Morgunblaðið - 30.10.2001, Blaðsíða 20

VIÐSKIPTI/ATHAFNALÍF
20 ÞRIÐJUDAGUR 30. OKTÓBER 2001 MORGUNBLAÐIÐ
SIGURÐUR Helgason, forstjóri
Flugleiða, fékk í gær afhentan gull-
pening og viðurkenningarskjal
Nordisk Markedsforbund, sem er
samband markaðsfélaga á Norð-
urlöndum, fyrir framlag sitt til
markaðsmála á Norðurlöndum.
Marianne Jelved, efnahags-
málaráðherra Danmerkur og sam-
starfsráðherra Norðurlanda fyrir
Danmörku, afhenti Sigurði verð-
launin við hátíðlega athöfn í
tengslum við setningu þings Norð-
urlandaráðs, í Börsen, kauphöllinni í
Kaupmannahöfn. Um 150 manns úr
viðskiptalífi og stjórnmálum voru
viðstaddir athöfnina.
Sigurður Helgason sagði í samtali
við Morgunblaðið eftir athöfnina að
þessi verðlaun væru viðurkenning til
Flugleiða og starfsmanna Flugleiða.
„Það er fyrst og fremst verið að
verðlauna þann árangur sem við
höfum náð í markaðsmálum bæði í
Skandinavíu og í leiðakerfi Flug-
leiða.
Flugleiðir hafa náð mjög stórum
markaðshluta milli Skandinavíu og
Bandaríkjanna. Jafnvel núna þegar
Flugleiðir hafa fellt niður 33% af
flugi til Bandaríkjanna þá eru samt
fleiri bein flug frá Íslandi til Banda-
ríkjanna heldur en samanlagt frá
Noregi, Svíþjóð og Finnlandi,“ sagði
Sigurður og benti á að það sýndi hve
Flugleiðir væru hlutfallslega stórar
á þeim markaði.
„Við höfum einnig náð stórri
markaðshlutdeild. Til dæmis fljúga
30% af öllum Skandinövum sem
fljúga til Boston með Flugleiðum og
20% af öllum Norðmönnum sem
fljúga til Ameríku fljúga með Flug-
leiðum.“
Hann sagði viðurkenninguna jafn-
framt taka til aukins ferða-
mannafjölda hérlendis. „Flugleiðir
hafa verið að auka mjög ferða-
mannafjöldann til Íslands. Það hefur
verið meiri fjölgun ferðamanna til
Íslands heldur en nokkurra annarra
landa í Evrópu undanfarin ár og
áratug“, sagði hann.
Tilkynnt var 1. október sl. að Sig-
urður hefði hlotið viðurkenninguna
en þá átti hann þess ekki kost að
veita henni viðtöku.
Sigurði Helga-
syni afhent
markaðsverðlaun
Norðurlanda
Steinn Logi Björnsson, framkvæmdastjóri sölu- og markaðssviðs Flugleiða, Davíð Oddsson, forsætisráðherra, Sig-
urður Helgason, forstjóri Flugleiða, Marianne Jelved, efnahagsmálaráðherra Danmerkur og samstarfsráðherra
Norðurlanda fyrir Danmörku, og Valgerður Sverrisdóttir, iðnaðar- og viðskiptaráðherra.
VEIÐISTOFN þorsks við Ísland er
um 230 milljónir fiska á aldrinum 4-
11 ára, að mati Guðmundar Guð-
mundssonar, tölfræðings á hagfræði-
deild Seðlabanka Íslands. Þetta kom
fram í erindi hans á málstofu hag-
fræðideildarinnar í gær en erindið
nefndi Guðmundur Hvað eru margir
þorskar í sjónum?
Í erindinu kynnti hann mikilvæg-
ustu gögn sem notuð eru til að meta
stofnstærð veiðanlegs þorsks við Ís-
lands. Sagði hann að einkum væri
beitt þremur aðferðum eða jöfnum
sem allar hefðu sína kosti og galla.
Sagði hann að í þessum útreikningum
væru ótal skekkjur sem þyrfti að leið-
rétta, til dæmis væri erfitt að mæla
sókn í fiskistofnana þar sem skip og
veiðarfæri væru misjöfn og tækni-
framfarir örar. Eins þyrfti að meta
ótal önnur atriði og því gæti skekkjan
orðið talsverð. Sagði Guðmundur að
hin svokallaða tímaraðagreining gæfi
hvað besta niðurstöðu. Nefndi Guð-
mundur að togararall Hafrannsókna-
stofnunarinnar byggðist meðal ann-
ars á slíkri greiningu. Sagði hann
togararallið vera góða mælingarað-
ferð og hafa heppnast vel. Hinsvegar
hefði veiðarfæratækni þróast hratt á
undanförnum árum og það eitt gæti
dregið úr áreiðanleika togararallsins.
Rallið þyrfti að framkvæma eins frá
ári til árs og því myndi kosta mikla
fjármuni að aðlaga það nýrri tækni.
Morgunblaðið/Þorkell
Guðmundur Guðmundsson, tölfræðingur í hagfræðideild Seðlabanka Ís-
lands, kynnir gögn sem notuð eru til að meta stofnstærð veiðanlegs þorsks.
230 milljónir
þorska í sjónum