Morgunblaðið - 30.10.2001, Blaðsíða 14
HÖFUÐBORGARSVÆÐIÐ
14 ÞRIÐJUDAGUR 30. OKTÓBER 2001 MORGUNBLAÐIÐ
●
●
!"
# $$ ! "%&' ()!
BÆJARRÁÐ Hafnarfjarðar hefur
samþykkt að Rafhareiturinn svo-
kallaði, sunnan við Lækinn, verði
endurbyggður sem íbúðasvæði og
að lóðarhafar vinni frumdrög að
deiliskipulagi sem miði að því. Nú-
verandi skipulag gerir ráð fyrir iðn-
aði á svæðinu.
Fulltrúar Samfylkingar telja hins
vegar eðlilegra að nýtingin hefði
verið ákveðin í samvinnu við vinnu-
hóp um íbúðir fyrir aldraða en hug-
myndir lóðarhafa miða að því að
byggðar verði íbúðir fyrir eldri
borgara á lóðinni.
Á fundi í skipulags- og umferð-
arnefnd í síðustu viku var tekið fyrir
erindi Gígant ehf. sem fest hefur
kaup á lóðinni. Þar var óskað eftir
breytingu á núgildandi deiliskipu-
lagi í þá veru að á lóðinni verði gert
ráð fyrir íbúðabyggð fyrir eldri
borgara í 2 – 5 hæða húsum. Gera
tillögudrögin ráð fyrir u.þ.b. 15.000
fermetra byggingarmagni og yrði
afmörkun skipulagssvæðisins um
14.000 fermetrar.
Íbúðirnar 40–110
fermetrar að stærð
Í greinargerð frá arkitektastof-
unni Batteríinu, sem unnið hefur
drög að teikningum fyrir Gígant,
kemur fram að miðað er við að íbúð-
irnar yrðu allt frá 40 fermetrum til
110 fermetra að stærð. Gert er ráð
fyrir að sólar njóti í flestum íbúð-
anna í að minnsta kosti 4 klukku-
stundir á tímabilinu milli jafndæg-
urs á vori og jafndægurs á hausti.
Þá er lagt til að 5. hæðin verði næst
Læknum og er það m.a. gert til þess
að fá skuggavarpið út fyrir garðana
á milli húsanna.
Bílastæði yrðu í bílageymslu og
meðfram Lækjargötu og er gert ráð
fyrir að allar íbúðir fengju bílastæði
í bílageymslunni.
Kemur fram í greinargerðinni að
lóð Gígant sé tæplega 11.000 fer-
metrar að stærð. „Umhverfis lóðina
eru lóðarsneplar í eigu bæjarins
sem eðlilegt væri að lóðarhafar
tækju yfir eftir nánara samkomu-
lagi til að auðvelda uppbyggingu á
lóðinni. Alls væri hér um að ræða ca.
3000m²,“ segir í greinargerðinni.
Þá kemur fram að á þessu stigi sé
miðað við að þeirri kvöð verði þing-
lýst á allar íbúðir að þær megi að-
eins selja einstaklingum 50 ára og
eldri.
Fyrirvari um fjölda íbúða
og byggingarmagn
Í samþykkt skipulags- og bygg-
inganefndar á málinu segir að fallist
sé á að lóðarhafar vinni frumdrög að
deiliskipulagi reitsins á grundvelli
fyrirliggjandi hugmynda í samráði
við nefndina. Er settur fyrirvari um
endanlegt samþykki nefndarinnar á
fjölda íbúða, byggingarmagni og
skipulaginu að öðru leyti, þar til fyr-
ir liggur tillaga sem nefndin er fylli-
lega sátt við.
Tillaga minnihlutans um að vísa
hugmyndunum til vinnuhóps um
íbúðir fyrir aldraða var hins vegar
felld. Í bókunum fulltrúa Samfylk-
ingar í skipulags- og umferðarnefnd
og í bæjarráði er því mótmælt að
lóðarhafar fái að stjórna gerð deili-
skipulagsáætlana þar sem forsend-
ur bæjarins og þarfagreining liggi
ekki fyrir. Í bókun bæjarráðsmanna
Sjálfstæðisflokks og Framsóknar-
flokks segir hins vegar að skipulags-
vinnan vegna lóðarinnar sé í eðlileg-
um farvegi og verði nýting
svæðisins rædd til hlítar líkt og gert
er við aðrar skipulagsbreytingar.
Bæjarráð samþykkir endurbyggingu á Rafhalóðinni
Íbúðir fyrir eldri
borgara við Lækinn
Hafnarfjörður
LÍTIL bygging sem nú er að rísa út-
undir Gróttu hefur kannski vakið at-
hygli vegfarenda en þar er um að
ræða borholuhús yfir nýjustu bor-
holu Hitaveitu Seltjarnarness.
Húsið er hannað af arkitektunum
Helgu Bragadóttur og Ágústu
Sveinbjörnsdóttur en skipulagning
lóðarinnar við húsið og hákarlaskúr-
inn, sem er þar hjá, verður einnig
samkvæmt þeirra hönnun.
Jón H. Björnsson hitaveitustjóri
segir ekki venjulegt að gera þetta á
þennan hátt. „Það var farið fram á að
við myndum hafa eitthvað annað en
venjulegt hitaveituhús af því að
þetta er á svo viðkvæmum stað,“
segir hann og bætir því við að hug-
myndin sé að þetta verði eins og úti-
listaverk. „Svo er meiningin að setja
gler í gaflana þannig að það verði
hægt að horfa inn á vélarnar.“
Borholan, sem er ein af fjórum
borholum hitaveitunnar, var boruð
árið 1994 og gefur allt að 40 sek./l af
107°C heitu vatni.
Búist er við að uppsetningu húss-
ins verði lokið á næstu vikum.
Morgunblaðið/Golli
Borholuhúsið er langt komið og lýkur framkvæmdum á næstu vikum.
Borholuhús við Gróttu
Seltjarnarnes
BÚSTAÐASAFN Borgarbókasafns-
ins heyrir nú sögunni til. Lestr-
arhestar í austurbænum þurfa þó
ekki að örvænta, því í staðinn hefur
Kringlusafn í Borgarleikhúsi tekið
til starfa, en það var opnað fyrir al-
menning í gær eftir formlega opn-
un á laugardag. Meðal nýjunga á
nýja staðnum er sérstök leik-
húsbókmenntadeild þar sem hægt
verður að nálgast leikverk, leik-
húsmál og fleira tengt leiklistinni.
Að sögn Dóru Thoroddsen deild-
arstjóra Kringlusafns hefur verið
geysileg vinna að flytja safnið úr
Bústaðakirkju í tengibygginguna
milli Kringlunnar og Borgarleik-
hússins. „Þetta eru svona 70 þúsund
bækur og tímarit en það hafa allir
verið afskaplega duglegir og sam-
huga um þetta. Ég segi nú ekki að
þetta hafi gengið snurðulaust fyrir
sig en ótrúlega vel þó,“ segir hún.
Nýja safnið er alls um 740 fer-
metrar að stærð en að hluta til er
það í gömlu húsnæði Borgarleik-
hússins þar sem eitt sinn var starf-
ræktur Leynibarinn svokallaði.
Húsnæðið sem safnið hafði áður til
afnota í Bústaðakirkju var einungis
um 370 fermetrar svo miklu munar
á aðstöðunni, ekki bara fyrir al-
menning heldur líka starfsmenn
safnsins. „Við vorum þarna veltandi
hvert innan um annað í Bústaða-
safni. Til dæmis er kaffistofan mun
betri en í Bústaðasafni þar sem
menn voru sitjandi hver á öðrum.
Það eru um 19 manns sem vinna
hér á staðnum þannig að aðstaðan
er miklu þægilegri og betri fyrir
þá.“
„Eins og moldvörpur
út úr hól“
Það fyrsta sem maður tekur eftir
er hversu bjart er yfir safninu, enda
er gluggi yfir allri annarri langhlið
húsnæðisins. Þetta er mikill munur
frá því sem áður var. „Það var ekki
einn einasti gluggi í Bústaðasafni,“
segir Dóra og hlær. „Einhver var
að kvarta yfir því að það yrði allt of
mikil birta á skrifstofunum hérna
en arkitektinn sagði að við værum
bara orðin svo vön molbúalífinu og
værum eins og moldvörpur út úr
hól. Þannig að það verður mikill
munur að sjá dagsbirtuna, til dæmis
á veturna þegar maður fer í vinn-
una í myrkri og aftur heim í
myrkri.“ Hún bætir því við að nú
séu starfsmennirnir eiginlega
komnir úr „neðra“ eins og þeir köll-
uðu safnið í Bústaðakirkju sín á
milli í gamni en það var í mótsetn-
ingu við það „efra“ sem átti þá við
kirkjustarfið sem fram fór á hæð-
inni fyrir ofan safnið.
Þó að rými fyrir almenning sé
miklu stærra á nýja staðnum en
þeim gamla eru færri bækur í safn-
inu nú en áður. Dóra segir að þetta
komi til vegna þess að í nýjum
bókasöfnum sé lögð áhersla á mikla
yfirsýn og lægri hillur þannig að
hlutfallslega rúmast færri bækur í
Kringlusafni. „Það liggur reyndar
meira frammi af bókakostinum
núna því geymslurnar voru svo
troðnar niðurfrá. En það hefur ver-
ið grisjað heilmikið af gömlu og
dauðu efni úr bókakostinum.“
Leikhúsbókmenntadeildin í
Kringlusafni er ný af nálinni en þar
verður hægt að nálgast efni tengt
leikhúsi og leikverkum. Dóra segir
stefnt að samstarfi við Borgarleik-
húsið í tengslum við þessa nýju
deild og hefur sérstakri samstarfs-
nefnd verið komið á laggirnar. „Við
vonum að það verði þannig að við
kynnum efni sem leikhúsið er með á
fjölunum hverju sinni og leikarar
komi jafnvel hingað niður, en þetta
Útibú Borgarbókasafnsins flutt
úr Bústaðakirkju í Kringluna
70 þúsund
bækur á
nýjum stað
Austurbær
Morgunblaðið/Árni Sæberg
Dóra Thoroddsen deildarstjóri segir mikinn mun á aðstöðunni en safnið
flutti úr 370 fermetra húsnæði í 740 fermetra.
Morgunblaðið/Kristinn
Blíðfinnur var meðal þeirra sem heimsóttu Kringlusafn á laugardag þegar það var formlega opnað.