fyrir „handbækur“
þessara samtaka.
Hér ræðir annars vegar um bók, sem er
eins konar grunnrit al-Qaeda-samtakanna
og hins vegar styttri „handbók“ hryðju-
verkamannanna, sem kom fram í dagsljósið
í fyrra þegar bandarískar njósnastofnanir
höfðu bin Laden til sérstakrar skoðunar.
„Handbókin“ er enda aðeins um 180 síður
en „alfræðibókin“ er hvorki meira né minna
en 11 bindi og hvert þeirra 250 til 500 síður.
Ritið er á arabísku en fyrir kemur að efnis-
yfirlit sé á ensku. Associated Press-frétta-
stofan hefur látið þýða útdrætti úr „al-
fræðibókinni“.
Þetta grunnrit al-Qaeda hryðjuverkanets-
ins nefnist „Handbók hins afganska Jihad“
eða „Mouswada al Jihad al Afgani“ á arab-
ísku. Bandarískir sérfræðingar, sem lesið
hafa ritið í gegn, segja að þar sé mikið um
tæknilegar upplýsingar, sem sýni að hryðju-
verkamenn samtímans búi yfir mun meiri
færni og þekkingu en áður hafi verið raunin.
Lofrullur um bin Laden
Í inngangi kemur fram að ritið hafi verið
unnið á vegum „þjónustudeildar þjálfunar-
búða“ og að Osama bin Laden hafi komið
nefndri „þjónustudeild“ á fót. Ritið sé ætlað
til notkunar í baráttunni gegn „óvinum
hreyfingar okkar og hatursmönnum Allah“.
Sérhvert bindi hefst með þakkar- og lofs-
yrðum og er bin Laden sérstaklega þakkað
fyrir að hafa stefnt lífi sínu í hættu í Afgan-
istan og fjármagnað baráttuna þar. Hið
sama á við um íslamska leiðtoga í Afganist-
an sem og ráðamenn í Pakistan, sem
löngum hafa stutt talibana-stjórnina handan
landamæranna.
Hvert bindi er lagt undir ákveðið umfjöll-
unarefni. Spurt er í upphafi: „Hvað vilt þú
gera?“ Síðan er lesandinn leiddur áfram
skref fyrir skref og því t.a.m. lýst hvernig
komast megi yfir og blanda saman ýmsum
efnum til sprengjugerðar. Annað bindi
fjallar um hvernig sprengja megi flugvél í
loft upp, ráðast gegn bryndreka, umkringja
flugvöll og njósna um herstöð óvinarins.
Í bindi um bardaga í návígi er m.a. kennt
hvernig ógna megi með hnífi og hvernig
stinga beri með slíku vopni. Vitað er að flug-
ræningjarnir voru vopnaðir hnífum 11. sept-
ember.
Hvernig launmorðingjar
skuli bera sig að
Annar kafli nefnist „Grundvallar-
skemmdarverk og eyðilegging“. Þar er laun-
morðingjum kennt hvernig þeim beri að
bera sig að og hvaða „valkosti“ þeir eigi.
Fjallað er um eiturgas, eiturgerð og eitruð
lyf. Kennt er hvernig búa megi þess háttar
gas til og hversu mikið magn þurfi til að
bana manni. Tiltekið lyktarlaust gas geti
t.a.m. drepið mann á 30 sekúndum.
Sá kafli alfræðiritsins, sem fjallar um
vopnabúnað, er í raun sögulegt yfirlit yfir
vopn og önnur drápstól á 20. öld. Byrjað er
á bresku Lee-Enfield-rifflunum frá því á
þriðja áratugnum, en kafla þessum lýkur á
umfjöllun um bandarískar Stinger-eld-
flaugar, sem ætlaðar eru til að granda flug-
vélum af jörðu niðri og skæruliðar í Afgan-
istan notuðu með góðum árangri þegar
Sovétmenn hersátu landið 1979 til 1989.
Margvíslegan annan fróðleik er þarna að
finna, m.a. ítarlegan kafla um fyrstu hjálp,
allt frá skordýrastungum til heilablóðfalla.
Sagðir munu komast
„í tölu píslarvotta“
Minni handbókin, sem kom í leitirnar árið
1999, er einnig skrifuð á arabísku. Banda-
ríska alríkislögreglan, FBI, lét þýða hana og
var hún lögð fram í apríl í fyrra í tengslum
við réttarhöld yfir fjórum mönnum, sem
tengdir eru al-Qaeda-samtökunum og sak-
aðir voru um að hafa skipulagt hryðjuverka-
árásir á tvö sendiráð Bandaríkjanna í Aust-
ur-Afríku árið 1998. Þessi „handbók“, sem
er 180 síður líkt og fyrr sagði, nefnist „Her-
fræðilegar rannsóknir í hinu heilaga stríði
gegn harðstjórunum“.
Handbók þessi skiptist í 18 kafla.
Fyrsti kaflinn nefnist „inngangur“. Þar er
að finna m.a. yfirlýsingu þess efnis að starf-
semi samtakanna miði að því að binda enda
á „guðlausar ríkisstjórnir“ þannig að ísl-
amskar komi í þeirra stað. Þetta beri að
gera með sprengjutilræðum og aftökum.
Myrða beri bæði óvinina og erlenda ferða-
menn.
Kafli tvö fjallar um þau skilyrði, sem við-
komandi hermaður Allah þurfi að uppfylla:
„Hann þarf að vera reiðubúinn að leysa
verkefnið og komast í tölu píslarvotta í þeim
tilgangi að uppfylla markmiðið og koma á
trú hins konunglega Allah á jörðu“.
Áttundi kaflinn er helgaður því hvernig
hryðjuverkamaðurinn geti aukið öryggi sitt
m.a. með því að gerast ekki úr hófi fram
„íslamskur í útliti eða háttum“. Nefnt er að
viðkomandi geti látið vasaútgáfur af Kór-
aninum duga, klæðst ermalöngum skyrtum,
notað tannstöngla o.fl. Hann eigi jafnan að
bera fölsuð persónuskilríki en bannað sé
með öllu að neyta áfengis eða iðka hórdóm.
Í kafla tíu eru sprengjutilræði, mannrán
og tilræði kennd, sem og björgun gísla.
Kaflinn þar á eftir ber hins vegar yfirskrift-
ina: „Njósnir. Leiðbeiningar um misþyrm-
ingar og morð á gíslum“. Þar segir m.a. að
réttlætanlegt sé að berja trúleysingja og að
„trúarleiðtogar [hafi] einnig heimilað morð á
gíslum ef viðkomandi [neiti] að láta upplýs-
ingar af hendi við múslíma“.
16. kaflinn nefnist: „Aftökur þar sem eitri
og köldu stáli er beitt“. Þar er kennt hvar
og hvernig stinga beri óvininn með egg-
vopnum til að ná tilætluðum árangri. Síð-
ustu kaflarnir geyma hins vegar holl ráð
fyrir flugumenn al-Qaeda, þurfi þeir að
standast pyntingar.
Handbækur sem notaðar eru við þjálfun
hryðjuverkamanna á vegum Sádi-Arab-
ans Osama bin Ladens í Afganistan.
Handbækur
herliðs Allah
Islamabad. Associated Press. AFP.
Handbækur sem al-Qaeda-samtökin hafa útbúið veita
sýn inn í hugarheim íslamskra fjöldamorðingja.
AP