Morgunblaðið - 05.10.2001, Blaðsíða 21
AKUREYRI
MORGUNBLAÐIÐ FÖSTUDAGUR 5. OKTÓBER 2001 21
Kosmeta
Síðumúla 17 • Sími 588 3630
Vítamínbættar
amerískar,
úrvals hárvörur
HLUTA af ágóða vegna sölu K-
lykilsins, landssöfnunar Kiwanis-
hreyfingarinnar, verður varið til
áfangaheimilis geðfatlaðra í Álfa-
byggð 4 á Akureyri en brýn þörf er
á endurbótum á húsnæðinu.
Áfangaheimilið er að sögn Ólafs
Torfasonar forstöðumanns ætlað
einstaklingum sem hafa átt við geð-
sjúkdóm að stríða í lengri eða
skemmri tíma, en geta með stuðn-
ingi eða leiðbeiningum að miklu
leyti séð um sig sjálfir.
„Markmiðið með þessu heimili er
að íbúar öðlist færni í að sjá um sig
sjálfir. Hér fá þeir þjálfun sem mið-
ast að því að þeir verði sjálfbjarga
og ráðandi um eigin hagi svo sem
kostur er,“ sagði Ólafur en m.a. er
þeim leiðbeint um þætti er lúta að
eigin umsjá, störfum og leikjum,
sem og tómstundaiðkun. „Til að ná
þessu markmiði eru íbúarnir gerðir
ábyrgir fyrir daglegu heimilishaldi,
svo sem innkaupum, matseld,
hreingerningum og öðru sem til-
heyrir almennum heimilisstörfum,
en starfsfólkið er þeim til stuðnings
og kennslu,“ sagði Ólafur.
Á heimilinu starfa sex starfs-
menn í fjórum stöðugildum á vakt
frá kl. 8 á morgnana til kl. 11 á
kvöldin. Íbúarnir eru 7 talsins og
eru þeir um þessar mundir á aldr-
inum 22 til 40 ára gamlir. Tveir
þeirra stunda nám, tveir starfa hjá
Plastiðjunni Bjargi sem er vernd-
aður vinnustaður og aðrir eru á al-
mennum vinnumarkaði. Að sögn
Ólafs er búsetan á áfangaheimilinu
bundin því skilyrði að íbúarnir sæki
vinnu eða stundi nám.
Geðverndarfélag Akureyrar á
húsnæðið, en starfsemi áfanga-
heimilisins hófst síðla árs 1988 og
eru íbúar þess frá upphafi um 25
talsins. Gert er ráð fyrir að hver
einstaklingur búi á heimilinu í allt
upp í þrjú ár en möguleiki er að
framlengja dvölina eftir samkomu-
lagi.
Húsið er á þremur hæðum og
þar eru alls 7 svefnherbergi fyrir
íbúana. Þá er í húsinu stofa, eldhús,
skrifstofa, þrjú baðherbergi, fönd-
urherbergi og tónlistarherbergi.
„Árangur af þessari starfsemi
hefur verið mjög góður og íbúarnir
hafa allir náð þeirri færni að kom-
ast í sjálfstæða búsetu og stunda
atvinnu. Við teljum
því að um mjög gott
úrræði sé að ræða fyr-
ir okkar skjólstæð-
inga, en á þeim tíma
sem þeir hafa dvalið
hér hafa þeir náð að
styrkja þá þætti sem
styrkja þarf til að
markmiðunum sé
náð,“ sagði Ólafur.
Hluti af ágóða af
sölu K-lykilsins árið
1989 rann til áfanga-
heimilisins og einnig
árið 1992 og sagði
Ólafur að þá hefði
einnig verið unnið að
endurbótum á hús-
næðinu. Nú lægju
mörg brýn verkefni að
nýju fyrir, en viðhald
hefur setið á hakanum
síðustu ár. „Það þarf
að taka til hendinni og
einnig verður eins og
gengur á mannmörgu
heimili mikið slit á
tækjum sem nú þurfa
endurnýjunar við,“
sagði Ólafur. Hann
benti m.a. á að íbú-
arnir tveir sem stunda
nám byggju við afar
lakan tölvukost en ein
tölva sem komin er vel
til ára sinna er til á
heimilinu.
Hluti af ágóða K-lykilsins rennur til áfangaheimilisins í Álfabyggð á Akureyri
Brýn þörf á endur-
bótum á húsnæði
Ólafur Torfason
ÞING Alþýðusambands Norður-
lands, hið 27. í röðinni, verður haldið
á Illugastöðum í Fnjóskadal í dag
föstudag og á morgun, laugardag.
Um hundrað fulltrúar frá stéttar-
félögum á Norðurlandi eiga rétt til
setu á þinginu.
Helstu mál þingsins verða kjara-
mál, atvinnu- og byggðamál og
kynning á námsefni sem MFA hefur
tekið saman fyrir miðstjórn AN og
ætlað er til kynningar á hlutverki og
starfsemi stéttarfélaga í grunnskól-
um á Norðurlandi.
Hugmyndin er að fulltrúar stétt-
arfélaganna á Norðurlandi heim-
sæki alla grunnskóla á félagssvæð-
inu í vetur og kynni starfsemi
þeirra. Í drögum að nýjum lögum
eru lagðar til verulegar breytingar á
starfsemi sambandsins og það opn-
að fyrir öðrum stéttarfélögum sem
fram að þessu hafa ekki átt aðgang
að AN.
Gestir þingsins verða Grétar Þor-
steinsson, forseti ASÍ, Rannveig
Sigurðardóttir, hagfræðingur ASÍ,
Sævar Gunnarsson, formaður Sjó-
mannasambands Íslands, og Ás-
mundur Hilmarsson, starfsmaður
MFA.
Þing Alþýðusambands
Norðurlands á Ill-
ugastöðum
Starfsemi stétt-
arfélaga kynnt í
grunnskólum