Morgunblaðið - 21.11.2001, Blaðsíða 11
FRÉTTIR
MORGUNBLAÐIÐ MIÐVIKUDAGUR 21. NÓVEMBER 2001 11
JEPPI og fólksbifreið eru ónýt eftir
harðan árekstur á Vesturlandsvegi
sunnan við Bifröst í gærmorgun.
Þrennt var í bílunum og voru þau
flutt á heilsugæsluna í Borgarnesi.
Að sögn lögreglunnar í Borgar-
nesi var mikil hálka á veginum.
Ökumaður fólksbílsins missti stjórn
á honum með þeim afleiðingum að
hann snerist á veginum, rann yfir á
rangan vegarhelming og lenti fram-
an á jeppanum. Bílarnir höfnuðu
báðir utan vegar, sitt hvorum meg-
in.
Skullu saman á
Vesturlandsvegi
HÉRAÐSDÓMUR Vestfjarða hef-
ur dæmt rúmlegan tvítugan mann
í 45 daga skilorðsbundið fangelsi
fyrir að hafa slegið lögreglumann
með krepptum hnefa í andlitið þar
sem hann var að skyldustörfum í
anddyri lögreglustöðvarinnar á
Ísafirði.
Lögreglumaðurinn hlaut mar og
bólgu fyrir neðan vinstra auga og
á vinstra kinnbeini.
Maðurinn játaði sök. Á árunum
1997 til 1998 hlaut hann þrjá skil-
orðsbundna dóma fyrir brot gegn
umferðarlögum og almennum
hegningarlögum. Síðast var hann
dæmdur í sjö mánaða fangelsi,
skilorðsbundið í þrjú ár, þann 17.
maí 1998.
Auk refsingarinnar, sem fellur
niður eftir þrjú ár haldi maðurinn
almenn skilorð, var maðurinn
dæmdur til að greiða lögreglu-
manninum 30.000 krónur í bætur
auk alls sakarkostnaðar.
Dæmdur fyr-
ir að slá lög-
reglumann
KÓLNAÐ hefur í Þingeyjarsýslu
að undanförnu eftir veðragott
haust, en búfénaður var lengur úti
en oft áður. T.d. voru kýr víða úti
fram yfir 20. október sem er ekki
algengt og geldneyti voru úti fram
undir síðustu mánaðamót.
Margir eru farnir að taka sauðfé
sitt á hús auk þess sem nokkrir
hafa lokið haustrúningi og eru því
með allt fé inni.
Vetrarbeit er víðast hvar aflögð í
héraðinu og eru kindur jafnan ekki
settar út nema til þess að viðra sig
á góðum dögum. Því er það að fjár-
hús á svæðinu eru jafnan vönduð,
einangruð og með loftræstikerfi
enda innistaðan oft og tíðum löng.
Kristín Margrét Jónsdóttir í
Lyngbrekku, Reykjadal, er farin
að huga að ánum enda eru þær
farnar að leita heim að húsum til
þess að fá heytuggu eða ef til vill
nokkrar fóðurköggla sem gaukað
er að þeim.
Búast má við að þær verði fúsar
að koma inn enda vanar góðu at-
læti hjá húsbændum sínum.
Morgunblaðið/Atli Vigfússon
Ærnar kunna vel að meta góða heytuggu þegar beitin rýrnar.
Sauðfé
tekið á hús
Laxamýri. Morgunblaðið.
♦ ♦ ♦
TILLÖGU Ólafs F. Magnússonar
borgarfulltrúa um endurskoðun á
deiliskipulagi suðausturhluta
Grjótaþorps með sérstöku tilliti til
einstæðra fornminja á horni Að-
alstrætis og Túngötu var á fundi
borgarstjórnar á fimmtudagskvöld
vísað til skipulags- og bygginga-
nefndar með fjórtán samhljóða at-
kvæðum.
Ólafur sat hjá við atkvæða-
greiðslu um tillöguna og lét bóka
að með því að vísa tillögunni til
nefndar væri verið að drepa mál-
inu á dreif. Þar með væri verið að
bjóða þeirri hættu heim að forn-
minjunum verði ekki tryggð sú
„umgjörð sem hæfir þessari þjóð-
argersemi,“ eins og það er orðið í
bókuninni. „Það verður [heldur
]ekki gert með því að koma land-
námsbæ Reykjavíkur fyrir í hót-
elkjallara í eign einkaaðila,“ segir
ennfremur í tillögunni.
Stuðningur við tillöguna
Í yfirlýsingu frá Hollvinum Ing-
ólfsbæjar er eindregnum stuðningi
lýst yfir við umrædda tillögu Ólafs
F. Magnússonar borgarfulltrúa.
„Við teljum að endurskoða verði
hugmyndir um framkvæmdir á
reitnum eftir fund landnámsskál-
ans sem í ljós kom við fornleifa-
gröft fyrr á árinu og ætla má að
verið hafi bústaður fyrstu land-
námsmanna Íslands. Þessar forn-
minjar hafa ekki einungis tákn-
rænt og sögulegt gildi fyrir
íslenska þjóð og sögu Reykjavíkur,
heldur hafa þær mikið menning-
argildi á heimsvísu. Við vekjum at-
hygli borgarstjórnar á skoðana-
könnun sem bendir til að mikill
meirihluti þjóðarinnar aðhyllist
verndarsjónarmið í þessu máli, en
fáir eða engir aðrir en beinir hags-
munaaðilar hafa á opinberum vett-
vangi mælt því bót að láta hótel
sitja í fyrirúmi fyrir söguskálanum
og gera hann að hornkerlingu í
kjallara þess.“ Skora þeir á borg-
arstjóra að samþykkja tillögu
Ólafs.
Tillaga Ólafs til nefndar