Morgunblaðið - 21.11.2001, Blaðsíða 15
AKUREYRI
MORGUNBLAÐIÐ MIÐVIKUDAGUR 21. NÓVEMBER 2001 15
Glæsileg íslensk söngveisla með eftirlætis einsöngslögum okkar og dúettum.
Stórtónleikar
Íslenskar söng perlur
Y
D
D
A
/ S
ÍA
Jóhann Friðgeir Valdimarsson, tenór
Sigurjón Jóhannesson, tenór
Ólafur Vignir Albertsson, píanó
Björn Steinar Sólbergsson, orgel
Akureyrarkirkju, Akureyri 28. nóvember 2001, kl. 20.30
Miðasala við innganginn. Forsala miða í Bókvali , Akureyri .
Miðgarði, Skagafirði 25. nóvember 2001, kl. 21.00
Miðasala við innganginn.
VALGERÐUR Sverrisdóttir iðnað-
ar- og viðskiptaráðherra segir að
hún muni leita annarra leiða til að
styrkja atvinnulífið á Akureyri innan
orkugeirans en sameiningu Norður-
orku og Rarik ef stjórnarformaður
Norðurorku, Páll Tómasson, sé að
túlka viðhorf meirihluta bæjar-
stjórnar Akureyrar í þeim málflutn-
ingi sínum að framtíðaruppbygging
fyrirtækisins miðist ekki lengur við
að af sameiningu orkufyrirtækjanna
verði. Páll lýsti þessari skoðun sinni í
Ríkisútvarpinu eftir að ljóst var orð-
ið að Rarik myndi kaupa Rafveitu
Sauðárkróks. Kristján Þór Júlíusson
bæjarstjóri segir málið á misskiln-
ingi byggt.
Valgerður skrifaði pistil á heima-
síðu sína í gær þar sem þessi skoðun
hennar kom fram. Viðræður hafa
staðið yfir um sameiningu Norður-
orku og Rarik um nokkurt skeið og
verður næsti fundur viðræðunefnda
haldinn í byrjun desember. Niður-
staða athugunar á hagkvæmni þess
að sameina orkufyrirtækin tvö leiddi
í ljós að unnt yrði að spara 150 millj-
ónir króna árlega í rekstrarkostnað.
Valgerður greinir frá því í pistli
sínum að bæjarstjórinn á Akureyri
hafi með nokkurri hörku veist að sér
á förnum vegi og sakað sig um að
skemma fyrir Akureyringum í
tengslum við viðræður Skagfirðinga
og Rarik og síðar láti stjórnarfor-
maður Norðurorku hafa eftir sér að
uppbygging fyrirtækisins miðist við
að ekkert verði af sameiningu þess
og Rarik þar sem iðnaðarráðherra
hafi heimilað Rarik að kaupa Raf-
veitu Sauðárkróks. „Þetta kalla ég
kúnstugar aðferðir bæjarstjórans á
Akureyri til að koma sér út úr þess-
um viðræðum,“ segir Valgerður.
Hún segir það ekki sýna mikla reisn
meirihlutans í bæjarstjórn að hlaup-
ast á brott á þennan langsótta hátt
og gera sig ábyrga.
Segir Valgerður ennfremur að
upphlaup stjórnarformannsins sé
ekki í samræmi við umræður sem
fram hafi farið á síðasta fundi við-
ræðurnefndar vegna sameiningar
fyrirtækjanna. Fordæmi séu fyrir að
talsmenn Norðurorku tjái sig í and-
stöðu við bæjarstjórn, en sé hann
hins vegar að túlka viðhorf meiri-
hlutans muni hún leita annarra leiða
til að styrkja atvinnulíf á Akureyri.
„Hinn almenni Akureyringur á ekki
að þurfa að líða fyrir kúnstirnar í
bæjarstjóranum,“ segir ráðherra.
Byggt á einberum
misskilningi
Kristján Þór Júlíusson bæjar-
stjóri á Akureyri sagði að af hálfu
bæjarins hefði ekki verið breytt um
kúrs í málinu.
„Valgerður endar pistil sinn á
vangaveltum um það hvort málið sé
hugsanlega á misskilningi byggt.
Hún hefði ekki þurft að hringja
nema eitt símtal til að fá staðfest að
svo er og þar með hefði hún ekki
þurft að setja þessi orð á blað, en þau
eru byggð á einberum misskilningi
og þjóna ekki tilgangi málsins,“
sagði Kristján Þór.
Iðnaðarráðherra um fyrirhugaða sameiningu Norðurorku og Rarik
Kúnstugar aðferðir til að
koma sér út úr viðræðunum
VINNA við endurbætur á brú Sléttbaks EA,
frystitogara Útgerðarfélags Akureyringa,
gengur vel en þar urðu miklar skemmdir er tog-
arinn fékk á sig brotsjó laugardagsmorguninn
10. nóvember sl. Sléttbakur var þá staddur í vit-
lausu veðri á Deildargrunni, um 20 sjómílur út
af Rit.
Þrír gluggar í brú skipsins brotnuðu er brotið
gekk yfir og fylltist brúin nánast af sjó á svip-
stundu. Miklar skemmdir urðu í brúnni, m.a. á
tækjum, innréttingum og klæðningum en mesta
mildi þykir að ekki urðu slys á fólki.
Skipið kom til Akureyrar sunnudaginn 11.
nóvember og var þá strax hafist handa við að
meta skemmdir og undirbúa viðgerð. Frá þeim
tíma hefur verið unnið af miklum krafti og sagði
Sæmundur Friðriksson útgerðarstjóri ÚA að
iðnaðarmennirnir hefðu unnið nánast krafta-
verk frá því skipið kom til hafnar. Hann sagði að
menn væru farnir að stilla upp tækjum í brúnni
en að eftir væri að stilla þau saman. Sæmundur
sagði erfitt að segja til um hvenær Sléttbakur
kæmist til veiða á ný en þó væru menn farnir að
horfa til næstu helgar. Ekki liggur enn fyrir
hversu mikið tjónið er nákvæmlega en þó ljóst
að það hleypur á milljónum króna.
Vinna í Sléttbak
EA gengur vel
JÓLAMERKI Framtíðarinnar er
komið út. Kristín Pálsdóttir á Ak-
ureyri teiknaði mynd merkisins í
ár og er þetta í annað sinn sem
hún leggur til mynd á merkið.
Framtíðin er nú deild innan Fé-
lags eldri borgara á Akureyri, en
Kvenfélagið Framtíðin sem stofn-
að var 1894 var lagt niður á síð-
asta ári. Ákveðið var að halda
áfram út-
gáfu jóla-
merkis og
minning-
arkorta til
að styðja
aldraða líkt
og kven-
félagið
hafði gert
áður.
Jóla-
merki
Framtíðarinnar er til sölu í Frí-
merkjahúsinu og Frímerkjamið-
stöðinni í Reykjavík og á pósthús-
inu á Akureyri.
Allur ágóðir af sölu jólamerk-
isins rennur til stuðnings öldr-
uðum en nú nýverið afhenti
Framtíðin Dvalarheimilinu Hlíð
sjúkralyftara, baðstóla og sjúkra-
rúm að gjöf. Vonast Framtíðin
eftir góðum stuðningi bæjarbúa
nú líkt og ávallt áður.
Jólamerki
Framtíðarinnar
HÉRAÐSFRÉTTABLAÐIÐ Norð-
urslóð í Dalvíkurbyggð hefur opnað
nýja heimasíðu, en það var gert við at-
höfn á Tjörn í Svarfaðardal. Norður-
slóð hóf göngu sína í nóvember árið
1977 eða fyrir réttum 24 árum.
Heimasíða blaðsins hefur að geyma
greinasafn undanfarinna tíu ára
ásamt myndum en í framtíðinni er
ætlun aðstandenda þess að slá þar inn
allar greinar frá því blaðið hóf göngu
sína. Við opnunarathöfnina rakti ann-
ar ritstjóranna, Jóhann Antonsson,
tildrög þess að blaðinu var hleypt af
stokkunum. Ritstjórar þess voru í
upphafi ásamt Jóhanni þeir Hjörtur
E. Þórarinsson og Óttar Proppé en
þeir eru nú báðir fallnir frá. Jóhann
sagði það vel við hæfi að heimasíðan
væri opnuð í stofunni á Tjörn þar sem
þau Tjarnarhjón Hjörtur Eldjárn og
Sigríður Hafstað hefðu lengst af hald-
ið utan um útgáfuna og Sigríður er
raunar enn útgáfustjóri blaðsins.
Norðurslóð hefur það lagt sérstaka
rækt við vandaðar sagnfræðilegar
greinar og haldið á loft svarfdælskri
sögu og menningu.
Norðurslóð kemur út mánaðarlega.
Ritstjórar eru þeir Jóhann Antonsson
og Hjörleifur Hjartarson. Slóð heima-
síðunnar er www.nordurslod.is.
Norðurslóð
opnar
heimasíðu
FÓLK sem búsett er við Eyjafjörð og
starfar að því leynt og ljóst að við-
halda þekkingu á fornum vinnu-
brögðum, íslensku handverki og öðr-
um þjóðlegum hefðum í
verkmenningu, söng, dansi og sagna-
hefð gengst fyrir stofnfundi nýs fé-
lagsskapar.
Stofnfundurinn verður haldinn í
Laufási fimmtudagskvöldið 22. nóv-
ember kl. 20.00 og eru allir velkomnir.
Félag um varðveislu
íslenskra hefða
Morgunblaðið/Kristján
♦ ♦ ♦
ÍÞRÓTTABANDALAG Akureyrar,
ÍBA, hefur auglýst stöðu fjármála-
stjóra bandalagsins lausa til umsókn-
ar en stefnt er að því að ráða í stöðuna
frá og með næstu áramótum.
Markmiðið með ráðningu fjármála-
stjóra er að auka eftirlit með fjármál-
um íþróttafélaganna í bænum og
veita þeim fjárhagslega ráðgjöf alls
starfs íþróttahreyfingarinnar í bæn-
um.
Einnig að auka skilvirkni ÍBA og
aðilarfélaga bandalagsins gagnvart
bænum og þjónustuaðilum með það
að markmiði að auðvelda upplýsinga-
flæði. Í síðasta mánuði var skrifað
undir samskiptasamning milli ÍBA og
Akureyrarbæjar en markmiðið með
honum er að efla tengsl milli bæjarins
og ÍBA. Þar er m.a. gert ráð fyrir að
bærinn greiði 3,5 milljónir króna
vegna reksturs skrifstofu ÍBA en
væntanlegum fjármálastjóra verður
einmitt gert að halda utan um rekstur
hennar. Umsóknarfrestur um stöðu
fjármálastjóra ÍBA er til 7. desember
nk.
ÍBA auglýs-
ir eftir fjár-
málastjóra