Morgunblaðið - 21.11.2001, Blaðsíða 16
Morgunblaðið/Steinunn Ásmundsdóttir
Tónlistarskólakennarar fóru í kröfugöngu um Egilsstaði á föstudag.
Fylktu nemendur einnig liði og mótmæltu seinagangi í kjaraviðræðum.
Á FÖSTUDAGSEFTIRMIÐDAG
hittust tónlistarskólakennarar og
nemendur í Tjarnargarðinum á Egils-
stöðum. Þaðan var gengið fylktu liði
undir lúðrablæstri og söng til að
minna á málstað kennaranna í þeim
kjaradeilum sem uppi eru. Þó að
nokkur kröfuspjaldanna tættust nið-
ur í rokinu voru menn hvergi bangnir
og fóru víða um götur í fylgd lögreglu.
Áhrifa verkfallsins gætir hér
eystra eins og annars staðar á landinu
og er þegar farið að fella niður ýmsa
tónlistarviðburði sem fyrirhugaðir
höfðu verið í jólamánuðinum. Þar á
meðal hefur Óperustúdíó Austur-
lands fellt niður sýningar á söngleikn-
um The Music Man og Skólakór Tón-
listarskóla Austur-Héraðs slegið
botninn úr flutningi Magnificat eftir
Bach, sem kórinn hugðist flytja á að-
ventunni.
Taktfastar feil-
nótur í rokinu
Egilsstaðir
LANDIÐ
16 MIÐVIKUDAGUR 21. NÓVEMBER 2001 MORGUNBLAÐIÐ
Útstillingarefni
fyrir verslanir,
fyrirtæki,
veitingahús o.fl.
BOÐAÐ er til borgarafundar um
verkefnið Staðardagskrá 21 í Borg-
arbyggð. Fundurinn verður haldinn
fimmtudaginn 22. nóvember kl.
20.30 á Hótel Borgarnesi.
Einn mikilvægasti þáttur Stað-
ardagskrár 21 er að virkja íbúa til
þátttöku. Aðalmál fundarins verður
að kynna verkefnið fyrir áhugasöm-
um íbúum og á þessum fundi verð-
ur óskað eftir fólki til að starfa í
tengslahópi. Í fréttatilkynningu er
fólk hvatt til að sýna samstöðu,
hafa áhrif á umhverfi sitt og taka
þátt í þessu mikilvæga verkefni
sem snertir alla.
Borgarafundur um
Staðardagskrá 21
Borgarnes
HALDIÐ var nýlega upp á hálfrar
aldar afmæli Flugbjörgunarsveit-
arinnar á Hellu. Hófið var haldið í
húsnæði sveitarinnar og var 120
manns boðið til dagskrár og veit-
inga en húsið var opnað almenningi
síðar um daginn.
Veislustjóri var sr. Sigurður
Jónsson, sóknarprestur í Odda á
Rangárvöllum. Margir stigu í pontu
og fluttu kveðjur og færðu flug-
björgunarsveitinni rausnarlegar
gjafir. Formaður sveitarinnar, Ein-
ar Brynjólfsson, bauð gesti vel-
komna og rakti í stuttu máli sögu
hennar, starfsemi og fjáröflun.
Meðal annarra ræðumanna má m.a.
nefna Jón Gunnarsson, formann
Slysavarnafélagsins Landsbjargar,
Guðmund Inga Gunnlaugsson,
sveitarstjóra Rangárvallahrepps,
sem einnig kom fyrir hönd al-
mannavarnanefndar Rangár-
vallasýslu, Guðmund Gunnarsson
frá fjarskiptafyrirtækinu Stiklu og
fleiri.
Einnig kom fram stúlknakór
Þykkvabæjar- og Oddakirkju sem
flutti nokkur lög undir stjórn Nínu
Maríu Morávek.
Margar góðar gjafir voru færðar
sveitinni í tilefni tímamótanna, m.a.
ný gerð af talstöð, hljómflutnings-
tæki, sérstök leitarlugt, staðsetn-
ingartæki, rausnarleg fjárframlög
o.fl.
Upphafið og saga
góðs tækjakosts
Í ræðu Einars Brynjólfssonar,
formanns sveitarinnar, kom fram
að hún hefði í fyrstunni heitið Flug-
björgunarsveit Rangæinga og hefði
verið stofnuð í kjölfar stofnunar
sams konar sveitar í Reykjavík
skömmu eftir Geysisslysið á Vatna-
jökli 1950. Árið 1969 var nafninu
breytt í það sem nú er. Fyrsti for-
maður sveitarinnar var Magnús
Sigurlásson.
Einar sagði að vegna þess hversu
tækjakostur var fábrotinn fyrstu
árin réðust menn í það 1973 að
stofna til fjáraflana og má þar
nefna flugdag sem haldinn var í
samráði við flugmálastjórn,
merkjasölu, flugeldasölu og tor-
færukeppni en sveitin var með
þeim fyrstu sem stóðu fyrir slíkri
keppni. Hefur hún verið haldin ár-
lega síðan nema síðastliðið sumar
að ekki varð úr. Fjár hefur einnig
verið aflað með ýmsu öðru móti
bæði með hjálp heimamanna og
eins hafa borist framlög úr spila-
kössum í eigu Landssamtakanna,
Rauða krossins og fleiri.
Í dag er tækjakostur sveitarinnar
með því besta sem gerist á landinu,
t.d. Land Cruiser, nefndur 70-bíll,
Ford Ecoline 11 manna, Unimog á
56 tomma hjólbörðum, góður fjalla-
og vatnabíll svo eitthvað sé nefnt
fyrir utan annan björgunarbúnað.
Formaður minntist einnig í ræðu
sinni nokkurra verkefna sem flug-
björgunarsveitin hefur tekið þátt í
og nefndi hann t.d. strand Vík-
artinds á Þykkvabæjarfjöru fyrir
nokkrum árum og Suðurlands-
skjálftana 17. og 21. júní á síðasta
ári en í hvoru tveggja gegndi sveit-
in mikilvægu hlutverki. Seinni árin
hafa helstu verkefnin verið leit að
fólki, oft í aftakaveðrum við slæmar
aðstæður á hálendinu.
Fyrir næstu áramót stefnir flug-
björgunarsveitin að því að gefa út
sérstakt rit í tilefni afmælisins.
Flugbjörgunarsveitin
á Hellu 50 ára
Morgunblaðið/Anna Ólafsdóttir
Stúlknakór Þykkvabæjar- og Oddakirkju söng nokkur lög.
Hella
Á LEIÐ sinni í Reykholt á degi ís-
lenskrar tungu kom Björn Bjarna-
son menntamálaráðherra við í
Andakílsskóla á Hvanneyri. Þar
fékk hann hlýjar móttökur. Nem-
endur höfðu skipað sérstaka mót-
tökunefnd, sem tók á móti ráð-
herra og fylgdi honum og föru-
neyti um skólastofurnar, þar sem
nemendur stunduðu nám sitt.
Nemendur sungu fyrir ráðherra,
lásu ljóð og kvæði og síðast en ekki
síst, þá fékk hann afhentar margar
myndir sem yngstu nemendur
höfðu teiknað og málað af honum.
Eftir stuttan en ánægjulegan
stans hélt ráðherra áfram að
Kleppjárnsreykjum, sem var síð-
asti áfangi áður en komið var í
Reykholt, þar sem móðurmáls-
verðlaunin voru afhent við hátíð-
lega athöfn í Reykholtskirkju.
Gáfu
mennta-
málaráð-
herra
myndir af
honum
Morgunblaðið/Davíð
Skorradalur
Guðbrandur Björgvinsson, framkvæmdastjóri beitukóngsvinnslunnar,
og Sigurður Þórarinsson, skipstjóri á Arnari SH, fyrir framan gildr-
urnar sem notaðar voru í sumar. Hver bátur notar fjölda gildra.
UM miðjan nóvember lauk beitu-
kóngsvertíðinni á Breiðafirði. Hún
hófst í byrjun júlí og stunduðu veið-
arnar 3 bátar, þeir sömu og í fyrra.
Vinnsla á beitukóngi fer fram í
Stykkishólmi hjá útgerð Arnars.
Bátarnir þrír hafa skipt með sér
veiðisvæðum á Breiðafirði og er það
gert til að forðast ofveiði. Alls bár-
ust á land á þessari vertíð 650 tonn
af kuðungi og er það um 200 tonn-
um minna en í fyrra.
Að sögn Guðbrandar Björgvins-
sonar hjá Útgerð Arnars er ekki
vitað hvað stofninn í Breiðafirði er
stór. Hann segir að litlar rann-
sóknir hafi farið fram á stærð
stofnsins og hefur hann lítið heyrt
frá Hafrannsóknarstofnun um þessi
mál. Reynslan eftir síðustu tvær
vertíðir sýni að stofninn er mjög
takmarkaður og að veiðisvæðin þola
ekki veiðar ár eftir ár.
Á svæðum sem gáfu góða veiði í
fyrra var mun minna að hafa í ár og
smærri kuðungur. Það virðist sem
gildrurnar lokki til sín megnið af
beitukónginum á viðkomandi svæði.
Svæðin þola ekki veiði þrjú ár í röð
og á næsta ári verður að leita nýrra
miða, ef vinnsla á að halda áfram.
Vinnsla beitukóngs hefur gengið
vel. Beitukóngurinn er lausfrystur
og Japanir kaupa bróðurpartinn af
framleiðslunni, en einnig er selt til
Belgíu. Afurðaverðin sem eru
greidd í dollurum hafa ekkert
hækkað á milli ára, en lækkun
krónunnar hefur hjálpað mikið og
leitt til þess að reksturinn á vertíð-
inni hefur staðið undir sér, að sögn
Guðbrandar.
Beitukóngs-
vertíð lokið
Morgunblaðið/Gunnlaugur Árnason
Stykkishólmur