Morgunblaðið - 30.10.2001, Side 16

AKUREYRI
16 ÞRIÐJUDAGUR 30. OKTÓBER 2001 MORGUNBLAÐIÐ
TVEIR piltar, annar tvítugur og hinn
22 ára, hafa verið dæmdir í tveggja
mánaða fangelsi, sem skilorðsbundið
var til tveggja ára samkvæmt dómi
Héraðsdóms Norðurlands eystra. Þá
voru þeir einnig dæmdir til að greiða
skaðabætur en piltarnir voru ákærðir
fyrir fjársvik. Fært þótti að fresta
ákvörðun um refsingu þriðja manns-
ins skilorðsbundið til tveggja ára.
Einn þeirra var ákærður fyrir
þjófnað, en hann stal skíðum og skíða-
skóm úr sameign í fjölbýlishúsi við
Tjarnarlund í mars síðastliðnum, sem
hann notaði síðan við að svíkja út línu-
skauta í Skíðaþjónustunni. Þá stal
hann tékkhefti úr húsi einu í bænum
og notaði 8 tékka í viðskiptum við
ýmsar verslanir í bænum, samtals að
upphæð tæplega 80 þúsund krónur.
Annar mannanna gaf út 7 tékka úr
sama hefti sem hann vissi að var stol-
ið, samtals að upphæð um 154 þús-
und. Féð var notað í verslunum á Ak-
ureyri og Reykjavík. Þriðji pilturinn
gaf út einn tékka að upphæð um 41
þúsund krónur. Vörum sem hann
fékk á þann hátt var skilað til versl-
unarinnar. Refsingu hans var frestað
skilorðsbundið til tveggja ára.
Ákærðu játuðu skýlaust þá hátt-
semi sem þeim var gefin að sök.
Einn piltanna hefur verið dæmdur
til sektargreiðslu vegna brota á
ávana- og fíkniefnalöggjöf og annar
hefur tvívegis gengist undir sektar-
greiðslur vegna brota á sömu löggjöf
sem og vegna ölvunaraksturs.
Nokkru af þeim munum sem menn-
irnir komust yfir var skilað. Það
ásamt ungum aldri, skýlausri játn-
ingu sem og því að báðir hafa farið í
vímuefnameðferð frá því að brotið var
framið gerði að verkum að unnt þótti
að fresta fullnustu fangelsisvistarinn-
ar og hún yrði látin niður falla að
tveimur árum liðnum haldi þeir al-
mennt skilorð.
Héraðsdómur Norðurlands eystra
Skilorðsbundið
fangelsi vegna
fjárdráttar
VETUR er genginn í garð og
heilsaði hann Norðlendingum með
viðeigandi hætti. Snjókoma var á
sunnudag og jörð varð fljótt al-
hvít. Vinkonurnar Laufey og
Sunneva tóku snjónum fagnandi
og náðu að hnoða í snjókarl úti í
garði.
Mikil hálka var á götum bæj-
arins og urðu tvö minniháttar
óhöpp í umferðinni á sunnudag,
sem rekja má til hennar. „Öku-
menn skautuðu aðeins í hálk-
unni,“ sagði varðstjóri lögregl-
unnar. Lenti annar bíllinn á
umferðarmerki en hinn lenti utan
vegar. Varðstjórinn sagði það
sína reynslu að menn keyrðu var-
lega í fyrstu hálku vetrarins, en
þegar frá liði slaknaði á athygl-
inni. Mikil ös var á hjólbarðaverk-
stæðum bæjarins um helgina og í
gærdag, enda ekki seinna vænna
en skipta yfir á vetrardekkin.
Morgunblaðið/Kristján
Vinkonurnar Laufey og Sunneva voru nokkuð ánægðar með snjókarlinn sinn.
Veturinn heilsaði með snjókomu
NÝ heimasíða Verkalýðsfélagsins
Einingar-Iðju hefur verið opnuð, en
það voru þau Kristín Hjálmarsdótt-
ir og Jón Helgason sem sameig-
inlega opnuðu síðuna með formleg-
um hætti. Þau voru um árabil í
framvarðasveit þeirra tveggja fé-
laga sem sameinuðust í Einingu-
Iðju fyrir rúmum tveimur árum.
Jón Helgason var lengi formaður
Verkalýðsfélagsins Einingar og
Kristín Hjálmarsdóttir formaður
Iðju, félags verksmiðjufólks á Ak-
ureyri.
Við vinnslu síðunnar var lögð
áhersla á að hafa uppbyggingu
hennar einfalda og skýra. Þannig er
henni ætlað að gegna best því hlut-
verki sínu að auðvelda aðgengi hins
almenna félagsmanns að ýmsum
upplýsingum er varða félagið, rétt-
indamál launafólks o.fl. Meðal þess
sem finna má á síðunni eru fjöl-
breyttar upplýsingar um félagið og
starfsemi þess, svo sem stjórnir,
nefndir og trúnaðarmenn félagsins.
Einnig má nefna upplýsingar um
sjúkrasjóð, orlofshús, lög og reglu-
gerðir, kjarasamninga, námskeið og
þá viðburði sem framundan eru og
þannig má áfram telja. Hugmyndin
er að í framtíðinni geti fólk í aukn-
um mæli notað heimasíðuna til að
reka ýmis erindi sín við félagið og
þar með sparað sér sérstaka ferð á
skrifstofuna.
Síðan var unnin hjá Anza ehf. á
Akureyri en textagerð og ýmis um-
sjón var í höndum Fremri kynning-
arþjónustu á Akureyri. Slóðin á síð-
una er www.eining-idja.is.
Eining –
Iðja opnar
heimasíðu
Jón Helgason og Kristín Hjálmarsdóttir opna heimasíðu Einingar – Iðju.
VEGAGERÐIN og Hríseyjarhrepp-
ur standa þessa dagana fyrir fram-
kvæmdum í Hrísey, er lúta að því að
endurbyggja og styrkja Lambhaga-
veg, frá höfninni að Einangrunar-
stöðinni, alls um 1,4 km kafla. Þessi
vegarkafli verður svo bundinn slit-
lagi næsta sumar.
Fyrirtækið Björgun vinnur að því
að koma efni til eyjarinnar, alls um
10.000 rúmmetrum, sem notað er í
veginn og í námu til seinni tíma.
Dæluskipið Perla er notað til verks-
ins en skipið dælir upp efni af hafs-
botni utan við netalagnir við ósa Þor-
valdsdalsár og dælir því upp í
fjöruborðið í eynni. Þar tekur Eyjólf-
ur Jónsson verktaki í Hrísey við efn-
inu og sér um að keyra það í veginn.
Lambhagavegur er eini vegur í Hrís-
ey sem Vegagerðin hefur með að
gera en aðrar götur í eynni eru í eigu
og umsjá hreppsins.
Vegafram-
kvæmdir
í Hrísey
Morgunblaðið/Sigurður Oddsson
Dæluskipið Perla dælir efni, sem notað er í vegagerð, upp í fjöruborðið.
Hrísey
ÚTGERÐARFÉLAG Akureyringa
fær um miðjan næsta mánuð 7-
8000 þorskseiði frá Hafrannsókna-
stofnun. Þau munu í fyrstu fara í
framhaldseldi í kerum á Hauga-
nesi, en þar hefur ÚA komið sér
upp aðstöðu, að því er fram kemur
í frétt á heimasíðu félagsins.
Næsta sumar er gert ráð fyrir að
seiðin hafi náð um 300 gramma
stærð og verða þau þá sett í
sjókvíar í Eyjafirði og alin áfram.
Verkefnið mun að líkindum standa
í þrjú ár og er það liður í þorskeld-
isrannsóknum ÚA. Þess er vænst
að rannsóknin muni skila fróðleg-
um niðurstöðum varðandi eldi á
þorski. Ótímabær kynþroski eld-
isþorks hefur verið vandamál, en
við tilraunaaðstæður bæði hér á
landi og í Noregi hefur þorskur
orðið kynþroska mun smærri en
gerist að jafnaði í náttúrunni, oft
þegar hann er aðeins nokkur
hundruð grömm að þyngd. Dregur
þá mjög úr vaxtarhraða hans og
fóðurnýting er verri. Því þykir
þýðingarmikið að finna leiðir til að
seinka eða koma í veg fyrir kyn-
þroska hjá eldisþorski.
ÚA mun hafa samstarf við Haf-
rannsóknastofnun og Háskólann á
Akureyri vegna þessa verkefnis.
Útgerðarfélag Akureyringa
Allt að 8.000 þorsk-
seiði verða sett
í framhaldseldi
UMHVERFISSVIÐ Dalvíkur-
byggðar hefur samið við fyrirtækið
Snertil í Kópavogi um að annast upp-
setningu á svo kölluðu landupplýs-
ingakerfi fyrir Dalvíkurbyggð. Þetta
gengur í stórum dráttum út á að
tölvuskrá og hnitasetja öll mannvirki.
Allar teikningar verða „skannað-
ar“ og aðrar þær upplýsingar sem
áhugaverðar teljast svo sem lagnir
og lóðir. Kerfið virkar á þann hátt að
fyrst birtist loftmynd af byggðarlag-
inu og ef smellt er á húsnúmer eða
sveitabæ er hægt að sjá fasteigna-
mat, hverjir íbúarnir eru og allar þær
teikningar sem til eru af viðkomandi
eign. Vinna við þessa skráningu er
þegar hafin.
Verkfræðistofa Norðurlands sér
um allar GPS innmælingar þar sem
tæknideild sveitarfélagsins hefur
ekki yfir að ráða slíku tæki enn. Þetta
kemur fram á heimasíðu sveitarfé-
lagsins.
Samið um upp-
setningu á land-
upplýsingakerfi
Dalvíkurbyggð
DALVÍKURBYGGÐ hefur auglýst
eftir ferða- og atvinnumálafulltrúa
í fullt starf fyrir sveitarfélagið. Um
er að ræða nýtt starf og er gert ráð
fyrir að ferða- og atvinnumála-
fulltrúi taki til starfa um næstu
áramót. Honum er m.a. ætlað að
bera ábyrgð á, samræma og hafa
umsjón með starfsemi Dalvíkur-
byggðar á sviði ferða-, atvinnu-,
markaðs- og kynningarmála, rit-
stýra heimasíðu sveitarfélagsins og
hafa umsjón með gerð upplýsinga-
efnis og útgáfu, svo eitthvað sé
nefnt.
Ferða- og
atvinnumála-
fulltrúi ráðinn
Dalvíkurbyggð