Morgunblaðið - 21.11.2001, Blaðsíða 39

FRÉTTIR
MORGUNBLAÐIÐ MIÐVIKUDAGUR 21. NÓVEMBER 2001 39
VERSLUNIN Drangey hefur verið
opnuð í Smáralind. Drangey byrj-
aði sem lítil matvöruverslun á
Grettisgötu árið 1934, flutti í
breyttri mynd að Laugavegi 58 árið
1941 og er því orðin 67 ára. Árið
1995 keypti María Maríusdóttir
verslunina og hefur lagt áherslu á
innflutning á töskum og annarri
vöru beint frá Ítalíu. Einnig má
geta þess að Drangey selur íslensk-
ar leðurvöru frá Atson. Sú ný-
breytni er að í Smáralind eru einn-
ig leðurdömukápur og -jakkar, en á
Laugaveginum eru kvenskór.
Hollenskar listakonur komu til
landsins til að myndskreyta gólfið í
nýju versluninni. Drangey býður
viðskiptavini, bæði gamla og nýja,
velkomna í nýju verslunina, segir í
fréttatilkynningu.
Morgunblaðið/Árni Sæberg
Hollensk listakona myndskreyt-
ir gólf Drangeyjar í Smáralind.
Drangey
opnuð í
Smáralind
DÓMARAFÉLAG Íslands, Lög-
fræðingafélag Íslands og félagsdeild
Lögmannafélags Íslands bjóða lög-
fræðingum til morgunverðarfundur í
Háskólanum í Reykjavík föstudag-
inn 23. nóvember kl. 8.15–9.15.
Efni fundarins er kynning á
rekstrarnámi fyrir lögfræðinga í Há-
skólanum í Reykjavík en námið hefst
í byrjun janúar 2002. Boðið verður
upp á sérsniðið rekstrarnám fyrir
lögfræðinga þar sem um er að ræða
kennslu í ýmsum viðskiptatengdum
fögum, s.s. fjármögnun fyrirtækja,
fjárhagsáætlunum, greiningu og úr-
lestri ársreikninga, verðbréfavið-
skiptum, starfsmannastjórnun,
markaðssetningu og upplýsinga-
tækni svo eitthvað sé nefnt.
Einnig kynna félögin styttri lög-
fræðileg námskeið. Aðgangur er
ókeypis, en skrá þarf þátttöku fyrir
22. nóvember kl. 12 hjá félagsdeild
LMFÍ í síma eða á netfang:
jonak@lmfi.is
Kynning á rekstr-
arnámi fyrir
lögfræðinga
EKIÐ var á bifreiðina TG-228, sem
er grá Toyota-fólksbifreið, við ný-
byggingu Íslenskrar erfðagreining-
ar við Njarðargötu.
Þetta mun hafa hafa átt sér stað
hinn 19. nóvember sl. á milli kl. 8 og
14. Talið er víst að um hafi verið að
ræða rauða bifreið og er því ökumað-
ur hennar eða aðrir sem geta gefið
frekari upplýsingar beðnir að snúa
sér til umferðardeildar lögreglunnar
í Reykjavík.
Aðfaranótt föstudagsins 16. nóv-
ember sl. var ekið á bifreiðina RZ
925, sem er Nissan-fólksbifreið,
dökkgræn að lit, þar sem hún stóð
við Njálsgötu 38. Atvikið gerðist á
milli kl. 00.00 og 2.00. Bifreiðin er
skemmd á hægra frambretti og
framhurð. Tjónvaldur fór af staðnum
án þess að láta vita.
Sá eða þeir sem geta gefið upplýs-
ingar um atvikið eru beðnir að hafa
samband við lögregluna í Reykjavík.
Lýst eftir vitnum
ELLEN Gunnarsdóttir sagnfræð-
ingur verður með opinberan fyrir-
lestur á vegum rannsóknastofu í
kvennafræðum í Norræna húsinu 22.
nóvember kl. 16. Fyrirlesturinn
nefnist: Konur og alþýðumenning í
barokk-Mexíkó; lífshlaup Franciscu
de los Ángeles, 1674–1744.
Í fyrirlestrinum verður sagt frá lífi
og störfum Franciscu de los Ángeles,
sem uppi var í mexíkósku nýlendu-
borginni Querétaro 1674–1744.
Francisca varð fræg í heimaborg
sinni og víðar fyrir hið sérstaka sam-
band sitt við guð; hún varð vinur og
ráðgjafi fransiscusartrúboða sem
ferðuðust til Texas samkvæmt ráð-
um hennar, hún var þekkt fyrir störf
sín fyrir sálir í hreinsunareldinum,
segir í fréttatilkynningu.
Fyrirlestur um
konur og al-
þýðumenningu NÁMSKEIÐ í jólaskreytingu verð-
ur í Garðyrkjuskóla ríkisins, Reykj-
um í Ölfusi fyrir áhugafólk um
blómaskreytingar. Boðið verður upp
á sex eins dags námskeið. Tveir
kennarar skipta námskeiðunum á
milli sín, þau Uffe Balslev blóma-
skreytingameistari og Júlíanna
Rannveig Einarsdóttir blómaskreyt-
ir. Námskeiðin verða haldin laugar-
daginn 24. nóvember, sunnudaginn
25. nóvember, laugardaginn 1. des-
ember, sunnudaginn 2. desember,
sunnudaginn 9. desember og sunnu-
daginn 16. desember, kl. 10–16.
Skráning á námskeiðin fer fram á
skrifstofu Garðyrkjuskólans eða í
gegnum netfangið mhh@reykir.is.
Jólaskreytinga-
námskeið Garð-
yrkjuskólans
KYNNINGARNEFND FT og FÍH
stendur fyrir mótmælaaðgerðum í
tengslum við bæjarstjórnarfund í
Mosfellsbæ, miðvikudaginn 21. nóv-
ember kl. 16.30. Fyrir fundinn mun
formaður verkfallsstjórnar afhenda
fulltrúum bæjarstjórnar áskorun um
að samið verði við tónlistarskóla-
kennara hið fyrsta og að þeim verði
tryggð sambærileg laun og öðrum
kennurum. Fulltrúar nemenda og
foreldra í Tónlistarskóla Mosfells-
bæjar munu afhenda bæjarstjórn
undirskriftalista.
Tónlistarskóla-
kennarar í Mos-
fellsbæ mótmæla
ODDUR Friðrik Helgason ættfræð-
ingur heldur fyrirlestur á vegum
Ættfræðifélagsins í fundarsal Þjóð-
skjalasafns Íslands á Laugavegi 162,
3. hæð, fimmtudaginn 22. nóvember
kl. 20.30. Fyrirlesturinn nefnir hann
„Staða og framtíð íslenskrar ætt-
fræði“. Allir velkomnir. Oddur hefur
í mörg ár stundað ættfræði og viðað
að sér miklu og tölvutæku efni. Mun
hann koma víða við og fjalla um það
helsta sem er á döfinni í dag í ætt-
fræði hér á landi. Oddur mun svara
fyrirspurnum fundarmanna, segir í
fréttatilkynningu.
Félagsfundur í
Ættfræðifélaginu
Á AÐALFUNDI félags nema
í hársnyrtiiðn nýlega var
samþykkt að þeir nemar sem
eru í skóla nú á haustönn
muni ekki fara til vinnu á hár-
snyrtistofum í desember.
Grípa þeir til þessarar að-
gerðar til að knýja fram
launahækkun. Launataxtar
hársnyrtinema hafa ekkert
hækkað síðan í janúar 1999 og
hafa kjarasamningar verið
lausir síðan 1996, segir í
fréttatilkynningu.
Þar segir ennfremur: „Á
fundinum sátu um 100 hár-
snyrtinemar og 90% af þeim
fá 251 kr. á tímann en nemar
sem koma úr 10. bekk grunn-
skóla og eru að vinna hjá
Vinnuskóla Reykjavíkur fá
362 kr. á tímann.
Fleiri aðgerðir eru í sjón-
máli og er nokkuð ljóst að nú
munu nemar ekki lengur
sætta sig við lágt kaup og er
það von okkar að samstaða
nema þrýsti á að samningar
náist.
Nú er botninum náð og
klárt mál að nemar munu
berjast fyrir bættari kjörum.
Það má benda á það að hár-
greiðslunemar eru þeir einu
nemar á landinu sem fá lán
hjá LÍN meðan þeir eru að
vinna, heildarlaun 1. árs nema
er 43.582 kr. en LÍN grunn-
framfærslan er 69.500 kr.“
Hársnyrti-
nemar
boða til
aðgerða
ÍSLENSKA málfræðifélagið býður
til spjallkvölds í Skólabæ fimmtu-
daginn 22. nóvember kl. 20. Á dag-
skrá verða reglur um íslenska staf-
setningu og þá einkum kostir og
gallar við auglýsingu menntamála-
ráðuneytisins frá 1974 og 1977.
Fundarstjóri verður Margrét Guð-
mundsdóttir, frummælendur eru
Baldur Sigurðsson, Erna Erlings-
dóttir og Sigurlín Hermannsdóttir.
Frummælendur munu segja frá
reynslu sinni af stafsetningarreglun-
um en mestum tíma verður varið í
frjálsar umræður.
Fundur hjá
Íslenska
málfræðifélaginu
Nemandi í Selásskóla
Í frétt af ráðstefnu 300 grunn-
skólanemenda var rangt farið með
nafn skóla Ingunnar Tryggvadóttur,
sem stjórnaði pallborðsumræðum.
Rétt er að hún er nemandi í Selás-
skóla.
Listasafn Reykjavíkur
Ranghermt var í blaðinu í gær, í
frétt um uppboð á málverki á Net-
inu, að eigandi málverksins hafi snú-
ið sér til Listasafns Íslands. Rétt er
að hann óskaði eftir upplýsingum frá
Listasafni Reykjavíkur.
LEIÐRÉTT
ÍSLANDSDEILD Amnesty Int-
ernational hefur hafið sölu á jóla-
korti ársins 2001. Í ár er kortið með
myndinni „Á tali“ eftir listakonuna
Sigríði Önnu E. Nikulásdóttur.
Kortin eru fáanleg bæði með og án
jólakveðju. Sala jólakortanna er ein
helsta fjáröflunarleið deildarinnar.
Ákveðið hlutfall af sölu jólakorta
Íslandsdeildar Amnesty rennur í
hjálparsjóð, en það fé sem safnast í
þann sjóð er nýtt til endurhæfingar
fórnarlamba pyntinga og veitt í að-
stoð við aðstandendur horfinna og
stuðning við fólk sem hefur sætt
mannréttindabrotum.
Kortin eru seld á skrifstofu sam-
takanna að Hafnarstræti 15 í
Reykjavík, þar sem einnig er tekið
á móti pöntunum, og á netfangi
amnesty@hi.is.
Jólakort Amnesty