Morgunblaðið - 05.10.2001, Blaðsíða 23

SUÐURNES
MORGUNBLAÐIÐ FÖSTUDAGUR 5. OKTÓBER 2001 23
LANDIÐ
MARGIR krakkar á aldrinum 10–
12 ára í Grindavík hafa farið á
kanínuveiðar í sumar. Veiðarnar
eru stundaðar í Selskógi í hlíðum
Þorbjarnarfells.
Heyrst hafa sögur um að ein-
hver hafi náð átta ungum upp úr
einni holunni en víst er að þær
eru margar holurnar þó að sum-
ar séu orðnar tómar núna.
Ekki er ljóst hvernig á þessari
kanínubyggð stendur en líklegt
verður að teljast að einhverjum
kanínum hafi verið sleppt þarna
síðastliðið sumar því til ferða ein-
hverra kanína sást nú í vor.
Þegar blaðamann bar að voru
nokkrir ungir menn búnir að
veiða eina unga kanínu og voru
að snæða nestið sem ómissandi er
í svona ferðum. Þetta voru þeir
Egill Birgisson, Sævar Birgisson
og Páll Árni Pétursson en þeir
eru allir 10 ára.
Morgunblaðið/Garðar Páll Vignisson
Sævar Birgisson, Egill Birgisson og Páll Árni Pétursson með kanínu-
unga sem þeir veiddu og háfinn góða.
Strákar á kanínu-
veiðum í Selskógi
Grindavík
HUGMYNDIR um flutning
Keikós til Keflavíkur voru í gær
kynntar í bæjarráði Reykjanes-
bæjar. Ekki hefur skýrst hvar
háhyrningurinn verður geymdur
í framtíðinni, að sögn bæjar-
stjóra.
Hallur Hallsson, talsmaður
Ocean Future, og Ólafur Kjart-
ansson, framkvæmdastjóri Mark-
aðs- og atvinnumálaskrifstofu
Reykjanesbæjar, mættu á fund
bæjarráðs til að kynna málið. Ell-
ert Eiríksson bæjarstjóri segir að
málið hafi til þessa verið í athug-
un hjá embættismönnum bæjar-
ins og sér hafi nú þótt tímabært
að kynna það fyrir bæjarráði.
Segir hann að samstaða sé um
það meðal bæjarfulltrúa að taka
upp viðræður um móttöku á
Keikó, þegar og ef umráðamenn
hans óski. Telur hann að það geti
gerst á næstu mánuðum.
Helst hefur verið rætt um að
háhyrningnum yrði komið upp í
Bás á norðanverðu Vatnsnesi í
Keflavík. Þar er talin góð aðstaða
til að sýna dýrið en eftir að til-
raunir til að koma honum út í
villta náttúru mistókust er talað
um að Keikó verði hafður til sýnis
og tekinn aðgangseyrir til að
standa undir rekstri hans.
Kynna hug-
myndir um
móttöku Keikós
Reykjanesbær
OPINN dagur verður í Fjölbrauta-
skóla Suðurnesja næstkomandi
laugardag. Gefst gestum tækifæri til
að fylgjast með kennslu og kynna sér
starfsemi skólans, húsnæði, búnað
og aðstöðu.
Opni dagurinn hefst klukkan 10 og
lýkur kl. 14. Hefðbundin kennsla
verður frá kl. 10 til 11.30 og frá kl.
12.30 til 13. Í hádeginu verður kynn-
ingar- og skemmtidagskrá á sal og
þar verður hægt að kaupa kaffi og
létta máltíð.
Í tilkynningu á vef FSS kemur
fram að allir eru boðnir velkomnir og
sérstaklega er höfðað til nemenda 9.
og 10. bekkjar grunnskóla og for-
ráðamanna þeirra.
Opinn dagur í Fjöl-
brautaskólanum
Keflavík
SKRIÐA féll við bæinn Hrafna-
björg í Hlíð aðfaranótt miðviku-
dags.
Skriðan var um fimmtíu metra
breið og tvöhundruð metra löng og
jarvegsþykktin var allt að fjórir
metrar í upptökum skriðunnar.
Skriðan skipti sér og stefndi
önnur kvísl hennar á hesthús sem
er áfast fjárhúsi.
Að sögn Rögnvaldar Ragnars-
sonar bónda á Hrafnabjörgum hef-
ur verið ótrúlegt úrfelli undanfar-
ið: „Enda þarf mikla vætu til að
skriða fari af stað þarna í skrjáfa-
þurri brekkunni. Vætan hefur ver-
ið mest í yfirborðinu því skriðan
nær hvergi niður á klöpp, jarðveg-
urinn hefur lagskipst og þó aðdrag-
andinn sé ekki mikill nær skriðan
að breiða tiltölulega mikið úr sér,
svo hún hefur verið blaut og náð
miklum hraða.“
Ekki er algengt að skriður falli á
þessum slóðum, þó rekur menn
minni til að tvær smáskriður hafi
fallið þarna skammt frá árið 1936
en þær voru frábrugðnar að því
leyti að þær áttu upptök alveg ofan
í urð.
Ekki urðu meiðsl á fólki né fén-
aði, „en þetta er mikið jarðrask og
það verður mikið verk að laga
þetta,“ sagði Rögnvaldur.
Skriða féll
við bæinn
Hrafna-
björg
Norður-Hérað
Morgunblaðið/Sig. Aðalsteinsson
Rögnvaldur Ragnarsson, bóndi á Hrafnabjörgum, við skriðuna sem
nærri var fallin á fjárhús skammt frá íbúðarhúsinu á Hrafnabjörgum.
UNNIÐ er að viðgerðum á
farþegaferjunni Lagarfljóts-
orminum, sem skemmdist er
hún strandaði á Lagarfljóti
fyrir nokkrum vikum. Skip-
inu, sem er tæplega 100 tonn
að þyngd, var komið á vagn
sem fylgdi því til landsins frá
Svíþjóð á sínum tíma og jarð-
vegi rutt upp í kringum það.
Vatni var dælt úr þrónni sem
við þetta myndaðist og þann-
ig reyndist unnt að komast að
viðgerðum á botni skipsins.
Auk viðgerðar, botnhreins-
unar og lögbundinnar skipa-
skoðunar verður gerð betri
skábraut fyrir skipið þannig
að auðveldara sé að taka það
upp aftur. Þá verður höfnin
dýpkuð og gengið frá köntum
við hana til að halda frá sand-
rennsli úr Fljótinu.
Unnið
að við-
gerðum
Egilsstaðir
Morgunblaðið/Steinunn Ásmundsd.
Benedikt Vilhjálmsson út-
gerðarstjóri hugar að við-
gerðinni á gúmmíbáti.
Lagarfljótsormur-
inn laskaður
NEMENDUR í Grunnskóla Bolung-
arvíkur fengu góða gesti til sín í skól-
ann morgun einn í síðustu viku er tríó
Björns Thoroddsen ásamt Agli Ólafs-
syni hélt þeim klukkutíma langa tón-
leika í samkomusal skólans.
Hér er á ferðinni verkefnið sem
ber yfirskriftina Tónlist fyrir alla, en
það er samstarfsverkefni sveitarfé-
laga.
Frumkvæðið að þessu verkefni átti
Jónas Ingimundarson píanóleikari,
en segja má að það hafi fengið byr
undir báða vængi er það var styrkt af
Norðmönnum með veglegri peninga-
gjöf sem þeir gáfu til þessa verkefnis
í tilefni fimmtíu ára lýðveldisafmæl-
isins 1994.
Síðan hafa mörg sveitarfélög nýtt
sér þetta verkefni til að örva tónlist-
aráhuga meðal skólabarna.
Þetta er í fyrsta sinn sem grunn-
skólar á Vestfjörðum nýta sér þetta
verkefni, en listamennirnir heimsóttu
flesta grunnskólanna í fjórðungnum í
þessari för sinni.
Tríó Björns Thoroddsen er skipað,
ásamt honum, þeim Ásgeiri Óskars-
syni og Gunnari Hrafnssyni og fluttu
þeir félagar ásamt Agli Ólafssyni
dagskrá sem bar yfirskriftina
„Heimsreisa Höllu“. Þar tóku þeir
fyrir gamlan íslenskan húsgang,
Ljósið kemur langt og mjótt, og settu
lagið í hinar ólíklegustu stíltegundir.
Flutningur þeirra félaga var leik-
rænn og lifandi og gerðu þeir mikið
með það að láta nemendur taka þátt
með sér eftir því sem við átti hverju
sinni.
Nemendur skólans létu sitt ekki
eftir liggja, enda greinilegt að þau
voru afskaplega vel með á nótunum.
Að síðustu fluttu svo sex nemendur
úr Tónlistaskóla Bolungarvíkur þetta
þjóðlag á fiðlu, bassa, saxafón, þver-
flautu og básúnu í jassútsetningu
Gunnars Hrafnssonar.
Þess er vænst að nemendur á Vest-
fjörðum njóti frekari heimsókna af
þessu tagi þar sem okkar fremstu
tónlistarmenn koma í skólana til
þeirra og kynna hinar margvíslegu
hliðar tónlistarinnar.
Tónlist fyrir alla í Grunn-
skóla Bolungarvíkur
Bolungarvík
Morgunblaðið/Gunnar Hallsson
Tríó Björns Thoroddsen ásamt Agli Ólafssyni á tónleikum í skólanum.