Morgunblaðið - 05.10.2001, Blaðsíða 68
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 5. OKTÓBER 2001 VERÐ Í LAUSASÖLU 190 KR. MEÐ VSK.
DAGVINNULAUN opinberra
starfsmanna ríkis og Reykjavíkur-
borgar hækkuðu að meðaltali um
tæp 10,5% á fyrri hluta þessa árs
samkvæmt niðurstöðum Kjararann-
sóknanefndar opinberra starfs-
manna (KOS). Á sama tímabili
hækkuðu heildarlaun opinberra
starfsmanna um 6,67%.
Meðaldagvinnulaun rúmlega 18
þúsund starfsmanna ríkis og
Reykjavíkurborgar voru 174.305 kr.
á öðrum ársfjórðungi í ár, en voru á
fjórða fjórðungi síðasta árs 157.759
kr., að því er fram kemur í nýju
fréttabréfi KOS, en þess ber að
geta að hér er ekki um launaúrtak
að ræða heldur eru upplýsingarnar
fengnar úr launavinnslukerfi ríkis-
ins og Reykjavíkurborgar og eru
því tæmandi. Á sama tímabili hækk-
uðu heildarlaun opinberra starfs-
manna að meðaltali úr 236.126 kr. á
fjórða fjórðungi síðasta árs í 251.870
kr. á öðrum fjórðungi í ár.
Samkvæmt fréttabréfinu hefur
kaupmáttur dagvinnulauna opin-
berra starfsmanna aukist mjög mik-
ið á síðustu fjórum árum eða um
rúmlega 40%. Kaupmáttur heildar-
launa hefur einnig vaxið mikið en þó
minna en dagvinnulaunanna eða um
tæp 35%. Ef eingöngu er litið til
krónutöluhækkana á þessu tímabili
nema þær tæpum 68% á dagvinnu-
laununum og tæpum 53% á heild-
arlaununum. Nærri lætur að vísitala
neysluverðs hafi hækkað um tæp
17% á ofangreindu tímabili.
Laun einstakra starfsstétta opin-
berra starfsmanna eru mjög mis-
munandi eins og að líkum lætur.
Svo dæmi séu tekin af mánaðar-
launum í maímánuði síðastliðnum
(hlutur dagvinnulauna innan sviga)
þá voru heildarlaun í Félagi flug-
málastarfsmanna að meðaltali
265.794 kr. (143.721 kr.), heildar-
laun lögreglumanna voru 280.125
kr. (141.779 kr.), sjúkraliða 183.663
kr. (115.473 kr.), í Félagi íslenskra
náttúrufræðinga 256.630 kr.
(205.797 kr.), hjúkrunarfræðinga
270.230 kr. (174.139 kr.), flugum-
ferðarstjóra 532.873 kr. (275.487
kr.), sjúkrahúslækna 485.139 kr.
(299.071 kr.), í Félagi háskólakenn-
ara 271.862 kr. (214.103 kr.), í
Starfsmannafélagi ríkisstofnana
194.053 kr. (133.262 kr.), leikskóla-
kennara hjá Reykjavíkurborg
192.304 kr. (160.052 kr.) o.s.frv.
Dagvinnulaun hækkuðu
um 10,5% hjá því opinbera
/445 /446 /447 /448 /444 2333 93/
1 : /443;/33
/73
/63
/53
/<3
/=3
/23
//3
/33
43
% 0
>(
1 (
0?
@0
%& (/446
Norðurmjólk lokað á
Húsavík á næsta ári
Áfall þegar
13 starfs-
menn missa
vinnuna
STARFSSTÖÐ Norðurmjólkur á
Húsavík verður lokað á næsta ári og
öll vinnsla flutt yfir í samlagið á Ak-
ureyri en samlögin tvö voru samein-
uð undir nafni Norðurmjólkur í lok
síðasta árs. Húsvíkingar eru sárir
vegna þessarar ákvörðunar stjórnar
Norðurmjólkur en þar starfa nú 13
manns. Með þessari ráðstöfun áætl-
ar Norðurmjólk að spara allt að 40
milljónir króna í rekstrarkostnað.
Húsvíkingar telja að þessi ákvörð-
un gangi þvert á fyrri yfirlýsingar
um að styrkja hefði átt starfsstöðina
með nýjum verkefnum. Þess í stað
hafi mátturinn frá upphafi verið
dreginn úr samlaginu á Húsavík. Þá
óttast menn að hið sama geti orðið
varðandi kjötvinnslu Norðlenska á
Húsavík, en það félag varð til við
samruna kjötiðnaðarstöðvar KEA
og Kjötiðju KÞ.
Aðalsteinn Baldursson formaður
Verkalýðsfélags Húsavíkur, segir að
frá því Kaupfélag Eyfirðinga tók við
rekstri KÞ fyrir einu og hálfu ári hafi
störfum fækkað um 50 til 60, einkum
í verslun og skrifstofustörfum.
Þvert á/34
Útivistarsvæði
verðminna en
byggingarland
GRÍÐARLEGUR munur er á verð-
hugmyndum seljenda og kaupenda
svokallaðs Hraunsholtslands í
Garðabæ en eigendur landsins vilja
að sveitarfélagið taki til sín landið
og gjaldi fyrir eins og um eign-
arnám væri að ræða. Bæjarstjóri
segir hins vegar að tilboð það, sem
bærinn gerði í landið en landeig-
endur höfnuðu, taki mið af síðasta
eignarnámi sem gert var í bænum
en það var árið 1989.
Um er að ræða rúmlega 20 hekt-
ara land við bæjarmörk Hafnar-
fjarðar og Garðabæjar og hljóðaði
sölutilboð landeigenda upp á 13,9
millj. á hvern hektara eða alls 278
millj. en kauptilboð bæjarins var 69
millj. fyrir landið allt.
Landið er að stórum hluta hraun
og skipulagt sem útivistarsvæði og
segir bæjarstjóri það hafa haft
áhrif á tilboð bæjarins. Því hafi
ekki verið boðið jafn hátt verð og ef
landið væri allt skipulagt sem bygg-
ingarsvæði.
Verðhugmyndir/14
♦ ♦ ♦
HÁTT á annað hundrað manns mætti
í gær á borgarafund á Patreksfirði
sem boðað var til í kjölfar skemmd-
arverka og drykkjuláta sem hópur
ungra manna stóð fyrir í bænum um
liðna helgi. Fundarmenn samþykktu
ályktun þar sem því var beint til
bæjarstjórnar Vesturbyggðar, sýslu-
mannsins á Patreksfirði og Grunn-
skóla Vesturbyggðar að hafa for-
göngu um stofnun starfshóps um
forvarnir í sveitarfélaginu. Jafnframt
skoraði fundurinn á dómsmálaráð-
herra að beita sér fyrir því að aukið fé
verði veitt til sýslumannsembættisins
þannig að starfandi lögreglumönnum
verði gert kleift að sinna þeim skyld-
um sem á þá eru lagðar í starfi.
Samkvæmt upplýsingum Morgun-
blaðsins voru það um fimmtán menn á
aldrinum 18–25 ára sem stóðu fyrir
skemmdarverkum í bænum um síð-
ustu helgi. Þeir skemmdu m.a. nokk-
ur umferðarskilti, brutu rúður í bíl og
létu ófriðlega. Á fundarmönnum
mátti heyra að þetta væri ekki í fyrsta
skipti sem umræddur hópur hefði
verið til vandræða í bænum. Atburðir
liðinnar helgar hefðu hins vegar fyllt
mælinn.
Jón B.G. Jónsson bæjarfulltrúi
sagðist ekki muna eftir jafn fjölmenn-
um borgarafundi á Patreksfirði. Í
þessari góðu fundarsókn fælust skýr
skilaboð. „Við sættum okkur ekki við
að fámennur hópur komi slíku óorði á
okkar samfélag,“ sagði Jón.
Flestir þeirra sem tóku til máls á
fundinum lögðu áherslu á að efla
þyrfti forvarnir í bæjarfélaginu og
foreldrar yrðu að framfylgja reglum
um útivistartíma barna og unglinga.
Virðingarleysi gagnvart samborgur-
um, eigum annarra og gagnvart lög-
reglunni var talsvert rætt. Einn
þeirra sem tóku til máls á fundinum
sagði að lögreglan treysti sér jafnvel
ekki til að handtaka menn sem hefðu
gerst brotlegir við lögin og bæru lög-
reglumenn því við að þeir væru of fá-
liðaðir. Þórólfur Halldórsson, sýslu-
maður á Patreksfirði, benti á að hjá
embættinu væru þrír lögreglumenn
en þrátt fyrir ítrekaðar auglýsingar
hefði ekki tekist að ráða í fjórðu stöð-
una. Hann sagðist ekki ætlast til þess
af lögreglumönnum að þeir færu inn í
hóp 15–20 ölvaðra ungra manna. Þess
væru alltof mörg dæmi að menn
hefðu slasast í slíkum viðureignum.
Haukur Már Sigurðsson, forseti
bæjarstjórnar, sagði atburði liðinnar
helgar hafa farið alltof hátt og alltof
hratt um landið en þeir gæfu alls ekki
rétta mynd af samfélaginu. Hann
spurði hvort slík vandamál kynnu að
hafa komið upp í kyrrþey annars
staðar án þess að allir fjölmiðlar
landsins fylgdust með. Á Hornafirði,
Selfossi og í Grafarvogi hefði sam-
félagið átt við svipuð vandamál að
stríða og þar hefði verið tekið á mál-
um með árangursríkum hætti. Hið
sama yrði að gerast á Patreksfirði.
„Við getum snúið neikvæðri umræðu
upp í jákvæða þróun.“
Fjölmennur borgarafundur á Patreksfirði vill forvarnir og eflda löggæslu
Fámennur hópur má ekki
koma óorði á samfélagið
Morgunblaðið/RAX
Gunnar Bjarnason var einn þeirra sem tóku til máls á fjölmennum borgarafundi á Patreksfirði í gærkvöldi.