Morgunblaðið - 05.10.2001, Blaðsíða 14
HÖFUÐBORGARSVÆÐIÐ
14 FÖSTUDAGUR 5. OKTÓBER 2001 MORGUNBLAÐIÐ
LANDEIGENDUR Hraunsholts-
landsins svokallaða í Garðabæ
hafa farið fram á að bærinn taki
landið til sín og greiði fyrir það
eins og um eignarnám væri að
ræða. Bærinn er hins vegar ekki
tilbúinn að greiða nema hluta þess
verðs sem sölutilboð hljóðaði upp á
þar sem stærsti hluti landsins nýt-
ist ekki undir byggð.
Um er að ræða rúmlega 20 hekt-
ara land við bæjarmörk Hafnar-
fjarðar og Garðabæjar. Undanfar-
ið hafa bæjaryfirvöld og Ragnar
Aðalsteinsson hæstaréttarlögmað-
ur, sem er fulltrúi landeigenda í
málinu, átt í bréfaskiptum þar sem
sett hafa verið fram sölu- og kaup-
tilboð án þess að samkomulag hafi
náðst.
Ljóst er að mikið ber í milli því
sölutilboðið hljóðaði upp á 13,9
milljónir króna fyrir hvern hekt-
ara, alls um 278 milljónir króna,
auk þess sem farið var fram á að
Garðabær úthlutaði landeigendum
endurgjaldslaust tólf byggingar-
lóðir fyrir íbúðarhús án gatnagerð-
argjalda þegar þar að kæmi.
Kauptilboð Garðabæjar var öllu
lægra því bærinn lýsti sig tilbúinn
til að kaupa landið allt fyrir 69
milljónir króna.
Segir í bréfi Ragnars fyrir hönd
landeigenda til bæjarins að tilboð-
ið jafngilti því að fermetraverð
landsins væri 317,99 krónur sem
sé mun minna en greitt var fyrir
Smárahvammslandið á sínum tíma
eða árið 1989 þegar greiddar hafi
verið 349,51 króna á fermetra
lands. Framreiknað til dagsins í
dag næmi það 645,21 krónu á fer-
metra.
Gera ekkert nema greiða af
landinu skatta og skyldur
Ragnar segir brýnt að fá nið-
urstöðu í málið. „Hraunsholtsland-
ið er nú orðið umkringt að veru-
legu leyti byggðinni í Garðabæ og
það er löngu búið að banna búskap
á landinu. Reyndar geta eigendur
ekkert við landið gert annað en að
greiða af því skatta og skyldur
vegna þess að bærinn eða sveitar-
félagið leyfir engin afnot. Þegar
svo er komið telja eigendur að
sveitarfélaginu sé skylt að taka
landið til sín og greiða fyrir það
það verð sem er áskilið er í stjórn-
arskrá, eða eins og um eignarnám
væri að ræða ef ekki semst um
annað.“
Hann segir þó bæjaryfirvöld
ekki hafa verið tilbúin til þessa.
„Bærinn hefur lagt áherslu á að
hluti landsins sé að vísu ágætis
byggingarland og það sé kannski í
lagi að kaupa það. Hins vegar sé
þónokkuð stór hluti landsins svo
fallegur og skemmtilegur að þar
verði haft útivistarsvæði, sem sé
til að auka lífsgæði borgaranna í
samfélaginu, og fyrir það verði
ekkert greitt.“
Hafa látið land undir
opinberar byggingar
Að sögn Ragnars hafa þau til-
boð, sem bæjaryfirvöld hafa gert í
landið verið langt fyrir neðan öll
eignarnámsmörk á undanförnum
10–20 árum á þessu svæði. „Mér
virðist að afstaða stjórnmálamann-
anna í sveitarfélaginu sé sú að eig-
endur eigi að láta það land, sem
bærinn ákveður að skuli fara undir
útivist, án endurgjalds eða gegn
mjög lágu endurgjaldi. Þannig að
ef þannig stæði á að landeigandi
ætti land sem eingöngu færi undir
aukningu lífsgæða að þessu leyti
ætti ekkert að fá en nágranninn
sem ætti land sem færi allt undir
byggingar fengi fullt verð fyrir.“
Landeigendur hafa að sögn
Ragnars átt í viðræðum við bæinn
um kaup á landinu undanfarin 6–7
ár. „Þessi fjölskylda er búin að
eiga þetta land lengi og hefur látið
land undir opinberar byggingar á
borð við skóla og íþróttamann-
virki, annaðhvort ókeypis eða fyrir
lítið. Nú finnst kannski eigend-
unum að það sé kominn tími til að
sveitarfélagið borgi fullt verð.“
Ragnar segir að hingað til hafi
verið reynt að ná lendingu í mál-
inu með viðræðum en náist hún
ekki fljótlega sé ekkert annað úr-
ræði eftir en að fara með það fyrir
dómstóla. Hann bendir á að svipað
dæmi sé fyrir því úr Reykjavík að
borginni hafi verið gert að taka til
sín land sem hún vildi ekki kaupa
og borga fyrir það töluvert fé.
Mið tekið af síðasta
eignarnámi
Ásdís Halla Bragadóttir, bæjar-
stjóri í Garðabæ, segir frumkvæði
að því að bærinn kaupi landið hafa
komið frá landeigendum. „Þeir
gerðu okkur tilboð sem var að
okkar mati mjög hátt. En við vild-
um gjarnan sýna viðleitni og gera
þeim gagntilboð og gerðum þeim
tilboð í landið sem hljóðaði upp á
69 milljónir króna. Því tilboði hafa
þeir síðan hafnað og þykir of mikið
bera í milli. Við verðum síðan bara
að sjá hvort við náum ekki að setj-
ast niður og ræða málið frekar,“
segir hún.
Hún segir það matsatriði hvort
tilboðið sem bærinn gerði hafi ver-
ið lágt miðað við stærð landsins.
„Þetta verð sem við höfum í huga
tekur mið af síðasta eignarnámi
sem var hér á svæðinu en það var
gert árið 1989. Okkur finnst eðli-
legast að miða við það verð með
því að taka þá tölu og framreikna
að núvirði.“
Ásdís segir rangt að bærinn sé
ekki tilbúinn að greiða fyrir þann
hluta svæðisins sem ekki nýtist
sem byggingarsvæði. „Hins vegar
finnst okkur ekki vera stætt á því
að bjóða jafnhátt verð í land sem
er að tveimur þriðja hluta hraun
og útivistarsvæði og í land sem
væri að fullu hægt að nýta sem
byggingaland þannig að vissulega
hefur það einhver áhrif á okkar til-
boð.
En það er alls ekki þannig að
við séum ekki tilbúin að greiða
neitt fyrir útivistarlandið. Við
horfum á þetta land í heild sinni
og metum það sem svo að það sé
einungis hluti þess byggingarhæf-
ur og í ljósi þess þá erum við ekki
að bjóða jafn hátt verð og ef þetta
land væri allt skipulagt sem bygg-
ingarsvæði.“
Verðhugmyndir gerólíkar
!"
!
"#
#$%
&'
(
)*+,+ ,-
.
)*+, /+,-
Garðabær
Viðræður landeigenda og bæjaryfirvalda um sölu
Hraunsholtslands til sveitarfélagsins hafa staðið yfir í um sex ár