Morgunblaðið - 21.11.2001, Blaðsíða 17

SUÐURNES
MORGUNBLAÐIÐ MIÐVIKUDAGUR 21. NÓVEMBER 2001 17
VIÐ ætlum að taka púlsinn á
starfinu. Sjá hver staðan er í dag,
hvort menn séu ánægðir með hana
eða hvort einhverju þurfi að
breyta,“ segir Stefán Bjarkason,
formaður undirbúningsnefndar
vegna ráðstefnu um æskulýðs- og
tómstundamál fyrir ungt fólk í
sveitarfélögum, sem haldin verður
í Reykjavík á morgun.
Ráðstefnan er haldin af mennta-
málaráðuneytinu, Sambandi ís-
lenskra sveitarfélaga og æskulýðs-
ráði ríkisins og er yfirskrift
hennar „Betra mannlíf – betri
byggð.“
Að sögn Stefáns Bjarkasonar er
þetta þriðja ráðstefnan sem æsku-
lýðsráð ríkisins heldur í samvinnu
við ýmsa aðila um æskulýðsmál.
Fyrst var haldið menntaþing þar
sem meðal annars var rætt um
möguleikana á námi hérlendis fyr-
ir það fólk sem hefur áhuga á að
starfa með ungu fólki. Þá var hald-
in ráðstefna þar sem lögð var
áhersla á að taka stöðuna hjá
frjálsum félagasamtökum.
„Nú fannst okkur tími til kom-
inn að sjá hver staðan væri í þess-
um málum hjá sveitarfélögunum,“
segir Stefán. Hann segir að áhersl-
an sé á það að fjalla um félags- og
tómstundastarf, annað en íþróttir.
Til undirbúnings ráðstefnunni
sendi Samband íslenskra sveitarfé-
laga spurningalista til æskulýðs-
og íþróttafulltrúa sveitarfélaganna
til þess reyna að sjá hvernig séð
væri fyrir þessum þætti starfsins
og hvernig fjárframlögin og vinnan
skiptust á milli íþrótta og annars
æskulýðsstarfs. Ætlunin er að
kynna niðurstöðurnar á þessum
fundi og segir Stefán spennandi að
sjá þær. „Þessi málaflokkur er all-
ur undir sama bókhaldslyklinum
og því ekki vitað nákvæmlega
hvernig fjárframlögin skiptast.
Menn hafa þó hugboð um að meg-
inhlutinn fari í íþróttamálin.“
Segir Stefán að mörg önnur fé-
lög vinni mikið og gott forvarn-
arstarf og nefnir skátahreyfinguna
í því sambandi. Hins vegar eigi
skátafélög af einhverjum ástæðum
erfiðara með að fá fjármagn en
íþróttafélögin. Nefnir hann sem
dæmi að fyrirtæki vilji gjarnan
tengja sig við íþróttafélög en ekki
skátafélög þótt þar sé unnið raun-
verulegt forvarnarstarf.
Ekki segist Stefán hafa endan-
legar skýringar á þessu en telur að
skipulag og félagsleg uppbygging
íþróttahreyfingarinnar eigi veru-
legan hlut að máli. Þau gætu bætt
úr þessu með stofnun Tómstunda-
bandalags Íslands. Stefán er
íþrótta- og tómstundafulltrúi
Reykjanesbæjar og segist hann
hafa hvatt til þess að félög og
klúbbar sem standa utan íþrótta-
hreyfingarinnar stofnuðu með sér
samtök, Tómstundabandalag
Reykjanesbæjar, til að vinna að
sínum málum með sama hætti og
íþróttafélögin gera með Íþrótta-
bandalagi Reykjanesbæjar.
Fulltrúi ÍRB ætti fulltrúa á fund-
um tómstunda- og íþróttaráðs bæj-
arins og hin félögin gætu með
þessum hætti komið sjónarmiðum
sínum að með sama hætti.
Spurður að því hvaða félög gætu
myndað slíkt Tómstundabandalag
nefnir Stefán ýmsa klúbba áhuga-
fólks um jaðaríþróttir, eins og
hjólabretti, pílukast, kajakróður og
sportköfun, auk skátafélaganna og
KFUM.
Þarf að breytast
Á ráðstefnunni verða flutt nokk-
ur stutt framsöguerindi um efni
fundarins og segir Stefán að þau
séu hugsuð sem innlegg í vinnu-
hópa sem síðan taka til starfa.
Bindur hann vonir við starfið í
hópunum. Einn hópurinn mun
fjalla um hlutverk sveitarfélaga í
félags- og tómstundastarfi ungs
fólks, annar um markaðssetningu
þess, sá þriðji um framtíðarsýn og
stefnumótun og fjórði hópurinn
mun fjalla um hlutverk frjálsra fé-
lagasamtaka.
Stefán getur þess varðandi starf
þriðja vinnuhópsins að æskulýðs-
og tómstundastarfið þurfi að taka
mið af hækkun sjálfræðisaldurs í
átján ár. Sveitarfélögin þurfi að
koma meira til móts við unglinga á
aldrinum 16 til 18 ára en þau hafi
almennt gert en vekur jafnframt
athygli á því að nokkur sveitar-
félög hafi unnið gott brautryðj-
endastarf á þessu sviði.
Fór sjálfur í námið
Þá segir hann að ætlunin sé að
kynna það nám sem fólk sem hefur
áhuga á að vinna þessum málum á
kost á hér á landi. Segir Stefán að
nám í tómstunda- og félagsmála-
fræði sem Kennaraháskóli Íslands
byrjaði með í haust sé merkasta
nýjungin á þessu sviði. Þetta er 45
eininga nám sem stundað er í fjar-
námi á tveimur árum. 25 nem-
endur stunda það nú, þar á meðal
Stefán og samstarfsmaður hans,
Ragnar Örn Pétursson, forvarnar-
og æskulýðsfulltrúi hjá Reykja-
nesbæ, og Ágústa Halldóra Gísla-
dóttir, æskulýðsfulltrúi í Grinda-
vík. „Ég hef verið að berjast fyrir
þessu í mörg ár og fannst það vera
siðferðileg skylda mín að taka þátt
í því þegar það loksins bauðst. Ég
er búinn að vera fimmtán ár í
þessu starfi, fyrst í Njarðvík og
síðan í Reykjanesbæ, og taldi mig
geta miðlað einhverju af minni
reynslu í þessu námi. Svo veitir
manni ekki af því að bæta við
kunnáttuna til þess að staðna ekki
í starfi,“ segir Stefán.
Hann segir að margir starfs-
menn sveitarfélaga muni taka þátt
í ráðstefnunni en tekur fram að
öllum sé heimilt að skrá sig og
segist hann til dæmis eiga von á
fulltrúum frjálsra félagasamtaka.
Ráðstefnan er eins og fyrr segir á
morgun. Hún er haldin í Borg-
artúni 6 í Reykjavík og hefst
klukkan 9.30.
Tilgangurinn að
átta sig á stöðunni
Morgunblaðið/Hilmar Bragi
Stefán Bjarkason er í námi í
tómstunda- og félagsmálafræði
við Kennaraháskólann.
Reykjanesbær
Stefán Bjarkason undirbýr ráðstefnu um félags-
og tómstundastarf fyrir ungt fólk í sveitarfélögum
UNGLINGAR í félagsmiðstöðinni
Fjörheimum í Reykjanesbæ starf-
rækja útvarpsstöð dagana 22. til 29.
nóvember næstkomandi. Fjörstöðin
er á tíðninni FM 99,4.
Starfsmenn Fjörheima og ung-
lingar hafa unnið að undirbúningi út-
varpsstöðvarinnar. Unglingarnir
sóttu námskeið í þáttagerð og eru nú
að búa til sína eigin útvarpsþætti
sem fluttir verða á Fjörstöðinni frá
klukkan 16 til 22 í útvarpsvikunni.
Umsjónarmenn stöðvarinnar eru
Marteinn Ingason, Nilsína L. Ein-
arsdóttir og Hafþór B. Birgisson.
Útvarpsvikunni lýkur síðan með
para- og vinaballi í Stapa 30. nóv-
ember.
Fjörstöðin útvarpar
Njarðvík
SKÓLA- og fræðsluráð Reykjanes-
bæjar hefur lagt til að komið verði á
aðgerðaáætlun um viðbrögð við ein-
elti í öllum leik- og grunnskólum
bæjarins. Einnig að komið verði upp
áfalla- og sorgarteymi í skólunum og
gerð áætlun um móttöku nýrra nem-
enda. Áætlað var að fjalla um tillög-
una á fundi bæjarstjórnar í gær-
kvöldi.
Björn Bjarnason, formaður skóla-
og fræðsluráðs, segir að ekkert sér-
stakt tilefni sé fyrir tillöguflutningn-
um. Einelti sé víða vandamál og ráð-
ið vilji fylgja eftir frumkvæði
menntamálaráðuneytisins í þessum
efnum. Í sumum skólunum sé ákveð-
ið starf í gangi en nauðsynlegt sé að
hafa það samræmt og virkt í öllum
skólunum. Allt skóla- og fræðsluráð
stóð að tillögugerðinni.
Eineltisáætlun og
eineltisteymi
Í tillögunni segir að í aðgerðaáætl-
un gegn einelti skuli felast skilgreind
eineltisáætlun sem starfsfólk og for-
eldrar þekki og vinni eftir og að
starfrækt sé eineltisteymi á fagleg-
um grunni þar sem hlutverk hvers
og eins sé skilgreint. Jafnframt er
lagt til að komið verði á fót áfalla- og
sorgarteymi og áætlun um móttöku
nýrra nemenda. Lagt er til að Skóla-
skrifstofa Reykjanesbæjar setji
fræðslu í umræddum þáttum í for-
gang á skólaárinu.
Í greinargerð með tillögunni kem-
ur fram að tilgangur hennar er að
gera skólana að betri vinnustað nem-
enda og starfsmanna, bæta líðan og
öryggi nemenda og möguleika þeirra
til að fræðast og þroskast í heil-
brigðu og gefandi umhverfi, draga
úr hættu á skólaleiða og áhrifum
röskunar á einstaklinga eða hópa og
stuðla að betra mannlífi í bæjar-
félaginu.
Móttökuskóli fyrir nýbúa
Tekið er sérstaklega á móttöku
nýbúa. Lagt er til í því efni að Skóla-
skrifstofa athugi, í samráði við skóla-
stjórnendur og bæjaryfirvöld, hvort
ástæða sé til að einhver einn skóli
bæjarins verði eins konar móttöku-
skóli fyrir börn sem koma frá öðrum
löndum. Hlutverk skólans væri að
taka við börnum sem ekki hafa nægi-
lega kunnáttu í íslensku til að stunda
nám í almennum bekkjum einvörð-
ungu. Miðað væri við að börnin væru
til dæmis eitt ár í slíkri kennslu en
færu eftir það í sinn hverfisskóla.
Fram kemur í greinargerð að með
þessu væri hægt að safna saman á
einn stað sérfræðiþekkingu um það
hvernig best væri að haga kennslu
og aðlögun nýbúabarna. Einnig
þekkingu á því hvernig taka skuli á
vandamálum sem mörg börn eigi við
að etja. Fram kemur að reynslan
annars staðar frá sýnir að mjög mik-
ilvægt er að börnin upplifi sig ekki
ein á báti heldur geti þau samsamað
sig öðrum í sömu sporum.
Vilja samræmda
eineltisáætlun skóla
Reykjanesbær