Morgunblaðið - 21.11.2001, Blaðsíða 1
267. TBL. 89. ÁRG. MIÐVIKUDAGUR 21. NÓVEMBER 2001 PRENTSMIÐJA MORGUNBLAÐSINS
STOFNAÐ 1913
YFIRMAÐUR afgönsku andspyrnu-
hreyfingarinnar sem situr um síðasta
vígi talibana í norðurhluta landsins,
borgina Kunduz, sagði í gær að hann
væri ekki bjartsýnn á að arabar og
aðrir erlendir hermenn sem enn
þraukuðu í borginni myndu nokkurn
tíma sætta sig við að gefast upp.
Mohammed Daoud, hershöfðingi í
Norðurbandalaginu, tók í gær þátt í
viðræðum, annan daginn í röð, um að
talibanar gefi borgina eftir.
Þúsundir erlendra hermanna,
þ. á m. eitt þúsund meðlimir al-
Qaeda-samtaka Osamas bin Ladens,
eru algerlega andvígir uppgjöf, sagði
Daoud við fréttamenn í Taloqan, sem
Norðurbandalagið hefur nýlega náð á
sitt vald og gert að bækistöð sinni um
20 km frá vígstöðvunum við Kunduz.
„Ekki bjartsýnir“
„Við erum ekki bjartsýnir á að
útlendir talibanar og sumir af leið-
togum talibana séu reiðubúnir til upp-
gjafar,“ sagði Daoud. „Þá verður stríð
nauðsynlegt – þetta eru hryðjuverka-
menn og þeir halda glæpastarfsemi
sinni áfram.“
Viðræður Daouds við hershöfð-
ingja talibana í Kunduz, Dadullah, og
fyrrverandi aðstoðarvarnarmálaráð-
herra, múllann Fazil Muslimyar,
miða að því að tryggja öryggi íbúa
borgarinnar, sem eru um hundrað
þúsund, og koma í veg fyrir að þarna
hefjist það sem óttast er að yrði blóð-
ugasta orrustan í stríðinu gegn
talibönum.
Bandaríkjamenn eru andvígir því
að samið sé við talibana um uppgjöf.
Donald Rumsfeld, varnarmálaráð-
herra Bandaríkjanna, sagði sl. mánu-
dag að Bandaríkjamönnum „litist
ekki á“ að semja um uppgjöf talibana
í síðustu tveim höfuðvígjum þeirra,
Kunduz í norðurhluta Afganistans og
Kandahar í suðurhluta landsins.
Þegar fréttamenn spurðu Rums-
feld sérstaklega um afstöðu Banda-
ríkjanna til samninga við talibana og
al-Qaeda-liðana í Kunduz svaraði
Rumsfeld. „Ég vona að þeir verði
annaðhvort drepnir eða teknir til
fanga.“
Haft var eftir Muslimyar í pakist-
anska dagblaðinu Dawn á mánudag-
inn að íslamskir hermenn væru til-
búnir að gefast upp fyrir hlutlausri,
afganskri stjórn, sem komið yrði á
laggirnar fyrir tilstuðlan Sameinuðu
þjóðanna (SÞ), en þeir myndu aldrei
gefa sig Norðurbandalaginu á vald.
Öllum talibönum í Kunduz, sem
gefast upp, er tekið opnum örmum af
Norðurbandalaginu, sagði Daoud.
Erlendir hermenn sem gæfust upp
yrðu aftur á móti settir í hendur her-
dómstóls Norðurbandalagsins. Lið-
hlaupar er hafa yfirgefið Kunduz í
skjóli myrkurs segja að inni í borginni
ráði arabar og aðrir útlendingar lög-
um og lofum og telji, að gefist þeir
upp muni Norðurbandalagsmenn
skjóta þá. Því séu erlendu hermenn-
irnir staðráðnir í að sitja sem fastast í
borginni.
Norðurbandalagið gekk í gær að
boði SÞ um að koma til viðræðna, er
haldnar verða í Berlín, um skiptingu
valds í Afganistan í framtíðinni.
Markmið viðræðnanna verður að
koma á sameiginlegri stjórn þjóða-
brotanna er búa í landinu, sem taki
við af stjórn talibana, sem hefur
hrökklast frá völdum.
Norðurbandalagið verður einn af
fjórum helstu hópunum er taka þátt í
viðræðunum, sem eiga að hefjast á
mánudaginn. Fulltrúi fyrrverandi
konungs Afganistans, Mohammads
Zaher Shah, tekur líka þátt í viðræð-
unum. Talibanar fá ekki að taka þátt,
að því er Francesc Vendrell, sendi-
maður SÞ í Afganistan, greindi frá í
gær.
Vaxandi ótti við að blóðbað vofi yfir í borginni Kunduz í Norður-Afganistan
Litlar líkur taldar á að
al-Qaeda-liðar gefist upp
Taloqan og Kabúl í Afganistan, Washington. AP, AFP.
MAÐUR nokkur í Flórída, sem
geystist yfir vatn á heimasmíð-
uðum hraðbáti, beið bana er
hann lenti í árekstri við fljúg-
andi önd.
Leon Resnick var að reyna
bátinn sinn sl. fimmtudag á
vatni skammt frá Fort Lauder-
dale. Með honum um borð var
vinur hans og segist honum svo
frá, að þegar hraðinn hafi verið
farinn að nálgast 90 km á
klukkustund hafi hann seilst í
ratsjárbyssu til að mæla hann
nákvæmlega. Þegar hann leit
upp var Resnick horfinn.
Lík hans fannst í vatninu
skömmu síðar og ljóst er, að
banameinið var höfuðhögg.
Rétt þar hjá fannst sundurtætt
önd og er það niðurstaða lög-
reglunnar, að þau hafi rekist á
og orðið hvort öðru að aldurtila.
Lést eftir
árekstur
við önd
Deerfield Beach. AP.
STJÓRNARANDSTAÐA borgara-
flokkanna vann mikinn sigur í þing-
kosningunum í Danmörku í gær og
bendir allt til þess að Anders Fogh
Rasmussen, leiðtogi hægriflokksins
Venstre, myndi nýja samsteypu-
stjórn. „Við munum nota traust
ykkur af auðmýkt, með íhygli og
ábyrgðartilfinningu,“ sagði Fogh
Rasmussen í gærkvöldi. Jafnaðar-
menn undir forystu Pouls Nyrups
Rasmussen, sem verið hefur for-
sætisráðherra í tæp níu ár, biðu
mikinn ósigur og virtust ekki leng-
ur vera stærsti flokkur landsins.
Undir miðnætti í gær, þegar búið
var að telja um 83% atkvæða, var
ljóst að Venstre hafði unnið mikinn
sigur og var spáð 56 þingsætum en
jafnaðarmönnum 53. Hinir fyrr-
nefndu voru áður með 42 sæti en
jafnaðarmenn 63. Er þetta mesti
sigur Venstre frá 1920.
„Landið sem við setjum nú í
hendur hægristjórnar er land sem
virkar vel,“ sagði Nyrup Rasmus-
sen þegar hann játaði ósigur sinn.
„Í hlutverki stjórnarandstöðu mun-
um við gæta sanngirni og sam-
ræmis.“
Kosið var einnig til bæjarstjórna
og amtstjórna og voru horfur á að
jafnaðarmenn myndu gjalda afhroð
í Kaupmannahöfn sem lengi hefur
verið eitt sterkasta vígi þeirra.
Alls sitja 179 á danska þinginu,
þar af tveir frá Færeyjum og tveir
frá Grænlandi. Stjórn Nyrups
Rasmussen með miðjuflokknum
Radikale Venstre var í minnihluta á
þingi en naut stuðnings Sósíalíska
þjóðarflokksins, SF og Einingar-
flokksins sem er lengst til vinstri.
Danski þjóðarflokkurinn undir for-
ystu Piu Kjærsgaard vann mikinn
sigur og verður nú þriðji stærsti
flokkurinn, var í gærkvöldi spáð 21
þingsæti eða talsvert fleiri en
Íhaldsflokknum, sem spáð var 16.
sæti. Líklegt er talið að Fogh
Rasmussen reyni að mynda minni-
hlutastjórn með hægri- og mið-
flokkum en ljóst þykir að hann vilji
reyna að komast hjá því að mynda
stjórn með þátttöku Danska þjóð-
arflokksins.
Kjærsgaard hefur krafist harðra
aðgerða gegn innflutningi fólks frá
öðrum löndum og meðal annars er
hún andvíg því að flóttamenn, sem
fengið hafa hæli í Danmörku, fái að
sameina þar fjölskyldur sínar.
Hægriflokk-
arnir vinna
stórsigur
Kaupmannahöfn. AP, AFP.
Reuters
Sigurvegari kosninganna í Danmörku, Anders Fogh Rasmussen, for-
maður Venstre, kemur ásamt konu sinni, Anne-Mette, til kosningahátíð-
ar flokksins á ferjunni Sjælland í gærkvöldi.
Helsti/21
Venstre orðinn öflugasti flokkurinn á danska þinginu í fyrsta sinn frá 1920
ÓNAFNGREINDUR Lundúnabúi
horfir út um gluggann hjá sér á þotu
koma til lendingar á Heathrow-
flugvelli í gær. Bresk stjórnvöld
hafa samþykkt fyrirætlanir um
byggingu fimmtu flugstöðvarinnar á
vellinum, sem þegar er sá flugvöllur
Evrópu sem mest umferð er um.
Heathrow stækkar
GÍFURLEGT úrhelli og flóð á Kan-
aríeyjum í gær kostaði að minnsta
kosti fjóra erlenda ferðamenn lífið
og hundruð annarra urðu að yfir-
gefa íverustaði sína, að sögn yfir-
valda á eyjunum. Hefur verið lýst
yfir neyðarástandi þar.
Ferðamennirnir voru austurrískir
og voru í Caldera-þjóðgarðinum
þegar þeir lentu í flóðbylgju sem
skolaði þeim á haf út. Björgunar-
menn fundu lík þeirra í gær. Leitað
var að einum eða tveim félögum
þeirra sem fórust. Yfir 300 þýskir
og skandinavískir ferðamenn á
stærstu eynni, Gran Canaria, urðu
að yfirgefa hótelherbergi sín vegna
flóða.
Flóð á
Kanarí-
eyjum
Las Palmas. AFP.
MORGUNBLAÐIÐ 21. NÓVEMBER 2001
Reuters