Morgunblaðið - 02.11.2001, Blaðsíða 12

FRÉTTIR
12 FÖSTUDAGUR 2. NÓVEMBER 2001 MORGUNBLAÐIÐ
PERLAN verður boðin til sölu,
verði tillaga Alfreðs Þorsteins-
sonar, borgarfulltrúa Reykjavík-
urlistans og formanns Orkuveitu
Reykjavíkur, samþykkt í stjórn OR
en hann hyggst bera hana þar upp
á fundi á næstunni. Alfreð sagði í
samtali við Morgunblaðið í gær að
rekstur Perlunnar kostaði borgina
50 til 60 milljónir á ári og sýndist
sér rétt að kanna hvort kaupandi
fyndist.
Hugmynd Alfreðs er að selja það
húsnæði Perlunnar á fjórðu og
fimmtu hæð, auk jarðhæðar, þar
sem nú fer fram veitinga- og sýn-
ingastarfsemi. Vatnstankarnir
yrðu eftir sem áður í eigu Orku-
veitunnar. Ekki kvaðst Alfreð geta
gert sér grein fyrir hvað fengist
fyrir Perluna, á það yrði einfald-
lega að reyna með því að bjóða
hana til sölu og kanna hver áhugi
væri hjá hugsanlegum kaupendum.
Alfreð sagði hugsanlegt að reka
annars konar starfsemi í Perlunni
en nú er þar eða að núverandi leigj-
endur sem stunda þar veit-
ingarekstur fyndu sér fleiri sam-
starfsaðila til að þróa nýjan
rekstur.
Alfreð Þorsteinsson kvaðst hafa
verið meðmæltur byggingu Perl-
unnar á sínum tíma, hún hefði þjón-
að sem ákveðið kennileiti í borg-
inni og væri borgarprýði. Hann
kvaðst telja að sjálfstæðismenn
myndu styðja þessa hugmynd sína
enda legðu þeir áherslu á að borgin
stæði ekki í samkeppnisrekstri.
Morgunblaðið/Ragnar Axelsson
Vill selja Perluna MINNIHLUTINN í borgarstjórnlagði til á fundi borgarstjórnar í gær
að borgarendurskoðanda og skoðun-
armönnum Reykjavíkurborgar, sem
eru fulltrúar meirihluta og minni-
hluta í borgarstjórn, yrði falið að
gera yfirlit um fjárhagsstöðu Línu.-
Nets en fyrirtækið er í meirihluta-
eigu Reykjavíkurborgar. Var þessi
tillaga til umræðu í borgarráði sl.
þriðjudag en afgreiðslu hennar var
frestað. Borgarstjóri lagði til að til-
lögunni yrði vísað til borgarráðs og
var það samþykkt af meirihlutanum
gegn sjö atkvæðum minnihlutans.
Inga Jóna Þórðardóttir, borgar-
fulltrúi Sjálfstæðisflokksins, mælti
fyrir tillögunni en í henni er einnig
farið fram á að borgarstjórn verði
gerð grein fyrir fjárskuldbindingum
fyrirtækisins, rekstrar- og fram-
kvæmdaáætlunum, sjóðstreymi og
efnahag miðað við 30. júní og 30.
september. Einnig er í tillögunni
farið fram á að gerð verði grein fyrir
fjármálalegum samskiptum fyrir-
tækisins og Orkuveitu Reykjavíkur
og skuldbindingum OR vegna Línu.-
Nets. Sagði hún brýnt að fá þessar
upplýsingar til skoðunar fyrir um-
ræðu um ársreikninga Reykjavíkur
sem fram ættu að fara síðar í mán-
uðinum. Gagnrýndi hún að sjálf-
stæðismenn hefðu ekki fengið þess-
ar upplýsingar þrátt fyrir ítrekaðar
óskir þar um.
Vilja taka tillit til
annarra eigenda
Alfreð Þorsteinsson, borgar-
fulltrúi Reykjavíkurlistans, sagði til-
löguna ekki standast þar sem borgin
væri ekki eini eigandi Línu.Nets og
taka yrði tillit til annarra eigenda.
Kvaðst hann hafa fengið álit borg-
arlögmanns um að ekki væri rétt að
veita umbeðnar upplýsingar. Þá
sagði hann annan borgarfulltrúa
Sjálfstæðisflokksins, Vilhjálm Þ.
Vilhjálmsson, hafa óskað eftir því í
stjórn Orkuveitu Reykjavíkur að fá
yfirlit um 9 mánaða uppgjör og muni
hann fá það. Inga Jóna Þórðardóttir
mótmælti því að ekki væri hægt að
leggja þessar upplýsingar fram,
enda væri borgin meirihlutaeigandi
Línu.Nets og það væri í samræmi
við samþykktir að þessar upplýsing-
ar yrðu veittar.
Vilhjálmur Þ. Vilhjálmsson, borg-
arfulltrúi sjálfstæðismanna, sagði
eðlilegt að þar sem fyrirtækið væri
að fara með almannafé yrði almenn-
ingur í borginni upplýstur um það
hvernig því væri ráðstafað og hver
væru tengsl Línu.Nets og OR. Hann
hefði því sent ítarlega fyrirspurn til
skrifstofustjóra borgarinnar um að
fá upplýsingarnar en þær hefðu ekki
borist þrátt fyrir að mánuður væri
liðinn. Upplýst hefði verið á fund-
inum að þær yrðu afhentar á næsta
fundi OR eða eftir helgina.
Líklegt að Orkuveitan
auki hlut sinn
Guðlaugur Þór Þórðarson og
Kjartan Magnússon, borgarfulltrú-
ar Sjálfstæðisflokksins, tóku undir
óskir um að fá upplýsingar um
rekstur og fjárhag Línu.Nets og
Kjartan lagði einnig eftirfarandi fyr-
irspurn fyrir borgarstjóra: „Hafa
þeir borgarfulltrúar sem sitja í
stjórn Línu.Nets gegnt stjórnar-
störfum eða öðrum trúnaðarstörfum
fyrir önnur fyrirtæki á sviði fjar-
skipta, tölvutækni eða hugbúnaðar á
sama tíma og þeir sátu í stjórn
Línu.Nets? Ef svo er um hvaða
stjórnarmenn og fyrirtæki er þá að
ræða?“ Guðlaugur Þór spurði hvort
til stæði að borgin legði meira hlutfé
í Línu.Net og svaraði Alfreð Þor-
steinsson því að líklegt væri að
Orkuveitan yki við eignarhlut sinn í
fyrirtækinu.
Inga Jóna gerði grein fyrir bókun
sjálfstæðismanna þar sem segir að
sú ákvörðun um að vísa í raun frá til-
lögu borgarfulltrúa Sjálfstæðis-
flokksins sýni að málefni Línu.Nets
þoli ekki dagsins ljós. Það mikla
fjármagn sem flutt hafi verið frá
Orkuveitunni til Línu.Nets krefjist
þess að farið sé ofan í saumana á
rekstrinum og með hvaða hætti
Orkuveitan hafi verið skuldbundin.
„Því verður ekki trúað að óreyndu
að borgarstjórinn í Reykjavík ætli
sér að koma í veg fyrir að sannleik-
urinn komi í ljós,“ segir í bókuninni.
Telur bókunina
lýsa þráhyggju
Í bókun sem borgarstjóri lagði
fram segir að bókun borgarfulltrúa
Sjálfstæðisflokksins lýsi sérkenni-
legri þráhyggju þeirra þar sem þeir
hafi í þrígang lagt fram sama málið
með mismunandi hætti. Verið sé að
vinna að svari við fyrirspurninni og
rangt sé að tillögu þeirra hafi verið
vísað frá á borgarstjórnarfundinum.
Hún hafi einfaldlega ekki verið af-
greidd.
Sjálfstæðismenn ítreka tillögu
um upplýsingar um stöðu Línu.Nets
Vísað til
afgreiðslu í
borgarráði
FORSTJÓRI Skýrr, Hreinn Jak-
obsson, stjórnarmaður í Línu.Neti
og einn fulltrúi hluthafa, segir það
eðlilegt að hefðbundnar upplýsingar
úr rekstri hlutafélags séu veittar
hluthöfum og fjárfestum en allt um-
fram það, s.s. viðskipta- og tæknileg
leyndarmál, sé óeðlilegt.
Eins og fram hefur komið í Morg-
unblaðinu óskuðu fulltrúar Sjálf-
stæðisflokksins í borgarráði eftir því
að yfirlit yrði unnið um stöðu Línu.-
Nets fjárhagslega og samskipti og
fjárhagslegar skuldbindingar við
Orkuveitu Reykjavíkur. Ingibjörg
Sólrún Gísladóttir borgarstjóri
sagði í blaðinu í gær að hún ein, eða
aðrir hluthafar, gæti ekki tekið þá
ákvörðun að verða við ósk minni-
hlutans. Taka þyrfti tillit til annarra
hluthafa í fyrirtækinu og tryggja
hagsmuni þeirra og réttarstöðu.
Eigendur Línu.Nets eru Orku-
veita Reykjavíkur, sem á 65% hlut,
Skýrr sem á 8%, Íslandssími 7%,
Tal 5%, starfsmenn Orkuveitunnar
og Línu.Nets eiga samtals um 5% og
aðrir hluthafar eru Talenta-Há-
tækni, Kaupthing Luxemborg og
Sparisjóður vélstjóra.
Tekur ekki þátt í
„pólitískri leikfimi“
Hreinn segir viðtöl hafa birst við
framkvæmdastjóra Línu.Nets að
undanförnu þar sem greint var frá
rekstrinum og afkomunni fyrstu níu
mánuði ársins.
„Mín skoðun er sú að Lína.Net
eigi að viðhafa vinnubrögð eins og
hvert annað fyrirtæki. Þó að Lína.-
Net sé ekki skráð fyrirtæki á mark-
aði þá getum við tekið upp þau
vinnubrögð að upplýsa fjárfesta og
hluthafa reglulega um reksturinn.
Það tel ég af hinu góða. Eins og ég
skil beiðni borgarfulltrúa Sjálfstæð-
isflokksins þá ganga þeir mun
lengra. Það finnst mér ekki hægt,
eins og t.d. það að óska eftir fund-
argerðum stjórnar. Hvar tíðkast
það? Lína.Net er hlutafélag og þarf
að viðhafa viðskiptalegar reglur og
hugsunarhátt en ekki einhverja póli-
tíska leikfimi. Ég hef engan áhuga á
að taka þátt í slíku, á hvorugum
vængnum sem er. Ekki veit ég hvað
mönnum gengur til og spurning
hvort verið sé að vinna fyrir þá
hagsmuni sem þeir ættu að vera að
gera,“ segir Hreinn.
Hann segist fyrst og fremst horfa
á málið sem almennur hluthafi, hann
tjái sig ekki um samskiptin við
Orkuveitu Reykjavíkur. Hreinn
minnir á að stjórn Línu.Nets hafi
samþykkt nýlega að fundur yrði
haldinn fyrir þá borgarfulltrúa sem
vildu kynna sér rekstur fyrirtæk-
isins en enginn áhugi hafi reynst á
því.
Hreinn segir stofnun Línu.Nets
hafa verið mjög þarft verkefni til að
boða aukna samkeppni á fjarskipta-
markaðnum. Full þörf hafi verið á
því til hagsbóta fyrir íslenskt at-
vinnulíf.
„Menn geta séð hversu miklar
lækkanir hafa orðið í fjarskiptum,
sem ætti að koma atvinnulífinu til
góða,“ segir Hreinn Jakobsson.
Forstjóri Skýrr og stjórnarmaður hjá Línu.Neti
Óeðlilegt að gefa upp
viðskiptaleyndarmál
RÁÐSTEFNA Hagfræðistofn-
unar um hugsanlegt hlutverk
Íslands í skattasamkeppni
verður haldin í dag, föstudag-
inn 2. nóvember, og hefst kl. 12
með hádegisverði í Víkursal á
Hótel Loftleiðum og heldur
áfram í bíósal hótelsins. Davíð
Oddsson forsætisráðherra set-
ur ráðstefnuna.
Fjöldi erlendra sérfræðinga í
efnahagsmálum verður á ráð-
stefnunni, þar á meðal Michael
Walker, forstöðumaður Fras-
er-stofnunarinnar í Vancouver í
Kanada, Victoria Curzon-Price,
prófessor í Genfarháskóla í
Sviss og forstöðumaður Evr-
ópustofnunarinnar við háskól-
ann þar, Roland Vaubel, pró-
fessor í Mannheim í
Þýskalandi, Sir Ronald Sand-
ers, sendiherra Antígva og
Barbúda í Lundúnum, og
Marshall J. Langer, höfundur
fjölmargra bóka um skatta-
skipulagningu.
Valgerður Sverrisdóttir slít-
ur ráðstefnunni kl. 17.30.
Ráðstefna
um hlutverk
Íslands
í skatta-
samkeppni