Morgunblaðið - 21.11.2001, Blaðsíða 19
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 21. NÓVEMBER 2001 19
ERLENT
OLÍAN sem fundist hefur við Fær-
eyjar liggur við endimörk fær-
eyskrar lögsögu, á svæði suðaustur
af Færeyjum og norður af Skot-
landi sem um árabil var bitbein
milli Færeyinga og Breta. Niður-
staða þeirrar deilu varð sú að svæð-
inu var skipt milli þjóðanna en nú
hefur semsé fundist olía innan fær-
eysku lögsögunnar.
Bæði færeysk yfirvöld og for-
ystumenn fyrirtækjanna, sem
stóðu að olíuboruninni, ráðlögðu
fólki að taka tíðindunum með ró
þegar greint var frá olíufundinum í
fyrrakvöld. Ljóst var þó að menn
eru vongóðir um að nýta megi lind-
irnar.
Nokkur fyrirtæki skipta borleyf-
inu á þessu tiltekna svæði með sér,
bandaríska fyrirtækið Amereda
Hess, danska félagið DONG og
færeyska fyrirtækið Atlantic
Petroleum. Breska fyrirtækið Brit-
ish Gas átti einnig aðild að sam-
starfinu en dró sig í hlé eftir að bor-
anir niður á 3.800 metra dýpi undir
hafsbotni höfðu ekki skilað árangri.
Amereda Hess, sem hefur for-
ystu í samstarfi fyrirtækjanna,
fékk hins vegar heimild til að fara
neðar og bar það árangur.
„Niðurstaðan sýnir að mat okkar
var rétt,“ sagði Søren Gath Han-
sen, sem er stjórnmaður í DONG.
„Við erum auðvitað stoltir af því og
ef við horfum á þetta út frá sjón-
arhorni DONG eingöngu – en við
höfum einnig leyfi til að bora í
bresku lögsögunni – þá er það afar
ánægjulegt að búið er að fá staðfest
að það má finna olíu og gas í fær-
eyskri lögsögu,“ sagði Hansen í
samtali við Jyllandsposten.
Olíusvæðið var lengi bit-
bein Færeyinga og Breta
5$ % $..%
"!
!"#
$% &
' % ()
!
"#
$
%
&
'
$
" (
$)*( "+',-./( "$
/(" $
1'... GEORGI Parvanov, fyrrverandi
kommúnisti, var kjörinn forseti
Búlgaríu í síðari umferð forseta-
kosninga í landinu á sunnudag. Sig-
ur Parvanovs kom mjög á óvart því
Petar Stoyanov, fráfarandi forseta,
var spáð öruggum sigri nokkrum
dögum fyrir kosningarnar.
Stuðningsmenn Stoyanovs í Sam-
einuðu lýðræðisöflunum biðu einn-
ig óvæntan ósigur fyrir nýstofn-
uðum flokki fyrrverandi konungs
Búlgaríu, Simeons II, í þingkosn-
ingum 17. júní. Simeon II, sem er
nú forsætisráðherra, studdi einnig
Stoyanov en þarf nú að vinna með
Parvanov, sem lofaði að leggja
meiri áherslu á að leysa félagsleg
vandamál landsins en inngöngu í
Evrópusambandið og Atlantshafs-
bandalagið.
„Parvanov varð forseti með at-
kvæðum þeirra sem gleymdust
þegar umbótum var komið í fram-
kvæmd: hinna fátæku, atvinnu-
lausu, minnihlutahópanna sem
hafa lengi myndað traustan meiri-
hluta,“ sagði búlgarska dagblaðið
24 Chasa.
Samkvæmt síðustu kjörtölum í
gær fékk Parvanov 52,5% at-
kvæðanna og Stoyanov 47,5%.
Parvanov fagnar hér úrslitunum
með stuðningsmönnum sínum í
miðborg Sofíu.
AP
Fyrrverandi
kommúnisti
kjörinn for-
seti Búlgaríu
HAGNAÐUR Sjóvár-Almennra
trygginga hf. á fyrstu níu mánuðum
ársins 2001 var 424 milljónir króna.
Hagnaðurinn á sama tíma á síðasta
ári var 269 milljónir. Aukningin milli
ára er því um 58%. Hagnaður af vá-
tryggingarekstri félagsins var 589
milljónir en í fyrra var hins vegar 637
milljóna króna tap af þessum rekstri.
Fjárfestingartekjur hækka um 69%
Bókfærð iðgjöld voru 6.294 millj-
ónir króna en eigin iðgjöld, að teknu
tilliti til breytinga á iðgjaldaskuld,
voru 4.476 milljónir. Bókfærð tjón
voru 3.515 milljónir en eigin tjón, að
teknu tilliti til breytinga á tjóna-
skuld, voru 4.086 milljónir, sem er
nokkuð lægri fjárhæð en á síðasta
ári, er eigin tjón voru 4.402 milljónir.
Fjárfestingatekjur yfirfærðar á
vátryggingarekstur voru 1.439 millj-
ónir og hækka um 69% frá fyrra ári.
Í tilkynningu félagsins segir að
ástæða þessarar hækkunar sé sú að
útreikningsreglur taki mið af auk-
inni verðbólgu. Tap af fjármála-
rekstri var 141 milljón. Á sama tíma
á síðasta ári var hagnaður af þessari
starfsemi hins vegar 1.010 milljónir.
Við útreikning skatta er tekið tillit
til áhrifa af lækkun skatthlutfalls á
skattskuldbindingu.
Viðunandi afkoma
Í tilkynningu frá Sjóvá-Almennum
segir að afkoma félagsins á fyrstu
níu mánuðum ársins sé viðunandi og
í samræmi við væntingar stjórnenda.
Ljóst sé að afkoma af vátrygginga-
rekstri, einkum ökutækjatrygging-
um, hafi breyst til batnaðar eftir
slæma afkomu undanfarinna ára. Á
fyrsta fjórðungi ársins hafi tjónum
fækkað nokkuð miðað við sama tíma-
bil ársins á undan, en eftir því sem
lengra líði á árið sé ljóst að fækkun
tjóna milli ára sé varla merkjanleg.
Of snemmt sé því að fullyrða hvort
viðunandi jafnvægi hafi skapast milli
iðgjalda og tjóna í ökutækjatrygg-
ingum en það sé meginforsenda fyrir
jákvæðri afkomu í vátrygginga-
rekstrinum.
Í júnímánuði síðastliðnum samdi
félagið um kaup á vátryggingastofni
Vélbátaábyrgðarfélagsins Gróttu og
í júlímánuði keypti félagið vátrygg-
ingastofn Bátatrygginga Breiða-
fjarðar. Stofnarnir voru yfirfærðir til
Sjóvár-Almennra 1. október síðast-
liðinn. Félagið hefur einnig keypt allt
hlutafé í Samábyrgðinni hf. og
hyggst sameina félagið Sjóvá-Al-
mennum í árslok. Í tilkynningunni
segir að þessi kaup séu þáttur í við-
leitni félagsins til að auka markaðs-
hlutdeild sína á sjótryggingamark-
aði. Yfirfærslurnar muni hafa
óveruleg áhrif á afkomu Sjóvár-Al-
mennra á árinu 2001.
Ekki lækkun ökutækjatrygginga
Fram kemur í tilkynningu Sjóvár-
Almennra að hækkun iðgjalda öku-
tækjatrygginga á árinu 2000 hafi
haft veruleg áhrif til batnaðar í vá-
tryggingarekstrinum enda þótt
áhrifin séu ekki að fullu komin fram.
„Óvíst er þó hvort tekist hafi að ná
því jafnvægi milli iðgjalda og tjóna í
ökutækjatryggingum sem nauðsyn-
legt er. Þá virðast áhrif síðustu
breytinga á skaðabótalögum, sem
stöðugt gætir meira í tjónauppgjör-
um, ætla að verða meiri en áætlað
var. Jafnvægi í vátryggingarekstrin-
um er því enn ekki tryggt og varla
tímabært að búast við almennri
lækkun iðgjalda ökutækjatrygginga
á næstunni. Ávöxtun fjármuna hefur
verið ásættanleg hjá félaginu það
sem af er árinu og ekki er talin
ástæða til að ætla að breyting verði á
því. Afkoma fyrstu níu mánaða árs-
ins treystir þá skoðun stjórnenda fé-
lagsins að afkoma ársins 2001 verði
betri en á árinu á undan,“ segir í til-
kynningu Sjóvár-Almennra trygg-
inga.
Hagnaður
jókst um 58%
ÓLAFUR B. Thors mun
að eigin ósk láta af störf-
um sem framkvæmda-
stjóri Sjóvár-Almennra
trygginga hf. þann 1.
mars 2002. Hann segir að
nærtækasta ástæðan fyrir
þessari ákvörðun sinni sé
sú að um það leyti verði
hann búinn að vera í
stjórnunarstöðu í vá-
tryggingarrekstri í 39 ár.
Honum finnist það nægjanlega
löng starfsævi á þeim vettvangi.
Á árinu 2002 verði hann jafn-
framt kominn á þann ald-
ur að ekki sé óeðlilegt að
maður í hans stöðu hætti.
„Ég er afskaplega
þakklátur fyrir að hafa
fengið tækifæri til að
starfa á þessum vettvangi
allan þennan tíma og fyr-
ir að hafa komið að stofn-
un þessa stóra og sterka
fyrirtækis sem Sjóvá-
Almennar tryggingar eru
í dag. Árin hjá fyrirtækinu hafa
verið einstaklega ánægjuleg,“
segir Ólafur B. Thors.
Ólafur
B. Thors
Ólafur B. Thors hættir
Tryggingafélagið Sjóvá-Almennar