Morgunblaðið - 21.11.2001, Blaðsíða 43

MORGUNBLAÐIÐ MIÐVIKUDAGUR 21. NÓVEMBER 2001 43
DAGBÓK
Árnað heilla STJÖRNUSPÁ
eft ir Frances Drake
SPORÐDREKI
Afmælisbarn dagsins:
Þú ert ákveðinn og lætur
engan vaða ofan í þig.
Aðeins meiri mýkt væri
stundum í góðu lagi.
Hrútur
(21. mars - 19. apríl)

Einhverjir eiga eftir að koma
þér á óvart annað hvort með
gjafmildi eða frekjugangi.
Hvort heldur er skaltu halda
ró þinni hvað sem það kostar.
Naut
(20. apríl - 20. maí) 
Vandaðu verk þín sérstaklega
í dag því þau ráða úrslitum
um framhaldið. Þú mátt ekki
láta augnabliks óaðgæzlu
stofna árangrinum í tvísýnu.
Tvíburar
(21. maí - 20. júní) 
Þú verður að bregðast við
óvæntum fréttum með still-
ingu og hugsa þitt mál vand-
lega áður en þú afræður til
hvaða aðgerða þú grípur.
Vertu ljúfur.
Krabbi
(21. júní - 22. júlí) 
Þótt hlutirnir gangi ekki fyrir
sig akkúrat eins og þú hefðir
helst viljað er engin ástæða til
að örvænta. Reyndu bara að
gera gott úr öllu saman.
Ljón
(23. júlí - 22. ágúst) 
Þótt það sé kostur að vera
sveigjanlegur máttu ekki vera
svo laus í rásinni að menn viti
ekki hvort þú ert að koma eða
fara. Taktu þig nú á!
Meyja
(23. ágúst - 22. sept.) 
Gættu þess að hlutirnir fari
ekki á slíka ferð í kring um
þig að þú hafir ekki stjórn á
neinu. Það er betra að fara
sér ögn hægar og komast í
mark.
Vog
(23. sept. - 22. okt.) 
Skyndiákvarðanir eru oft
slæmar og ástæðulaust með
öllu fyrir þig að grípa til
þeirra. Hugsaðu þinn gang og
leyfðu tímanum að vinna með
þér.
Sporðdreki
(23. okt. - 21. nóv.) 
Láttu ekki blekkjast af fag-
urgala þeirra sem vilja
pranga einhverju inn á þig.
Íhugaðu hvort þú þarft á hlut-
unum að halda og hefur efni á
þeim.
Bogmaður
(22. nóv. - 21. des.)
Einhver óróleiki svífur yfir
heimaslóðinni svo þú skalt
fara þér hægt og vera eins
þolinmóður og tillitssamur og
þú frekast getur verið.
Steingeit
(22. des. - 19. janúar)

Þótt þú hafir skipulagt daginn
vandlega geta alltaf komið
upp atvik sem þú þarft að
sinna fyrirvaralaust. Láttu
þau ekki eyðileggja allt.
Vatnsberi
(20. jan. - 18. febr.) 
Þótt þú heyrir eitthvað sem
þér fellur miður skaltu láta
það hafa sem minnst áhrif á
þig. Þetta tal segir mest um
þá sem það stunda.
Fiskar
(19. feb. - 20. mars) 
Kipptu þér ekkert upp við það
þótt einhverjar breytingar
verði á ferðum þínum í dag.
Galdurinn er að taka hlutun-
um með jafnaðargeði og
brosa.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
LJÓÐABROT
ASKURINN
Hríðar um gættir, hreysið skelfur,
hrikta bjálkar og dyr.
Skáldið í Bólu er skinið af hungri,
en skapið líkt og fyr,
og heldur en bugast, beygja kné
og bjóða dauðanum inn,
sker það máttuga meginstafi
og myndir – í askinn sinn.
Þungum sökum er bóndi borinn
og bannfærð skáldsins ljóð.
Í rökkrinu minna rauðar glæður
á rjúkandi sauðablóð.
Hann bítur á jaxlinn, bölvar í hljóði
og beitir oddinum fast.
Allt hans líf var storkandi stríð
við stormanna iðukast.
Davíð Stefánsson
1. Rf3 Rf6 2. c4 e6 3. Rc3 d5
4. d4 Be7 5. Bf4 O-O 6. e3 c5
7. dxc5 Bxc5 8. cxd5 Rxd5 9.
Rxd5 exd5 10. a3 Bd6 11.
Bxd6 Dxd6 12. Be2 Rc6 13.
O-O Bg4 14. h3 Bxf3 15. Bxf3
Hfd8 16. Db3 Re5 17. Be2 d4
18. exd4 Rc6 19. Dxb7 Hab8
20. Da6 Hb6 21. Da4 Rxd4
22. Hfe1 Hxb2 23. Bc4 h6 24.
He8+ Kh7 25. Bxf7 Df4 26.
Bg8+ Kg6 27. Da6+ Hd6
28. Df1 Hf6 29. Dd3+ Kh5
30. Bd5 Dxf2+ 31. Kh1 Hd2
32. De4 Df4 33. He1 Dxe4 34.
H8xe4 g5 35. He7 Kg6 36.
Hxa7 Re2 37. Be4+ Kh5 38.
Kh2 Rd4 39. Kg3 Re2+ 40.
Kh2 Rd4 41. Hd7 g4
Staðan kom upp í Evrópu-
keppni landsliða sem lauk
fyrir stuttu í Leon á Spáni.
Loek Van Wely (2714), sem
leiddi sveit Hollendinga til
sigurs á mótinu, hafði hvítt
gegn Christopher Lutz
(2614). 42. Kg3!! Re2+ Að
sjálfsögðu gekk 42... gxh3
ekki upp vegna 43. Hd5+.
43. Hxe2 Hxd7 44. Hc2! og
svartur gafst upp enda getur
hann ekki með góðu móti
komið í veg fyrir 45. Hc5+.
Lokastaða efstu liða í opnum
flokki varð þessi: 1. Holland
24½ vinning af 36 mögu-
legum. 2. Frakkland 23 v. 3.
Þýskaland 22 v. 4.–5. Eng-
land og Slóvenía 21½ v. 6.
Ísrael 20 ½ v. 7.–8. Spánn A
og Grikkland 20 v. Bestum
árangri á mótinu náði Joel
Lautier, en hann fékk 7½
vinning fyrir Frakkland á
fyrsta borði.
SKÁK
Umsjón Helgi Áss
Grétarsson
Hvítur á leik.
SPIL dagsins er þraut á
opnu borði. Samningurinn
er sex grönd í suður og út-
spil vesturs er smár tígull.
Norður
♠ G765
♥ 3
♦ K932
♣Á742
Vestur Austur
♠ D1098 ♠ 43
♥ 2 ♥ G987654
♦ D10874 ♦ 65
♣KG5 ♣108
Suður
♠ ÁK2
♥ ÁKD10
♦ ÁG
♣D963
Hvernig á að ná í tólf slagi
eins spilið liggur?
Byrjum á því að telja
örugga slagi: ÁK í spaða,
fjórir á hjarta með svíningu,
þrír á tígul eftir útspilið og
laufás. Samtals 10 slagir.
Augljóslega má búa til slag á
spaða með því að taka ÁK og
spila þeim þriðja. Upp úr því
gæti sprottið þvingun á
vestur í laufi og tígli. Eða
hvað? Skoðum það, stig af
stigi. Tígulgosi fær fyrsta
slag, svo er tígulás tekinn og
ÁK og þriðja spaðanum spil-
að. Vestur er inn á spaða-
drottningu. Laufi má hann
ekki spila, og ef hann sendir
blindan inn á spaða, verður
einfalt að þvinga hann í laufi
og tígli með því að taka fjóra
hjartaslagi. En vestur getur
gert slíka drauma að engu
með því að spila hjarta. Þá
vantar samgang.
Þessi leið gengur því ekki.
En hér er ábending: Slemm-
an vinnst ekki nema fyrsti
slagurinn sé tekinn á tígul-
kóng!
Einum tígulslag er sem
sagt fórnað fyrir innkom-
una. Sagnhafi spilar svo
laufi á níuna og gosa vest-
urs. Vestur spilar væntan-
lega tígli, sem sagnhafi á
heima og spilar laufdrottn-
ingu. Með þessu móti gefur
laufliturinn þrjá slagi og þá
eru heildarslagirnir orðnir
ellefu. Sá tólfti kemur svo í
rólegheitum með þvingun á
vestur í spaða og tígli, því nú
er samgangur í laufi til að
enda í borði þegar búið er að
taka hjartaslagina fjóra.
BRIDS
Umsjón Guðmundur Páll
Arnarson
90 ÁRA afmæli. Í dag,miðvikudaginn 21.
nóvember, er níræð frú Ás-
laug Thorlacius. Af þessu
tilefni mun Áslaug taka á
móti vinum og ættingjum
laugardaginn 24. nóvember í
Fólkvangi, Skipholti 50 a,
milli klukkan 17 og 20.
Ljósmynd/Jóh. Valg.
BRÚÐKAUP. Gefin voru
saman 7. júlí sl. í Stafafells-
kirkju af sr. Sigurði Kr. Sig-
urðssyni Anna Halldóra
Ragnarsdóttir og Þórður
Ólafsson.
Norðurmynd, Ásgrímur
BRÚÐKAUP. Gefin voru
saman í hjónaband í Glerár-
kirkju 20. október síðastlið-
inn af sr. Snorra Óskarssyni
brúðhjónin Jóheiður Pálm-
ey Halldórsdóttir og Theó-
dór Þorleifsson. Heimili
þeirra er í Keilusíðu 1d, Ak-
ureyri.
Mynd, Hafnarfirði
BRÚÐKAUP. Gefin voru
saman 8. september sl. í Frí-
kirkjunni Kefas af móður
brúðarinnar, Helgu R. Ár-
mannsdóttur, Björg Ragn-
heiður Pálsdóttir og Benja-
mín Ingi Böðvarsson.
Heimili þeirra er í Kópa-
vogi.
Í skammdeginu
Úrval af vönduðum
vetrarfatnaði

Prjón

Tweed

Skinn
Gjafakort
kvenfataverslun
Skólavörðustíg 14
FRÉTTIR
23. LANDSÞING Landssambands
sjálfstæðiskvenna samþykkti eftir-
farandi stjórnmálaályktun:
„23. landsþing Landssambands
sjálfstæðiskvenna fagnar árangurs-
ríkri ríkisstjórn undir forystu Sjálf-
stæðisflokksins og lýsir stuðningi við
framkomnar tillögur um breytingar
á skattalögum sem fela m.a. í sér af-
nám verðbólgureikningsskila og
verulega lækkun tekjuskattshlut-
falls fyrirtækja. Auk þess sem
rekstrargrundvöllur atvinnulífsins
styrkist munu þessar breytingar
auka samkeppnishæfni fyrirtækja.
Nauðsynlegt er, hins vegar, að vextir
lækki og verði sambærilegir við
vexti í helstu nágrannaríkjum Ís-
lands. Vaxtastig hér á landi er með
því hæsta sem gerist á Vesturlönd-
um og ljóst að svo háir vextir eru
íþyngjandi bæði fyrir atvinnurekst-
ur og heimilin í landinu.
Um leið og 23. landsþing Lands-
sambands sjálfstæðiskvenna harmar
þá voveiflegu atburði, sem áttu sér
stað í Bandaríkjunum hinn 11. sept-
ember sl., lýsir landsþingið fullum
stuðningi við aðgerðir sem miðast að
því að stöðva alþjóðlega hryðju-
verkastarfsemi. Jafnframt styður
landsþingið stefnu stjórnvalda að
taka virkan þátt í alþjóðlegu sam-
starfi gegn þessari vá sem ógnar
frelsi og lýðræði.
Baráttan fyrir jafnari stöðu
kynjanna hefur skilað miklum ár-
angri. Þó er enn víða pottur brotinn
svo sem dæmi um viðvarandi launa-
misrétti kynjanna sýna. 23. lands-
þing Landssambands sjálfstæðis-
kvenna áréttar enn og aftur
mikilvægi sjálfstæðs fæðingarorlofs-
réttar feðra sem er ein frumfor-
sendna þess að vinna megi bug á
launamisréttinu.“
Þing Landssambands sjálfstæðiskvenna
Nauðsynlegt
að vextir lækki
Ég hélt að þú vissir eitt-
hvað, hann kom bara inn
og fór beint í krókinn.
MORGUNBLAÐIÐ
birtir tilkynningar um
afmæli, brúðkaup, ætt-
armót og fleira lesend-
um sínum að kostnað-
arlausu. Tilkynningar
þurfa að berast með
tveggja daga fyrirvara
virka daga og þriggja
daga fyrirvara fyrir
sunnudagsblað. Sam-
þykki afmælisbarns
þarf að fylgja afmæl-
istilkynningum og/
eða nafn ábyrgðar-
manns og símanúmer.
Fólk getur hringt í
síma 569-1100, sent í
bréfsíma 569-1329,
eða sent á netfangið
ritstj @mbl.is.
Einnig er hægt að
skrifa:
Árnað heilla,
Morgunblaðinu,
Kringlunni 1, 103
Reykjavík
Ókeypis lögfræðiaðstoð
öll fimmtudagskvöld milli kl. 19.30 og 22.00 í síma 551 1012
Orator, félag laganema