Morgunblaðið - 21.11.2001, Blaðsíða 8

FRÉTTIR
8 MIÐVIKUDAGUR 21. NÓVEMBER 2001 MORGUNBLAÐIÐ
Málþing KRFÍ í Ráðhúsinu
Betur má ef
duga skal
KvenréttindafélagÍslands heldurmálþing í Tjarnar-
sal Ráðhúss Reykjavíkur
laugardaginn 24. nóvem-
ber. Yfirskrift málþingsins
er „Konur til áhrifa“. Þor-
björg I. Jónsdóttir formað-
ur KRFÍ varð fyrir svörum
er Morgunblaðið spurði
nánar um málþingið.
– Segðu okkur eitthvað
frá málþinginu, hvert er
þemað og hverjir tala?
„Málþingið er haldið til
að hvetja konur til þátt-
töku í sveitarstjórnarmál-
um, bæði með að gefa kost
á sér í framboð og með
þátttöku í nefndum og
stjórnum sveitarfélagsins
að öðru leyti. Heiti mál-
þingsins og meginefni þess
er „Konur til áhrifa“, KRFÍ vill
sem sé minna á að það er nauðsyn-
legt að gæta jafnréttis við röðun á
framboðslista flokkanna fyrir
sveitarstjórnarkosningarnar. Að
öðrum kosti verður ekki jafnrétti í
stjórnum sveitarfélaga.
Málþingið hefst klukkan 13 á
laugardaginn kemur í Ráðhúsi
Reykjavíkur og er Sigríður Lillý
Baldursdóttir fyrrverandi formað-
ur KRFÍ málþingsstjóri. Með er-
indi á þingingu verða Ingibjörg
Pálmadóttir fyrrverandi ráðherra
og alþingismaður, Þorgerður K.
Gunnarsdóttir alþingismaður,
Kristín Sigfúsdóttir bæjarstjórn-
arfulltrúi á Akureyri, Margrét
Sverrisdóttir framkvæmdastjóri
Frjálslynda flokksins, Steinunn V.
Óskarsdóttir borgarstjórnar-
fulltrúi í Reykjavík og Sigríður
Þorgeirsdóttir frá Háskóla Ís-
lands. Erindi þeirra fjalla m.a. um
reynslu kvenna af þátttöku í sveit-
arstjórnarmálum og stjórnmála-
þátttöku almennt, svo og jafnrétti
við opinbera stefnumótun og stöð-
una í dag varðandi jafnrétti
kynjanna við stjórnun ríkis og
sveitarfélaga.“
– Hefur orðið árangur í að auka
áhrif kvenna?
„Ef litið er til baka þá er ljóst að
árangur hefur orðið í því að auka
áhrif kvenna, en betur má ef duga
skal. Við þingkosningarnar 1999
urðu konur í fyrsta sinn um einn
þriðji af þingmönnum og var þeim
áfanga m.a. fagnað í tímariti
KRFÍ, 19. júní, það ár. Þá voru
konur í sveitarstjórnum á Íslandi
alls 213 eftir síðustu sveitarstjórn-
arkosningar sem er töluverður
fjöldi m.t.t. síðustu tvennra eða
þrennra kosninga þar á undan.
Engu að síður eru konur enn í
miklum minnihluta, bæði á þingi, í
sveitarstjórnum, ríkisstjórn og
æðstu embættum ríkisins þannig
að enn er langt í land til að jafn-
rétti náist í þessum efnum. Við í
KRFÍ höfum lagt áherslu á að nú
þurfi að gæta sérstaklega að því að
sofna ekki á verðinum eins og oft
er hætt við þegar ágætum áföng-
um er náð. Jafnréttisbaráttunni er
engan veginn lokið með því að
konur verði einn þriðji
þingmanna heldur þarf
að vinna áfram að því
að skapa það umhverfi í
íslenskum stjórnmál-
um sem gerir það jafn
sjálfsagt fyrir konur og karla að
gefa kost á sér til forystu og til að
vera kjörin til trúnaðarstarfa. Þar
fyrir utan þá er staðan á einka-
markaðnum síst betri. Fáar konur
leiða fyrirtæki hér á landi, þær eru
miklum mun færri í stjórnum fyr-
irtækja, banka og sparisjóða auk
þess sem þær eru sjaldan í hæstu
stjórnunarstöðum fyrirtækja, svo
sem í stöðu forstjóra, fjármála-
stjóra, starfsmannastjóra eða
markaðsstjóra. Á þessu sviði hefur
ekki orðið viðunandi árangur í að
auka áhrif kvenna, til dæmis síð-
asta áratug. Fyrirtæki mættu vel
setja sér þau markmið að fjölga
konum í stjórnunarstöðum, eins
og var gert með góðum árangri
hjá Eimskipafélaginu sem fékk
jafnréttisverðlaun það ár.“
– Er þetta harður slagur?
„Já.“
– Hvers vegna?
„Þar sem margir gefa kost á sér
og fáar stöður eru í boði, eins og
efstu sæti framboðslista fyrir
sveitarstjórnarkosningar, þá er
alltaf harður slagur. Konur sem
vilja gefa kost á sér í efstu sæti
eiga líka við það að etja að þessi
sæti voru aðeins skipuð körlum
fyrir ótrúlega stuttum tíma. Þann-
ig vantar vissa viðhorfsbreytingu í
stjórnmálin, að það þyki alveg
jafnsjálfsagt að kona gefi kost á
sér og karl og að áherslan verði
ekki á útlit og fjölskylduaðstæður
konunnar í framboðsslagnum. Hér
þurfum við fyrst og fremst við-
horfsbreytingu meðal kjósenda,
hún er það eina sem getur í raun
gefið okkur þann árangur sem
KRFÍ stefnir að í þessum málum.
Að fullu jafnrétti kynjanna á þessu
sviði sem öðrum.“
– Hvernig munuð þið vinna úr
því sem fram kemur á málþinginu?
„Það sem kemur fram á mál-
þinginu verður til úrvinnslu í mál-
efnavinnu innan KRFÍ
og verður m.a. birt á
heimasíðu félagsins,
www.krfi.is. Að ári mun
félagið leggja áherslu á
framboð til alþingis-
kosninga og reynslan af mál-
þinginu mun án efa nýtast í þeirri
vinnu.
Sem lið í því því að hvetja konur
til þátttöku í sveitarstjórnarmál-
um þá hefur KRFÍ sent öllum
konum sem sitja í sveitarstjórnum
bókina í Gegnum glerþakið, valda-
handbók fyrir konur, að gjöf,
ásamt boði um að taka þátt í mál-
þinginu.“
Þorbjörg I. Jónsdóttir
 Þorbjörg I. Jónsdóttir fæddist
30. janúar 1967 á Blönduósi.
Lauk embættisprófi í lögfræði
frá lagadeild HÍ 1993. Lauk við-
skipta- og rekstrarnámi frá End-
urmenntunarstofnun HÍ 2000.
Hlaut réttindi til málflutnings í
héraðsdómi 1994 og hefur rekið
eigin lögmannsstofu frá júní
1996, síðast Lagaþing sf. að Tún-
götu 14 í Reykjavík. Hlutastörf
eru framkvæmdastjóri Kvenna-
ráðgjafarinnar og formaður
KRFÍ. Sambýlismaður Þor-
bjargar er Ólafur Kristinsson
smiður og eiga þau dótturina
Kristínu Arndísi.
Enn er langt
í land til að
jafnrétti náist
Nei, nei, það er varla kóði hent, Árni minn, þetta eru bara einhverjir tittir sem Raxi á
Mogga er búinn að kenna að fljúga, góði.
ÓBYGGÐANEFND vinnur nú að
endurupptöku á málum vegna þjóð-
lendna í uppsveitum Árnessýslu sem
áður höfðu verið tekin til úrskurðar.
Að sögn Kristján Torfasonar, for-
manns óbyggðanefndar, eru endur-
upptökurnar ætlaðar til að fullnægja
upplýsinga- og andmælarétti máls-
aðila og gefa þeim færi á að fjalla um
þau gögn sem óbyggðanefnd hefur
aflað eftir málflutning um það svæði
sem nú er til umfjöllunar hjá nefnd-
inni. Auk þess er gefinn kostur á að
svara nokkrum spurningum sem
nefndin hefur beint til þeirra af því
tilefni.
Stefnt er að því að síðasta málið
verði endurupptekið 30. nóvember
nk. en þriðja málið var endurupptek-
ið í síðustu viku og eftir helgina
verða síðan tvö mál endurupptekin.
Það fer síðan eftir því hvernig vinna
við endurupptökur gengur hvenær
hægt verður að tilkynna um upp-
kvaðningu úrskurða í Árnessýslu, að
sögn Kristjáns.
Þjóðlendur í Árnessýslu
Mál endurupptekin
TVEIR fimmtán ára piltar hafa við
yfirheyrslur hjá lögreglunni í
Reykjavík viðurkennt innbrot í
nokkra bíla í vesturborginni. Lagt
var hald á þýfi úr innbrotunum.
Annar piltanna var handtekinn á
sunnudagskvöldið og var yfir-
heyrður daginn eftir ásamt félaga
sínum. Piltarnir höfðu ekki áður
komið við sögu lögreglunnar í
Reykjavík.
Piltar viður-
kenna inn-
brot í bíla