Morgunblaðið - 02.11.2001, Blaðsíða 16

HÖFUÐBORGARSVÆÐIÐ
16 FÖSTUDAGUR 2. NÓVEMBER 2001 MORGUNBLAÐIÐ
Ný sending af
peysum
Gott tilboð
á Löngum
laugardegi.
www.jaktin.is
Bankastræti 8, sími 511 1135
Sérverslun með ítalskar
vörur fyrir dömur og herra
25% afsláttur
af Microfiber
kuldajökkum
JAKKA-
DAGAR
Laugavegi 76
sími 551 5425Vinnufatabúðin
Laugavegi 23, sími 551 5599
Langur laugardagur
DÚNDURTILBOÐ
30% afsláttur af öllum úlpum í verslun
20% afsláttur af öllum Color Kids fatnaði
Láttu sjá þig!
UMHVERFISRÁÐHERRA hefur
borist fimm stjórnsýslukærur vegna
úrskurðar Skipulagsstofnunar þar
sem fallist er á fyrirhugaða landfyll-
ingu í Arnarnesvogi en kærufrestur
rann út síðastliðinn föstudag. Er þess
krafist að úrskurður Skipulagsstofn-
unar verði felldur úr gildi og að lagst
verði gegn landfyllingu í Arnarnes-
vogi.
Kærendur eru Náttúruvernd rík-
isins, Fuglaverndarfélag Íslands,
Náttúruverndarsamtök Íslands, hóp-
ur íbúa við Arnarnesvoginn og víðar í
Garðabæ og loks Brynja Dís Vals-
dóttir.
Í kæru íbúanna segir að athyglis-
vert sé að Skipulagsstofnun taki und-
ir öll meginatriðin í málflutningi
þeirra sem mótfallnir eru áformum
um landfyllingu í Arnarnesvogi. „Í
úrskurðinum er ekki að finna eitt ein-
asta atriði sem mælir með því eða
réttlæti að af landfyllingu verði. Það
stingur því gjörsamlega í stúf við for-
sendur úrskurðarins að niðurstaða
stofnunarinnar skuli vera sú að fall-
ast á landfyllinguna. Með samþykki
sínu gengur stofnunin gegn eigin
rökum án þess að leitast við að skýra
af hverju,“ segir í kærunni.
Ekki tekið tillit til
byggðarinnar
Gagnrýnt er að Skipulagsstofnun
hafi í úrskurði sínum einungis tekið
tillit til landfyllingarinnar sjálfrar en
ekki byggðarinnar sem fyrirhuguð er
á henni né þeirrar smábátaumferðar
sem fylgja muni henni. Segja íbúarn-
ir það ekki í samræmi við lögum mat
á umhverfisáhrifum, þar sem segir
að taka eigi tillit til beinna og
óbeinna áhrifa fyrirhugaðrar fram-
kvæmdar og þeirrar starfsemi sem
henni fylgir. Afmörkun Skipulags-
stofnunar sé enn fráleitari í ljósi þess
að matið á óbeinu áhrifunum kæmi
til kasta stofnunarinnar við umfjöll-
un um nýtt aðalskipulag.
Í kæru íbúnna eru tilgreind ýmis
rök sem mæla á móti framkvæmd-
inni og lúta þau helst að sjónrænum
áhrifum, hávaðamengun, áhrifum á
fuglalíf og mörkum sveitarfélaga til
hafsins. Þá er á það bent að sýnt hafi
verið fram á að framkvæmdin muni
hafa umtalsverð umhverfisáhrif en í
lögum um mat á umhverfisáhrifum
er það forsenda þess að lagst sé gegn
framkvæmd í úrskurði. Bent er á að
landfyllingin stangist á við náttúru-
verndaráætlun en umrætt svæði sé á
náttúruminjaskrá auk þess sem
landfyllingin er sögð vera í mótsögn
við Staðardagskrá 21.
Loks segir að ekki hafi verið for-
sendur til að fallast á valkost fram-
kvæmdaraðila þar sem þeir hafi látið
hjá líða að tilgreina aðra kosti fyrir
utan óbreytt ástand, eins og þeim
beri lögum samkvæmt.
Ekki gert að endur-
heimta votlendi
Í kæru Náttúruverndar ríkisins
eru færð rök fyrir því að fram-
kvæmdin hefði skaðleg áhrif á fugla-
líf, bent er á að vogurinn sé á nátt-
úruminjaskrá, sjónræn áhrif og
hljóðmengun er tíunduð auk þess
sem mikilvægi vogsins sem útivistar-
svæðis er undirstrikað. Þá er það
gagnrýnt að framkvæmdaraðila sé
ekki gert að grípa til mótaðgerða til
að endurheimta votlendi.
Síðasttöldu gagnrýnina er einnig
að finna í kæru Fuglaverndarfélags
Íslands en þar er það einnig gert að
kröfu að efnistakan vegna uppfylling-
arinnar fari í umhverfismat. Félagið
setur sig einnig gegn smábátahöfn í
voginum og gerir það að tillögu sinni
að skipulögð verði vöktun á fuglafánu
svæðisins verði af framkvæmdunum.
Náttúruverndarsamtök Íslands
setja fram þá varakröfu í kæru sinni
að umhverfisráðherra fresti ákvörð-
un í málinu þar til fyrir liggja upplýs-
ingar um þau atriði sem Skipulags-
stofnun segir vanta fullnægjandi
upplýsingar um varðandi fram-
kvæmdina. Þá er farið fram á að áður
en ákvörðun verði tekin liggi fyrir
mat ráðherra á stjórnsýslu- og laga-
legum afleiðingum þess að ráðast í
fyrirhugaða framkvæmd með tilliti til
stöðu svæðisins á náttúruminjaskrá,
bæjarverndar og alþjóðlegra skuld-
bindinga.
Fimm kærur til
umhverfisráðherra
Arnarnesvogur Íbúar telja ekkert
réttlæta úrskurð
Skipulagsstofnunar
um landfyllingu
Morgunblaðið/Árni Sæberg
Fyrirhugað er að landfyllingin verði í framhaldi af þeim fyllingum sem þegar eru út í voginn.