Morgunblaðið - 05.10.2001, Blaðsíða 30

LISTIR/KVIKMYNDIR
30 FÖSTUDAGUR 5. OKTÓBER 2001 MORGUNBLAÐIÐ
Frumsýningar
AMERICAN PIE 2 Sambíóin, Háskólabíó
SMALL TIME CROOKS Sambíóin
THE SCORE Laugarásbíó, Kringlubíó,
Borgarbíó Akureyri
JAY AND SILENT BOB STRIKE BACK
Regnboginn, Laugarásbíó, Borgarbíó Ak-
ureyri
Shrek
Bandarísk. 2001. Leikstjórar Andrew And-
erson, Vicky Jenson. Handrit: Ted Elliott,
o.fl. Teiknimynd. Fjörug og væmnislaus æv-
intýramynd um hressari teknimyndafígúrur
en menn eiga almennt að venjast. Pottþétt
skemmtun fyrir alla fjölskylduna. Bíóhöllin
AI
Bandarísk. 2001. Leikstjóri: Steven Spiel-
berg. Handrit: Spielberg o.fl. Aðalleikendur:
Haley Joel Osment, Jude Law, Frances
O’Connor, William Hurt. Mjög spennandi og
áhrifarík kvikmynd með sterkri ádeilu. End-
inum er þó algerlega ofaukið.
Kringlubíó,Háskólabíó, Nýja bíó Keflavík,
Nýja bíó Akureyri
Crazy/Beautiful
Bandarísk. 2001. Leikstjóri: John Stock-
well. Handrit: Phil Hay og Matt Manfredi.
Aðalleikendur: Kirsten Dunst, Jay Hernand-
es, Bruce Davidson. Skynsamlega gerð og
alvarleg en fyrst og fremst vel leikin ung-
lingamynd um stúlku sem veit enga leið úr
sálarþrengingum sínum þar til hún kynnist
vænum dreng.
Kringlubíó, Nýja bíó Akureyri
Tilsammans
Sænsk. 2001. Leikstjóri og handrit: Lukas
Moodyson. Aðalleikendur: Lisa Lindgren,
Michael Nyqvist, Gustaf Hammarslen. Tragi-
kómedía frá lauslátum tímum kommúna,
blómabarna og frjálsra ásta í pipraðri
Gautaborg. Leikur, handrit, leikstjórn í
óvenju góðum höndum.

Háskólabíó
The Tailor of Panama
Bandarísk. 2001. Leikstjóri: John Boorman.
Handrit: John Le Carré o.fl. Aðalleikendur:
Pierce Brosnan, Geoffrey Rush, Jamie Lee
Curtis. Vel úthugsað og sniðugt pólitískt
drama sem kemur á óvart án þess að vera
hnökralaust.
Bíóborgin
Rugrats in Paris
Bandarísk. 2000. Leikstjórn: Stig Bergquist,
Paul Demyer. Handrit: J. David Stem o.fl.
Ísl. leikraddir: Edda Heiðrún Backmann,
Inga María Valdimarsdóttir, Rósa Guðný
Þórsdóttir, Dofri Hermannsson o.fl.
Skemmtileg en fullfyrirsjáanleg mynd um
káta krakkaorma í leit að mömmu handa
vini sínum.
Kringlubíó, Háskólabíó, Nýja bíó Akureyri
Heartbreakers
Bandarísk. 2001. Leikstjórn: David Mirkin.
Handrit: Robert Dunn o.fl. Aðalleikendur:
Sigourney Weaver, Jennifer Love Hewitt,
Gene Hackman, Ray Liotta. Dægilegasta
svikahrappamynd þar sem Gene Hackman
sérstaklega fer á kostum en Weaver og
Hewitt eru líka góðar sem svikapar. Myndin
er of lengi að ljúka sér af en er annars fín
skemmtun.
Stjörnubíó, Regnboginn
Planet of the Apes
Bandarísk. 2001. Leikstjórn: Tim Burton.
Handrit: William Broyles o.fl. Aðalleikendur:
Mark Wahlberg, Tim Roth, Helena Bonham
Carter. „Endursköpun“ Burtons tekst ágæt-
lega að fráslepptum endinum en hefur ekki
sömu vigt og fyrri myndin. Wahlberg ágætur
í Heston-rullunni en bestur er þó Tim Roth
sem sérstaklega úrillur api.
Bíóborgin, Regnboginn, Borgarbíó Akur-
eyri
Bridget Jones’s Diary
Bresk. 2001. Leikstjóri: Sharom Maguire.
Handrit: Helen Fielding. Aðalhlutverk: Ren-
ée Zellweger, Hugh Grant, Colin Firth, Jim
Broadbent. Sagan um ástamál Bridget
verður að hæfilega fyndinni, rómantískri
gamanmynd. Zellweger gerir margt gott í
titilhlutverkinu.
Háskólabíó
The Fast and the Furious
Bandarísk. 2001. Leikstjóri: Bob Cohen.
Handrit: Del Monte. Aðalleikendur: Vin
Diesel, Paul Walker, Jordana Brewster.
Kappakstursmynd sem heldur manni við
efnið og verður á endanum sæmilegasta
sumarafþreying.

½
Bíóhöllin
Jurassic Park III
Bandarísk. 2001. Leikstjóri: Joe Johnston.
Handrit: Peter Buchman, ofl. Aðalleikarar:
Sam Neill, Villiam H. Macy, Téa Leoni.
Fantagóð della sem slagar hátt uppí fyrstu
myndina að gæðum. Fátt nýtt en allt er
fagmannlega gert, spennan góð og leik-
ararnir fínir.
Háskólabíó
Rush Hour 2
Bandarísk. 2001. Leikstjóri: Brett Ratner.
Handrit: Jeff Nathanson. Aðalleikendur:
Jackie Chan, Chris Tucker, John Lone. Þeir
ná vel saman, bardagajaxlinn og vélbyssu-
kjafturinn, annað skiptir ekki máli í grín- og
spennumynd þar sem þeir endasendast frá
Hong Kong til Vegas.
Laugarásbíó
Rat Race
Bandarísk. 2001. Leikstjóri: Jerry Zucker.
Handrit: Andrew Breckman. Aðalleikendur:
John Cleese, Rowan Atkinson, Whoopi
Goldberg, Cuba Gooding. Gamanmynd
hlaðin bröndurum og skondnum karakter-
um sem keppa um hver er fyrstur að finna
tvær milljónir dollara. Dellumynd, sann-
arlega, en má hlæja að henni. Regnboginn, Laugarásbíó, Borgarbíó Ak-
ureyri
A Knight’s Tale
Bandarísk. 2001. Leikstjórn og handrit: Bri-
an Helgeland. Aðalleikendur: Heath Ledger,
Rufus Sewell, Mark Addy. Rokkað feitt á
burtreiðum? Undarleg samsuða af mið-
aldagamni og nútímarokki sem erfitt er að
sjá að hafi mikinn tilgang en Helgeland
reynir hvað hann getur til að láta taka sig
alvarlega. Stjörnubíó, Laugarásbíó, Borgarbíó Ak-
ureyri
Cats & Dogs
Bandarísk. 2001. Leikstjórn: Lawrence Gut-
erman. Handrit: John Rena. Aðalraddir:
Alec Baldwin, Sean Hayes, Susan Sar-
andon. Einföld saga og spennandi fyrir
krakka. Annars ósköp klisjukennd og illa
leikstýrð. Bíóborgin, Kringlubíó
Swordfish
Bandarísk. 2001. Leikstjóri: Dominic Sena.
Handrit: Skip Woods. Aðalleikendur: John
Travolta, Hugh Jackman og Halle Berry.
Flott mynd með góðu gengi og fínum hasar
en gengur ekki nógu vel upp. Bíóhöllin, Bíóborgin, Nýja bíó Akureyri
Down to Earth
Bandarísk. 2001. Leikstjórar: Paul og Chris
Weitz. Handrit: Chris Rock o.fl. Aðalleik-
endur: Chris Rock, Regina King, Mark Addy,
Chazz Palminteri. Endurgerð endurgerðar
hefur fjarska lítið nýtt fram að færa en
leggur allt sitt traust á grínistann Chris
Rock. Háskólabíó
Town and Country
Bandarísk. 2001. Leikstjóri: Peter Chelsom.
Handrit: Michael Laughlin og Buck Henry.
Aðalleikendur: Warren Beatty, Diane Keaton
og Goldie Hawn. Ósmekkleg kvikmynd um
óáhugavert fólk. Sóun á fínum leikurum.

Háskólabíó
Bíóin í borginni
Sæbjörn Valdimarsson/Arnaldur Indriðason/Hildur Loftsdóttir
Laugarásbíó, Kringlubíó og Borgarbíó
frumsýna The Score, með Robert De
Niro, Edward Norton og Marlon
Brando.
BANDARÍSKA spennumyndin
The Score skartar Robert De
Niro, Edward Norton og Marlon
Brando, auk Angelu Bassett.
Þjófurinn Nick Wells (De Niro)
er ákveðinn í að hverfa af glæpa-
brautinni og lifa framvegis heið-
arlegu lífi. Hann er eigandi
skemmtistaðar í Montreal, hyggst
staðfesta ráð sitt með vinkonu
sinni (Angelu Bassett), og orðinn
vel stæður af fyrri iðju. Félagi
hans og meðeigandi, Max (Marlon
Brando), er á öðru máli. Hann fær
Nick til að brjóta tvær grundvall-
arreglur þjófsins; að fremja aldrei
rán í heimaborg sinni og starfa
ekki með öðrum. Max kemur Nick
í kynni við Jack Teller (Edward
Norton), ungan, slyngan og frakk-
an innbrotsþjóf. Hann þarfnast
sérhæfileika Nicks við að fram-
kvæma „glæp aldarinnar“, að opna
peningaskáp með milljónum dala á
tollstöðinni í Montreal.
Hér takast á þrír, þóttafullir
menn sem rekast illa í hópi en von-
in um auð og ríkidæmi þjappar
þeim saman. Þeir gefast ekki upp
fyrr en í fulla hnefana.
De Niro fékk að spinna að vild
frammi fyrir tökuvélunum og
skapa að talsverðu leyti Nick, þjóf
sem rænt hefur og ruplað um víða
veröld í tvo áratugi án þess að
lenda í höndum réttvísinnar. Hinn
ungi og bráðefnilegi Edward Nor-
ton, sem hyggst verða hinn nýi
Nick glæpaheimsins, er vel valinn
fulltrúi þeirrar kynslóðar sem er
um það bil búin að slá í gegn. Í
bakgrunninum er sjálfur Brando,
með alla sína sögu, frægð, hæfi-
leika og reynslu. Hann túlkar
Max, höfuðið á bak við glæpinn.
Leikarar: Robert De Niro (The Deer
Hunter, Taxi Driver, The Untouch-
ables…); Marlon Brando (Viva Zap-
ata, A Streetcar Named Desire, On
the Waterfront, The Godfather…);
Edward Norton (Primal Fear, Americ-
an History X, Fight Club); Angela
Bassett (What’s Love Got to Do With
It, Waiting to Exhale). Leikstjóri:
Frank Oz (Little Shop of Horrors, In
& Out, Bowfinger). Handrit: Kario
Salem: (Don King: Only In America).
Þrír stórleikarar leiða saman hesta sína í The Score, Robert De Niro,
Edward Norton og Marlon Brando.
Sögufrægt þríeyki
Sambíóin frumsýna bandarísku gam-
anmyndina Small Time Crooks með
Woody Allen og Tracey Ullman.
WOODY Allen lætur ekki deigan
síga, nýjasta myndin hans, Small
Time Crooks, fylgir eftir Sweet
and Lowdown, sem sýnd var hér-
lendis á síðasta ári. Smákrimmar
fjallar um seinheppna smáþjófa,
hjónakornin Ray og French Winkl-
er (Allen og Tracey Ullman), sem
hyggjast framkvæma „stóra glæp-
inn“, sem mun gera þau rík og sæl
til æviloka. Ætla sér ekki að ráðast
á garðinn þar sem hann er lægstur,
nú dugar ekkert minna en að ræna
banka. Í því skyni opna skötuhjúin
kökubúð í nágrenni bankans.
Baksturinn er aukaatriði, bakaríið
á bak við kökubúðina á hinsvegar
að hýsa annan enda jarðganga sem
eiga að enda í fjárhirslunum.
Hjónin eru ratar. Ray hefur risið
hæst á starfsferlinum sem upp-
vaskari, Frenchy sem snyrtidama,
og lánið hefur látið þau gjörsam-
lega í friði. Ekki horfir vænlegar
með ránið. Þjófagengið er saman-
safn hrakfallabálka, auk hjónanna
koma við sögu Tommy (Tony Dar-
row), Denny (Michael Rapaport)
og Benny (Jon Lovitz). Allt fer úr-
skeiðis en hinsvegar verður köku-
baksturinn hinn ábatasamasti!
Ray og French verða því nýríkir
fálkar í stað þess að vera fjár-
soltnir. Nú hefst eyðslutímabilið.
Frenchy verður fórnarlamb bresks
snobbara og listfræðings (Hugh
Grant), sem kynnir hana fyrir fögr-
um listum og fínu fólki. Á meðan
nýtur Ray sín best á skyndibita-
stöðum, hornaboltaleikjum og í fé-
lagsskap hinnar gufurugluðu May
(Elaine May).
Margir telja May og Ullman
skemmtilegustu konur kvik-
myndanna og margir hafa dálæti á
Allen, sem skrifar handritið auk
þess að fara með aðalhlutverkið og
leikstýra.
Leikarar: Woody Allen, Tracey Ullman
(Bullets Over Broadway, Everyone
Says I Love You), Michael Rapaport
(Mighty Aphrodite, Copland, Deep
Blue See), Jon Lovitz (City Slickers
II., Three Amigos), Elaine May.
Handrit og leikstjórn: Woody Allen
(Annie Hall, Hannah and her Sisters,
Bullets Over Broadway, Deconstruct-
ing Harry)
Smákrimmar
í kökubakstri
Úr nýjustu mynd Woodys All-
ens, Small Time Crooks.
Sambíóin og Háskólabíó frumsýna
American Pie 2, með Jason Biggs,
Shannon Elizabeth, Alyson Hannigan,
Chris Klein.
GÓÐ baka er aldrei of oft bökuð,
segja þeir í Hollywood.
Einn stærsti og óvæntasti smell-
urinn árið 1999 var unglingagrín-
myndin American Pie, og nú er
komið að framhaldinu. Fyrri
myndin var um ýmsar raunir lítt
reyndra táninga, ekki síst í vanda-
málum sem eiga rætur sínar að
rekja neðan beltis... Unglingarnir
lentu í margvíslegum, spaugilegum
uppákomum í anda There is Some-
thing About Mary, og öðrum slík-
um.
Framleiðendurnir hóuðu saman
öllum leikhópnum upp á nýtt og nú
sést hann í broslegum átökum við
að ná tökum á nýjum „unglinga-
vandamálum“, á langri og strangri
leið inn í fullorðinsárin. Eftir
fyrsta veturinn í menntaskóla
leigja bekkjarfélagarnir Kevin,
Jim, Oz, Finch og Styler hús á
ströndinni, nú á að taka sumarið
með stæl! En þá ríður allt á að
stelpurnar séu mótttækilegar.
Sumarið líður fljótt, í villtum
partíum og strandsvalli og ótelj-
andi ævintýrum sem fylgja
áhyggjuleysi æskuáranna og fé-
lagarnir læra það helst að vináttan
er eitt sterkasta aflið í lífinu.
Aðstandendur myndarinnar,
framan sem aftan við tökuvélarn-
ar, eru flestir þeir sömu og í fyrri,
eða eigum við að segja fyrstu
myndinni. „Upprunalegi leikhóp-
urinn gaf okkur möguleika á gera
meira en að feta í sömu sporin,“
segir framleiðandinn, Craig Perry.
„Það var auðvelt og freistandi, en
við kusum að fara erfiðari leiðina,
skapa nýjar aðstæður og uppá-
komur.“
Leikarar: Jason Biggs ( A.P.1., Loser,
Boys and Girls); Shannon Elizabeth
(A.P.1., Scary Movie, Tomcats, Jay
and Silent Bob Strike Back); Alyson
Hannigan (Buffy the Vampireslayer),
Chris Klein (Election, Say It Isn’t So.
Leikstjóri: J.B. Rodgers (Say It Isn’t
So).
Handrit: Adam Herz (A.P. 1.)
Endurbætt
Amerísk baka
Handagangur í öskjunni í American Pie 2.