Morgunblaðið - 05.10.2001, Blaðsíða 60

FÓLK Í FRÉTTUM
60 FÖSTUDAGUR 5. OKTÓBER 2001 MORGUNBLAÐIÐ
Hrísgrjónapúður
Púðurdagar í Grafarvogs Apóteki
Kynning
Förðun
Föstudaginn
5. október
kl. 15:00 - 19:00
- líttu við -
Kvennabósinn
(The Ladies Man)
Gamanmynd
Leikstjórn Reginald Hudlin. Aðalhlutverk
Tim Meadows, Billy Dee Williams, Lee
Evans. (84 mín.) Bandaríkin 2000. Sam-
myndbönd. Bönnuð innan 12 ára.
STJARNA þessarar myndar, Tim
Meadows, er einn af Saturday Night
Live genginu og er hér líkt og svo
margir forverarar hans hafa gert að
reyna að fóta sig í kvikmyndaheim-
inum. Þetta hefur gengið upp og of-
an hjá þeim félögunum. Þótt þætt-
irnir sýni glögglega
fram á óumdeilan-
lega hæfileika
þeirra þá hafa þeir
ekki alltaf skilað
sér í kvikmyndum í
fullri lengd. Málið
er nefnilega að það
er alls ekki allra
grínista að halda
úti brandara í heila
mynd þótt þeir geti komið sjálfum
Páfanum til að hlæja í stuttu atriði.
Oft á tíðum er handritum þessara
mynda um að kenna að þær gera sig
ekki og á það og við hér. Handrit The
Ladies Man og framvinda er alls
ekkert til að hrópa húrra fyrir,
ófyndin og lapþunn. Meadows sýnir
samt í þessu fyrsta aðalhlutverki
sínu að hann er fyndinn og þægilega
viðkunnanlegur náungi. Persónan
sem hann hefur skapað, Kvennabós-
inn, er og stórskemmtileg og skrítin
skrúfa, ofursvalur töffari sem bræðir
konur eins og smjör og vefur körlum
þeirra um fingur sér með silkitungu
sinni og sannfæringarmátti.
Skarphéðinn Guðmundsson
Kjánalegur
kvennabósi
Líkflutningar
(Mortel Transfert)
Spenna/Gaman
Leikstjórn Jean-Jacques Beineix. Aðal-
hlutverk Jean-Hugues Anglade, Hélene
de Fougerolles. (118 mín.) Frakkland
2000. Góðar stundir. Bönnuð innan 16
ára.
JEAN-Jacques Beineix er einn
virtasti leikstjóri Frakka í dag, á því
leikur enginn vafi. Eftir hann liggja
nokkrar af eftirminnilegustu frönsku
myndum síðustu áratuga, myndir á
borð við Betty Blue og Dive, svo að-
eins tvær hinar kunnustu séu nefnd-
ar. Gallinn við karl-
inn er hinsvegar sá
að hann næstum því
eins afkastalítill og
hann er mistækur.
Hlýtur því að telj-
ast nokkur viðburð-
ur þegar ný mynd
kemur frá karlinum
og er það hin mesta
synd að hennar
fékkst ekki notið fyrst á hvíta tjaldinu
stóra. Nýjasta mynd Beineix er sem
sagt frumsýnd á myndbandi en hér er
á ferð kómedía eins og þær gerast
svartastar. Það er eins og hann hafi
fengið hugljómun við að sjá verk Caro
og Jeunet, að þótt viðfangsefnin séu
myrk og drungaleg þurfi húmorinn
ekkert endilega að vera víðs fjarri.
Sannarlega er þetta fyndnasta mynd
eftir Beineix sem ég hef séð og gaman
er að sjá vin hans Anglade (Betty
Blue) fá að nýta augljósa gamanleik-
hæfileika sína til hins ýtrasta. Vissu-
lega dettur myndin niður í tilgerðar-
lega ládeyðu endrum og sinnum en
það nær sem betur fer ekki að spilla
fyrir yndislegum kvikindisskapnum,
sem Beineix setur fram á einstaklega
blygðunarlausan hátt. Skarphéðinn Guðmundsson
Myndbönd
Dauðans
alvara
SÖNGKONAN Anna Vil-hjálms er nú búin að vera aðí fjóra tugi ára og hyggstfagna þeim með söng-
skemmtun í kvöld og á morgun í Ás-
garði, Glæsibæ, ásamt hljómsveit
Stefáns P. Hér er á ferðinni vegleg
afmælissýning en með Önnu verða
gestasöngvararnir Ari Jónsson,
Guðrún Árný, Hjördís Elín, Skapti
Ólafsson, Viðar Jónsson og Sigrún
Vala. Einnig munu dansarar frá Jóni
Pétri og Köru koma fram en kynnir
verður Þorgeir Ástvaldsson.
„Que sera sera“
Anna er fjölhæf söngkona og stíl-
arnir margir sem hún hefur beitt
fyrir sig í gegnum tíðina.
„Þemað í þessu er söngferill minn
í fjörutíu ár,“ tilkynnir Anna blaða-
manni. „Ég tek hvern tug fyrir sig.
Ég byrja á fyrsta laginu sem ég söng
þegar ég var 5 eða 6 ára á jólaballi í
Sjálfstæðishúsinu. Það er lagið „Que
sera sera“. Svo tek ég rokkið og fer í
áttunda og níunda áratuginn og svo í
kántríið og enda á þessu nýjasta.“
Anna er mikill aðdáandi sveitatón-
listar og hefur gert mikið af því að
syngja hana á ferlinum.
„Ég er búinn að syngja kántrí síð-
an ’70. Þá þekktist það varla hérna
enda söng ég það mest upp á velli.
En þetta hefur verið að breytast
mikið í dag, með línudansinum og
svona. Það er ekkert ball hjá mér
nema ég syngi kántrílög. Ég er alltaf
með einhvern lager af því.“
Anna segir þetta verða í síðasta
sinn sem hún ætli að setja upp svona
stóra skemmtun.
„Þetta er lokapunkturinn. Ég er
svona að fara að draga mig í hlé. Ég
ákvað að setja punktinn yfir i-ið, þar
sem að mér sýnist ég ekki ætla að ná
því að verða eins og Tina Turner
(hlær).“
Ung
„Ég byrjaði mjög ung að syngja,
var ekki nema 16 ára,“ rifjar Anna
upp og rekur ferillinn í knöppu máli.
„Ég var með Gunnari Ormslev á
Borginni, ég var með Svavari Gests,
Magnúsi Ingimarssyni, Vilhjálmi
Vilhjálms og Berta. Svo fór ég út í
það að stofna eigin sveit upp úr ’70.
Hún hét Experiment og við spiluðum
aðallega á vellinum. Svo fluttist ég út
til Bandaríkjanna og bjó þar í sjö ár.
Svo þegar heim var komið söng ég í
Leikhúskjallaranum. Svo var það
Þórscafé, Glæsibær o.s.frv. Og allar
sýningarnar sem ég hef tekið þátt í
eru fjölmargar.“
Anna segist vera með breiða tón-
listarlega nálgun í sínum skemmtun-
um og leggi upp úr því að höfða til
allra. Hún leggur hins vegar áherslu
á það að hún geri ekki út á gömlu
dansana.
„Ég geri út á rokk og ról og sjö-
unda áratugs tónlist, ég er mikið í
því og kántríinu. Svo rennum við
okkur að sjálfsögðu í gegnum sam-
tímatónlistina ef þess þarf, „Sex
Bomb“ og svona (hlær).
Skemmtunin verður aðeins þessa
einu helgi, föstudags- og laugardags-
kvöld. Hefst hún kl. 19.30 fyrir mat-
argesti en einnig er hægt að kaupa
miða á skemmtun og dansleik sem
hefst kl. 22. Eftir skemmtunina verð-
ur almennur dansleikur fram á nátt.
Borðpantanir eru í símum 581-4315
og 568-5560. Netfang: veislueldhus-
id@simnet.is.
Spilar ekki
gömlu
dansana
Anna ásamt hljómsveit Gunnars Ormslev, um 1960.
Morgunblaðið/Jón Svavarsson
Anna á Country Festival 2001 sem fram fór á Broadway í vor.
Að skella sér á dansiball er um margt deyj-
andi iðja hér á landi. Anna Vilhjálmsdóttir
er ein af þeim sem hefur gert sitt besta til
að afstýra þeirri þróun og sagði hún Arnari
Eggerti Thoroddsen allt af létta.
40 ára söngafmæli Önnu Vilhjálms
arnart@mbl.is
HLJÓMSVEITIN Hringir,eða Hr. Ingi R. eins oghún er stundum kölluð,
hefur hringsólað í kringum
skemmtivæna Íslendinga lengur
en margan grunar eða í heil 12 ár.
Sveitin er skipuð þeim Kormáki
Geirharðssyni bumbuberjara,
Kristni Árnasyni slaggígjuplokk-
ara og Herði Bragasyni, orgel-
undrinu eina og sanna. Þeir fé-
lagar gáfu nýverið út stuðvænu
teitisplötuna Hundadiskó og ætla
að fagna útgáfunni í kvöld í Leik-
húskjallaranum eins og þeirra er
von og vísa.
Fimm dagar
Kormákur segir innblásturinn
að plötunni vera sama gamla
sýrupolkann, eins og hann gerist
bestur.
„Þessi lög koma oft á mjög
löngu skeiði. Það er svona verið
að taka af herðunum efni sem
maður hefur lengi viljað gefa út.
Platan er tekin upp á mjög stutt-
um tíma, eða fimm dögum. Við
vorum ekkert að liggja of lengi
yfir hlutunum.“
Kormákur segir að eftir því
sem mannskap hafi fækkað í
Hringjum hafi sveitin orðið betri.
„Það voru allt að sex manns í
bandinu stundum. Þetta var fyrst
fremur venjubundin polkasveit,
hálfgert útibú frá Júpíters. Henni
var komið saman þegar allir þeir
þrettán í Júpíters gátu ekki kom-
ið saman og þá var hægt að halda
polkaball en það fannst okkur
nettlummó þá. Þegar ég kom inn
í bandið fór mönnum að fækka en
ég vona að það hafi ekki verið út
af mér (glottir). En síðan þróaðist
þetta út í þennan sýrupolka.“
Kormákur fer að hlæja og seg-
ir sum lögin hafa verið orðin það
sýrð að það þurfti að skera þau
niður í lengd, sum þeirra orðin
hátt í 7 mínútur að lengd. Síðasta
plata Hringja var gerð ásamt
söngkonunni Möggu Stínu. Þar
var eingöngu um tökulög að
ræða. Á plötunni nýju eru þau
hins vegar bara tvö.
„Það er gamalt þjóðlag þarna
sem heitir „Jenka“,“ segir Kor-
mákur. „Við tókum það bara af
því að við vorum svo þunnir þann
daginn. Ákváðum því að taka eitt-
hvað sem við kynnum örugglega
til að hrista af okkur slenið. Við
ákváðum síðan að nota það af því
að það gekk svo vel. Þetta var
bara ein taka. Svo er lagið „Pop-
corn“ þarna. Það hefur loðað við
okkur svo lengi að við höldum
næstum því að við höfum samið
það.“
Einhver brúðkaup
Kormákur segir að nóg sé við
að vera í spilamennskunni.
„Þetta kemur svona í lægðum
og hæðum. Á sumrin vilja allir fá
okkur í einhver brúðkaup t.d.
Hringir geta spilað við hvaða
tækifæri sem er; við gætum þess
vegna hitað upp fyrir Discharge á
einhverjum pönktónleikum ef
verða vildi. Ef við erum í kokk-
teilboði og tónlistin á að vera í
bakgrunni þá spilum við lögin
okkar bara hægt og yfirvegað
(hlær). Svo getum við spilað sömu
lög á balli um kvöldið og þá er
bara gefið í botn.“
Kvöldið hefst kl. 23.30 og munu
Hringirnir stíga á svið upp úr
miðnætti. Samúel J. Samúelsson,
básúnuleikari Jagúar, mun svo
þeyta skífum eftir að Hringir
hafa lokið sér af.
Morgunblaðið/Ásdís
Sýrupolki! Hringir í stuði.
Spilum hægt í
kokkteilboðum
arnart@mbl.is
Útgáfutónleikar sýrupolkasveitarinnar Hringir