Morgunblaðið - 04.11.2001, Page 25

FRÉTTIR
MORGUNBLAÐIÐ SUNNUDAGUR 4. NÓVEMBER 2001 25
KVENFÉLAG Kristskirkju stend-
ur fyrir basar, happdrætti og kaffi-
sölu í safnaðarheimili kirkjunnar við
Landakot í dag, sunnudag, kl. 14.
Allir boðnir hjartanlega velkomnir.
Basar kvenfélags
Kristskirkju
UNNIÐ er að innköllun á Freeland-
er-jeppum hér á landi en kvartanir
hafa borist Land Rover-verksmiðj-
unum vegna galla í handbremsulæs-
ingum og læsingum í sætisbökum.
Einnig er um að ræða galla í örygg-
isboxi í nokkrum Freelander-jepp-
um af 2002 árgerð.
„Ég hef trú á því að það séu all-
margir bílar hér á landi sem gætu
verið með bilun í handbremsu,“ segir
Atli Vilhjálmsson, þjónustustjóri
B&L, en tekur fram að engar kvart-
anir hafi borist umboðinu hér á landi
enn sem komið er. Engin slys hafa
hlotist af völdum þessara galla svo
vitað sé en þegar bilanir koma fram í
3-4% af framleiðslunni innkalla Land
Rover-verksmiðjurnar bíla með við-
komandi framleiðslunúmer af örygg-
isástæðum. Upplýsingar um það um
hvaða framleiðslunúmer er að ræða í
þessu tilfelli hafa enn ekki borist en
eigeindum mun verða tilkynnt með
ábyrgðapósti hvort bifreiðir þeirra
verða innkallaðar.
Innköllun
vegna bilana í
Freelander
HÉRAÐSDÓMUR Suðurlands hef-
ur svipt 19 ára pilt ökuleyfi í 4 mán-
uði og dæmt hann til greiðslu 80 þús-
und króna sektar fyrir hraðakstur á
Suðurlandsvegi í haust. Pilturinn ók
á 175 km hraða vestur Suðurlands-
veg á vegarkafla móts við Arnarstaði
í Hraungerðishreppi, þar sem leyfð-
ur hámarkshraði er 90 km á klst.
Hraði bifreiðarinnar var mældur
með ratsjá lögreglunnar og sætti
ökumaður ákæru sýlsumannsins á
Selfossi fyrir háttsemina. Hann ját-
aði brot sitt skýlaust.
Ingveldur Þ. Einarsdóttir héraðs-
dómari kvað upp dóminn.
80 þús. í sekt og 4
mánaða svipting
fyrir ofsaakstur
BÆJARFULLTRÚAR Kópavogs-
listans gagnrýna verksamninga sem
Kópavogsbær hefur gert við Klæðn-
ingu ehf., fyrirtæki Gunnars I. Birg-
issonar, alþingismanns og formanns
bæjarráðs Kópavogs. Í fréttatil-
kynningu frá bæjarfulltrúunum
segja þeir að fram komi í skriflegum
svörum við árlegum fyrirspurnum
um útboðsmál að Klæðning hafi unn-
ið verk fyrir Kópavogskaupstað fyrir
rúmar 15 milljónir kr. á síðasta ári
og alls fyrir 60 milljónir á árunum
1997–2000. Flestir samningar hafi
verið gerðir án útboðs.
Gunnar vísar gagnrýni bæjar-
fulltrúanna algerlega á bug í samtali
við Morgunblaðið og segir fyrirtækið
í raun fá mjög lítinn hluta verka sem
unnin eru á vegum bæjarins. Á síð-
asta ári hafi jarðvinna á vegum
Kópavogs numið um hálfum millj-
arði króna en þar af hafi Klæðning
unnið ýmis smáverk fyrir samtals 15
milljónir. Fyrirtækið hafi þannig
fengið aðeins um 2–3% af öllum jarð-
vinnuverkum á vegum bæjarins.
Gunnar segir að um árvisst upp-
hlaup sé að ræða og persónulegt
skítkast í sinn garð. Tilgangur bæj-
arfulltrúanna sé að þyrla upp póli-
tísku moldviðri í örvæntingarfullri
tilraun til að sverta sig og fyrirtækið
og reyna að gera það tortryggilegt.
Gunnar segist einnig furða sig á
Morgunblaðinu að taka þetta upp.
,,Fyrirtæki mitt er með heimilisfesti
í Kópavogi og ég er auðvitað að vinna
þar, því þar er mestur uppgangurinn
og mest að gera. Að sjálfsögðu er
leitað til míns fyrirtækis eins og ann-
arra og það er þá jafnvel samið á
grundvelli tilboðs sem ég lagði fram
árið áður. En ég fæ minnst af þess-
um verkum og hef oft kvartað yfir
því. Það er frekar þannig að maður
líði fyrir það að vera í bæjarstjórn,“
segir hann.
Verksamningar Kópavogsbæjar
Formaður bæjarráðs
vísar ásökunum á bug
Þakdúkar og
vatnsvarnarlög
Þakdúkar og
vatnsvarnarlög á:

þök

þaksvalir

steyptar

rennur

ný og gömul
hús
Góð
þjónusta og
fagleg
ábyrgð
undanfarin
20 ár
- unnið við öll veðurskilyrði
- sjá heimasíðu www.fagtun.is
FAGTÚN
Brautarholti 8 • sími 562 1370
Jólabasar
kvennadeildar R-RKÍ verður haldinn í húsi Rauða kross Íslands,
Efstaleiti 9, í dag sunnudaginn 4. nóvember frá kl. 14.00—17.00.
Á boðstólum verða fallegir handunnir munir er tengjast jólunum
og heimabakaðar góm-sætar kökur. Kaffisala.
Verið velkomin.
Nefndin.
mbl.isFRÉTTIR
♦ ♦ ♦