Morgunblaðið - 20.10.2001, Qupperneq 18

SUÐURNES
18 LAUGARDAGUR 20. OKTÓBER 2001 MORGUNBLAÐIÐ
Í SPORTKÖFUNARSKÓLA Ís-
lands í Keflavík er ekki einungis
kennd köfun heldur er einnig unn-
ið að uppbyggingu ferðaþjónustu.
Tekið er á móti erlendum gestum
sem hafa áhuga á að kafa við Ís-
land og næsta sumar verður boðið
upp á köfun með höfrungum úti í
Garðsjó. Nemendur skólans vinna
að hreinsun hafna í sjálfboðaliðs-
vinnu undir merkjum Bláa hersins.
Tómas J. Knútsson starfar sem
slökkviliðsmaður á Keflavíkurflug-
velli og hefur lengi kennt köfun.
Hann hefur haft alþjóðleg kenn-
araréttindi í tíu ár, frá PADI sem
eru samtök sportköfunarkennara.
Kennarar innan samtakanna ann-
ast meirihluta allrar köfunar-
kennslu í heiminum, að sögn Tóm-
asar. Hann hefur líka kennt köfun
erlendis, var meðal annars í eitt ár
í Belize og á Bamahaeyjum við
kennslu.
Hann stofnaði Sportköfunar-
skóla Íslands fyrir fjórum árum og
hefur verið að byggja upp starf-
semina við erfiðar aðstæður.
Loksins viðurkenndir
Hér á landi voru í gildi þær
reglur að einungis atvinnukafarar
máttu kenna köfun og voru rétt-
indi samtaka eins og þeirra sem
Tómas er aðili að ekki viðurkennd.
Tómas segir að það hafi háð upp-
byggingu Sportköfunarskólans því
hann hafi alltaf átt á hættu að
verða stöðvaður, til dæmis í köfun
með erlendum áhugaköfurum.
Í kjölfar blaðaskrifa í haust um
réttindaleysi sportköfunarkennara
kom hingað til lands fulltrúi
PADI-samtakanna og kynnti starf-
semi þeirra yfirvöldum. Eftir þá
heimsókn og reglugerðarbreytingu
hafa þeir kafarar sem lært hafa
hjá PADI og öðrum sambæri-
legum samtökum fengið viður-
kenningu Siglingastofnunar sem
sportköfunarkennarar. „Við höfum
átt í þessari baráttu lengi og lítum
því á þetta sem stórsigur. Nú get-
ur maður gengið uppréttur og
auglýst sig sem atvinnumann í
þessu fagi,“ segir Tómas.
Hann segir mun mikilvægara að
þeir sem hyggjast kenna sportköf-
un nái sér í réttindi hjá alþjóð-
legum samtökum en atvinnukaf-
araréttindi. Hjá PADI læri menn
að vinna skipulega með nemend-
um. „Það er mikill ábyrgðarhluti
að kenna fólki að kafa. Ef það er
gert rétt getur fólk notið þess alla
ævi enda er köfun eitt skemmti-
legasta og vinsælasta tómstunda-
gaman sem stundað er í heim-
inum.“
Slys hafa orðið við köfun hér á
landi, meðal annars í Sportköfun-
arskólanum hjá Tómasi. Hann full-
yrðir þó að köfun sé ekki hættuleg
miðað við margt annað. Þannig
verði færri slys við sportköfun en í
keilu, eins og hann tekur til orða.
„Fólk verður að haga sér miðað
við menntun sína, þekkingu og
reynslu. Þá nýtur það hverrar
mínútu. Það geta hins vegar komið
upp erfiðar aðstæður og þá eiga
menn bara að fara upp úr og kafa
seinna þegar aðstæður eru betri,“
segir Tómas.
Hann lætur þess getið að allir
sem kaupa þjónustu skólans séu
tryggðir.
Sportköfunarskólinn er nú með
starfsemi í hentugu húsnæði við
smábátahöfnina í Keflavík. Tómas
er með þrjá viðurkennda kennara
með sér og ásókn í námskeið er
töluverð. Þannig ljúka um 50
manns námskeiðum hjá honum á
þessu ári.
Synda með höfrungum
Tómas hefur tekið á móti fjölda
erlendra ferðamanna sem vilja
kafa hér við land. Segir hann að
það þyki einstök upplifun að kafa á
Íslandi, ekki síst í gjánum á Þing-
völlum. Telur hann að mikill vaxt-
arbroddur sé í þessari starfsemi.
Tómas og félagar hans hafa synt
með höfrungum úti í Garðsjó og
eru aðeins byrjaðir að fara með er-
lenda ferðamenn þangað. Einnig
er farið með ferðamenn í höfr-
ungaskoðun á sjököttum. Tómas
segir að þetta mælist vel fyrir, fólk
geti ekki upplifað slíkt víða. Höfr-
ungarnir syndi með fólkinu og séu
alveg jafn forvitnir og gestirnir.
Hreinsa hafnir
í sjálfboðavinnu
Tómas stofnaði Bláa herinn fyrir
nokkrum árum en hann er skip-
aður fólki sem verið hefur á nám-
skeiðum í Sportköfunarskóla Ís-
lands. Verkefni Bláa hersins er að
hreinsa hafnir landsins. „Her-
mennirnir“ hafa hreinsað 16 tonn
af rusli upp úr höfnun Hafnasam-
lags Suðurnesja í Garði, Vogum,
Keflavík og smábátahöfninni í
Grófinni.
Segir Tómas að ótrúlegur sóða-
skapur hafi viðgengist. Menn hafi
meðal annars hent í sjóinn raf-
geymum, dekkjum, bílahlutum og
heilu bílflökunum og jafnvel brett-
um með fullunnum afurðum. Blái
herinn vinnur þetta í sjálfboða-
vinnu og Tómas lætur það ekki á
sig fá þótt atvinnukafarar hafi
kært hann vegna þessa enda hefur
hann verið sýknaður af þeim kær-
um.
„Það er mitt hjartans mál að
bæta umgengni okkar við hafið.
Það er ekki ruslahaugur. Við get-
um ekki kynnt landið sem hreint
og tært á meðan þessi sóðaskapur
viðgengst. Húsnæði Sportköfunar-
skólans er heimili þeirra sem þyk-
ir vænt um hafið,“ segir hann.
Segir Tómas að hreinsunarstarf-
ið sé köllun hans í lífinu, honum
líði miklu betur eftir að hann hóf
starfið. Hann segist einnig sjá ár-
angur, ekki bætist við rusl á þeim
stöðum sem búið sé að hreinsa.
Það sé að verða hugarfarsbreyt-
ing.
Tómas Knútsson kennir köfun, hjálpar ferðafólki að synda með höfrungum og hreinsar hafnir
Verðum að
bæta umgengni
okkar við hafið
Ljósmynd/Tómas J. Knútsson
Sportköfunarskólinn býður upp á ferðir með kafara á höfrungaslóð.
Keflavík
Morgunblaðið/Helgi Bjarnason
Tómas J. Knútsson á og rekur
Sportköfunarskóla Íslands.
TÓNLEIKAR með heitinu Barna-
djass verða haldnir í Heiðarskóla í
Keflavík í dag, laugardag, og hefjast
klukkan 15.
Á nýliðinni jazzhátíð í Reykjavík
var dagskráratriði undir nafninu
Barnadjass. Þarna var fremst í
flokki Anna Pálína Árnadóttir söng-
kona en hún er þekkt fyrir það
hvernig henni tekst að sameina góða
texta, tónlist og flutning fyrir börn.
Auk söngkonunnar Önnu Pálínu
skipa hópinn þeir Gunnar Gunnars-
son, píanó, Gunnar Hrafnsson, bassi,
og Pétur Grétarsson, trommur.
Foreldrafélög grunnskólanna í
Reykjanesbæ hafa nú í samvinnu við
menningarfulltrúa bæjarins fengið
listafólkið til að halda tónleika í
Heiðarskóla. Í fréttatilkynningu frá
tónleikahöldurum kemur fram að
allir séu velkomnir svo lengi sem
húsrúm leyfi. Aðgöngumiðinn kostar
500 krónur fyrir manninn, hvort sem
um er að ræða barn eða fullorðinn.
Miðasasla er við innganginn en fólk
er beðið um að athuga að ekki er tek-
ið við greiðslum með kortum.
Tónleikar Barna-
djass í Heiðarskóla
Reykjanesbær
ÍSLANDSMÓTIÐ í Galaxy-
hreysti (Galaxy-fitness) verður
haldið í íþróttahúsinu við Sunnu-
braut í Keflavík í dag. Mótið hefst
kl. 17.
Er þetta í þriðja skiptið sem Ís-
landsmót er haldið í þessari grein.
Í úrslitum keppa tólf konur og tólf
karlar. Konurnar keppa í arm-
beygjum, hraðaþraut og saman-
burði og karlarnir í upphífingum,
dýfum, hraðaþraut og samanburði.
Íslandsmót í Galaxy-
hreysti haldið í dag
Keflavík