Morgunblaðið - 05.10.2001, Blaðsíða 27
ÁRÁSIN Á BANDARÍKIN
MORGUNBLAÐIÐ FÖSTUDAGUR 5. OKTÓBER 2001 27
NORSKUM orrustuþotum, tilbún-
um til átaka, hefur verið komið
fyrir á flugvellinum í Sola í því
skyni að verjast hugsanlegum
árásum hryðjuverkamanna á olíu-
borpalla í Norðursjó.
Norsk stjórnvöld og ríkisstjórn-
ir í NATO-ríkjunum almennt hafa
miklar áhyggjur af hugsanlegri
árás á olíuborpallana en hún gæti
haft mjög alvarleg áhrif á orkuöfl-
un í stórum hluta Evrópu.
Norðmenn hafa auk þess sér-
stakar áhyggjur af því, að tilraunir
þeirra til að miðla málum í Mið-
austurlöndum, til dæmis með Ósló-
arsamningnum, njóti engrar vel-
vildar hjá sumum öfgamönnum, í
Palestínu eða annars staðar. Af
þeim sökum eru nú hafðar orr-
ustuvélar til taks á Rygge-flugvell-
inum og eiga þær að verjast hugs-
anlegri árás á Ósló og höfuðborg-
arsvæðið.
Reuters
Víða um heim hefur verið gripið til aukins eftirlits vegna hryðjuverk-
anna 11. september. Reagan-flugvöllur við Washington var loks opn-
aður á ný í gær og hér skoðar starfsmaður farangur.
Áhyggjur af árásum á olíuborpalla
Norskar orrustu-
vélar til taks
Arabar fagna yfirlýsingu um sjálfstæða Palestínu
Ummæli Bush geta
rutt braut fyrir friði
Beirut. AP.
LEIÐTOGAR arabaríkjanna hafa
fagnað þeirri yfirlýsingu George W.
Bush Bandaríkjaforseta, að hann
styðji stofnun sjálfstæðs ríkis Palest-
ínumanna. Konungur Marokkós kall-
aði hana mikil tímamót, sem gætu
rutt brautina fyrir friði í Miðaustur-
löndum.
Bush sagði á þriðjudag, að stofnun
sjálfstæðs ríkis Palestínumanna væri
hluti af stefnu Bandaríkjanna í mál-
efnum Miðausturlanda svo fremi sem
tilveruréttur Ísraelsríkis væri viður-
kenndur. Mohammed VI, konungur
Marokkós, sem er formaður nefndar
arabaríkjanna um Jerúsalem, sagði
um yfirlýsinguna, að hún væri fagn-
aðarefni öllum þeim, sem hlynntir
væru „skynsemi, réttlæti og virðingu
fyrir alþjóðalögum“. „Hér er um að
ræða tímamótayfirlýsingu, sem rutt
getur brautina fyrir friði í Miðaust-
urlöndum,“ sagði konungurinn.
Rafik Hariri, forsætisráðherra
Líbanons, sagði yfirlýsinguna vera
mikilvægt skref í átt til friðar.
„Við skulum vona, að Bandaríkja-
stjórn láti ekki sitja við orðin tóm,
heldur geri allt, sem hún getur, til að
binda enda á deilur Ísraels og araba-
ríkjanna,“ sagði Hariri.
Amr Moussa, framkvæmdastjóri
Arababandalagsins, sagði í Kairó, að
með yfirlýsingu Bush mætti hugsan-
lega tala um vatnaskil. Hann sagði
hins vegar, að ekki mætti líta á hana
sem ósk um, að arabaríkin tækju
beinan þátt í hernaði gegn hryðju-
verkamönnum en ýmsir arabískir
fjölmiðlar hafa tengt þetta tvennt
saman. Sumar ríkisstjórnir í araba-
ríkjunum hafa einnig áhyggjur af
því, að hernaðurinn gegn hryðju-
verkamönnum gæti beinst að ein-
hverjum arabaríkjum en Ahmed
Maher, utanríkisráðherra Egypta-
lands, segist viss um, að svo verði
ekki.
UMHVERFISRÁÐHERRA
Frakklands sagði í gær að vera
kynni að hryðjuverkamenn hefðu
verið að verki þegar efnaverk-
smiðja sprakk í loft upp í Toulouse
í Frakklandi í liðinni viku.
Yves Cochet lét þessi orð falla
eftir að karlmaður, sem þekktur
var fyrir íslamskar öfgaskoðanir,
fannst látinn í rústum verksmiðj-
unnar. Að sögn franska blaðsins
Le Figaro var lík mannsins klætt í
mörg fatalög að hætti íslamskra
sjálfsmorðsárásarmanna. Maður-
inn hét Hassan Jandoubi og var 35
ára að aldri. Hann var franskur
ríkisborgari en fæddur í Túnis. Le
Figaro segir að nafn hans hafi ekki
verið að finna á opinberum listum
yfir þá sem fórust í sprengingunni.
Frönsk stjórnvöld hafa ekki enn
gefið formlegar yfirlýsingar um or-
sök sprengingarinnar. Le Figaro
segir að undirverktaki hafi ráðið
Jandoubi til starfa fimm dögum
fyrir sprenginguna og hann hafi
lent í orðaskaki við starfsmenn
sem drógu bandaríska fánann að
húni til að sýna samúð vegna
hryðjuverkanna í Bandaríkjunum
11. september.
29 manns fórust í sprengingunni
og hundruð manna slösuðust.
Sprengingin í Toulouse-
borg hryðjuverk?
París. AP.