Morgunblaðið - 05.10.2001, Blaðsíða 16

HÖFUÐBORGARSVÆÐIÐ
16 FÖSTUDAGUR 5. OKTÓBER 2001 MORGUNBLAÐIÐ
Mikið úrval af vandaðri
haust- og vetrarvöru
svo sem tveed dragtir,
köflóttar dragtir, peysur,
blússur, stök pils og buxur.
kvenfataverslun - Skólavörðustíg 14.
Vandaðu valið
15% afsláttur
föstudag og
laugardag
við Laugaveginn, sími 561 4465.
Villtar &
Vandlátar


Verslunin fagnar
50 ára afmæli
Margar vörur með 50% afslætti
föstudag og langan laugardag
Töskur - Hanskar - Seðlaveski - Slæður - Treflar - Regnhlífar
Meyjaskemman
Laugavegi 12a - sími 551 4739
Bankastræti 3,
sími 551 3635
Póstkröfusendum
BIODROGA
Hálskremið hálskremið
Lífrænar jurtasnyrtivörur
Tilboðsdögum lýkur
Auk þess 10% afsláttur af frottélökum og
öllum bómullarsatínrúmfatnaði.
Njálsgötu 86 - sími 552 0978
FJÖLGUN heimilislækna í Kópa-
vogi hefur að sögn Harðar Björns-
sonar, formanns læknaráðs heilsu-
gæslustöðva Kópavogs, ekki haldist í
hendur við þá fólksfjölgun sem orðið
hefur í bæjarfélaginu síðustu árin.
Íbúar Kópavogs eru nú um 24 þús-
und og miðað við gildandi viðmið um
1.500 sjúklinga á hvern heimilis-
lækni ættu 16 læknar að starfa við
heilsugæsluna. Í bréfi frá Herði til
stjórnar Heilsugæslu Kópavogs
kemur hins vegar fram að stöðugildi
í dag eru aðeins 11 og þar af hafa 10
stöður verið setnar síðasta árið.
Tveir þessara tíu lækna eru nú í
langtímaleyfi en einungis hefur
fengist skammtímaafleysing fyrir
þá.
Einnar til tveggja vikna bið
Eins og greint var frá í frétt
Morgunblaðsins á þriðjudag hefur
heilsugæslustöðin í Mjódd sagt upp
sjúklingum sem ekki hafa lögheimili
í Reykjavík en hafa haft þar heilsu-
gæslulækni. Um er að ræða rúmlega
900 Kópavogsbúa og um 300 manns
úr öðrum sveitarfélögum. Er þetta
gert sakir manneklu og álags á
heilsugæslustöðinni.
Hörður segir nú þegar vera einnar
til tveggja vikna bið eftir tíma hjá
heimilislækni á heilsugæslustöðvum
bæjarins en til þess að anna eftir-
spurn er að mati læknaráðs Heilsu-
gæslustöðva Kópavogs brýnt að fá
fleiri heimilislækna til starfa og hús-
næði fyrir þá.
Í bréfi læknaráðs til stjórnar
Heilsugæslu Kópavogs er meðal
annars skrifað: „Endurnýjun í stétt
heimilislækna er lítil og heimilis-
læknar hverfa til annarra starfa,
ástæður fyrir því eru eflaust margar
en þær sem sterkast vega eru eflaust
krefjandi starf og langvarandi
óánægja með úrskurð kjaranefndar
um starfsaðstöðu og launakjör miðað
við aðrar sérgreinar læknisfræðinn-
ar. Ef heilbrigðisyfirvöld vilja í raun
að heilsugæslan standi undir þeim
kröfum sem gerðar eru til hennar er
góð mönnun nauðsynleg. Brýnt er að
þau kanni ástæður fyrir hvarfi úr
stéttinni og lélegri endurnýjun og
bæti úr því hið fyrsta, áður en í
frekara óefni er komið.“
Afrit bréfsins var sent til heil-
brigðisráðherra.
Brýnt að fá
fleiri heimilis-
lækna til starfa
Kópavogur
HF. OFNASMIÐJAN hefur slegið á
frest um óákveðinn tíma fyrirhuguð-
um byggingarframkvæmdum á lóð-
inni Flatahrauni 13.
Í bréfi frá Ofnasmiðjunni til skipu-
lagsdeildar Hafnarfjarðar kemur
fram að dráttur sá sem verið hefur á
afgreiðslu málsins og byggingarleyf-
isumsókn hefur valdið því að ekki
reyndist grundvöllur fyrir fram-
kvæmdum að sinni. „Þetta hefur haft
í för með sér frestun og breytingar á
áætlunum og margvíslegt fjárhags-
legt tap,“ segir í bréfinu.
Þar segir að af þessum ástæðum
hafi forsvarsmenn fyrirtækisins
ákveðið að falla frá óskum um breyt-
ingu á deiliskipulagi sem kynnt hafði
verið. Í stað þess muni Ofnasmiðjan
leggja fram nýja tillögu um skipulag
innan lóðarinnar, sem óskað verði
eftir að tekið verði inn í deiliskipulag
fyrir svæði sunnan Fjarðarhrauns. Í
þeim tillögum verði tekið mið af
þeim hugmyndum um nýtingarhlut-
fall lóðarinnar sem áður hafa komið
fram.
Mál Ofnasmiðjunnar var tekið fyr-
ir á fundi skipulags- og umferðar-
nefndar Hafnarfjarðar í vikunni þar
sem lagt var til að bæjarstjórn Hafn-
arfjarðar samþykkti að falla frá
breytingu á deiliskipulagi vegna lóð-
arinnar í Flatahrauni 13. Tillögunni
var vísað til afgreiðslu í bæjarstjórn
á fundi bæjarráðs í gær.
Fram-
kvæmd-
unum
frestað
Hafnarfjörður
ÞAÐ er eins gott að vera ekki loft-
hræddur þegar maður sinnir starfi
á borð við gluggaþvott á Radisson
SAS Hótel Sögu. Þessi hugprúði
náungi virðist að minnsta kosti
ekki eiga í neinum vandræðum
með að hanga í lausu lofti á snúru
á meðan hann fer hreinsandi
höndum um hvern gluggann á fæt-
ur öðrum. Líklega er eins gott að
húsfeður og -mæður taki þetta
vinnulag ekki til fyrirmyndar við
þrif á gluggum heimavið heldur
láti gömlu aðferðina, þar sem
gluggasköfu er stungið út um
glugga innanfrá, duga.
Morgunblaðið/Ásdís
Þvottur á snúru
Vesturbær